شات منتظرات الحمل وامهات المستقبل القريب باذن الله(بنات مصر)لشهر ذو القعدهّ اكتوبر

الله يبارك فيكي ياقمر

والله كلامك مريح اوى يا دارى حساكى فهمانى وبتقولى كلام ف الجون وطبعا الحمد لله على كل شئ بس اكيد ساعات الواحد بيحصل معاه مواقف او يحس حاجات تخنقه شهر كده
وانتى كمان خنشوره ايه بس دانتى قمر وسنك عادى يعنى مش شايفه كبير ولا حاجه وانتى مش محتاجه ااقولك الكلام ده انتى اقوى وااعقل من اى كلام ااقولهولك
ربنا يكرمك يا دارى ويرزقنا انا وانتى وكل البنات اللى نفسهم ياارب

مبروووووووووووووووووووك الجزء الجديد يا بنات
ويارب يكون وشه حلو علينا ياااااااااااااااارب
انا هادعي لكل واحدة بالاسم عشان تتردلي الدعوات ههههههه

يارب موووني وريري ينجح الحقن بتاعهم ويرزقهم بحمل ثابت سليم معفي من كل سوء ياااااااااااارب
ويارب يعوض ياسمين ومانيا ومي ولميس وسارة خيييييير يارب وييسرلهم الحمل السليم بإذن الله
ويارب ارزق دارين ورشا وشيماء وفجر يااااارب بالحمل وفرح قلوبهم يااارب
ويارب ارزق امونة وماجدة وودعه واسماء وعلياء وشيرين وهبه ولولي وام البراء ساعة سهلة ويبقوا احلى ماميهات في الدنيا إن شاء الله
ويارب طمن قلب ميرا على بناتها وارزق هدى بأخ او أخت لبيلا واصلح احوال جوجو

اخرررررررررررررررر دعوه
يارب ماكنش نسيت حدددددددددد :):)

ربنا يكرمك يا مها ويتقبل دعواتك ان شاء الله
ويرزقك بالذرية الصالحة المعافاة عاجلا غير آجل

مبروك الجزء الجديد يا حلوين

شكرا يامها علي الدعوه الحلوة دي ويارب يكون ليكي بالمثل

ادعوا لريري يا جمااااااااااااعه عشان السحب النهارده وادعوا يارب جوزها ميعملش العمليه والعينه تطلع كويسه

ياررررررررررررب يا ريري ربنا يجبر بخاطركم يارب وتخرجوا من هناك مجبورين الخاطر

ويارب موني تدخل تطمنا عليها عملت الترجيع ولا ايه ؟؟؟

علي فكرة يا بنات انا برضه احتمال كبير اعمل الحقن المجهري بس لما انزل مصر ووصيت اوني تسالي الدكتور محتاجني قبل العمليه باد ايه بالظبط لان اجازتنا مش مضمونه خالص قولولي يا بنت تجهيز العمليه بياخد وقت اد ايه شهرين مثلا قبل السحب؟؟؟ وبيبقوا محتاجين عينه الزوج يوم السحب بالظبط وبس كده مهمته خلصت ؟؟
وكمان هو الفوستيمون البرشام المثبت بكام في مصر ؟؟؟

كل شهر وانتو طيبين يابنات
يارب يبقي شهر حلو علي الكل ياااارب

شيمو
الفوستيمون في مصر حقن الواحده ب55 مشفتهوش اقراص خاالص

مها
ربنا يكرمك يااارب علي الدعوة الحلوة دي ويرزقك بالذريه الصالحه ويقر عينك بيها

ريري
ان شاء الله العينه تنفع وكله يبقي تمام ويبقي معاكي احلي نونو

رشا
مش هقولك اكتر من اللي قالته دارين عين العقل .. ربنا يرزقك ويرزقها عن قريب

في مين تاني انا بقيت مسطوله
مش فاكرة لو افتكرت هاجي تاني

السلام عليكم و رحمة الله و بركاته
مبروك الجزء الجديد يا بنات و يا رب يكون وشه خير علينا جميعا إن شاء الله
معلش يا بنات سامحونى لو معرفتش أرد على اللجميع بس انتو عارفين بالعافيه لما بعرف أدخل
ربنا يجازيكو خير على دعواتكو و يفرح قلوبناجميعا إن شاء الله
النقل بكرة إن شاء الله
ريري ربنا يكرمك يا رب و يسهل السحب النهاردة و تكون عينة جوزك كويسة بإذن الله و يفرح قلبك و يقر عينك بالذرية الصالحة بإذن الله

مها ربنا يكرمك يا رب و يفرح قلبك

يا بنات معلش اعذرونى مش هقدر ارد عليكو بس إن شاء الله هحاول ادخل تانى ربنا يفرح قلوبنا جميعا يا رب عاجلا غير أجل

سوري كتبت الاسم غلط مش فوستيمون لا اقصد دوفاستون المثبت بكام؟

ربنا معاكي يا موني ويرزقك الذريه الصالحه يارررررررررررررررب

مش متذكرة بالظبط ياشيماء تقريبا 30 او 35
بس هو علي حد علمي ناقص في مصر من فتره معرفش ابتدي ينزل دلوقت ولا لأ

مها ............... ربنا يكرمك يارب بالذرية الصالحة , عايزة احكيلك على حاجة افتكرتها الفجر من كتر تفكيري فيكي


لما كنت بشتغل في المستشفى جاتلي ممرضة وبقولها عندك اولاد اد ايه قالتلي 2 وواحد مات , قولتلها اللي مات ده مات ليه ؟ قالتلي كان عنده حاجة غريبة في عضلاته مش بيقدر يسند راسه وحاجت تانية خاصة بالعضلات , المهم ان الولد اتوفى بس اصغر من ابنك يا مها , يعني قبل ما يكمل سنة


المهم ربنا رزقها دلوقتي بولد وبنت زي الفل , الولد عنده 8 سنين والبنت عندها 3 سنين وصحتهم ماشاء الله زي الفل


قلت احكيلك القصة دي عشان تتشجعي وتتفائلي , وباذن الله ربنا هيعوضك خير



موني ...............ربنا يكرمك يا جميل ويثبت الاجنه كلها و يارب تبقي تاني حالة توأم معانا بعد ميرا



شوشو ,,,,,,,,,,,, انا مبسوطة انك اخيرا اخدتي قرار الحقن المجهري , انتي المفروض تنزلي مصر امتى كده تقريبا ؟


انا هقوم دلوقتي اعمل صينية الجلاش , وهروح للدكتورة بالليل ان شاء الله , سلام مؤقتا يا حلوين

امونه الحقن ده اخر امل ليا خلاص عملت كل حاااااااجه وزهقت ربنا يسهل بس وتكمل علي خير ويهدي جوزي لحسن متردد هو جوزي هيجنن وعاوز ينزل يشوف امه وهيحاول ننزل علي العيد الكبير يعني اول 11 لو في شغله وافقوا وباذن الله الزن هيشتغل ونعملها واحنا في مصر حتي لو اخدنا منه العينه وجمدناها وهو يسافر وانا استني اعملها ربنا يسهل يارب وباذن الله ممكن نجرب التلقيح هنا برضه لما الدورة تيجي هو جوزي اللي حابب نجرب التلقيح مره هنا يمكن ربنا يسهل

امونة ربنا يكرمك على مشاعرك الحلوة دي يا قمر
وانا الحمدلله عندي اطمئنان ربنا حاطه في قلبي
ايا كان اللي هايحصل انا متأكده انه خييييييير
بس يارب افضل كده على طول ويبعد عني الشيطان

شوشو ربنا يهيألك الخير يا حبيبتي ويسعدك وماتحتاجيش للحقن قادر يا كريم

موني ربنا يقومك بالسلامة ويرزقك بالحمل الثابت وابقي طمنينا يا قمر

السلام عليكم
ريرى.............يارب يكملك على خير وجوزك مش يحتاج للفتح ده يارب ويرزقك باحلى تؤام ويكونو شبهكم انتى وجوزك
مها............ربنا يكرمك ياقمر على الدعوه الحلوه دى وان شاء الله ربنا يرزقك ببيبى زى العسل وزى القمر زيك يا موزه

بنات انا لسه جايه من المختبر والحمد لله عملت التحاليل ودكتوره المعمل قالتلى تحليلt3 t4 اعملهم لو fsh لا قدر الله فيه مشكله لانه بيوضح اكتر لكن حاليا مش محتاجها والحمد لله عملت4 تحاليل والاستلام يوم السبت بالليل
ادعولى تبقى اول خطوه ليا تكون سليمه ومش فيها حاجه يااااااااااااارب

shoshet*himo;15605249:
علي فكرة يا بنات انا برضه احتمال كبير اعمل الحقن المجهري بس لما انزل مصر ووصيت اوني تسالي الدكتور محتاجني قبل العمليه باد ايه بالظبط لان اجازتنا مش مضمونه خالص قولولي يا بنت تجهيز العمليه بياخد وقت اد ايه شهرين مثلا قبل السحب؟؟؟ وبيبقوا محتاجين عينه الزوج يوم السحب بالظبط وبس كده مهمته خلصت ؟؟
وكمان هو الفوستيمون البرشام المثبت بكام في مصر ؟؟؟

ربنا يكرمك الشهر ده ياشوشو
ومتحتاجيش حقن
بس لو لاقدر الله يبقي فرصة كويسة انكو تستغلو نزول جوزك في العيد
وياسمين ان شاء الله تقدر تفيدك في حكاية امتي ينزل دي لاتنها مرت بيها


موني
ربنا يثبت أجنتك ويرزقك منهم ذرية صالحة معافاة ان شاء الله


سحر
حمد الله علي السلامة ياجميل
ربنايوقفك ان شاء الله
وكويس انك تستغلي اول دورة بس خدي الكلوميد بس واعملي متبعة والسونار هو اللي يقرر حتعوزي حقن ولا لأ

ربنا يخليكم ليا يا بنات وربنا ما يحرم حد ابدا يارررب ويقوم كل الحوامل بالسلامه باذن الله