تجمع حوامل وأمهات قطر لشهر ذي القعدة لعام 1432ه؛ الموافق لشهر اكتوبر لعام 2011 م

مرحبا ماميز

انا ريولي منتفخه وتعوررني ماقدر امشي وااايد
من داومت في الجامعه وهاي حالتي :(

في حد صار له نفسي ؟ يقولون زلال بس شنو احسن شي له :( خاصة ان ريل منتفخه اكثر من الثانية


ربي يسهل علينا جمييعا ... ويرزق كل محروم الذرية الصالحة عاجلا غير اجلا يارب ,,

السلام علييكم


انا في بجري صادني زلال حبتبي اذا فييج زلال لازم يوميا تروحين المركز الصحي تقسين ضغطج اهم شي لايكون مرتفع وابتعدي عن الاشياء المالحة والحارة بشكل عام وعلييج بالماي اشربي ماي قد ماتقدرين ونامي عدل وخلي الغرفة نورها اوكي عشان ترتاحين بنومة وان شاااء الله كلها فترة وبتولدين بسلامة بس اذا زلال الادكتورة في مشتشفى الولادة اسبوعيا تعطييج موعد عشان تراقب وزنج لان اذا في زلال يزيد الوزن بسرعة كبيرة وعلييج بالموز ترا يعدل الضغط ولا تعصبين خلج مرتاحة الله يقومج بسلامة يارب

صباح الخير

نوراااااان جاتني قشعريره يوم قلت وحام وترجيع الولاده أبرك خخخخخخخخخخ

تسلمون بنات عالدعوه الحلوه وَاللّهـ يرزق كل محروم ويهون على كل حامل

صبااااحو بنااات....

بنات الي عندها طريقة وجبة حق الاطفال مفيده تكتبها لنا :)

صبـــــــــــــــــــــــــاح الخير..


فيه احد هون ؟؟

صباح الخير ..

شعور غريب وانا ادش التجمع بعد هالغيبه ..

ربي يتمم للحوامل حملهم .. ويبارك للي ربو ويبلغهم بعيالهم ..

الاصيله .. كااااااااااااك .. دشيتي التاسع .. خليني اتشمت .. اذكر يوم تتشمتين

فينا يوم كنت حامل بالزوز .. ربي يقومج بالسلامه ..

مريت وحبيت اسلم ..

ام الغالين .. سمعت انج ربيتي من فتره وجبتي ولد .. الف الف مليوووون مبرووووك

ربي يبارك لج فيه ويبلغج فيه وفي اخوه وخواته .. ادري متأخره ..

اشوفكم ع خير :)

السلام علييككم

عاس من شافج زنبوقة

ومبرووك ماجاج



ام الشيوخ

اكثر وصفة مفيدة للاطفال حليب بشوفان محلى بالعسل

مساكم خير

شأخباركم ..
الاصيلة الله يهون عليج انتى وكل الحوامل يارب

مساء الخير




ماميز ممكن اساعدوني عندي كذا سؤال والحين نسيتهم خخخخ

وين ممكن الاقي تغطية الكنبات ؟ سمعت في فكارفور بحصل ولا ؟

نور الحب :
في كارفور و اللولو

السلام عليكم ورحمة الله وبركاته

لكل من كتب لي وسأل عني جزاكم الله خير

الحمدلله طلعت اليوم من المسنشفى بالسلامه
والحمدلله ما تعرضت لتخدير وتنظيف وتعب
بس تعرضت للطلق الصناعي وصج تبهدلت لكن ارحم من العمليه

الحمدلله الذي لا يحمد على مكروه سواه
سبحان ربي له حكمه بكل شي والمفروض الانسان يرضى ويحتسب الاجر عند الله

الله يهون على كروشاتنا ويرزق كل من يتمنى يا رب

ام حمد
الحمدلله ع السلامة يالغاليه
الله يعوووضج خير انشالله يااارب

أم حمد
الحمدلله على السلامة
والله يعوضج وياجرج على صبرج ان شاء الله
والمؤمن مبتلى والحمدلله على كل حال
طهور ونور يارب

نور الحب
فى كارفور فيه .. صوب قسم الشراشف والستاير

باقى الماميز .. شلونكم عساكم بخير
فى ناس كثير غايبة الله يحفظهم ..

زنبوقه يأكثرهم اللي تشمتو فيني خخخخخخخخخخ» من عيارتها

عذوبه تسلمين ياقلبي

نور عندج في اللولو ونابينا واعتقد كارفور

أم حمد الحمدالله على سلامتج وَاللّهـ يعوضج ان شاء الله ويخليلج عيالج

دوحانية وعذبة والاصيلة ‏↳‏

مشكورين حبيباتي‏↳‏

ام حمد‏↳‏

الحمد لله على السلامة والله يعوضج خير ان شاء الله

ماميز اللي عندهم مطبخ كم علبة بهارات بحتاج تقريبا واي نوع أحسن للعلب ؟ ابي بلاستيك شفاف وغطاه نفس الضغط دورت مالقيت اللي في بالي ياكبير ياصغير وايد يا قزاز

تعرفون جرام الذهب كم كان اليوم ؟

نور الحب
ماعندي خلفية حبيبتي ..
بنات
الحين بتطعمون عيالكم بتطعيمة الحصبة ال يقولون
اشوف مذكور في الجرايد انها من عمر سنه لين 20 سنه
يعني اودي وليدي ..

تسلمون فديتكم
والحمدلله العوض باللي عندي
وان كان ربي كاتب لي حمل مره ثانيه ما افكر حاليا




نور الحب



شخصيا افضل العلب الزجاج الشفافه
طعم البهارات ما تتغير
البلاستيك مع الوقت يرجع طعمه على البهار
اما الزجاج يحتفظ بريحته وطعمه
وعلى حسب بهاراتج خذي كمية العلب وزيدي خلي احتياط عندج



روح قطر


ملاك عمرها سنتين وتقريبا 10 شهور باوديها تاخذ التطعيم وباقي عيالي بياخذونه بالمدارس