عندي تقريرين مال يوم الخميس ومال امس
اول شي يوم الخميس
قعدت ع الساعه ع الساعه 10 تسبحت سبوح عدل :lol:
وسويت شعري بسرعه استشوار وكنت ماخذه موعد 12 ونص حق بدكير منكير في NAIL LOUNGE صليت الظهر ورحت متأخره بعد حكوا ريلي عدل وهالشي عجبني لان جم مره اروح ماكان شغلهم اوكي بس الشي اللي ماحبه ان اذا ما انقصوا الاشيه اللي في الظفر تقعد تحاول وتحاول وتدخل ذاك الشي الطويل انا ادري ان ماباحس بالالم في نفس الوقت بس شاسوي ماقلت لها شي :(
وجفت على اظافرها مرسمه ANGRY BIRDS على كل ظفر واحد غير صج كان مرتب بس مادري بجم يسوون المهم خلصت ورجعت البيت رديت على شعري لان تعفس شوي تغديت بسرعه جنه لاحقني شي وصليت العصر وانا طالعه متوجهه حق صالون شريفه
دشيت وقلت حق فلبينيه عندي موعد شعر ومكياج نادت وحده 2 وقالت لي شتبين قلت لها شي ناعم وراويتها فستاني و تمت تشتغل تشتغل وانا ماجوف شقاعده تسوي لان ورى مايبين الا يايه شريفه تقولها اهيه تبي حلزون قالت لها اي وانا صرت :confused: :| :hysterical:
اي حلزون ياغبيه انا قلت ويفي وكانت بتكمل قلت شاسوي ومن غبائي ماقلت حق شريفه شي خليتها تخلص ورحت انطر دوري حق ميك اب وكانت قبلي وحده سوت لها درجات البنفسجي كان ناعم انا راويتها فستاني وتمت تحط وسألتني تبين موديل الستينات قلت لها اي شي خلصت وجفت في المنظره كان حلو الحمد الله وقلت لها عن الشعر ان مب طلبي ذي ووايد عليه اذا بتاخذ 20 قالت لي خل الفلبينيه ال 2 تكمل لج لان هذي توني يايبتها من المطار :-o
تخيلوا بس والله ياتني الصيحه ليش عمري سنتين تسوي لي حلزون :'(
قلت لها كلمي ال 2 وقالت اوكي بتسوي لي وذيج ماتدري تتبسم لي ويوم كملت تقولي يلا تعالي قلت لها لااااا الثانيه بتسوي لي :rolleyes:
جان تبتدي عقره والله ماسكتت طول ما ال 2 تسويلي واهيه ترطن بالفلبيني عورت راسي وتقول كلمات بالانجلينزي الثورة عبالها مافهم كان خاطري اقوم اكفخها الساحره والله جنها ساحره شعرها اشقر وحواجبها سود عرااااض كله مني لازم من شكلها اعرف انها غبيه :lol:
بس تخيلوا من 3 ماطلعت الا 7 ونص تكسرت وسييييييييده رجعت البيت لبست وتبخرت الحمد الله كنت مبرزة اغراضي واتصلت حق خطيبي يه وداني ع ال 8 ونص طبعا ماكان في احد قعدت بروحي ع الطاوله ام خطيبي وخواته عند الباب وعقب تموا شوي شوي اييون الناس ويترقصون كان العرس اوكي ماكان في احد واااااااو الميك اب والشعر اغلبه عادي وحتى الفساتين اشوه رحت الصالون لان ام الخطيب تمت كل ساعه توديني حق ناس اسلم :p
ودشت العروسه فستانها كان كلش نااااعم وميك ابها ماحسيت فيه زاهي جنه عادي وتسريحتها ماتبين وايد تحت الطرحه امها واختها متمكيجين عند منيره سبت كان اوكي وام خطيبي واخته الصغيره عند فاطمه شويطر لان منيره قالت لهم اخاف أأخركم امه كان اوكي بس اخته عجبني اكثر كانت لابسه اسود سوت لها اوف وايت وسموكي اسود وبس طلعنا ع الوحده وشي لان 2 بيصكون القاعه الحمد الله استانسنا
في الطريج امه تقولي مسكينه العروس سوت لها فاطمه فكري شعرها مخربط حده وخذت 80 وراحت صالون صابرين فلوه من اول وسوه لها وخذوا 70 :-o
ومكياجها كان عند فاطمة شويطر بس لو انا صايدني هالموقف جان الله اعلم بحالتي مسكينه
تقرير امس
قلت حق امي قومي وياي ادور جلابيه رحنا زاهيه اسعاره فوق ال 200 على الخرطي واليشمك على قولة امي محل العيايز :lol:
بعد اسعاره 80 و 100 وجنهم جلابيات بيت ورحنا اسرار الفراشه صاك وسواريه ماعجبني وصباح السالم مادري شسمه حسيت عنده اشيه حليوة بس قال ماخذ اوردر حق العيد ورحت دار سراي عنده بس صور يعني مافي شي مخيط ف مادري قلت يمكن يمكن اذا ماحصلت شي اشتري خلق واوديه عنده يخيطه
ايي صج رحنا محل مال ميك اب يديد يم المحلات اللي في لفة حمد كانو يم تاج المملكه محل صغنون عندهم ميك اب من امريكا ماعجبني شي اسعارهم حليوة امي تقول نشتري ماركه احسن :p
عندها بنتها تمكيج راوتني صور في الكمبيوتر ماحسيته متقن يعني ومب مرتب وايد قالت تحط ب 15 في نفس المحل وبــــــــــــــس :)
