تجمع لمستخدمات دابر أملا .. (( الجزء الثاني ))

ا

امـاراتـيـه

عروس نشيطة

01-10-2011 | 06:04 PM

السلام عليكم

تسمحلي صاحبة الموضوع الاول بفتح موضوع جديد لمستخدمات دابر املا ، بعد ما اخذ الموضوع الأول عدد كبير من الردود ماشاء الله .. ان شاء الله هنا نحط يومياتنا مع هذا الزيت ونتبادل المعلومات و نكتب النتائج الي حصلنا عليها ..

طبعا انا الحين اكتب الموضوع والزيت على شعري ، احتمال اموت من الريحة ههههههه بس ماعليه كله في سبيل الشعر الطويل يهون ..

كل وحدة كانت في التجمع ترجع تذكرنا بطبيعه شعرها و لوين طوله و شو النتائج الي حصلت عليها و رايها في الزيت ..

- انا شعري كثيف ماشالله .. طبيعته ناعم بس مموج واااااااااااااااااايد
- طوله عند رقبتي و ابغي اطوله عالاقل لين نص ظهري .. مب طماعه وايد ^_^
- يطول ، لا انه سريع ولا انه بطيء ..
- استخدمه يوم وترك .. لاحظت النعومة واللمعان .. وطول شوووووي لاني ما كملت اسبوعين بس ان شاء الله ناوية استخدمه لمدة سنه كااااملة ..
- مع الزيت اخذ حبوب برايورين ان لمنع التساقط ..

انتظركم حبيباتي ..

أ

أم سعد123

مشرفة سابقة

01-10-2011 | 07:09 PM

وعليكم السلام

إن شاء الله يكون فيه تنافس وتجربتي بهالزيت رائعة يطول وينعم ويغمق لون الشعر ويقل التسساقط

بس تحملي يوم توقفينه بسرعة بيتساقط الشعر لكن حاولي بشكل تدريجي

وبالتوفيق إن شاء الله

ا

امـاراتـيـه

عروس نشيطة

01-10-2011 | 07:31 PM

هلا فيج اختي ام حفصة ،، فعلا الزيت رهيب
انا بستمر عليه و انتظر باقي الخوات ..

بس سؤال ، الحين شعري لين رقبتي ..
بعد 10 شهور ممكن يوصل لين نص ظهري او لا ؟؟

صح نسيت اقولكم .. باجر بروح عند العطار بشتري " عشبة الياس " ..
بنقعها في ماي حار وبعدين بستخدمها برشها على شعري .. وهي ما تحتاج غسيل
وترا ريحتها حلوة .. الي جربتها ياليت تقولنا ..

في انتظاركم

أ

أم سعد123

مشرفة سابقة

01-10-2011 | 09:12 PM

هلا أختي بالنسبة لسؤالك عن الشعر تصدقي لو قلت لك أنا قصيته لين رقبتي وسويت الزيت شهرين ووصل شعري نص ظهري وزوجي تفاجأ حتى هو لاحظ الفرق بسرعة

بس كنت أخلطه مع باراشوت جوز الهند مال الطبخ هذا اللي يجي جامد وكل ما أطكلع من الحمام أدهن شعري شوية بزيت باراشوت نوع ثاني الأزرق مال الشعر صراحة رهيب حسيت بنعومة وطول ولمعان وقلة تساقط والحنة بعد لها دور كبير خليها يوم بالاسبوع روعة ولو تبغين أعطيك طريقة حلوة للحنة تكثفه أخذتها من الدكتورة دينا لجارم

وبالنسبة لعشبة الأس إسئلي الأخت منوشة لان عندها خبرة بهالمجال والسلام عليكم

ا

امـاراتـيـه

عروس نشيطة

01-10-2011 | 09:24 PM

المشكلة ما احب الحنا :( مع اني ما اصبغ بس بعد احس اني اندم اذا احط حنا في شعري ..
اممم خلاص انا بستمر على الزيت وبشوف عشبة الياس و ان شاء الله يطول شعري ..

وينكم يا بنااااااات يالله انا في انتظاركم :)

ح

حبيبي توأم روحي

عروس رائعة

01-10-2011 | 10:25 PM

امـاراتـيـه;15611108:
هلا فيج اختي ام حفصة ،، فعلا الزيت رهيب
انا بستمر عليه و انتظر باقي الخوات ..

بس سؤال ، الحين شعري لين رقبتي ..
بعد 10 شهور ممكن يوصل لين نص ظهري او لا ؟؟

صح نسيت اقولكم .. باجر بروح عند العطار بشتري " عشبة الياس " ..
بنقعها في ماي حار وبعدين بستخدمها برشها على شعري .. وهي ما تحتاج غسيل
وترا ريحتها حلوة .. الي جربتها ياليت تقولنا ..

في انتظاركم

سلاااااااااااااام ياجميل
شوفي ياعسل بالنسبه لعشبه الآس هي طبعآ رهييييييييييييييييبه في تطوييييييييل الشعر بس مشكلتها تجفف الشعر لكن لتتفادي زلك اعملي منقوع من عشبه الآس واكليل الجبل بكميات متساويه والاخير ده رهييييييييييييييييييييييييب في تطويل الشعر وكمان نعومته والعشبتين مع بعض ح يدوكي نتايج ولااروع وعن تجربه والله وانا بعشق شي اسمه اكليل الجبل(العشبه والزيت)....

اتمنى اكون افدتك :D

ق

قلبي الحنون تعبني

عروس متألقة

01-10-2011 | 10:28 PM

بسم الله الرحمن الرحيم ..
أولا شكرا أختي إماراتية على فتح الموضوع و يا رب يبارك لنا في شعورنا
بالنسبة لي أنا شعري إلى بداية كتفي ، خشن ، جاف ، و يكش بعد الغسيل ‎:-(‎ ‎
بديت من شهر مع زيت أملا صار نااااعم و سهل التسريح و بدأ يطول و لأول مرة بطريقة ملحوظة فقررت إنو هيكون زيتي المفضل مدى الحياة و بالنسبة للريحة زوجي يحب ريحته الحمد لله ‎;) ‎
يللا مع بعض و ربك يعين

ق

قلبي الحنون تعبني

عروس متألقة

01-10-2011 | 10:33 PM

بس حابة أسأل عن طريقة استخدامه لأن ما مكتوب على العلبة طريقة معينة فبحطه مرة في الأسبوع بالليل و الصباح أغسله .. هل في طريقة تانية؟؟؟

ا

امـاراتـيـه

عروس نشيطة

01-10-2011 | 10:52 PM

سوسو عسولة;15611616:
سلاااااااااااااام ياجميل

شوفي ياعسل بالنسبه لعشبه الآس هي طبعآ رهييييييييييييييييبه في تطوييييييييل الشعر بس مشكلتها تجفف الشعر لكن لتتفادي زلك اعملي منقوع من عشبه الآس واكليل الجبل بكميات متساويه والاخير ده رهييييييييييييييييييييييييب في تطويل الشعر وكمان نعومته والعشبتين مع بعض ح يدوكي نتايج ولااروع وعن تجربه والله وانا بعشق شي اسمه اكليل الجبل(العشبه والزيت)....

اتمنى اكون افدتك :D

هلا وغلا ..

الله يعطيج العافية وتسلمين على هذي المعلومة ان شاء الله باجر اروح عند العطار واخذ العشبتين واصور لكم بعد .. مشكورة يا قلبي

ا

امـاراتـيـه

عروس نشيطة

01-10-2011 | 10:54 PM

قلبي الحنون تعبني;15611639:
بس حابة أسأل عن طريقة استخدامه لأن ما مكتوب على العلبة طريقة معينة فبحطه مرة في الأسبوع بالليل و الصباح أغسله .. هل في طريقة تانية؟؟؟

هلا والله .. انا كنت احطه وانام بس يضايقني وايد .. فـ قررت اني احطه بشعري والبس شور كب و الفه بفوطة عشان ما تنشم الريحة واقعد فيه كذا ساعه .. قريت وايد ان الزيت لازم ما يطول اكثر من ساعه على الشعر بس انا اشوف الهنديات يخلونه بالايام وشعورهم تقطر من الزيت وماشاء الله شعورهم تجنن ..

ق

قلبي الحنون تعبني

عروس متألقة

01-10-2011 | 10:59 PM

طيب تحطيه كم مرة في الأسبوع أختي و جزاك الله خير

ا

امـاراتـيـه

عروس نشيطة

01-10-2011 | 11:09 PM

انا احطه يوم وترك .. لاني الحين فاضية ما عندي دوام بس من الاسبوع الياي برجع للدوام و ما ادري كم مرة بحطه .. بس بحاول بحاول احطه مرتين في الاسبوع ..

جربتي طريقة القهوة المطحونه لازالة ريحة الزيت ؟ انا ما احس ان الريحة تبقى بس ساعااااات اذا اطلع بالحر اشمها ..

ا

امـاراتـيـه

عروس نشيطة

01-10-2011 | 11:12 PM

اذا استخدمت زيت جوز الهند بالعلبة الخضراء طول الاسبوع واستخدمت دابر في الويكند بس .. تحسون ينفع ؟؟
ولا ابقى على زيت واحد واستمر على دابر فقط ؟؟

ق

قلبي الحنون تعبني

عروس متألقة

01-10-2011 | 11:13 PM

لا ما جربتها.. بعد ما أغسل شعري عندي حمام كريم بالفواكه من بللوران ريحته تجنن بحطه ربع ساعة و أغسله و باي باي ريحة

ا

امـاراتـيـه

عروس نشيطة

01-10-2011 | 11:19 PM

انا استخدم حمام كريم فاتيكا الي يحتوي على الثوم والجرجير والصبار .. ريحته لابأس بها ..
شكلي بجرب القهوة وبقولكم النتائج بكرة ..

ق

قلبي الحنون تعبني

عروس متألقة

02-10-2011 | 12:13 AM

عشبة الأملج السحرية في تطويل و تنعيم الشعر هي نفسها الأملا بلغة الهنود ؟؟؟ سأبدأ البحث في الإنترنت عن مدى صحة هذه المعلومة

ا

امـاراتـيـه

عروس نشيطة

02-10-2011 | 12:31 AM

نعم هي نفسها .. الاملج = الاملا

ق

قلبي الحنون تعبني

عروس متألقة

02-10-2011 | 12:37 AM

كلام جميل لأن
د. عبدالباسط دايما يشكر في الأملج و ينصح بيه مع زيت السمسم مممم بفكر أخلطه مع دابر أملا ( بدت الأفكار الشريرة )

ا

امـاراتـيـه

عروس نشيطة

02-10-2011 | 01:41 AM

هههههههههههههههههههههه

سبحان الله انتي مثلي ما ادري ليش بدأت افكر اخلطه مع زيوت ثانية ..
امممممم انا ناوية اخلص اول زجاجة وبعدين بشوف النتائج وبقرر ..

و

وضوح القمر

عروس جديدة

02-10-2011 | 02:27 AM

معروف زيت دابر املا ينعم ويكثف ويطول وهو زيتي المفضل ماستغني عنة
وربي يطول اشعوركم قد ماتبون