الرئيسية ركن العروس تجهيزات و استفسارات العروس « تجهيزات عرائس ' مملكة البحرين ' لشهر ذو القعدة 1432 - 2011 م / الجزء : 82 »

« تجهيزات عرائس ' مملكة البحرين ' لشهر ذو القعدة 1432 - 2011 م / الجزء : 82 »

حلمـ ., 29-09-2011 594 رد 17,683 مشاهدة
ب
بنت التـــاجر
عروس متألقة
19-10-2011 | 01:21 PM
مس كلرز..

ريناز يقولون حلو... انا تذكرت شفت حنة عروس على مرت حماي..كان وايد حلو و شغل دقيق و صابغ عدل..من جذي شكلي بروح هناك.. و اسعارهم اظن تبتدي من 4 دينار..

اللي قالت عن برستيج..يعتمد حق جم نفر... هو يبتدي من 1650 حق 200 شخص الباكيج الفضي..يشمل المسرح بدون ورد ..العشا.. مكسرات و ميلس للرياييل و ديجي و بطاقات الدعوة.. اذا الذهبي بيشمل التصوير..بس محد ينصح فيه.. و بيكون ب 1870 اعتقد.. و هكذا
الورد على المسرح يعتمد شكثر تبين و من بره الصالة او من اللي يشتغل وياهم...انا خذت من اللي يشتغل وياهم اربع باقات مع ليتات ال اي دي و مدخل العروسين و طاولة للعطور و زجاج مدور على الطاولات ..حسب لي ب 300 و قال بيحط لي على الطاولات ارينجمنت خفيف كسرت خاطره الظاهر..مع ان ما كنت ابي اصلا ..قلت يلا..بيحط خير و بركة..

بنات...ابي صندل لفستان العرس... رحت ديون..الدو.. محلات السيتي و العدلية..ما حصلت...وين اروح؟؟؟؟
و
وصــايــف
عروس برونزية
19-10-2011 | 02:28 PM
رمشـــ

بالعكس حبيبتي افديتني ما قصرتي

ناس يقولون مكياج شنهاز حلو شنو رايج فيه خيتووو
س
سوحي
عروس مشاركة
19-10-2011 | 03:17 PM
بنات ممكن تدلوني على عيادة تجميل شغلهم مضمون افكر اعالج بشرتي من توحيد لون و تنظيف و علاج فقلت العياده اضمن من الصالونات

مين جربت او سمعت عنهم و استفادت اكيد مو بس نهب فلوس عالفاضي
ا
البحـNooRــرين
عروس فضية
19-10-2011 | 03:27 PM
سوحي;15672580:
بنات ممكن تدلوني على عيادة تجميل شغلهم مضمون افكر اعالج بشرتي من توحيد لون و تنظيف و علاج فقلت العياده اضمن من الصالونات

مين جربت او سمعت عنهم و استفادت اكيد مو بس نهب فلوس عالفاضي


:adore: أنا صارلي شهرين اتعالج في مستشفى طارق سعيد قسم الجلدية عند دكتورة هندية
و ما شاء اللله بشرتي صارت صافية وايد ... علاجي كل جلسة تقشير و كريمات :adore:
س
سوحي
عروس مشاركة
19-10-2011 | 03:33 PM
البحـNooRــرين;15672615:
:adore: أنا صارلي شهرين اتعالج في مستشفى طارق سعيد قسم الجلدية عند دكتورة هندية
و ما شاء اللله بشرتي صارت صافية وايد ... علاجي كل جلسة تقشير و كريمات :adore:


تسلمين على الرد حبيبتي

ممكن تعطيني اسم الدكتوره و رقمهم ووين مكانهم اذا ما عليج كلافه :)
ز
زهوور البحرين
عروس مبدعة
19-10-2011 | 04:28 PM
بنت التـــاجر;15672258:
مس كلرز..



ريناز يقولون حلو... انا تذكرت شفت حنة عروس على مرت حماي..كان وايد حلو و شغل دقيق و صابغ عدل..من جذي شكلي بروح هناك.. و اسعارهم اظن تبتدي من 4 دينار..


اللي قالت عن برستيج..يعتمد حق جم نفر... هو يبتدي من 1650 حق 200 شخص الباكيج الفضي..يشمل المسرح بدون ورد ..العشا.. مكسرات و ميلس للرياييل و ديجي و بطاقات الدعوة.. اذا الذهبي بيشمل التصوير..بس محد ينصح فيه.. و بيكون ب 1870 اعتقد.. و هكذا
الورد على المسرح يعتمد شكثر تبين و من بره الصالة او من اللي يشتغل وياهم...انا خذت من اللي يشتغل وياهم اربع باقات مع ليتات ال اي دي و مدخل العروسين و طاولة للعطور و زجاج مدور على الطاولات ..حسب لي ب 300 و قال بيحط لي على الطاولات ارينجمنت خفيف كسرت خاطره الظاهر..مع ان ما كنت ابي اصلا ..قلت يلا..بيحط خير و بركة..



بنات...ابي صندل لفستان العرس... رحت ديون..الدو.. محلات السيتي و العدلية..ما حصلت...وين اروح؟؟؟؟




انا تحنيت في ريناز و وايد بعد و في ملجتي احسن شي فيهم حناهم غامج عجيييب وحتى اذا يحطون الحنة بسرعة تغمق بس نقشهم مو ذاك الزود يعني .. حق عروس مايصلح الحنايات واايد احلى نقشهم .. :o حبيت اعطيج رايي
أ
ألــ أمـ ــل ـــم
عروس مشرقة
19-10-2011 | 05:39 PM
وصــايــف;15670373:
اتصلت في صالون وصال
حجزت حسب كلام رمشـــ ايمان للمكياج وخديجة للشعر وان شاء الله يطلعونا حلوين
بحط مكياج ابو 10 بس مع الرموش بصير 12 اذا الرموش من عندنا بس قالوا لي ابو 10 لونين بس يمكن اغير رايي واحط ابو اكثر يعني وش رايكم

والشعر انا فستاني الظهر طالع وجدام مسكر وشعري قصير اختي تقول سويه بف وويفي انا شعري للكتف
بس انا اقول يمكن اسويه بس سشوار على فوق

افيدوني يا بنات
بالذات اللي جربوا وصال

قبل سبوعين بنت خالتي رايحة وصال خلت مكياج ابو 5 عند شهناز تقول خفت لون ومو حليو ناعم ما يبين قامت نصدمت ما جنة ابو 5 الصراحة فيه لونين بس اوفر ما كان ناعم وخالتي في ملجتها خلت ابو 10 كان فضيع عند ايمان وملجة اختي بعد عند ايمان ب25 دينار ما حسيته زيادة فيه شيء جنة ابو 10 بس لانه ملجة مخذين عليها هالسعر ومرة مرت خالي خلت عندهم ابو 15 كان مأسات الوان ترابية وما تبين كلش بعد عند شهناز اني احس شهناز لمحبات المكياج الاوفر اما ايمان لمحبات المكياج الناعم ولون ليه دور بعد

عس عس;15671817:
حبيبتي المحل سكرته صاحبته ومافي احد، بس قالت لي انه اختها فاتحه لها محل وبنفس مستوى محلها وهي الحين مع اختها اعتقد يعني وكأنها قالت في لمحرق المحل واسمه على اسمه اختها صاحبة المحل
(سيما )

اذا تبين عندي رقم موبايلها وتقدرين تسألينها وين محلهم بالضبط :thumbs_up:


طرشي الرقم اختي ما عليش امر ... اني اليوم بروح هالمنطقة وقلت بمر اجوفه بس دام في لمحرق يبي له مشوار بروحة
ع
عروسه جامعية
عروس مشاركة
19-10-2011 | 06:13 PM
وصــايــف;15672452:
رمشـــ



بالعكس حبيبتي افديتني ما قصرتي



ناس يقولون مكياج شنهاز حلو شنو رايج فيه خيتووو



اختي انه جفت جفت مكياج شهناز ع بنت خالتي مكياج حلوووو ومرتين حطت عندها وبو 10 لان بنت خالتي تحب الخفيف جدا بس حلو مكياجها ومرتب

وبالتوفيق
ع
عروسه جامعية
عروس مشاركة
19-10-2011 | 06:16 PM
عروسه جامعية;15666274:
بنات بسألكم وين احصل دبله فضيه نسائية لكن كشخه حلوة يعني ويكون سعرها معقول؟
لاني ابي افصخ الذهبيه في العيد واطقم مع الاكسسوارات
فياريت تذكرون لي اماكن عندهم وبشكل حلو


معقووله ولا رد
^o):-o
ت
تراجي ام الزين كله
عروس ماسية
19-10-2011 | 07:44 PM
محرقية من قلب;15670275:
آآآمين ان شاء الله الله يسمع منج حبيبتي :)

اتصلت بشيماء بوجيري بتكون مسافرة ,, فما قلت الا اتوكل على الله واجوف احد بالرفاع وحجزت عند شريفة فولاذ مع اني متخوفة حدي والشعر بالرونق ,, والله ايسر لي ولكل العروسات يارب ,,

حبوبه ممكن بعد عرسج نشوف ميكبج اللي عند شريفه :oوبجم العروس عندها 70 لو 100؟؟

بجلوتي متوهقة اتعدل او لا ,, لانه اوردي ويهي مغطى فقلت باحط لي مكياج بروحي بالبيت اوردي بيكون في بيتنا يعني ,, والحنة باروح صابرين كمال عند عبير الرويعي خاطري اجرب مكياجها ,,

الجلوه روحي صالون بنت الاصايل تاريخ 21 عندها 9 بنات حق ميكب روحي شوفي شغلها يصير في بسيتين اليديده ميكبها ب 20 من غير رموش ويا الرموش 25 وعندها ب 30 هاي الحجي امس صاير رحت لهم عشان ابي اشوف واحجز وخبروني

والملجة مادري للحين :study: وملجتي يوم اليمعة بعد يعني عقب يومين وللحين ماسويت شيء بعد بس حدي فستاني جاهزة ,,
الله يسر لج ياربي مابقى شي وانه اقولج روحي شوفي بنفس تاريخ ملجتج هههه

يعني بالمختصر حالتي حالة لانه عرس مرة وحدة ,, ملجة وحنة وجلوة وعرس :( فدايخ راسي مو عارفة شاسوي وشاخلي غير تجهيزات الشقة والسفر ,,

فمن احصل جانس عند احد اخذه ماعور راسي وادور ,, والله ايسر ان شاء الله ,,


الله يكون بعونج من قلب
وممكن تراوينه جزء بسيط من ميكب اختج بالعرس اللي عند ابتسام لان اتصلنه بها قالت ماراح تبدي تمكيج الا شهر 12 فمافي كستمر نشوفه عليه

ام سجاد كلمتها اليوم بنت خالتي قالت لها بوو محرق ماقدر بس لما قالت لها تعالي لي البديع قالت اوكي بس حستها ان بتخون بها فبتخليها احتياط;)


اخت القمر
حبوبه ابي اشوف ميكبج يوم الخطووووووبه الله يرحم والديج:o


اليوم بنت خالتي كلمت صفاء وقالت لها ان عندها عرايس اذا تبي تشوف لكن لاني بالمعهد العصر ماقدرنه نروح قالت لنه اتصلو فيني كل مره الساعه 12 عشان اخبركم اذا في عراااايس وتيووون
قالت لها اذا انتي حاطه ببالج انج بتين اتشوفين بتعبين لان كل وحده ستايل وملامحها غير بس اذا بتشوفين الدمج ورسمه الكحل وهالسوالف اوكي هههههههه


خبروني من شوي باجر بنروح السعوديه ويا العصر ان شاءلله القى اكسسوارات فخمه ياربي وين تنصحوني اشوووف؟؟
ابي نفس الستايل الهندي بس وردي:thumbs_up:الحياه بلازا فيه اشيه حلوه؟؟ او وين اقولهم
ا
البحـNooRــرين
عروس فضية
19-10-2011 | 10:12 PM
سوحي;15672640:
تسلمين على الرد حبيبتي

ممكن تعطيني اسم الدكتوره و رقمهم ووين مكانهم اذا ما عليج كلافه :)

:o اتصدقين عاد رحت جلستين ولا ادري اسم الدكتورة شنو
يوم السبت عندي موعد بشوف شنو اسمها :lol:
بخصوص مكانهم .. في الزنج قريب من مستشفى ابن النفيس
و
وصــايــف
عروس برونزية
19-10-2011 | 10:14 PM
بنات افتر راسي الحين من في وصال تمكيج ناعم ومن اوفر

انا ابغي شي يبين زاهي وحلو مو ناعم خفيف

فاللحين رسوني الله يخليكم على بر ايمان والا شهناز
ا
البحـNooRــرين
عروس فضية
19-10-2011 | 10:15 PM
:o:o:o:o:o

بناااااااااااااات عروس

بإذن الله عقب باجر اليمــــــــــــــعة بيون الحريم بيتنا :o:o:o:o

دعواتكم لي بالتيسيـــــــــــــــــر

:L:F::L:

محتاجة اتقولون لي احلى معجنات ... حق القدوع ابي آخذ ؟ مكان جريب في المدينة او الرفاع
*
**بحرينيهـ**
عروس مشرقة
19-10-2011 | 11:14 PM

**بحرينيهـ**


يجوز بعد عن الديجي أكون ظلمته


بس سماعاته مزعجة بعد كانت


وتعالي علميني ... شنو يعني اللي قلتيه :| يعني شلون شالفرق ... أنا آبي أغاني راديو عادية وبعد في أغاني بس يحطونها في العرس حلوة بس عاد مابي ذيج الاغنية اللي خبرج (مادري للحين يحطونها ولا) ولا آبي أغاني تافهة وكلها حنة وسين سين ومادري شنو ... شنو أقول حق الديجي يعني؟؟؟؟؟؟؟؟؟؟


واشوه بعد طلعت زينة الحناية ...بس جنه سعرها وايد!!! ووااااايد بطيئة ... ملل!!!!!!
يلا أهم شي عجبج
وما عليج أمر بغيت رقمها هالحناية مو موجودة في الملف







كلوورة
يختي مااادري يمكن انه كان مطول على الصوت والصالة وايد صغيره عشان جذي كان الصوت مزعج ما يندرى والله . بس اقول لج عن خطوبتنا شال الصالة شيل ما قصر حتى الكل الكل مدح واستانس وجم وحدة خذوا رقمه من اختي .


الله يسلمج الاغاني تفرق .. يعني احنا لما كلمناه نبيه حق بنت خالي سأل اختي جذي جم سؤال عن طريق غير مباشر خخخخ قال لها اختي يعني الخطوبة حق سمر سمر ولا عاديين ؟؟ يعني انتوا تبون طيران صقال عدل عدل ولا الاغاني العادية الي تردح ؟؟ قالت له اختي لا احنا عاديين بيض مب سمر سمر خخخخ . وقال لها حتى انتوا اذا عندكم لستة اغاني معينة تبونها عطوني اياها وان شاء الله ما يصير خاطركم الا طيب . عاد اختي قالت له لا احنا نبي الاغاني المعروفة الحلوة الي تردح وكل شي نبي مصري خليجي هندي كل شي خخخخ . وبصراحة ما قصر اقول لج ما اتذكر ان في احد كان قاعد خخخخخخ . يعني الي يبي ياخذه يقول له شنو نوعية الاغاني الي يبيها مو يخليه على كيفه لان هو ما يعرف شنو ذوق الناس ويمكن يحط اغاني بس لانها يديدة يمكن انها تعجب الاوادم خو الناس اذواق ف انا افضل ان اصحاب الحفلة يتشرطون في الي يبونه وهو ما بيقصر .


اما الحناية .. ااااااي الحمدلله طلع النقش حلو لقيناها بسرعة بسرعة واشوة رضت اتيي بعد .. لان الله يسلمج هي تحني العروس ب40 دينار .. وانا بس يد ف خذت 20 . بس المفروض انها تحط لي لتحت الكوع او لفوقه عالاقل .. بس ما قلت لها شي لاني صج صج تمللت وتعبببببت من القعدة .. طولت فيني وايد خذت فيني 3 ساعات . بس يلة الحمدلله عدت على خير . ان شاء الله حق العرس بحجز عند بثينة مدينة حمد لاني حبيت نقشها وايد ودش مزاجي .


ان شاء الله حبيبتي باخذ الرقم من عند اختي وبدز لج اياه




*
**بحرينيهـ**
عروس مشرقة
19-10-2011 | 11:16 PM
نور البحرين

حبيبتي الف الف الف مبروك عسى الله يتمم لج على خير ويوفقج يارب
*
**بحرينيهـ**
عروس مشرقة
19-10-2011 | 11:19 PM
نور البحرين قولي لي عن المستشفى حق بشرتج :(

شنو سويتي بالضبط وشنو عيوب بشرتج كانت ؟؟؟ وجم كلفتج الجلسة الوحدة مع الكريمات والتقشير ؟؟؟؟

انا قبل جم يوم من خطوبتي صادني شي ما له عدال ويهي انترس حبوب وصار جااااااااااااااااف جنه متقشر ومادري ليش صادني جذي وطبعا اغلب الظن من النفسية والتوتر . عاد قلت لازم اجوف لي حل جذري مع ويهي . وابي ابتدي من الحين عشان ما انصدم قبل العرس بجم يوم بعد :(
غ
غلاآ البحرين
عروس رائعة
20-10-2011 | 12:37 AM
البحـNooRــرين;15673793:
:o:o:o:o:o

بناااااااااااااات عروس

بإذن الله عقب باجر اليمــــــــــــــعة بيون الحريم بيتنا :o:o:o:o

دعواتكم لي بالتيسيـــــــــــــــــر

:L:F::L:

محتاجة اتقولون لي احلى معجنات ... حق القدوع ابي آخذ ؟ مكان جريب في المدينة او الرفاع



وااااااااايه علييييج
و يازين الخجل اناا :o
ربي يوفقج يا الغلااا و يكتبلج الي فيه خير و يتمملج على خير
الموهم .. في عرس اخوي طلبنا من ملكه المنصوري في بوكواره فضيييييييييييييعييين المعجانات مالها ماشاء الله عليها طلب وااايد و صج صج صج لذيذه معجناتهاا انصحج فيها و بقوه :thumbs_up:
ش
شوشو 87
عروس ماسية
20-10-2011 | 12:41 AM
وصــايــف;15672452:
رمشـــ



بالعكس حبيبتي افديتني ما قصرتي



ناس يقولون مكياج شنهاز حلو شنو رايج فيه خيتووو



وصايف أختي ترى الاثنتين حلووو جايفه شغلهم كذا مره لاتحاتين ، انه على تجربه شخصيه جربت شهناز حلوووو :thumbs_up: وانتي اذا قعدتي قولي لهم شنو تبين
p
persian_moi
عروس رائعة
20-10-2011 | 01:36 AM


بنات ضروري

شنو أحسن ستديو يسوون كليب حق فيديو العرس؟
والسعر اذا ممكن
ا
اخــ القمر ــت
عروس مبدعة
20-10-2011 | 08:26 AM
صــبــاااح الخير بنااات


ماتلاحظون الموضوع راااااااقد وين البنات معقوله محد قاعد يجهز وين التقارير والله كنت قبل حدي استانس بس الحين ادش يصيدني احباط واطلع شاركوا وتناقشوا خل يصحصح الموضوع شوي



البحـNooRــرين


الله يتمم لج على خير حبيبتي


انا خذت من معجناتي في الغربي يعني حسيته عادي عندج امبرس وملكة يمدحونها بس ماجربت منها شي وفرح وسوينا اتذكر جم شي في البيت يعني صار نفس البوفيه صغير السويت خذت من ليلو اشيه ميني ومن فرح نفس الكب كيك صغنونااات حلو بعد


الله ايسر لج واي استفسار احنا حاضرين :)


تـــرووجـــــــه انشالله حبيبتي بس انا فاااااجه انشالله اذا حصلت وقت اطرش لج :)
X