« تجهيزات عرائس ' قطر ' لشهر ذو القعدة 1432 - 2011 م / الجزء : 117 »

شوش

انا من رايي بعد انك تاخذين شوكلاته أو ساعه الحين الصالون الا زرق مسوي تنزيلات وشوفي ميزانيتك

انا اقول لك جذيه لأني مرة خذت ساعه من هاي لاند حق صديقتي يوم يات من العمرة

لأن الكل بيودي كافي

اما الساعه اتم ذكرى شوي

شمواه

اخذي ثلاث اطقم طويلة بأروابهم وثلاث طوال بدون أرواب

واخذي ثلاث اطقم قصار بأروابهم وثلاث بدون ارواب

واخذي سته مشيرين ( مشجرين) مالات السوريين

طخة الخمسين ريال أو الستين والله حلوين وعمليين وناعمين

ولاتشترين بو الماركات امهات الالاف ثرى الرياييل مايدرون بالدنيا في هالسوالف

المهم تكون ناعمه وعمليه وتحسين فيهم فخامه خاصة اللي بالأرواب

ولاتنسين النعل بو كعب بو الريش أو الفرو بس لاتاخذين كعب طويل وايد :)

والله يوفقك

بنت قطر


Cute.Qa

الجوهره


احبكم :L: فديتكم والله
الله يوفقكم ويرزقكم كل اللي تتمنونه

عندي سؤال ثاني بعد
في شغله موهقتني .. شلون اقضي على الخطوط البيضا اللي فالجسم
؟ خاصه في الفخذ والمؤخره ؟ هل في طريقة ؟

بالمبارك افتااح الجزء اليديد

شمواه

بالنسبه حق الخطوط البيضا
ما لها حل وماتروح ،،،
انتي بس حاولي ترطبين جسمج على طول
و ترى لا تفكرين فيهم و ان زوجج بينتبه لهم او شي
انتي خلج واثقه من نفسج و اهتمي باشياء ثانيه تصرف النظر عن هالمناطق
و عادي الحياه حلوه ههههه

مساء الخيرررررر

او صباح الخير

شخباركم من زمان مادخلت مبرووووك الجزء اليديد امممم الي سالت عن الحمام المغرب ماتذكر نكها
المهم لليالي الدوحه للمغرب العادي تفرك بس موريحه اطول وجيه عندج السبا الي عند حياة جراند والريتز هو الي يستاهلةن قبل العرس
اما باقي الصوالين احسها عاديه وعندج لاروش اظن حمام مغربي بدهن العود

ثانكس بنات ع رايكم (:

هالايام رحت القاعات وافتر مخيخي خخخ

بقولكم بعض الاشيا باختصار يمكن تستفيدون
طبعا المعازيم ماتحددوا عدل بس وايد شوي عشان جي ادور ع قاعة صغيرة تستوعب اقل من ١٥٠
وادور ع ارضية رخام مثلا ، يعني بدون موكيت عشان فستاني يتزحلق بسهولة بروحي معصقلة مافيني شدة امجعه من الموكيت خخخ

رحت الريتز لقاعة المقتصر طلعت حلوة بس انا كله اقز فالموكيت وشفت مكان صغير وصخ شوي خخخ
رحت رامادا الفندق يبين عليه قديم نوعا ما والقاعة زينة بس الموكيت الوانه جنه سلطة!
رحت ميلينيوم والقاعة حلوة بس المشكلة انها مستطيلة @،@ تبين جنها ممر والموكيت اممم مو لهناك لونه احمر او شي جي وعليه خرابيط بس مو حلو بس ريلي قال حلو بس تسوون عرس اهني لا! لان شاف كاميرا فالسقف فالمنطقة اللي ينحط فيها البوفيه وفيها باب الحمامات الله يعزكم وفيه باب القاعة المفتوح .. يعني كل شي خخخ
طبعا في قاعات وايد مراقبة بس اللي وياي تخرعوا من هالقاعة لان الكاميرا باينة يعني عيني عينك ككك

اممم رحت هيلتون وهاي توه مافتح باقيله شهرين وقاعته حلوة وبعض الثريات والموكيت غير عن باقي الفنادق الوانهم فوشي وبرتقالي وهكذا على ما اذكر يعني الوان فرايحية اكثر من باقي الفنادق .. وقبل لا ندش القاعة يعني فالفندق حاطين كنبات بهالالوان بعد خخخ

رحت النادي الدبلوماسي بس كله ازرق حتى الطوف زرقة ف راح اتقيد بالوان معينة /-: مع ان المكان بره حلو بحر وفي مكان داخلي فيه زرع وبرجة جنه
 
رحت منتجع فريج شرق وقاعاتهم الثنتين زينين واهو تابع للرتز بس اخت ريل وفيحتي عرست فيه وقالت ان خدمتهم تعبانة /-:
رحت فندق سويس بيل مكانه شوي ماينفع ل مواقف بس القاعة زوينة ..طوفها لينة جنه مستشفى الميانين خخخخخ وشكله كان في قطعة لوح خشب عالارض حق الترقص @،@ ماعجبتني ..

رحنا الماريوت وكانت قاعتهم حلوة وايد بس موكيتها اخضررررر قوي خخخخ ورفيجة رفيجتي تقو البوفيه مالهم حلو
رحت الريفيرا طبعا رخام وحلوة واخواني تزوجوا فيها واحس هذي والماريوت اكثر شي فبالي @،@

ايوا رحت ازدان والصراحة كلش موووب شي
شفت اكبر قاعة عندهم وزين تشيل ١٠٠ هاي لو ما تدعسوا خخخ والباب جنه معورينه مشيول منه صبغ كلش ما عجبوني مستغربة هذول يداد؟ /-:

وريجنسي ريلي مشير عليها وريجنسي وريجنسي اخر شي عرفنا ان المعازيم لازم اقل شي ٢٠٠ عقبها سكت خخخخ

اممم بعض الفنادق ما رحتلها بس اتصلت مو لازم اذكرهم عيزانة خخخ

امممم

ان شالله اقل من اسبوع وانطلق للسعودية "ادعولي بالسلامة والتوفيق" (:
ان شالله باروح الرياض وفالرجعة للمناطق الشرقية
في ردي الجاي بكون عدلت الصور وحطيت لكم جم فستان الوانهم غير الابيض ياريت لو اللي راحت السعودية تخبرني ف وين ممكن احصل نفس الوانهم او نوعيتهم لان انا ذوقي متعذبة وياه >,< واخاف اروح اهناك مع اني سالت بنات وايد بس الاذواق تختلف يمكن اضيع وقتي في فساتين موب على بالي حتى >,<

برررب

لي لي
ثانكيو على تقرير القاعات
بس انتي ليش مهتمه بالموكيت هالكثر؟
اذا على القاعه فالطاولات راح تغطي المكان كله
واذا على فستانج وانج تبينه يمشي فالستيج اصلا بيكون مغطى بموكيت يعني ما سويتي شي !

شوفي محلات التجهيز راح يغطون لج الممر اللي راح تمشين عليه والستيج كله بنوع من البلاستك راح يخليج تمشين بحريه

atnfs.hwak

:'( تحطت ههههههههههه
لا ان شاء الله ياختي تروح .. صراحه مضايقتني
وسمعت عن الجهاز مال عايده بس ياختي مشكلتي
وسواسيه واخاف اجرب .. بحاول استشير مغربيات
هم اللي يعرفون حق هالمناطق وان شاء الله القى حل F:


.. بنت قطر ..

ويييييييييه:( ياختي افكر فيها ليل ونهار والله
كآني احاول ارطبها يوميا والله .. بس شلون جي :'(
متوهقه والله


الامبرطوره

اذا بتروحين الشرقية
انصحج تروحين شارع البيبسي عندهم
شارع كله محلات يبعون فساتين حلوه بس يكون سعرها 4 او 5 وطالع
مصممات سعوديات وكم كويتيه بس رووووعه .. وموديلات تجنن وكشخه F:
ستايلات على مستوى عالي


بنات انا حجزت حلا حق الشعر ان شاء الله
بس ماداني السبرييه :hysterical: هل تحط وايد ولا لا ؟

مرحبااااااا



شخباركم عرايسنا الحلوات



فراوله قطر
اين انتي ؟؟




شمواه
التشققات هاذي يا تطلع فتره المراهقه
او تطلع عقب طبعا مع المتن والضعف
ومثل ماقالت بنت قطر لا تحطين بالج عليهم لانهم مايروحون
وجهاز الليزر شفت صور بس ماشفت حد جربه ..
يعني اذا تبين تجربين الليزر لازم تجربين منطقه صغيره عشان تشوفين منه فايده والا لاء
عموما منطقه الارداف لازم فيها تشقات هذي فتره البلوغ الحوض يكبر ويتغير
لا ادققين وايد
عيشي حياتج وكوني واثقه من نسفج بدل ما تتعبين نفسيا وانتي تسالين وتجربين

حلا مدري بها عن شغلها ان شالله اللي مجربتها تعطيج تقرير


لي لي
اختاري القاعه وتوكلي على الله
وايد متعبه نفسج
ماتسوى السالفه
وكلام كامي صح مليون في الميه ...
اذا القاعه جذي الله يعينج لما تختارين الطاولات وغيره وغيره ..
اصلا محد ينتبه على الموكيت وكل الخرابيط اللي قلتيها
الناس بتشوف ترتيب القاع اهم شي
مرتبه ومريحه وخلاص
وطبعا التوزيعات والضيافه مهمه بعد من بعد العروس وكان الله غفورا رحيما




كيوت كيوو
اشلون حمام مغربي وريحته اتم اسبوع ؟؟؟؟؟
يعني الوحده بتسوي حمام مغربي وماتتسبح عقبه الين العرس عشان الريحه ..؟؟؟؟؟
اهم شي انهم يفركون عدل
عن نفسي جربت المركز العالمي عند سميره
وجربت ليالي الدوحه عند وحده اسمها بوني اظن والمره الثانيه نسيت عند من
عندي بوني زينه
جربي ما بتخسرين شي
او روحي المركز العالمي عند سميره بعد تفرك ماشالله واذا تبينها تركز على مناطق معينه نبهيها وخلاص

هــلا لولو أنااا موجودة بس مشغوولة مع تجهيزات العرس وصايدني اكتئاب جني انا العروس



خلصت كل شي بس ابي موالح ماعرف من وين آخذ



اقتراحاتكم... بليز هلب مي


انا مقررة اليوم امر لينوتر وهايد يارد وان شاء الله أحصل

لولو لج وحشه :adore:
فديتج والله .. مافي الا ااقلم نفسي مع الوضع
:L:

وحلا شغلها يجنن بس اخاف من السبريه:'(

شمواه
هاي يوم عرسج مب اي مناسبه عاديه
اغلمفروض تفكرين اذا تسريحتها حلوة وثابته وتعرف تركب لج الطرحه عدل
هذي اشيا اهم بواااايد من انها تحط سبريه او لا !!!!
ولاتفكرين تقولين لها تخف السبريه ترا طرحتج بتطيح
العروس محتاجه شي يثبت شعرها عدل

شمواه
خلي السري عادي
قعدي الين الفجر وعقب افتحي شعرج وان توهقتي ولازم تغسلينه خلاص لازم ينغسل
عشان صباحيتج وش بتسوين في شعرج الصبح استشوار خفيف وعقب تجيج وحده تسوي شعرج والا اشلون جدولج ..




كامي
فديتج والله
لا خلى ولا عدم من نصايحج الحلوه
استفيد منج ماشالله عليج تبارك الرحمن كني بعرس من جديد خخخ

عن الحمام المغربي تسلموون بناات
يبت وحده اسمها سميرة فركتني عدل
المهم شموااه انا حاجزة حلا وعرسي عقب باجر بقولج اول مارد

اي نسيت اقول اني رحت فندق مادري مطعم الليوان @،@ << تلعب خخخ
المهم قريت عنه فالنت انه في مساحة عالسطح بلفيت رومنسية وعاااد بدت المخيلة هع هع
بس لما رحت .. يقولون في قاعة صغيرة ل &#1637;&#1632; شخص والسطح يكفي ل &#1633;&#1632;&#1632;
قلنا السطح السطح!
ورحت فووق .. المساحة دائرية وفالوسط يطل ع مسبح صغير ووايد مفتوح المكان ومستحيل ينفع حق عرس! ولا حتى حريم خخخ
ينفع حق مناسبة رياييل 
في مثل ممر @،@ او مساحة للكراسي والطاولات يخرع الصراحة ومغطينه بستاير بلاستك لو تنشال وايد احسن
وستايل المكان قديم كله قعدات ارضية ومساند .. حليو >,>
ويللا خل نشرد ونروح للقاعات الصجية بلا لعب عيال كككك

---

كاميليا

ولكم
اممم انا مجربة فعرس اخواني الرخام والصراحة تعطي وسع والقاعة منووورة ^,^ 
ومجربة الموكيتات وانا الصراحة من النوع اللي ادقق واطالع الارض والسقف وايد خخخخ حتى الكتلري ما سلموا مني هههه شسوي >,<
وترى معازيمنا شوي والارض انا متاكدة انها بتبين عدل خاصة اني فعرس اخواني كنت اطقطق بهالكعب عالرخام فكل مكان مع ان معازيم عرسهم كانوا وايد @،@
والستيج تبين الصج خخخ مو مفكرة اني احط ستيج واغطي الرخام (: 
ومرة رحت عرس فستان العروس كله كان يلزق فالموكيت وهي تمشي والفلبينيات يعدلون لها كل شوي هالشي لحد الان اتذكره بوضوح ومابيه يستوي
بس مشكورة عطيتيني فكرة عن البلاستك بفكر فيها (:

---

شمواه

شارع البيبسي @،@ اوكيه ميغسي ^^

---

لولوة الدوحة

خلاص اخترتها وحجزنا .. شسوي انا وايد ادقق وفي كل شي .. اذا شي مو متاكدة منه ولو شوي بحاتي وايد ~,~
الله يعيني والله /-: 
اممم بما ان انا انتبه عالتفاصيل .. اظن بيكون في ناس مثلي ينتبهون ع هالشغلات @،@
والضيافة والتوزيعات خخخ من الحين شاغلة بالي هاي من الاشيا المهمة وايد ~,~

---

اممم اوكي بحط جم صورة حق فساتين بلون غير الابيض واللي عندها فكرة وين الاقي مثل الوانهم تقريبا فالسعودية يفيدني (: اذا ماعرفتوا مو مشكلة (:



ون
http://go.3roos.com/caovjlgvvhk

توو
http://go.3roos.com/2ux4s3xxurg

ثري
http://go.3roos.com/74iim52gx4g


فووور
http://go.3roos.com/ooqz8oleycc

اخر واحد ينباع عالنت خخخ عاجبني وايد ^,^ بس انا ذوقي ملعوزني الا ما ابي شي زيادة فيه خخخ

ان شالله الجمعة بنطلق >,<

لي لي
مدري وين تحصلينهم
الاول عجبني الكورسيه حلووو وناعم
والثاني الفستان الناعم مب نافش حلووووو
الباقي حلوين ماينفعون يعني مب عمليين بتلبسينهم لبسه وعقب تتوهقين فيهم <<رايي
جربي شوفي موديلات الدانتيل هاي الموضه والستايل الحين
الناعم حدددددده حتى لو فستان عرس
مثل محل بروفانوس اللي في فيلاجيووو عقب الجزيره للعطور بمحل او محلين ..

لولوة الدوحة

هههه احس محد يفهم علي خخخ

ترى انا ابي فستان عرس ! بس مو بلون ابيض .. ابي الوان تقريبا نفس اللي فالصور اللي حطيتها

<< لحد يطقني >,<
بس فستان ابيض احس شي شبه مستحيل البس فالعرس ومن وانا يهالو وانا فبالي البس فستان فيه لون ذهبي فاتح او بيج او شمبانيا وهيك *,*
والدانتيل امووت فيه .. بس انا ذوقي شوي ... موب ناعم بالنسبة لفستان العرس خخخخ

لي لي
انتي قلتي ابي الوان ثانيه
وعبالي قصدج مب حق فستان عرس
يعني حق هديه والا صباحيه
عموما
مري المحل للي في فيلاجيو
لو بس تاخذين فكره عنه
ثنتين من هلي فساتين اعراسهم من هناك طلبيه
والكل يمدح فساتينهم وستايلهم
للاسف ماحضرت العرسين

ودام ذوقج صعب شوي
وتحبين فستان العروس مب ناعم
الاول والثاني احلى عندي من الثالث والرابع