مفروسه من حبيبي;15695706:
اناعندي خبر كويس انا الحمد الله استقرت علي الشقه بس المشكله في تجهزها انا محتاره اوي لو حد عنده افكار يقولي بالنسبه الالوان انا من قبل الشقه محتاره ودلوقتي محتاره اكتر
مبرووووووك الشقة يا قمراية ربنا يجعلها قدم السعد عليكم وعقبال الزفاف يارب F:
ادخلي قسم الديكور يا حبيبتي والبنات هناك هتساعدك باذن الله :)
monna vision;15695922:
صحيح جوزى مش هييجى بكرة هييجى كمان اسبوع وهيقعد 10 ايام بس ان شاء الله انا كنت قلتلكم قبل كده هيقد اسبوعين ووبابا مسافر الحج وهعمل ايه ؟ اهو الحمد لله انا قاعده مع ماما اسبوع ااهو وربنا يسهل العشر ايام اللى هييجى فيهم بس بصراحة انا اعصابى تعبانة جداااا مش عارفه ليه ومخنوقة وبحس انى عايزة اعيط كل شوية استغفر الله العظيم يارب كمان الدكتورة قالتلى انها حتدينى منشط تانى اليوم التاسع وبصراحة انا خايفة من كتر المنشطات تكون مش كويسة ولا حاجة بجد خايفة اوى يابنات ادعولى الله يخليكم
سألت عليكي يا مونا في المشاركة اللي فاتت ومش عبرتيني :o
انا بدعيلك والله ربنا يفك كربك ويريح بالك ويرزقك الذرية الصالحة عاجلا عاجلا يااااااارب انتي بس اهدي كده وكله هيبقي تمام باذن الله وربنا يرجعلك جوزك بالسلامةF::L:
manona_00;15696255:
الله يبارك فيكى يا حبيبتى
انا الحمد لله تمام مستمتعه جدا باحساس الفراغ ده محسيتهوش من زمااااااااااااااااااااااااااان اوى ده انا حتى معيدتش العيد اللى فات عشان كان عندنا امتحان بعد العيد علطول فبنتقهم بقى اليومين دول:lol:
طقم الاركوبيركس بتاعك جمييييل ورقيق يا منونا ماشاء الله وبعدين لازم يكون جميل لاني جايبة زيه بالضبط طبقين بيتزا:lol::lol: ذوقنا زي بعض ;) جبتهم فرداني كان عليهم عرض في جاتينيو اللي هي الاطباق المسطحة الكبيرة المدورة دي وممكن يستخدموا برضه كسيرفيسات.. بس انا احتمال لو هجيب طقم للمطبخ هجيبه اطباق وسرافيس من غير كبايات ولا فناجين ولا الكلام ده علي رأيك حاسة هيبقي ملل وزحمة :worn_out: انا بفكر جديا اني اجيب الطقم اللي فيه اطباق بيضا واطباق سودا ده من لومينارك وطبعا دول مفيهومش سرافيس مدورة وكبيرة فعجبني اللي قلتلك عليهم وجبتهم
وطقم المعالق كمان حلو اوووي:thumbs_up:
ربنا يهنيكي بحاجتك يا قمر وييسرلك موضوع الشقة ويقدملك اللي فيه الخيرF::L:
dod اهلوية;15696598:
السلام عليكم ورحمة الله وبركاته
ازيكم يابنات انا اكيد محدش يعرفنى لانى مشاركاتى مش كتير بس انا متابعاكم وعارفاكم كلكم
انا فرحى ان شاء الله 26\11 اناعايزه منكم لو سمحتم قائمة بمكياج العروسة من الالف للياء والكريمات والبرفانات
وكمان عايزه صور لبوليرو زفاف يكون شفاف او تل ف دانتيل ضرورى يابنات لو سمحتم واكون متشكرة ليكم اوى وياريت لو المكياج حد يلحقنى بيه عشان انزل اجيبه النهارده من ش بورسعيد
مبروك يا قمر تحديد الفرح
انا كنت منزلة لموني من كام صفحة صور لبوليروهات عرايس ممكن تاخدي منهم افكار
حلاوتى زايدة حتة;15696759:
بنات فكرتونى باللذى مضى :cool::cool::cool: ان شاء الله كلكو تتستتو قصدى تتجوز ونلاقيكو ف تجمع الحوامل بئا:p
انا دلوقتى يابنات عايزة اجيب شواية وفلتر مياه،،،نزلت لقيت شواية اليكتا تركى ب 179 جنيه ولقيت تيفال صينى ب 339 تقريبا
انا عندى فرن اليكتا هو كويس بس هو اتفرض عليا لان حمايا جابهولى من برا وهو جاى :D:D بس مش عارفة الشواية هيبئى نظامها ايه
غير كدا الشوايات الموجودة فى السوق صغيرة مش عارفة انا ايه الاحجام دى:!!::!!::!!:
والفلتر المعروف هو تانك مشكلته بئا ان ناس بتقولى تانك مش أد كدا ،،، حد يعرف نوع شواية وفلتر يامحسنين ؟؟؟؟؟؟
انتي تقصدي شواية بالكهربا؟؟
احسن نوع كينوود طبعا
والفلتر مش عارفة بصراحة
MARMORA_A;15696761:
بنات هيه جيليت بتاعت الستات دى بكام وبتقعد قد ايه واسمها ايه بالظبط
لانى بصراحه عاوزة اتبع السنه
نتف الابط وحلق العانة
انتي كمان وحشاني والله يا مرمورة :L::)
الجيليت دي اسمها فينوس وب55 جنيه كنت جيباها السنة اللي فاتت من اولاد رجب بس دلوقتي مش بشوفها خاااالص:!!: ممكن لو ليكي حد في دولة عربية يجيبهالك اسمع انها متوفرة هناك يعني
Nouna2002;15698596:[COLOR=Blue]انج نور : حبيبتى تسلميلى على سؤالك
بنات معلش والله وحشتونى كلكم وعاوزة اسلم على واحده واحده بالاسم لكن ممكن تدعولى عشان انا بامر بظروف وحشة الايام دى
:'(
ممكن اعرف اجيب منين مفارش سفره حلوة
[/COLOR]
ازيك يا نونا وحشااااني يا قمر
مالك يا حبيبتي فيه ايه مزعلك؟؟ :( ربنا يفك كربك وييسرلك كل امر عسير F:
مفارش السفرة فيه بنوتة هنا كانت قايلة علي مارديني اللي في 26 يوليو عنده هناك مفارش حلوة ومتهيألي الازهر برضه
بنات هو ازاي اخلي التيكر بتاعي يتحرك ؟؟ يعني هو بيبقي ثابت عند يوم واحد ومش بيغير ياريت تفيدوني F: