لمه العراقيات المغتربات من كل مكان (الشهرذي القعده )

وين مختفين ؟؟؟ام عبودي اعتقد نقلت لانها ماتنكطع عن التجمع ابدا
وام فاطمه اعتقد مشغوله بالاعراس هههه ربي يزيدهم
وكارولين متثاقله شوي من الحمل الله يسهلها عليها
والبقيه اختفوا مره وحده ربي يردهم بالسلامه

صباح الخير بنات شلونكم ان شاء الله بخير ياارب ..
مشغوله شووي حبيت اسلم واطلع اشوفكم على خير ..

هااا صح يمكن ام عبودي انتقلت يعني بس اني وياج موجوين ههههه

هلو ام فاطمة شلونج

هلوووووووو بنات شلووووونكم لالالا بعد ما انتقلت بس هل اسبوع جنت مشغوله مع ابو عبودي
لئن جان مو هنانه جان شهر مو يمنا بل مدينه الى راح ننتقل الها يشتغل اهناك واني وعبود بوحدناا المهم اجه هل اسبوع وملتهيه وياا
وامس واليوم مريض هوه وعبود بلاعيمه وحراره وعبود فد مره منتهي لا نوم ولا رضاعه هسه بل كوه غديته وامس مو نااااااااااايم ولحد هسه مو نايمه نمت قبل شويه بس ساعه وكعدت تعباااانه والله اريد انام بس وين عبود نحس وبس يبجي اووووووووف من الجهال ودوخت الراس
الله يعينا والله كريم

دودو هلو حبيبتي شلونج وشخبارج
ام فطووومه بالعافيه عليج العرس
ام فهود شلونج حبيبتي لا بعد والله ما نقلنا بعد هل فتره ان شاء الله بس نخلص مدتنا من هاى الشقه عدنا مده بيها لازم نخلصها وننتقل هل فتره فده شهر بل كثير ان شاء الله
كارولين وفرجينا شلونكم وشخباركم
كارولين سهل الطرشي كلش سهل بس من تجيبين سوى احسن هسه تعبانه الله يسهل يارب

هاااا
الله يشفيهم يارب
اني كلما تختفين اكول ام عبودي نقلت ههههه
والله الجهال من يتمرضون يصيرون نحسيييين اصلا هم بدون مرض نحسين عاد ويه المرض الله يعينج

هههههههههه
اي والله هوه المفروض من هذاك الوقت منتقلين بس بعد لازم نتظر المده تنتهي ان شاء الله
اخ اسكتي والله يدمرووووووون الجهال فد نحااااااااااسه مو طبيعيه الله يعينا يارب

سلامت عبودي حبيبي هاي تغير جوه

الله يساعدج والله ان شاء الله يصير عبودي زين

هلوووو بنات شلونكم وشخباركم
دودو هلو حبيبتي شلونج والله يسلمج من كل شر يارب اي والله من الجو متقلب كلشش الله يعينا ع البرد والثلج يارب

هل ام عبودي الحمد لله زينه انتي شلونج عبودي شلون صار

اي عافيه شكد كريه الشته هنا نوب بل سويد ثلج يموت الله يساعدكم

اي والله يا دودو مووووت احمر كلش بارده وهنا السويد مصيبه الثلج لركبه وحبسه بل بيت لا طلعه ولا شئ جدا ملللللللللل
والله من هسه افكر من ينزل الثلج هل ايام كئاااااااابه موطبيبعي الله يعينا ويعينكم يارب
ويعينج انتي همين كعده من الصبح مدرسه الله يعينج يارب

هاى مشتريات عبود

وهذي سيارات على كده:lol:

من فتحتهم

وهذول بعد

من فتحتهم شوفو عبود مستعجل يبي يلعب وانا اصور:D

وهنى خلاص بده يلعب عجبته:D:lol:

وهذول صحن وكوب وملعقة ياكل فيهم حبهم كثير


وهذي قبعة جانا البرد والثلج:hysterical:

وهذي البجامه قياس غير وهم صورتها:D:D

بالعافيه على عبود
اكولج المكعبات مايبلعهن ؟؟احسهن صغار مالت فهود شوي اكبر من هذول

هلوووووووووو بنات شلووووووونكم جميعا

ام عبودي بل عافية المشتريات

ماشية الحمدلله على سلامتج
والف والف مبروووك لبت خالج

هسه لازم اروح للرياض واكعد اسبوعين ورجلي مابيه يوديني يريد واحد من ولادخالتي يجي ياخذني واليوم خالتي تتصل تكول ليش ماتجين بطياره الظاهر محد يريد يجي لان الطريق طويل ومتعب
واني اصلا كلت لرجلي خليني اروح بالطياره بس هو يخاف لان مارايحه وحدي بالطياره ولا مره
الله يسهل
هو المفروض جان ابقى يمهم من بعد الملكه بس اني عنوديه كلتله مااريد ابقى هههههه
ارتاح هنا بشقتي اكثر صراحه
هناك اتقييد

الله يبارك بيج كاروووووو

صباح الخير بنات شلونكم ..
ام عبوودي مبرووك مشتريات عبوود عليه والبجاما الاولى مثل الي اريده لفطومه بالضبط بس لون وردي مسوين عليه تخفيض بالموقع بس بالمحل لا . ههههههه ومنتضره ..
وبالنسبه لالعاب حلووه بالعافيه عليه والمكعبات انا بعد اشتريت لفطومه بس الكبار كلش لان هذني خطرات كلش يحطهن بحلقه ومو لعمره ترى هسه اذا تشوفين بالكارتون مكتوب من 3 سنوات ..
شفتهن اني وما جبتهن وحتى الدكتوره قالت لا تجيبيوون الصغار خطره كلش بس مالتي لا من عمر 0 مكتوب عليهم لان كبار كلش . ديري بالج . قبل فتره فطومه حطت بحلكها غطا بكبرهن والله رادت تموت اسم الله على ولدج .

ماشيه شلوونج وشخبارج لج وحشه ام كرشش ههههههههه

اني همين صايمه اليوم الحمدلله باقي لي يوم واحد وادخل بالشهر يعني صمت 12 يوم الحمدلله .. بس احس نفسي من زمان صايمه هههههههههههههه

هلوووووووو بنات الله يعافيكم يارب تسلموووووون
اي هاى المكعبات والله ما جنت بصراحه ماخذه بالي وماقريت ورا الكرتونه اله هسه لئن همين بنات راسلوني ع الخاص مو نزلتهم بملف مشترييات الكاكيت راسلوني كالو خطره هل مكعبات خاف يبلعهم المهم رحت قريت وله طلعت صدك مو لعمره ابوه جابهن اله مو اني شكله مو قاري وهمين الرجاجيل ما يعرفون هل سوالف هسه خلاص رفعتهن عنه خفت صدك يبلع وحده ضميتهن من كيبر شويه ان شاء الله تسلمووون حبايبي والله يعافيكم يارب


ام فطوووووووم اي هاى قصدج اشتريت وحده لختي لبنتهااا مسوينها نص السعر بي 50 كرونها وحجزت ويهاا كم شغله سوهاا بي 44 كرونه هههههههههه هاى هيه مو صح

♥OM♥ABOUDY;15666768:
اي والله يا دودو مووووت احمر كلش بارده وهنا السويد مصيبه الثلج لركبه وحبسه بل بيت لا طلعه ولا شئ جدا ملللللللللل
والله من هسه افكر من ينزل الثلج هل ايام كئاااااااابه موطبيبعي الله يعينا ويعينكم يارب
ويعينج انتي همين كعده من الصبح مدرسه الله يعينج يارب

الله يساعدكم احنه سنه الفاتات نزل ثلج انطونه عطله بل دوام و محلات امعزلين وكفت الدنيه ههههه

هلا ام عبووي .. اي زين تسوين شيلي ومن يكبر طلعيهن اله .
واي البجامه هيه كلش عاجبتني بس بعد ما نزلوها يمنا ان شاء الله اذا نزلوها اخذ منها .. وبالعافيه على بنت اختج ..