السلام عليكم بنات شخبااااركم ^,^
في جم بنت ذكرت اسمي بس سوري نسيت احين خخخ مشكورين ع ردودكم (:
افدتوني ^,^
موضوع صور الفساتين شايفتهم من قبل << مافي صورة فستان ما شفتها في جوجل خخخ
ومعلومات شوبنج السعودية حطيت عندي جم نوتة حق بعدين خخ
اظن مس قطر كانت تسال عن محلات حلوة
جربي واحة الجلابية حق قمصان نوم وجلابيات
انا عن نفسي طخيت اشكثر ب ٢٤٠٠ ريال تقريبا واللي وياي ماصدقت حطت ٢٦٠٠ تقريبا ع قمصان نوم كككك
ع قولتها اهني اشكال اكثر واسعارهم احسن من الدوحة
وطقم العرس خذته من هناك في صندوق طقم كامل ب ٨٠٠ تقريبا ومعاه كعب بو ريش هدية كان عندهم من الطقم حبة وحدة وسايز ميديم عاد عشان خاطري عطوني اياه وقالولي حجزنالج طقم سمول في المحل اللي في عليا مول خخخ
وبشكل عام وايد من محلات الرياض عندنا بس الفرق ان اهناك يسوون عروض ع منتجاتهم وتنزيلات اكثر وعندهم تنوع اكثر @،@
بس بعض المحلات ترفع ضغطج يحطلج لوحات اشكثر عالمحل انه عنده تنزيلات ٧٠٪ واخر شي اتدشين وتلقين ستاند اش نتفه هو الوحيد اللي عليه تنزيلات خخخخ
اممممم رحنا وايد مجمعات بس ما استغليناهم عدل لان كل شوي المولات تتسكر .. حق الصلاة هاي شي حلو وايد!
بس تخيلوا يفتحون ٩ ونص الصبح لين ١١ ونص وندش المجمع مهجوووور ونص المحلات مسكررررة ههههه واللي مفتوحين فاااااضية ككككك .:^.^:.
استانست من ناحية انه مهجور لاني ماحب اروح الاسواق وهي زحمة بس سالفة ان نص المحلات مسكرة ونصها مفتوحة شي مو حلو <,<
المجمع الوحيد اللي رحناله ويكون فاتح الصبح من ٩ ونص لين ١١ ونص اهو الرياض غاليري
اهني طخينا منه ملابس وايد خاصة من واحة الجلابية
كنا مخططين نروح حياة مول وصحارى مول بس ما لحقنا ):
رحنا اسواق مكة .. فساتين عرس جاهزين ما يبيعون جنه بس كله مصممين فالطابق الفوقاني او التحتي ماذكر عدل
والصراحة يصممونج برخص التراب بالنسبة للدوحة @،@ وخلاقينهم حلوة ويطلبونها لج من اماكن زينة
ومحلات الخلاقين بعد اللي في اسواق مكة عندهم اشيا حلوة حق فساتين سهرات (:
كنت افكر اصمم بما ان يصممون فمدة قصيرة واسعارهم حلوة بس اظن لازم اذا اللي تبي تصمم يكون عندها صور ورسومات او عالاقل فكرة واااضحة باللي تبيه
بس السالفة يبيلها بروفة او بروفتين وصعبة اروح للرياض مرة ثانية .. ~,~
و ع اخر ليلة رحت اهناك وكنت مقررة اني اصمم بس اللي وياي خرعوني وقالولي لا تسوين شغل سريع والريال في محل "ليلتي" للافراح بعد قال لي انتوا يايين لنا من الدوحة واذا تبون افضل اسويلكم شي حلو وانصحكم ما تستعيلون وتسوون شغل سريع !
اهو يمني واخلاقه حلوة وريال زين (:
وكان فيه محلات لتجهيز العرس .. سالنا عن الكوش .. تخيلوا .. اكشششششخ كوشة عندهم ب ١٠٠٠ وشي!
واحنا كوشنا توصل امية الف !
.:>,<:.
امممم شارع العليا الصراحة وااايد اسواق ومجمعات احس هاي اكثر مكان خذنا عليه وقت خخخ
اذا بتروحون اخذوا فرات فيه وخاصة العليا مول حلو بس للاسف ما تمقلنا فيه عدل كل شوي يسكرون علينا ككك
والرياض غاليري حلو بعد (:
سنتريا مول كله ماركات واللي وياي قالوا عقب ما دشينا محل خاص ب هيلو كيتي ان هالمنتجات موجودة ففيلاجيو بس ارخص ..
يعني توب او بلوزة ب ٦٠٠ ريال اشدعوة خخخخ انا من الاندلس خذت فستان سمبل ب ٢٥٠ ككككك
لا وعندهم تنزيلات صار ب ٤٠٠ وشي خخخخ
يقولون فالعثيم مول في قمصان نوم حلوة بس ما لحقنا انروح واصلا خذنا حمولة من واحة الجلابية ككك
اي في سوق ماذكر شسمه يمكن عويس او شي ثاني بس كان شعبي اذا حد مهتم يسالني وبسال لكم عن اسمه لاني ماذكره حاليا
خذت منه شنط وفي محل حق واحد باكستاني طخينا منه جم جلابية للبيت واسعاره اوكي او رخيصة ع حسب نوعية الجلابية @،@
رحنا اماكن ومجمعات وايد بس اللي عجبوني ذكرتهم .. (:
بالنسبة للعرس احس عقب الملجة تغير تفكيري ٦٠ درجة وعقب السفرة تغير لين ١٨٠ درجة @،@
في احتمال اني ما اسوي عرس خخخ
افكر اسوي عشا للناس وانا اكشخ والبس واتصور واكشخ السويت فالفندق وافكر اتعشى في ليلة عرسي في يخت اذا حصلنا يخت @،@ واسافر عدة اماكن ^.^ واونس نفسي اكثر ^,^
وقايلة لربعي وريلي يدورونلي ع افكار مميزة اسويها تعويضا عن العرس (:
بس لحد الحين ما ضافوا اشيا يديدة ع فكرتي خخخ اذا عندكم فكرة تفيدوني فيها ...؟
اييي نسيت اتكلم عن الاكل خخخ .. عندهم مطعم اسمه فلافلكم شنو فلافله حلووووو لو يفتحون اهني فالدوحة صج بيربحون وعندهم فلافل محشوة @،@ لحد الان المنيو مالهم عندي اتغشمر ويا رفيجتي اقولها يللا انا بطلب سلطة فلافلكم وصحن فلافلكم انتي شنو تبين خل نطلب كككك
والمطاعم اللي حوالين شقتنا ماكانت حلوة وغالية وكميات اكلهم صغيرة @،@
وكان ودنا نبلع لنا ذاك المندي ككك بس ما لقينا وبداله حصلنا مطعم يسوي عيش لذيييذ ^,^
<< وحدة مهمومة ويا مطاعم ام صلال ككك
وهذي جم صورة لزوم العبط <,<
http://go.3roos.com/9h0ho6pppkk
منيو فلافلكم اطلبوا عليكم بالعافية خخخ
http://go.3roos.com/ybedalcwaey
فهودي يتصور مع الهضاب ع طريج الرجعة @،@
http://go.3roos.com/i76ckr776ge
هالصورة نكتة .. لوحة فالممر عند المصاعد في شقتنا.. اراوي الصورة ل رفيجتي واقولها هاي ريلج حاط راسه ع يده عالطاولة وانتي جنبه لابسة عباية راس مع عينج الوحيدة هههه
واهي مصرة ان هذي انا والديدان الطالعة حوالين العين هذي كهربا (لاني فالرياض مادري شستوى فيني كله اتشووووط كلما لمست شي تشوطت وكلما لمسوني اتشوط .:>,<:. تعذبت الصراحة وياتني حالة نفسية)
http://go.3roos.com/5n6b4krp9sr
كنت احسب هاي غيمة تستهبل بس قالولي انه بيبي اعصار @،@
http://go.3roos.com/ovr2xedfgln
اووو شير ع جوانب شارع حلو رومنسي ماعندنا جذي ككك
http://go.3roos.com/n2xh07cfai6
طقم فوط وروبات للعروس والعريس من واحة الجلابية ب ٤٠٠ وشي ،سوري الصورة مو واضحة وايد لاني حركت الجوال خخ
http://go.3roos.com/ijxs2p4w8ii
هاي نكتة بعد .. كلما شريت شي صفيته فالممر كانوا يضحكون عليهم يقولون عرض ازياء ككك كانوا خايفين منهم يقولون مافي مكان وين بنحطهم خخخ بس عقب تخلصت منهم كلهم ورتبت الاغراض @،@
في محل اسمه رفيف لانجري في اسواق مكة .. عنده قمصان نوم ممكن تنفع ل ليلة العرس .. خذت واحد ابيض ب روبه ب ٢٠٠ وشي بس الاندر الوير اللي وياه ما ينفع شكله عبيط وواحد ثاني كيسه وردي (فالصورة) اسم المحل بردى جنه فيه سوداني خذت منه قميص وردي وروب عاجي والصراحة سهل علي الموضوع كان يرخص بنفسه ورخص وايد من اول مرة كككك
اظن صاحب المحل كان قطري..~,~
(ملاحظة: الاكياس الكبيرة داخل الحجرة خخخ قولوا ما شالله خل اتهنى باغراضي ^,^ )
الصراحة استغربت كل محلات قمصان النوم واللانجري كللله رياييل حتى لاسنزا @،@
اي في محل اسمه لا في روز قمصانه غالية بس خذت منه روب دانتيل اسود قصير حلو .. بس اسعاره اسعار الدوحة خخخ
مسك الختام كك
http://go.3roos.com/30jioo2zeeq
دشوا هالموقع صورت عنوانه من كتالوج فمحل في اسواق مكة .. فساتين عرس نااااعمة وديزاينات راقية وحلوة .. رفيجتي ماتت عليهم خخخ انا عجبني الفستان اللي له اطووول ذيل من بينهم كلهم خخ
اي نسيت اقول : في محل كبييير اسمه السنيدي فالطابق الثاني كللله اغراض كشتات ورحلات بر عنده اغراض وايد واسعاره حلوة (: << عشان خاطر رياييلكم خخخ
ونصيحة : الـ جي پي اس مهم وايد فالسفرات لان احنا سوينا الهووم وورك مالنا وطلعنا الاحداثيات حق المجمعات والاسواق وحطيناها في جهاز ال جي بي اس بدونه ماكنا بنعرف راسنا من ريولنا فالرياض خخخ
وبث حاليا .. مع السلامة حبايب >,^