✿... اللمة الثانية لبنات ليبيا الحرة ...✿

توا الساعه 11 ونص يعني روز جتها الكوافيره من نص ساعه

ربي يتمم عليها بخييير ياااارب

اميره شكرا عالرد ياعسوووله

باقي البنات كيف حالكم والعزابيات عقبالكم والمجوزات ربي يهنيكم

والامهات عقبال اولادكم

يا وخيتي محلاني يا قهيوة !! وانتي شنو صاير ف تجهيزات السفر ؟؟؟
يارب يهنيك حتي انتي .. وينجح الي ف بالي ... ويصبرك ويهنيك ف رحلتك الجديدة للمسؤلية الا محدودة ..

اهلين قهوة شني اخبارك؟ قربت سفرتك ان شاء الله توصلي بسلامة الله وحفظه


روز اييييه توا عاد لاهيه اليوم يومها ربي يهنيها ويرزقها بالايام الطيبه

هيا ميلا انشطي حتي انتي باش نقعدو نقولو توا ملوكه في المزين ربي يكمل عليها فرحتها :)

ربي يهنيها يارب !! وتطلع احلي عروسة ...
ليبية ربي يسمع منك بأذن الله !! انتي ادعيلي بس

نرجس ... امس خشيت مرور الكرام وشوفت بنيتك !! ماشاء الله تبارك الرحمن .. تعرفي تتاكل مأكلة .. متتخليليش ماشاء الله عليها قداش امووووووووورة !!! شنو اسمها ؟؟

الانسة صفاء شكلك جديدة ؟؟ مرحبتين بيك عرفينا عليك ؟!
والزوز المخافي ... بانو وعليكم الامان

Mella2;15664689:
نرجس ... امس خشيت مرور الكرام وشوفت بنيتك !! ماشاء الله تبارك الرحمن .. تعرفي تتاكل مأكلة .. متتخليليش ماشاء الله عليها قداش امووووووووورة !!! شنو اسمها ؟؟

الانسة صفاء شكلك جديدة ؟؟ مرحبتين بيك عرفينا عليك ؟!
والزوز المخافي ... بانو وعليكم الامان

الله يسلمك يا ميلا و ربي يرزقك البنات و الاولاد
اسمها جود

[/B]

حاجة تانية يا بنات
توا هي لما كانت نافس و الله ام راجلها اطيبلها في الغداء و البرودو
مع انه رمضان و تعرفوا لما تحمدلها ام زوجها ما تعدل عليها و ما تباش تاخد منها \
تي معقولة توا
و بعدين المعاونة في الحوش ما فيها شئ
لانه المرا هدي ما عندش بنات في الحوش كلهن متزوجات وحدة صغيرة وبس و حتي هي فرحها توا
و المرا مريضة يعني عليش بتبد لتبد
و مع هدا و الله الي اطيب منه تبعتلهم منه
الله المستعان و خلاص
الله يكسر بفرحتها
كيف ما كسرت بفرحة المرا اهيا و نكدت علي ولدها
و ما شاف معاها يوم حلو
لا واخرتها قالت لراجلها انا ما نبيكش اتدخل في تربية ولدي
الراجل اهوا الي انتي ما تبيشي يدخل في تربية ولدك
يا ريت اطقي في تربيته
سامحوني بنات بس و الله متاثرة من الموضوع

كلمتني توا اخته و قالتلي بنكلمها انقوللها ليش هكي
يعني بعد انتي مستبيعه خلاص في النهاية الراجل ما يرضش ع روحه وحدة ديما اتهدد فيه بالطلاق
انا قلتلها ما تدخليش بس هيا وجعتها امها و خوها
الله المستعان ع هكي صبايا

وعليكم السلام و رحمة الله
زهروتا كيف حالك؟؟؟؟؟؟؟؟؟

Mella2;15664678:
ربي يهنيها يارب !! وتطلع احلي عروسة ...
ليبية ربي يسمع منك بأذن الله !! انتي ادعيلي بس

ان شاء الله ياملوكه ربي يفرحك ويعجل بزواجك ويرزقك باحلي ميلا

بنت اروجكم عيد زواجي مزال عليه3ايام نبي فكرة حلوة نفاجئ^o) بيها راجلي وهدا اول عيد زواج قولولي شن اندير بليييييييز

نرجس الشرق;15664715:

يا بنات شن قولكن في المراء الي ما تحترمش ام زوجها و ديما تهدد في زوجها بالطلاق
انا في نظري مهما ادير فيك ام زوجك اتحملي عشان خاطر زوجك
بس الوحدة ما تجيبش سيرة الطلاق لو هي شاريه زوجها
ردن عليا يا بنات لانه الموضوع هضا قريب مني بكل لحد عزيز عليا والله شايله همه
انا نعرف وحدات يضربون فيهن عماتهن و خوات ازواجهن حتي الضرب بس الامور تمشي وتشري حوشها
بس وحده مريحينها و حتي لما تجي لاهل زوجها تاخذ في دار لها بروحها ترقد فيها هي و راجلها و ولدها
ممكن ام زوجها عصبية بس عصبيتها مش عليها هي بس حتي مع بناتها يعني مفروض خدت ع الوضع
و بعد ما يقولوا لام البنت اهيا بنتك دارت تاخد التلفون و تكلم ابو زوجها و تحرش و تقوله بالفم المليان
[B]

كان ع الطلاق انا نطلق و ما نبي منكم شي

معقولة توا وين الحتشام
بالله تعليقكم

[/B]

لاحول ولاقوة الا بالله

اللهم انا نعود بك من شرور أنفسنا وسيئاات اعمالنا

بجد أنا نمرض هلبا من النماذج هادي وللأسف موجودات بشكل واضح في العالم كله

مع اننا حني سمعنا القصه من طرف واحد بس لما الامر يتعلق بأم الزوج واهانتها فأعتقد مش مهم اي كلام ثاني

لأنه الزوجه لو كانت تحب راجلها عمرها ماتزعل امه لأنها جنته وناره ولااعتقد اي زوجه محبة لزوجها تبيه يخش للنار

الطلاق بحد داته مش امر غير وارد بالرغم من انه ابغض الحلال عند الله ، ولكن ربي جعله لما تستحيل العيشه
بين الزوجبن فبدل انهم مايهينو بعض يفترقو بالمعروف

وفي هالقصه اعتقد الموضوع بيد زوج ويفترض انهم اخواته مايدخلوش
وهوا يقعمز مع مرته ويوضحلها امي مره طيبه بس عصبيه شوي اتحملي علي خاطري وحاولي المواضيع يلي اثير الاحتكاك بينكم تتجنبي فتحها وفي النهايه هادي امي اتحملتني ياما في صغري فمش معقوله حنعصيهر ونهينها فكبري ( وما جزاء الاحسان الا الاحسان ) فكيف لما تكون امك مش حد غريب
ويوضحلها انه كرامتها محفوظه وهوا شايف وعارف وبارك الله فيك .... الخ ( يجبر حتي بخاطر مرته يشد العصا بالنص ) بس يامرتي غلط انك درتي كدا وكدا وبهدوء

لو هالزوجه ماحسنتش تعاملها مع والدته اعتقد انه لازم يتكلم مع والدها او خوها الكبير مش مع امها
ولو برضو ماتحسنتش اعتقد المفروض تطلق باش اتوب وتعرف الموضوع جديات مش جو تهديد تقول فيه باش زعميتك هاني مش خايفه

وصراحه لو انا في مكان هالزوجه وطحت في عزوزه فرضاااا حرفه صرفه وحاولت نحببها فيا بكل تلطرق وفشلت حنخلي روحي علي غير طريق مانحتكش بيها في الحاجات يلي نعرفها تستفزها ( مس نقطعها لا عادي نزورها)

لهذا هالقصه بيت القصيد فيها الزوووووج
ربي يهدي الزوجه ويحنن قلب عزوزتها عليها