✿... اللمة الثانية لبنات ليبيا الحرة ...✿

منورين يا صبايا

معقولة هكي ناس تعطيهم حوشك يقعدو فيه
والله حالة
الحق هني في هلبة نازحين من ورفلة وسبها ومدن الجنوب
وسرت حتى هيا
بس اغلبهم عندهم ناسهم هني وينزلو عند اقربائهم

سبحان الله المواقف هذي تخليك حتى معاش توقفي مع النازحين
وعلى فكرة طرابلس خلاص مخنوقين من النازحين
لانهم نازحين ومؤيدين وما عندهم شئ
يعني سكنهم واصرف عليهم وفوق هكي تاكل سبان وشتم منهم
عندي اختي تشوف في سبهاوية مشي كشخت عليها
ونسمعو في قصص هلبة على ناس نازحة ومؤيدة
لين الناس معاش قادرة تساعدهم
ربي يلطف بيك يا ليبيا

لا حول ولا قوة الا بالله
امس اختي في المستشفى ماسكة
والله بكل هالمؤيدين
تصورو في الوقت اللي صارت ضجة في بو سليم
مشي اتصل مسعف وقال جايب حالات
على اساس ثورة مليونية خضراء
مشي ناضو الممرضات
يتصلو بهناء بنت معمر ماهي كانت معاهم
وناضو يحاربو في الدكاترة
ويكتبو على الحيوط جملة الشرك
وقالت ليا كتبوها حتى على صالون جلد بيج
مشي جتهم اختي ودارت فيهم دورة كويسة هيا والدكاترة اللي معاها
وكتبو على الصالون نفسه معليشييييييييييي شفشوفة
وقالت حتى نحو قنوات الليبية والجزيرة والعربية
مشو الدكاترة ردوها ثاني وفتحو اغاني الثورة بالصوت العالي
قالك ممرضة قالت ليهم نمووت فيه معمر
هو فخر لينا نبدا نسمع فيه واني بنهبل عليه وتوة مستاحشاته
بالله هذو شن يردو عليهم بس

ايه طلعت النتيجة
من يومين
اللي نعرفهم كلهم ناجين ما شاء الله
حاشاكم حتى اللي دماغه حيط ناجح
والله السمستر اللي فات تعاود
حالة وخلاص

والف مبروك للناجحين

الحمد لله على الحال اللي وصلناه
والله يرحم ايام امتحاناتي
الحق زمان كان الغش لجماعة الواسطة بس ههههه
يعني اني خذيتها بجهددددددي والحمد لله
استغفر الله العظيم هالغش ضيع الشباب كله
وحاليا معاش يقدرو يمشو في حياتهم من غير غش
ولا والادهى انه كل واحد محصل ممتاز يبي يخش طب
به تحشم على روحك وخليك في اي كلية نظرية وخلاص
ماهو عارف روحك غشاش
بس شن بنقولو خلاص علينا

والناس المريضة سيورها تموت خخخخخ او حتى تشفى بس اني نفضل الموت ليهم الحق
استغفر الله العظيم شن بنديرو بيهم غر خربو البلاد وخلاص

وان شا ءالله جبهة سرت تنحسم ونتفكو من ولد المشفشف الاول
ربي يهده ويقطعه طرف طرف

اللي يدافعو عارفين روحهم ميتين
يعني يخوضو في حرب ابادة
اللي يهمهم يقتلو ويخربو اكبر قدر ممكن من هالبلاد
والله يكون في عونك يا ليبيا