مرمور 14;15751863:
يابنات
ماحدش جاب حاجة من مجموعة الشوفان يفولي ايه الاخبار؟؟؟؟؟؟؟؟
كمان عايزة كريم بشرتي جافة جدا ف الشتا بغض النظر عن الجبهة مدهننة خالص .......اجيب بتاع الشوفان برضه ولا بتاع الشتا دا اللي جنب زبدة الكاكاو ولا من بتاعت اسنشيال ص 142؟؟؟؟؟؟
وحد جرب كريم اليد بتاع سيلك اند كاشمير دا الجامبو .........هو ترطيبه اعلي ولا بتاع افون السيليكون ؟؟؟؟؟؟؟؟؟؟؟؟؟؟
برضه الكونسيلر والجل الملون بتاع فيري مي ايه اخبارهم حلوين ولا اي كلام والتغطية اخبارها ايه؟؟؟؟؟؟؟
ابشرك ان مجموعة الشوفان منزلتش اي فرع فالشركة لحد دلوقت
وكل منتج جديد لسه منزلش لا البرفيوم ولا علبة الايشادو من مارسيل
ولا البرفانات اللي عليها عروض
ودا بسبب ان كان في شحنة بضاعة جايه فالجمارك وتصادف اجازه العيد فا اتعطلت
انتظرو ان شاءالله الاسبوع الجاي اول ما هعرف ان الشحنة اتوزعت على المخازن هبلغكم على طول وتلحقو تعملو الاوردرات
ومادمتي هتجيبي غسول وليب بالم الشوفان كملي وهاتي الكريم ومتستخدمهوش عالجبهه
وافضل كريم ترطيب للايد بشهاده ماما ههههههه هو السيلكون .. كل ما يخلص تقولي هاتيلي منو من ايام ما كانت عبوته ازرق × ابيض تحفة بيعمل طبقة تغلف الايد
السيلك بيوتي حلو طبعا بس ترطيبه مش قوي زي السيلكون
الجيل الملون والكونسيلر جربتهم على وشي وعجبوني اوي وهجبهم باذن الله بوصي هقولك الوصف
الجيل بالنسبة للبشرة الدهنية فا هو مرطب اما البشرة الجافة فا عادي
ملون (( لون فاااتح مايل للبيج يعني مش عايز بشرة بيضا ورديه - اوروبيه - ))
ولون تاني اغمق شوية بيج مناسب للبشرة القمحية ولا يناسب البشرة السمرا هيبقى مجير
قوامه خفيف مش تقيل -- فيه لمعه بسييييطة ورقيقة - ريحته خوخ وحلوة على فكرة مش منفره
تغطيته خفيفه هو هيدي نضاره للبشرة لكن مش هيغطي عيوب ولو استخدمتي عليه بودر اللمعه دي هتختفي
استخدامه مناسب جدااااا للبيت دلع يعني بدل ما تحطي فاونديشن - خروجات النهار وبنات الجامعة وكده ودا لون الجيل درجة لايت
الكونسيلر .. ماتيريال بتاعه كريمي جدااا وطري جدااا
منه درجتين درجة لايت فاتحة ودرجة ميديام قمحيه فاتح مش غامق
ميناسبش السمر ولا القمحاويات الغامقين عايز بيض على بيج او قمحاويات فاتحين
فالشتا مش هيسيح لكن فالصيف هيسيح ومتقلقيش هو اساسا القلم مش كبير فا هيخلص قبل ما الصيف يجي :lol:
وهنا لون الدرجتين بس نراعي ان الفلاش مفتح الدرجة سنه بسيطة يعني اللي تحت دي الميديام وهي فالحقيقة اغمق سننننه
ساره افندي;15752625:
لا ده مدي علي اورنج شويه حاسه انه قريب من الباتش بتع فري مي مناكير هوا عندي بتع فري مي ولونه كان موضه اوووي الصيف ده
واه انا كنت عايزه لون احمر صارخ خصوصااا اني ظربت كام روج احمر بيبرق :D
صوره المناكير
ساااااره مبرووووووك بجد اللون جميل تتهني بيه يارب :DF:
بشرى 1981;15752753:
ازيكم يا بنات
انوش هي الاسعار الي انتي كتباها بتاعت البروشور الجديد سعر الكتالوج ولا العضو
اي بروشور بكتبه الاسعار بتاعته بتكون بروشور مش عضووية :DF:
kanzy1;15750800:
بصى انا جربت اسنس فى حجات كتير والماركة دى مخيبتش ظنى فيها بالرغم من سعرها
وفعلا فيها الوان مناكير جميلة
انا نفسى اجيب مناكير زى البنات بقى هههههههه وطالع فى دماغى اليومين دوووول اوى اجيب مناكير عجبنى الاحمر ال فى برشور اوريفليم ال ب 29 ال معاه روج احمر ده وعلبة ايشادو اخضر فاتح
ده احمر احمر فاتح مش نبيتى اعتقد هو ده اللون ال انتى عايزاه
دا ريفيو للمجموعة اللي بتسالي عليها يا كنزي
وهي تحففففة للبشرة الفاتحة
little duck;15753350:
الكونسيلر والجل بتاع فرى مى ناويه اجبهم الشهر ده ان شاء الله ..
بس يا جماعه العرض غبى اووى .. ليه عاملين العرض على منتج واحد 20 % وعلى المجموعه 30 % ..؟؟ طب ده خساره لينا احنا .. ما كنا نجيب المجموعه كل منتج عليها 20 % يعنى بدل ما تبقى 49 سعر كتالوج .. تبقى 41 بس ... انا متغااااااااااااااااااااااظه
بوصي هو العرض بتاع الجل والكونسيلر
اي منتج لوحده بخصم 30%
والمنتجين سوا بخصم 40%
لو حسبناها يبقى لو اي واحد لوحده ب 30% وجمعناهم سوا يبقى مجموعهم 54 ج
لكن هي نازلة بخصم 40% ومجموعهم الاتنين 49 ج
يعني اكيد المجموعة موفرة اكتر :D
غلباوية صغننة;15754081:
بقالي كتير مدخلتش المكان و وحشني جدااااا بيكو
كت عايزة أسألكو على جهاز مبرد الأظافر اللي نازل في صفحة 72
حلو و للا ؟؟
و في أي ماركة أجيبه منها أحسن و للا إيه رأيكم ؟؟
^ـ^
انا كنت هشتغل فالجهاز دا النوع الصيني المنتشر عالنت
وبعد ما جبته قلت اجربه الأول عشان دي امانه
وجربته بالفعل وطلع فااااشل جدااااا
مش بيعمل اي حاجة بالعكس دي الرأس المخصصه لتسوية سطح الضفر بوظته وخلته خشن ومخطط ومش ناعم بالمره والرأس بتاعه البرد مبردتش ولا حاجة
والرؤوس بتاعته عاملة زي ما تكون جبس جامد او زي الحجر الخفاف بتاع القدم
منفعتش خالص مفيش اي اداه من ال 6 رؤوس نفعت
واعتقد والله اعلم ان بتاع اوريفليم زيها الا لو كانو عاملين الرؤوس دي من ماده تانيه F:
