« تجهيزات عرائس ' مملكة البحرين ' لشهر ذو القعدة 1432 - 2011 م / الجزء : 82 »

حالة فرح;15632518:

عرسي تكنسل وباسوي استقبال لين رجعت .. متضايقة بس ماعندي حل ثاني :(

بس الحين افكر اصور في بنيان تري .. فتعرفون بنات اييون يسوون شعر وميكب عروس في فنادق بعيدة ويكون سعرهم مايتجاوز الاثنين مع بعض عن 150 ؟

طبعا اذا ماحصلت باضطر انا اروح .. بس اذا في هالاوبشن لناس تسوي حليو بيكون اريح لي :)

في بيت أبوي;15633299:
بنات بسألكم شنو العطورات الفرنسية الحلوة الحين؟ يصلح تستخدم في الاعراس؟

just girl2008;15633811:
السلام عليكم اخواتي

ممكن رقم الحنايه خلود اللي بيتها بالرفاع

كان عندي رقمها بس ضاع مني وابيه ضرووووري :(

وصــايــف;15634503:
بنات وين احصل فستان حليو ونعومي وكشخة بس ما يتعدا سعره 20 دينار بالكثير 25 يصلح حق عرس مو مهم طويل والا قصير بس عالموضة

وافكر اروح مكياج حق صابرين كمال وش رايكم انا اصير خالة المعرس
ابي شي مرتب وحلو حق الشعر والمكياج بس ما احب المكياج الناعم الخفيف ابي شي وسط وزاهي وابي المكانين مع بعض

فتنصحوني عند صابرين والا عبير الرويعي

عاد انا خايفة عبير تحط لي ناعم وانا ما ابي ناعم لان سبق وقلت لكم ان كل العروس اللي صارت عندنا تمكيجت بروحي بس مرة وحدة رحت صالون عادي والكل قال نفس مكياجي وانا احلى بعد

شوروا علي اروح حق من فيهم وابي اسوي الشعر بعد عندهم على ما اظن قلتوا نوال احلى من لطيفة ؟؟؟

ويا ربت اعرف اسعارهم للمكياج والشعر انا شعري قصير لبعد الكتف بشوي وابي اسوي بف وويفي بس

Moonzy;15635361:

بنااات مسااعده عندي لستة اسأله :o و ماعندي غيركم

اول شي اقترحوا علي اماكن بوفيه و يكون سعرهم زين و اذا في عندهم نافورة الجوكلت

بعدين اقترحوا علي نوع التوزيعات للجلوه بما اني ما بسوي عرس و شنو اوزع قبل البوفيه مع ذكر الاماكن مالهم :cool:

بعدين ابي اماكن تأجر مسرح جلوه حلو و سعره معقول في حدود 100 لي 150
و كراسي و طاولات

و عن التصوير قلت بيب مصوره بحرينية و الفيديو المستقبل عاد تعرفون اسعارهم؟ و من ترشحون لي مصوره زينه و سعرها زين :D

و ابي فناتق للجلوه شي حلو مثل شلون ادخل و شنو البس فوق الجلابيه لان مسويه تراثي

و ابي اماكن تأجر ذهب و اذا تعرفون في حدود جم :o

و رشحوا لي بخور ريحته حلوه لعروس لليلة الجلوة

و اخر شي يمكن البس ابيض لين رجعت من السفر و ابي اصور بس ماابي ستوديو ابي صور طبيعيه و حلوه من من المصورات يجي يصوور؟

بس واايد سألت :o بكمل بعدين :o

нαиεи вαвy;15635167:
ماعليج امر خيتووو
بجم حمام رحمة المغربي؟؟
:)

اخــ القمر ــت;15636455:

[CENTER][B][COLOR=#9932cc]بنااات يوم الخميس عندي عرس بنت خالة خطيبي وهذي اول عرس بيجوفوني فيه عقب الملجه وفي ناس ماجافوني اصلا اول شي قلت باسوي شعري في البيت وباحط ميك اب بروحي بس عقب فكرت قلت خل اروح احط ميك اب عند وحده بروفيشنال ابي اصير حلوة ذاك اليوم وشعري يمكن اسويه ويفي في البيت

مين تشورون علي حق ناعم لي متوسط

شريفة فولاذ بجم تحط؟؟

ابي في حدود 20 - 25

كــلـــوورة انا مره صادني جذي خذت بودر غامج ومخليته ساعات استخدمه بلاشر وساعات اذا حسيت مثلا كريم الاساس فاتح احط فوقه او تخلطينه مع شي افتح يعني كريم اساس او بعض الكريمات تحسين لونهم واايد ابيض وهذي اتوقع احسن واضبط وانتي جوفي اللي تفضلينه :thumbs_up:

اخــ القمر ــت;15636579:

كلورة ياسمين في وين؟؟

ابي شي جريب من الرفاع شكلي باجيك شريفة

ههههههههههههه ضحكتيني حسبي الله على ابليسج عيل مافي الا تشترين فاونديشن فاتح مو شرط نفس الماركه اذا كان غالي بعد شتسوين هالمره حطيه وردي البيت جيكيه اذا اوكي روحي مره 2 :p

الله يسلمج يوم حطت مهاوي التقرير جفت عندهم تخفيض من فتره رحت اقوله ابي العود المبخر عطاني واحد علبته بيضه صغيره وقالي في اكبر شوي كان جنه ب 15 قلت له لاا انا ابي الازرق الا يقولي هذي مثله بس ذاك مركز اكثر قلت له يلا انزين باجربه وخشيته ذاك اليوم تخيلي كنه نتمشى فوق يم دبنهامز والريحه كافختنا اقول حق خطيبي تشم يقولي اي الريحه حلوة امشي ننزل نستكشف من وين ويوم رحنا يم باريس غاليري جفنا المقبس العود قلنا لهم هذي من وين قالولنا دشوا داخل ويوم دخلنا الا محل صغنونو حق اجمل وسألناه راوانه اللي علبته زرقه قالي ب 53 جنه مب متذكره بس طلعنا وانا حاطه في بالي اخذه اول ما اجوف تخفيض حتى امس مرينا الريحه لذيييييييييييذه يبيله :lol:

M!ss CoLoRz;15636589:

ياسمين مع صابرين كمال في صالونها .. تدلينه صح.. صوب مفروشات كونج فو والشوملي

عيشتني الجو مع سالفة العود والبخور :adore::adore::adore: آبي

في بيت أبوي;15636609:
M!ss CoLoRz و اخــ القمر ــت
مشكورات حبايبي رحت اشتري عطور وتوني الحين رادة خذيت 2 ديور جادور فظيع والثاني ديور بويزون الاحمر صج فظيعين

M!ss CoLoRz;15636511:

الفاونديشن اللي انا ماخذته سائل ووايد سائل يعني إن استخدمته حق تخفيف على شوركم بتصير عفسة ولازم ارد من يديد على كل شي

شكلي بخلطه مع بودر جونسون :lol:

بجرب طريقتج أخلطه مع كريم مرطب واجوف شيصير ...والله حسافة عليه وااايد حلو هالفاونديشن