✿... اللمة الثانية لبنات ليبيا الحرة ...✿

بنات نبي نقررم شوي علي جارتي :01:اول التوره كانت في المانيا

ولما جت من كم شهر هكي تعرفوا مش متابعه للتوره بكل بكل مش كيفي انا الي مدمنه اخبار وفيس

انا نعرف اخبار البلاد اكتر من الي فيها

من قبل ماتبدا التوره وانا نتابع ان بيديروا توره وهكي ومن اول يوم وانا متاتره بالي صار ندكر قداش مرضت من قصه المرتزززقه
واصحاب القبعات الصفر ... يوم حطاب سيف انصدمت ,, عاودت الخطاب ميه مره يوم خطاب زنقه زنقه كنت في مضاهره والله نهتفوا ونبكوا من الدم الي سال

دعاء ,, صيام كل خميس بنيه الفرج ,, ايام الدق في بنغازي مانرقد ليل ولا نهار نبكي

ايام الدق في طرابلس الظغط نزززل ومرضت ,, اهملت حوووشي وولادي وانا عالنشره بس وندعي

ومع التوار قلبا وقالبا ,, انهرت يوم انفجار معسكر الرجمه ,, متت موووت يوم طلعت ايمان العبيدي , قريب متت يوم جنازه علي الجابر ..

انجنيت من الطحالب ,,, ومش عشان هلي هلي في سبها وسبها ماكان فيها شي بالعكس تاترت بناس مانعرفهم

لاب توبي معبي صور الشهداء ,, لدرجه راجلي عاركني قالي نقصي وانسي شووويه التفتي لحياتك ولصغارك

مانرقد في الليل تلقوني تحت الورغان فاتحه الاي فون ونتفرج علي احوال البلاد

يوم اتحررر بلاد ندير عيييد يوم تحتلها الكتايب ندير عزاء ,, قريب متت من احدات مصراته والزاويه

يعني قلبا وقالبا عشت ايام التوره

لما جارتي رجعت من السفر نبدا نحكيلها علي ناس واشخاص مهمين تقولي مانعرفهم ومانتابع في الاخبار

نقوولها البلاد الفلانيه تحررت نحسها مش مهتمه بكل

من الاخير قاتلي راني مانتابع في شي

عايشه حياتها عادي وخلاااااص

مش مهتمه بكل بكل

تخيلوا يوم تحررت طرابلس نقوللها التوار مسكوا هاله المصراتي قالتي من هي هاله وشن كانت ادير ؟

مره نحكوا قالتي بنسالك شن قصه ايمان العبيدي سمعت نساوين يتكلموا عنها هي مديعه والا شنو ؟

يعني بكل بكل مش معدله تتصل بهلها وتطمن عليهم وبسس لا تحضر في يوتيوب ولا تخش فيس ولا شي

مش مطلعه القنوات متاع ليبيا الاحرار وهدين لين راجلها بعد قداش طلعهن وماتحضر فيهن

يوم تحررت طرابلس كانت معايا وكلمها خوها من تونس قاللها التوار قدام بيت هلك والضرب غادي خافت وقعدت تبكي وكلمت امها

خوها دكتور قاتلها امها خوك مع التوار بيش يعالجهم كان صار شي

هداك الوقت تحمست وبدت اتابع في الاخبار وهدا وين فهمت كلمت طحالب كنت نقوللها فلان طحلب ماتفهم

هي هلها في طرابلس لكن بيت جدها في سرت وبيت شيابينها

ومن هداك اليوم متاع تحرير طرابلس بدت اتابع في اخبار التوره وقاتلي كيف نفتح حساب في الفيس؟ وريتها كيف

وعطيتها اسامي الصفحات متاع الاخبار ,,

المهم الخلاصه انا الدكتوره قاستلي الضغط وقتلها لما نشوف النشره راسي يوجعني وحكيتها الاعراض .. قاتلي الدكتوره نقصي من الاخبار

الحق من لما تطمنت وطرابلس تحررت وسبها وشن زاد غير سرت وبني وليد هدين تحصيل حاصل خلاص تحررنا

قلت خلاص معاش نبي نشوف نشره زي قبل ادمان يعني ,,, معاش بنقعد كل الوقت عالاخبار والمرض الزايد

نبي انقص لاني ورايا سفره وترتيبات نبي نلها بروحي وهالايام نقرا في كتاب نبي نكمله

ياستي بعد هالمقدمه بنقوللكم شن صار

هداك اليوم تلاقيت انا وياها قاتلي شفتي تقرير الجزيره علي سرت ؟ هدا قدام حوش جدي ,, قتلها لا معاش نشوف في النشره راني

قاتلي اصلا هده اناينيه اللليبين الي يطمن عالمنطقه متاعه معاش يعدل علي باقي المناطق :-o

صدمتني ,, تي انا لمابديت نتابع في التوره كانت سبها نايمه في العسل مش حكايه منطقتي ولا شي هي ليبيا ليبيا مش سبها وسرت

وزميته ,,, غبنتني ,,, انت امتا بديتي اتابعي غير لما طقت في هلك وبيت جدك وجايه اتفلسفي عليا

انا زمان نحكيلها تقولي غير فكيني انا عندي حتا معمر عادي غير مايصير شي لهلي

واااااااااااااك ياناس حسيتها اهانه في وطنيتي

سوري كترت عليكم بس جديات غبنتني

قتلها خلاص انا بنسافر وولدي مريض وفي بالي ميه هم مش ناقصه غير نشوف بيت جدك :lol:والله من قهرتي

وفيه موقف تاني غبني توا نقوله ليكم غير توا اقروا الاول وعطوني رايكم :badly:

اه ياربي انا مريضة حسيته كتيبة طويلة لين نحولت معبرة ع مشاعرك ربي يحفظك

شنو اخبار وليدك ان شاء الله بخير ,,, عارفة في انواع من الناس هكي واااااجد بكل

يحسسوك انك انتي مادرتي شيء وهو الي صقع شطورين وفاهمين ومتبعين

والله شنو نبي نقولك كل واحد وكيف يفكر هيا الي ماعندهيش وطنية وهيا الي انانية

مافكرتيش في ليبيا الا لما وصلت في هلها ياربي ربي يهدي نفوس وخلاص شنو تبي تديري الله غالب

طولت عليكم بالكلام عارفه روحي سوري

قناعتي انا قلت ممكن هي حاسه بروحها هكي ف رمت بلاها عليا والاشنوو ؟ معرفتش

المهم وجعتني وخلاص .

حي راكي تكوني زعلتي اني قتلك طويل ردك لا والله راهو مانقصد حاجة عادي

بالعكس لما تحكي وتكتبي وتفشي تتريحي واجد لا هيا حاجة تقهر وتوجع

متاع حست روحها عايشة الدور وهي الي فاهمة والله ماتهتمي بيها ولا تعدلي ع

كلامها خليك في سفرتك وجو عويلتك وراجل وماتهتميش بيها وان شاء الله تمشي وتغيري جو

أسآمح كثيراً .. كثيرا ..
لكن !
أثِـق مَــرّھ ( وآحده ) فَـقَـطْ ~

لا مازعلت ههه حتا انا لما يكون كلام واجد مانقراه :-#

ههههههههههههههه لا والله انا قريته وكله

ماهو قتلك مريضة انا فانحولت في كلام فعادي

في امان الله توه دعواتك ياسموحات ربي يسر اموري

قهيوه مايوجعك غالي
النوعيه هادي نوعية جارتك كترت في البلاد بشكل رهيب وردها يدل على نقص في داخلها ويدل أنها واصلها احساس بوطنيتك وانك تابعتي وهيا جت في الفضله في نهاية القصه
من رأي النوعيه هادي خلطتها تجيب التعب وتفكيرهم وتصرفاتهم جهل خاااااااااااالص
يعني حبيبتي ربي يعطيك علي قصاد نيتك وبنقولك ياجبل مايهزك ريح

توه أنا عاد بنغيرلك جوك
ونبيك أنتي والحبايب باقي وخياتي تقولولي شنو نحط في شنطة المستشفى متاع الولاده
وشنو اهم تجهيزات البيبي الضروريه الي تنصحوني نشريها

السلام عليكم

السلام عليكم
الف مبرووووووك روز وان شاء الله تتهني
كيف حالكم بنات

وعليكم السلام عروس البحر شني اخبارك

اهلين راجحيه كيف حالك انتي

وعليكم السلام ياحلوين

قهوه ..القصه ممتعه ...لكن جارتك مش عاديه هي ومقالبها اللي تدير فيهم ..الكلام اللي قالته ليك هدا تصرفها هي من الاول ..طنشي طنشي قولي رأيك ولايهمك فيها

ازيك ياهنوو شن قررتي اما عياده بتمشي تجيبي فيها ان شاءالله

نجيها هنوووو الحلوه يارب

شنطه المستشفي ساهله بكل

حطي قفطان ليك وملابس داخليه

مزيل عرق وفرشه اسنان

منشف مرات تديري دوش وصابونه

صابونه وديتول ... مرات تستعملي الحمام اكرمك الله متاع المستشفي اختي ديما ترفع معاها في ديتول وكلينكنس تمسح بيه قبل استعمال التويلت

انا لما جبت في ليبيا رفعت معاي ترمس فيه ميه ساخنه وحكه حليب وسكر درت حليب ساخن اول ماجبت خخخ نصائح امي

هدا بالنسبه ليك

للبيبي

عفريته وشمالات حشاك وكنتيره

ساد انت بتجيبي وبتطلعي يعني ماتكتري

انا لما جبت في الخارج رفعت شنطه سفر معبيه لاني قعدت اسبوع في المستشفي

بس في ليبيا تطلعي في نفس اليوم يعني ماتكتري

عروس البحر فيه موقف تاني داراته ليا غبنتنيييييييييييييييييييييييي

نقوله والا راسكم وجعكم ؟

قولي قولي ربي يعينك عليها ههه