✿... اللمة الثانية لبنات ليبيا الحرة ...✿

عيد زاوج سعيد ... وربي يبارك لكم في حياتكم ويزرع بينكم الود والحن

ستارز كيف حالك

انتي تقري ولاتشتغلي

السلام عليكم
كيف حالكم ياحلوات
المهم تسلم عليكم روح الوليد هلبه هلبه وتقولكم ان في بزار ثراتي غدامسي لصالح الثوارفي معرض طرابلس الدولي
يوم الخميس من الساعه 10الصبح الي 2الضهر
والجمعه 5العصر لي 9 الليل

وينك يا جبان اجليل في الميدان

السلام عليكم ورحمة الله وبركاته كيف حالكم يا صبايا جوي كان مش حلو بكـــــــــــــل من شوية مشاكل في الجامعة بس اول ما لقيت المستشار في الميدان قريب طرررررررررررررت من السعااااااااااااادة لين بديت نبكي بعبرتي وينك وينك وينك يا جبااااااااااااااااااااان اجليــــــــــــــــــــــــل في الميداااااااااااااااااااااااان وينك وينك وينك يا جرد الجردااااااااااان جليـــــــــــــــــــــــل في الميداااااااااان منورة بيك سرت يا مستشار يا رب يهون علينا ويفكنا من هالغمة عن قريب

مصراتيه ربي يهون عليكم ،، الافضل تجو هني وخلاص ،، مدام سبها هكي ربي يفرج على الجميع ويعطيكم الوقت الطيب ،،، مدام موووف الف الف الف مبروك الفسحة ،، والف مبروك فيديو الفاتحة مع اني ما شفتاش جاية متاخر،،، نصيحتي البسي البودري وعيشي حياتك بعدين تقولي يا ريت ،، وحني حنتنااااااا مش تحسي روحك عروسة ليبية رسمي ،، مبروك على هيتم البدلة حلوة على الاخر ربي يهنيكم ،، ايه نسيت ديري اللي في خاطرك فيه وما تعدليش على حد يعني خاطرك في الكندرة الموف البسيها عادي ولا يهمك ،، بعدين تقعد في خاطرك ،،، ربي يهنيك يا غزالة ،،، منو سال على الشيش طاووق عادي نقول طريقتي لانها تختلف على السوق ،، السوق يديرو فيها مقلية اني مشوية ،،، ستاااار يا ريت نسوق ونكسر حاجز الخوف ،، ماما تسوق من 75 واني خاااااااااايفة ،، تعلمت مرتين والمرتين نفشل حتى السواقة كشخت عليا اكثر من مرة تقولي سواقتك مش زي شخصيتك لانك تباني قوية وشخصيتك صعبة وتخشي على اي شئ بس في السواقة خذيت 000000 والحمد لله

صار هيجتي في الميدان يالوله

نرجس الشرق ،، ايه صح كانو يشوشو عليها في الاول واحني نرجعو نردو ،، بعدين بدو معاش قادرين علينا ولهذا خلاص عادي نتفرجو ،، بس طبعا بالدرقة ،، عارفة الدرقة وله ،، يعني الصوت هادي مش ما يسمع حد ،، وعلى السكيتي لو حد سمع مكن يبلغ فيك ،، وتهمة الفرجة عليهم فيها اعدام ،، بعدين السجون تعبت معاش عدلو بكل حتى يلقو حد يتفرج ما يكلموشي ،، صاحبتي صار الموقف هكي لخوها ،، فاتح الجزيرة في المحل وحد بلغ فيه جوه الكتايب واعتقلوه لما رفعوه لبوسليم مشي الامر قاله روح خلاص الديار تعبت ،، وقعد يتسهوك علهي الامر وقاله توة نسجلو اسمك لو لقينا مكان توة نعتقلوك ثاني ،، مشي مسكين هرب طول للجبل ،،، وطبعا عمك حمزة كانو يمشو من مكان لمكان ،، يعني مرة سمعو مستشفى المركزي فاتحين جزيرة جي عمك حمزة طول يهزب ويلعن في الاطباء ،، وهلبة حاجات هكي ،، بس تبي الحق ،، اني عن نفسي مش معتمدة على اي قناة ،، لان عندنا احباب وصحاب في كل مكان ونعرفو كل شئ يصير قبل ما يجيبوه في الجزيرة والعربية ونستعملو في شفرات مش توصل المعلومة،، ويوم بنغازي قريب هبلنا وهذاك حمزة وشاكير وسيف يوقو اليوم اليوم واحني نتفرجو ،، والله هذاك اليوم ما وقفنا تكبير ودعاء واستغفار والحمد لله ربي استجاب لينا وفكنا من هالغمة،، وربي يكمل علينا بالخير

خفايا منين عرفتي اني هيجت في الميدان خخخخخخ ،، تعرفي اني مش متاع هياجة بكل بس مشيت الميدان وقلت النشيط بعنفووووووووووووواااااااااااااان ،، حلوة عنفواان وله هههههههههه ،، منورة خفاياااااااااااااا

يتصفح الموضوع حالياً: 3 (3 من الأعضاء و 0 من الزوار) ‏خفايا الزمن
:-o:-o:-o:-o:cool::cool::cool::cool:

الله يخليكم ياحرائر ليبيا ...والله فرحانة بمسانتكم لية بهالكلام
مع انى مهمومة ومغمومة وعيونى مابطلو بكاء ...والله صاير فينا حالة ...
بناويت نبى تساعدونى ارجوكم ...نبو انى وامالية شقة ايجار موقتا استديو يادوب دار وصالة مش كبيرة .ايجارها مايفوت 500 .والا حتى شقق للاجئين مؤقت وين؟؟؟؟
.....خلاص نبو نطلعو من سبها والله ياابناويت امس امر كتيبة الزنتان قالنا راهو سبها مش متحررة ماازال يعنى طابور خامس ومرتزقة وغيرهم المؤيدين شوية وبنطووو على الناااس ربى يستر فى سبها بناويت الموضوع جدى اللى تقدر تقدملى مساعدة تلقاه خير واجر ...ارجوكم راهو ربى عالم بحالنا من 8 شهور واحنا نعانو وتوة هما اعوانه ومؤيدين مش مستوعبيين ان معمر انتهى ...كل مايسمعو خبر وبالدات كان تكلم فى قناة الراى القنفودية التانية تعرفو والله مش خايفيين من حد لاتوار ولا شئ طالقيين نساوينهم اتقول رجالة على الناس وتعرفو الثوار مش من اخلاقهم يشدو نساوين لو دارو اى شئ حتى امس لما تهجمو علينا قالو ثوار الزنتان مانقدروش نعدو لنساوين شوفو القهرة اللى احنى فيها ...والنبى اى وحدة قادرة تساعدنى تكلمنى على الخاااص ...

أنقطاع طويل .. أكثر من 6 شهور ..

خاطري نطمن على كل حبيباتي ( عروسة ليبيا - ننس - حنونة 3 - مصراتية لشرقاوي - غولة - حلا2011 - تحكمني قناعاتي - من أنا - حياة حلوة - ملكه في مملكته - نرجس الشرق )

شن صاير في كل الليبيات الغاليات .. ربي يطمني على الجميع ...

[QUOTE=مصراتية لشرقاوى;15645301]
بناويت نبى تساعدونى ارجوكم ...نبو انى وامالية شقة ايجار موقتا استديو يادوب دار وصالة مش كبيرة .ايجارها مايفوت 500 .والا حتى شقق للاجئين مؤقت وين؟؟؟؟


حندير جهدي بأدن الله ... ف طرابلس ولاه ؟

DR_ Amani Alyafie;15645326:
أنقطاع طويل .. أكثر من 6 شهور ..

خاطري نطمن على كل حبيباتي ( عروسة ليبيا - ننس - حنونة 3 - مصراتية لشرقاوي - غولة - حلا2011 - تحكمني قناعاتي - من أنا - حياة حلوة - ملكه في مملكته - نرجس الشرق )

شن صاير في كل الليبيات الغاليات .. ربي يطمني على الجميع ...

مصراتية لشرقاوى;15645301:
الله يخليكم ياحرائر ليبيا ...والله فرحانة بمسانتكم لية بهالكلام
مع انى مهمومة ومغمومة وعيونى مابطلو بكاء ...والله صاير فينا حالة ...
بناويت نبى تساعدونى ارجوكم ...نبو انى وامالية شقة ايجار موقتا استديو يادوب دار وصالة مش كبيرة .ايجارها مايفوت 500 .والا حتى شقق للاجئين مؤقت وين؟؟؟؟
.....خلاص نبو نطلعو من سبها والله ياابناويت امس امر كتيبة الزنتان قالنا راهو سبها مش متحررة ماازال يعنى طابور خامس ومرتزقة وغيرهم المؤيدين شوية وبنطووو على الناااس ربى يستر فى سبها بناويت الموضوع جدى اللى تقدر تقدملى مساعدة تلقاه خير واجر ...ارجوكم راهو ربى عالم بحالنا من 8 شهور واحنا نعانو وتوة هما اعوانه ومؤيدين مش مستوعبيين ان معمر انتهى ...كل مايسمعو خبر وبالدات كان تكلم فى قناة الراى القنفودية التانية تعرفو والله مش خايفيين من حد لاتوار ولا شئ طالقيين نساوينهم اتقول رجالة على الناس وتعرفو الثوار مش من اخلاقهم يشدو نساوين لو دارو اى شئ حتى امس لما تهجمو علينا قالو ثوار الزنتان مانقدروش نعدو لنساوين شوفو القهرة اللى احنى فيها ...والنبى اى وحدة قادرة تساعدنى تكلمنى على الخاااص ...

مصراتيه ربي يكون في عونكم الحق وحتى انى رح ندير جهدي وان شاءلله خير ياربي
ربي معاكم

DR_ Amani Alyafie;15645326:
أنقطاع طويل .. أكثر من 6 شهور ..

خاطري نطمن على كل حبيباتي ( عروسة ليبيا - ننس - حنونة 3 - مصراتية لشرقاوي - غولة - حلا2011 - تحكمني قناعاتي - من أنا - حياة حلوة - ملكه في مملكته - نرجس الشرق )

شن صاير في كل الليبيات الغاليات .. ربي يطمني على الجميع ...

دكتورة نورتي ولله امس كيف نفكر فيك حمدلله ع السلامة