تجمع حوامل وأمهات قطر لشهر ذي القعدة لعام 1432ه؛ الموافق لشهر اكتوبر لعام 2011 م

ام امونه
يتهنون الصبايابلبسهم
ماشالله
الشوش عندها ماعرف اخذ لها والا اخليها على اشيا ناعمه وبسيطه وخلاص
بس ابي لها شوز ابيض وواحد اسود ..





نوران
مارحت جمبوري هالفتره
مع اني رحت اللاند مارك بس مادخلته
بخصوص طقمج
روحي سوق الذهب في محل اسمه الشلوي ينظفه لج
واذا ماينظف شوفي السليمان اعرف ينظف الاطقم اللي من عنده جربي يمكن انه ينظف اي طقم ..

مساكم خير

نوران
جربي المره تذوبينها وتسوين منها كمادات على العين تمسحين مكان الكيس الدهني وان شاء الله بيروح
ولد حماتى صاده نفس الشي عمره خمس سنين والحمدلله مع المره راحت الاكياس

بخصوص السؤال عن الحبل السري
هذي أعتقد شركة خاصة تسويه تقريبا 12500 اذا موب غلطانه
تسوين عقد معاهم وحزة الولادة تتصلين فيهم ويجيونج للمستشفى مع أغراضهم
وياخذون من دم الحبل السري من منطقة معينة عشان الخلايا الجذعية اللى فيه هي اساس كل خلايا الجسم سبحان الله
ويجمدونه مدة 20 سنه وصالحه للاستعمال للعائلة والاقارب من الدرجة الاولى حسب التناسب
من أمراض كثيرة مثل أمراض الدم وبعض انواع السرطان وقانا الله واياكم شرها
فى حالة التراجع لأي سبب كان ياخذون عمولتهم 2500 ريال بس ويردون لج العشره

عذبه
تسلمين عالمعلومات
ماقصرتي ..

النظره
لو شهر
الاوردر يجي بحدود ال20 - 50 ريال
يعني حساب وجبه لطفل
والكميه تجي كبيره شوي تكفي لمرتين

جيبي جدر واطبخي واغسلي واشتري كم كيلو خضرا وفواكه واهرسي وريحه الغرفه !!

لولو :
الله احسن شي تسوينه اخذي الاثنين
احنا بعد جماعة الايفون نبيج (؛

صباح الخير

الله يهنيج ايااامج لولو


عذبة

ماقصرتي ماشاااء الله عطتينا معلومات

ولولو الله يجزاها خير وربي يهون عليهاا


اذكرت الموضوع ونبهت وايد بنات عن النقطة

السلام عليكم


صباحكم عسل

كاميليا :
ترا السالفه مب سالفه فلوس كلللش الحمدلله على النعمه ربي مكرم علينا ،،
انتي فشرق وانا فغرب
وبالنسبه لي اهم شي عندي مصلحه البيبي واكله يكون نظيف
والريحه في شي اسمه تفتحين الدرايش وتبخرين وتحطين فواحه وتسوين الاكل الصبح لما الزوج يكون برا وتخلينه ليومين مثلا
مابي الموضوع يطول خلاص اختي هتان ماقصرت فديتها

النظره
تبخرين في الفندق!!
الالارم بيشتغل ههههههههههههههههههههههه

واالله الناس تسوي من الحبه قبه

دوحانيه
ههههههههههه حلوه تشتري لها جهازين
دوحانيه خص آن الاوان تغيرين جهازك وتشترين بي بي ما يصير انتي وام الغاليين اتمون بعيد عنا جذي :(

تقولين لهم وعادي يتسكر شكلج مامجربه ترا عادي قولي لهم
عمرج مارحتي وكان عند زوجج موتمر او شي وبخرتيه !!!

النظرة الخجولة

انتي مجربة تسافرين مع زوجج ؟!! ومعاكم ياهل ؟!!

انا مش متزوجه
اسال حق وحده مب لي

حبايب قلبي

ووصلتني ملابس جديدة ماركات ( اولاد وبنات )
بيجامات ( سنافر - انقري بيرد )

اللي حاب يتواصل معاي يراسلني ع الخاص بالبن كود

النظرة

ما شاء الله .. هاي كله حق وحده ..

خليها تشارك معانا .. عشان نستفيد منها ومن خبراتها

::

ليالي

القفي البن كوود

لولوة :
ترا مب كل الناس يعرفون للنت والمنتديات ويشاركون
فعادي اذا وحده طلبت مني اسال لها

اشصار فالدنيا بلللل
محد يبي يساعد احد ؟؟

المشكله ان احنا ما نساعدج ..

يادوب نساعد اختج وربعج اللي ما يعرفون حق النت والمنتديات

هتان

مافيه :(

لو لقيتي قولي لي خ خ خ

بس فيه تيشيرتات في واو .. وفيه بيجامات في سوق واقف

جدر بخور فواحات طباخ
عمرج سكتني بفندق !!

نساعد اللي يبي المساعده
انتي جايه ومقتنعه بجدرج وماتبي راي ثاني ايش له جايه تسالين؟
عشان نقولج اي صح اللي تسوينه؟
خلاص سوي اللي تقول عليه اختج هتان

والا اقولج اخذي جوله وجدر ومظراب هريس ومنقل وفحم وذبيحه وبخور وفواحات وسكري الالارم وافتحي الدرايش
والله طاش ما طاش ما سووها !!