HaNoOoOo;15647388:
صباحك ورد تحكمني
ولله حتى انى بطني توجع فيا لما نشوف العدد ونعرف خلاص قريب:'(
حي عليا بدال مانخفف عليك نزيد نرعش فيك سامحني حبوبة بس اسمعي من توه ماتنسنيش من دعاء ربي يسرلي اموري ويجمعني بزوجي :oطمع صاح قوليلي ان شاء الله نذكرك بس خخخخ .,,.. ان شاء الله ربي يسهل ولادتك ومش حننساك من دعاء وزي ماقالت ليبية اقري قراءن وربي يهون عليك ان شاء الله وتجبي بيبي سموحة تفرحي بيها يارب ويكون سالم معافيه يارب:L:
ليبية 2010;15647429:
الله يسلمك ويخليك تحكمني تسلمممي:adore:
لا حبوبة جيبي عشان الجو بداه يصقع ويقعد صقع وماشاء الله صغيرونتك صغيرة مش حتتحمل الصقع فجيبي دبش دافي لها ;)ربي يوصلكم طيبين ان شاء الله
قهوه الصباح;15647475:
السلام عليكم بنات شلونكم
ليكم وحشه ياحلوات
انا مشغوله شووي ونجهز للسفر قررربت هههه
وولدي الصغير مريض :(جاه البوشوكه امس رفعته للعياده وتوا اهو قاعده معاه يسخف
مسكين كله جسمه حب وياكل فيه ياروووحي وخلاص
يلا بنات سلام توا يا حلواااااااات
وعليكم السلام ورحمه الله وبركاته
بعيد السو عليه ,, ان شاء الله الف لاباس عليه
ملكة في مملكته;15647891:
مـــــــــــدامات عندي سؤال مهم هههههههههههه
انا عندي 10 فازوات حطيت فيهم بهارات الاساسية بتع كل يوم زي فلفل الاسود والاحمر والبزار والتابل ووو الخ
مفروض فيه فازوات تانيات (( نبي نشريهم بس منعرفش كم )) للحلو زي اعواد القرفة وهكي ... شنو تاني مفروض نشري ؟؟
ومفروض فازوات تانيات للبقوليات .. زي حلبة وحمص وعدس ...
يعني نبيكم تساعدوني ف الاسماء بش نرتب اموري ونعرف كم فازو نشري :)
شوفي حبوبة انا جايبة 4 برطمانات كبار قت رز ومكرونة ودقيق وسكر عشان الحاجات تحسيهم اكثر
وجبت 8 فازوات مش عارفة اصغر من متوسط فهما حنحط فيهم ملح فلفل بزار كمون حوت حرارات فلفل احمر ..... وشاهي وقهوة وسكر العمليات يختلفن الي حنحطهم فوق يعني قدامي لكن الثانيات الي قت عليهم حيكونن في دولاب
ونسيت عندي 8 فازات اخره غيرهم
نكررررررررررره اي حاجة تقعد ع مرمرة نحب الحاجة تقعد فاضية خخخخ فكله حنحطه في دولايب باذن الله:rolleyes:
