✿... اللمة الثانية لبنات ليبيا الحرة ...✿

صوته كل ناس وعوايدهم
وانتي امشي على عوايد اهل العريس
صح ماما تعند وتقول في حوشي ندير عاداتي اني وبس
لكن مدام هما العروسة تقعد مقعمزة وتسلم وهيا مكشوفة معليشي سياريهم في عاداتهم
مش تكسبي محبتهم وودهم
جيرانا من هون في يوم القفة العروسة تلبس عربي وذهب وتمكيج كامل وتقعمز في كوشة وسط الخيمة وجنبها كل صاحباتها
سبحان الله احني لو وحدة حطت احمر خدود يوم حنتها او قفتها يقتلوها ههههه

ان شاء الله بالصحة على وخيتك
نبو تعويض قوي في الشباب
ربي يحقن دمائهم ويهني بلادنا

صوته ليا مخطوبة سنة
بس الحق هو يتحشم هلبة وصعب نبعث ليه كلام قوي هكي
في توة كلام حطيتيه يهببببببببببببببل مش عادي بكل
تمنيت ناخذه
بس على فكرة اني نكتب في كل شئ نقول اكيد بعد ما نتزوج نبعثه ليه وهو في الشغل
يعني جو حركاااااااااات ههههههههه

صوته الاحسن تسالو الكبير فيهم
مدام بيجو وبيجبو قفة لازم تسالو الكبير فيهم
وديرو زي ما يديرو
ومرات الكبير فيهم مثلا حناه او امه تقول ليكم عادي ديرو سباركم وافرحو ببنتكم
اني خطيبي من الزاوية
امميته قالت ديرو سباركم ولما الكنة توصلنا نديرو سبارنا في حوشنا
يعني متاع ما يبوش يفسدو علينا شئ
بس الحق بابا حكم عليهم ما يجبوش قفة ابدا
قال ليهم هذا حرام ورياء للناس
لو خاطركم بتشرو حاجة لنتي حطوها في دولابها والناس تشوفها لابستها بعدين
بس قصة قفة وسوابيت وناس تتفرج هذا كله فخر ورياء وحرام في حرام
ولهذا اني تفكيت من دوة التقاليد والسبار كلها
بندير حنة صغيرة ونلبس بودري وبعدين عماتي يسرروني وخلاص

صوته لا اني نحب الراجل الخجول
يعني صح خجول مع الناس
هو مش خجول مع الناس هو عملي ومحترم مش متاع يحط راسه في الارض وهكي
لا يتعامل مع البنات بقوة من غير ضحك او حشم
ومعاي اني يعامل فيا حلو على الاخر
يعني ااني شئ خاص عنده
بس طبعا بعيدا عن الغزل وكلام الحب وهالحركات كلها
وان شاء الله بعدين يقول اللي في خاطره كلها هههههههههه

ستار خيرك على عموشة

اكيد يا حبوبة قصدك واصل
ومش كل واحد يدير قفة معناها رياء
بس اكيد اني منقدرش نغير فكرة بابا
واني اصلا ما نحبش السوابيت وهكي
تعرفي في بياني نسحاب مش حيديرو سوابيت
لان جو احداث وازمة قلت اكيد مش حيهتمو
بس لقيتهم جايبيين سوابيت ومتكمين الجو كله
الحق اني مش مهتمة بالقصة كلها
زي ما يقول خوي انتي ما تعرفيش تفرحي ههههه
ماهو سبحان الله كل واحد وطبعه

وانتي افرحي وديري اللي خاطرك فيه
واني ديما نقول لكل العرايس ديرو اللي خاطركم فيه وما تحرمو روحكم من شئ
وربي يهنيك يا غزالة