السلام عليكم ورحمة الله وبركاته
أخواتي العزيزات بداية حبيت انقل لكم تجربتي عن الحضانات أنا أم ولدي طفلين الله يحفظهم بسبب ظروف عملي سجلت عيالي بحضانه في بوظبي وبارغم من عدم ارتياحي لهذي الحضانة وما احب احطهم في البيت مع الخدامة المهم بعد ما خلصت دوام ورجعت اخذ عيالي تكرمون حصلت بنتي بالبامبرز وفيها بول وماكلينها ومب مغسلين ايدها ولا ثمها ونفس الملابس موجودة عليها ووسخة وولدي الصغير ميت من الصياح ويلست اترياهم ربع ساعة لين ما نزلوه كانوا ذيج الساعة يبدلون له بامبرز يعني من الصبح لين الساعة 2.00 وذيج الساعة يعطونه حليب ولا بعد من حليب اخته المهم غيرت الحضانه وحطيت الخدامة معاهم قلتلها كيف الحضانه قالت هيه بدلت ملابسهم واكلتهم و سوت لهم كل شى وقالت فيه تسع يهال في مكان واحد وعندهم بس مراقبتين اثيوبيه واظن قلبينية بس والله قالت لي يتمون اليهال يصيحون ولا حد يشلهم يقولولها خليهم يصيحون وبيسكتون والله حرام الحضانات بس همهم الفلوس والله بشوف عيني ها الحضانتين الي سرتهن المسوولات عيالهن جدام عينهن وما يخلوهم يسيرون عن العاملات ولا حتى يبدلولهن او ياكلونها هذا شو معناته ماله الا معنى واحد انه العاملات مب كفاء والادارة تدري بس ما اقول غير حسبي الله ونعم الوكيل توكلت على الله وخليت عيالي في البيت الله بيحفظهم وركبت كميرات في البيت الحضانه كشكل وهمهم الفلوس حبيت انقل لكم تجربتي وعلى فكرة حضانة النحلة الصغيرة والدانة ما انصح حد فيهن الا اذا كان الطفل 3 سنسن لانه يجدر يقول اذا حد ظربه وعلى فكرة بعد من قطعت عيالي وما وديتهم ما كلفواخاطرهم يتصلون ليش ما يبتي العيال لانهم خذوا الفلوس ما يهمهم
السموحة على الاطاله
لكل أم تحب فلذة كبدها
s
02-10-2011 | 09:19 AM
ا
02-10-2011 | 09:40 AM
هلا اخت قلبي والله شكل كل الحضانات نفس الحاله كنت افكر ادخال بنتي الحضانه بس خايفه كل حد يقوالي انهم مهملين وما يغسلوه العيال غير قبل ما توصل الام بشوي احن اصبر الحد توصل 3 سنوات وبداخلها
ل
02-10-2011 | 04:09 PM
الله يعينكم يالموظفات هذا حكم عملكم والله يحفظ عيالكم بصراحه مااحد يحس بغلاتهم غير امهم
s
03-10-2011 | 10:52 AM
هيه والله الحمدلله على كل حال وحسبي الله على كل مسوؤلة تدري باهمال العاملات في الحضانة ولا تهتم ... وعلى فكرة أمس اتصلت في الحضانة وقلتلهم ما اشوف اتصلتوا فيني ولا اهتميتوا لانه عيالي ما داوموا عندكم بس همكم الوحيد الفلوس....
c
03-10-2011 | 03:43 PM
انا مستحيل افكر اودي عيالي حضانه مستحيل , اخلي بنتي عند الخدامه وتكون متفرغتلها هي بروحها وكل شي موفرلها من حليب واكل وتلفزيون واللعاب وهدوء ولا اوديهم حضانه مليون طفل وياهم يتعلمون منهم قلة الادب والحركات والصريخ ومن غير ما يكون الاهتمام موجه للطفل ١٠٠ بالميه ومن غير الازعاج والصياح والاصوات والطفل ما ياخذ راحته في النوم , هذا رايي ووانا اعامل خداماتي بكل ظيبه وتفاهم وهم وايد يحبون بنتي وبالتالي يعاملونها معامله ظيبه وقبل لا اطلع من البيت اقرا عليها والله هو الحافظ ودمتم بخير ....
n
03-10-2011 | 11:21 PM
الله يعين
أ
04-10-2011 | 01:01 AM
تسلمي على طرح تجربتك يا قمر
ر
05-10-2011 | 02:58 AM
جزاك الله خير ..على طرح تجربتك...استودعيهم ..الله وخليهم في البيت ...
ا
06-10-2011 | 01:40 PM
انا الله يطول لى عمر امى ويخلها لى لانها مريحانى من موضوع الحضانه ده