&Nada&;15696987:
انتى تحفة يا سمر والله
هههههههههههههههههههههه
يلا انجزى انا مش حولد غير لما اعرف قصتك كاملة
عايزة اولد بقى
انا بضرب رمان وبلح اهو وعاملهم فروت سلاط وجوزى جاى بليل
وحاخده ونمشى بكرة يعنى لو مولدتش السبت ان شاء الله حعض البت سلمى
صحيح صورتيها؟؟؟ يلا عشان تحطلينا صورتها
ومتقلقيش من الصفرا لو طولت معها بدل نسبتها مش عالية اوى
جنى برضه كانت كدة
انتي حتتلككي وتتحججي بيا ولا ايه !!!!! انتي دي تاني ولاده ليكي يعني مش لازم تكملي التاسع والمفروض البيبي يتزفلط منك دلوقتي بالكتير بس واضح انك كسووووووله ومش بتعملي اي حاجه تسهل المواضيع يامأنتخه :D
emoooooo;15697069:
سمممممممممممممممر كملي كملي بالله عليكي كل ماتفضي كده شويه ادخلي كملي ولو حته صغننه لحسن شكلي هولد وانتي مخلصتيش الخلطه ههههههههه
انا حاليا بمشي كل يوم ساعه وهاريه نفسي رمان كده حاجتين تمام اهو
جوزي بقى مش هعرف اجيبه مش مشكله اتنين من تلاته زي الفل :)
اه ودعتلك والله ب ال انتي قلتيه قبل ماأقرا القصه ابسط ياعم^_*
تسلمي ياايمو على الدعوه وحكمل القصه حاضر اهو
&Nada&;15697120:
ايه دة يا ايمو؟!!
انتى ناوية تولدى قبلى ولا ايه؟؟
عيب يا بنت دى تانى مرة ليا يعنى المفروض اكون ولدت اصلا;)
ومتنسيش البلح كمان
واالقرفه شربت لحد ركبي ولا عملت معايا اي حاجه نوهائي يابنتي والله
[QUOTE=د\امونة;15697621]اولا ماشاء الله عليكي يا سمر ربنا يسعدك انتي وجوزك وبنتك ويوسع رزقكم :)
بعد ما دعيتلك اقول اللي في نفسي بئة ههههههههههههههه
المفروض فعلا مجرد ما المية تنزل تجري عالمستشفى لان دا معناه ان كيس المية ممكن يدخله ميكروبات وتاذي البيبي لاقدر الله , يعني انتي مش كان عندك هدوء وسكينة انتي كان عندك برووووووووووود هههههههههههه
الرمان يا بنات انا مش عارفة انتو جبتو منين معلومة ان بيحمي الطلق ؟ اللي انا اعرفه انه في نسبة حديد وبيتاخد عشان الانيميا لكن ملوش علاقة بالطلق !!!!!!!!!!
انا من رأيي شايفة ان المشي الكتير والعلاقة المفترية على راي سمر هما اللي هيجيبو من الاخر ههههههههههههههه
سمر ......... انا لسه ادامي وقت عالولاده ومش ناوية اولد الا لما تخلصي القصة بتاعتك , قاعدة على قلبك هههههههههههههه
دكتوره امونه يافلحوسه اعملي سيرش على النت عن فوايد الرمان لتسهيل وتسريع الولاده وانتي تعرفي ان الرمان فيه ماده بتساعد على تليين وترقيق عنق الرحم ,,,فخمتو ياخبيبي ؟!! ههههههههه وخليكي ورايا وانتي تكسبي صدقيني انا كنت محجره والرحم بتاعي مقفول قفله هباب والبيبي متنحه وانا كنت جيبت جاز خلاص فاشتغلت كله مع بعضه وربك سهلها الحمد لله
mam to be;15698194:
سمر بجد ماشاء الله الله اكبر عليكى و بجد حبيتك جدا و بنوتك كمان اسم بنوتك على اسمى ربنا يباركلك فيها يا رب و يوسع رزقها و رزقكم و يرزقكم راحه البال يا رب مستنيه باقى القصه :)
مع اني بحب اسم سلمى جدا بس تصدقي بقى كنت داخله اولد وانا وجوزي ناويين نسمي ليلى !!!! اه والله بجد ولما ولدت وشفناها لقينا سلمى هو الاسم اللي على دماغنا مانعرفش ليه وماختلفناش عليه خالص الحمد لله ,,,اكيد انتي اموره ولذيذه ده كفايه ان اسمك سلمى ههههههه
Desly;15698787:
سمر يا حبيبتى حمد الله على سلامتك وربنا يباركلك ويرزقك انتى وزوجك وبنتك ويوسع فى رزقكوا ياااارب
بصى انا حكيت من كام صفحه معاناتى مع الرضاعه فعلا فى اول اتلات اسابيع او اول شهر مافيش نوووووم لغايه لما الدنيا تتظبط
بس والله هتتظبط ان شاء اله ما تقلقيش
كملى الاراده بتاعة الولاده فى الاراده فى الصبر على الايام دى وربنا معاكى يارب
و ما توقفيش الطبيعى مهما كان حتى لو نقطه اديهالها خليها طبيعى مع صناعى وربنا يوسع رزقكوا يارب
سالي انا ماكنتش قريت اللي فات ولسه قاريه معاناتك دلوقتي ,,,يالهوي يابنتي ده انا واضح اني بستهبل اوي مع سلمى ومهمله فعلا للاني بقيت احطها على صدري رضعت كان بها ولو مارضعتش اديها الببرونه ,,,بس عد ماقرأت كلامك ححاول معاها اكتر في لبن صدري وربنا يسهل يارب
امونه اه نسيت ارد عليكي يالمضه ,,,,انا مش بارده يابنتي بس الميه نزلت الساعه 5 الفجر وانا طبيعي كان ليا ميعاد الساعه 2 الضهر , وغير كده التلوث او infection حيحصل للبيبي لا قدر الله لو طولت في البيت وماروحتش المستشفى وبعدين هو انا قاعده في مستنقع يابنتي !!!! ههههههههه انا كل شويه اخد دش ولبست pad كبيره خاصه بالنفاس ولما روحت المستشفى قعدت في غرفتي وماعملوش ليا اي حاجه غير كل شويه نقيس ضغط وحراره ويعملوا كشف نسا كل 6 ساعات بس كده...جمدي قلبك شويه علشان تقدر تحكمي عقلك في المواقف الصعبه ومش تاخدي قرار غلط او تبهدلي نفسك...انا لما روحت للدكتور ,فيه هناك ممرضه خاصه للتوليد كانت تونسيه قالتلي شاطره انك صبرتي في البيت للانك كنتي حتيجي ترهقي من الانتظار بدون اي داعي وتعيشي جو التوتر والقلق...وصدقيني ياامونه الكام ساعه اللي ماما وجوزي ناموهم دول هما اللي خلوهم يقفوا على رجليهم ال3 ايام اللي بعدها للانهم جم على الاخر وكان بيقعوا من طولهم من كتر الارهاق
سمر مكملتيش الحدوته :D
انا دعيتلك بظهر الغيب والله وربنا يكرمك ياااارب
عاوزاكي ترجعي زي زمااان تنشطيلنا التجمع ده
وعاوزين نشوف سلمي بقااا
يلا كمللللللللللى يا سمر
يلا يلا
مش مصدقه وصلت للتاااااااااااااااااامن
لولولولولولولولولولولولولولولولولولولولولولللللللللللللللى فاضلى شهر واخلللللللللللللللص
أنا حامل في بنوتة يا بنات الحمد لله .... باركوليييييي
.. Hopes;15699778:
سمر مكملتيش الحدوته :D
انا دعيتلك بظهر الغيب والله وربنا يكرمك ياااارب
عاوزاكي ترجعي زي زمااان تنشطيلنا التجمع ده
وعاوزين نشوف سلمي بقااا
تدفعي كام علشان تشوفي صورتها هههههههه اه يابنتي ماهو انا طلع عيني لحد ماجيبتها فلازم اعوض بقى واطلعلي بأي مصلحه من وراها ولا كله بياخد مني وبس :D:D
fulla2010;15700122:
مش مصدقه وصلت للتاااااااااااااااااامن
لولولولولولولولولولولولولولولولولولولولولولللللللللللللللى فاضلى شهر واخلللللللللللللللص
مبروك يافله وهانت خلاص ان شاء الله
ياعيال احب اقولكم ان لما الميه بتنزل الاول زي حالتي مش بتبقى كل الميه بتاعة الرحم نزلت للان انا الميه نزلت وعنق الرحم كان فاتح نص سم بس والسداده المخاطيه لسه موجوده زي ماهي ويادوبك الميه كانت بتتسرب من النص سم ده .والدكتور لما كشف عليا شاورلي على نص عقلة صباعه وقالي يادوب نص سم وادامك كتير لسه ,وانا بولد فعلا بقى كان فيه كميات مهوله من الميه والافرازات نازله قبل البيبي ومعاه وبعديه فمش تقلقوا من حكاية ان لو الميه نزلت البيبي مش حيزفلط وينزل
مبرووووك يا نعومه عقبال ما تشوفيها يااااااااااااارب
سمر على فكره انا اول واحده رديت عليكى لما كتبت نص قصة ولادتك ودعتلك كمااااااااان
بس فييين بقية القصه يا سمر اخلصى واكتبى كله مره واحده جربى ومش هتخسرى حااجه ههههههههههههههههههههههههههه
تكملة القصه ..........
زي ماقلتلكم ان فضلت اول يوم في المستشفى انا وماما وكنت بييييييييييييس على الاخر وعماله اكل واتفرج على التليفزيون واهزر مع الممرضات الفلبيين واترجم لماما للانها ابيض في الانجليزي طبعا وكل 6 ساعات يجوا يكشفوا عليا يلاقوني زي ما انا مافيش اي توسع ,فماما اخدتني من قفايا ولفيفتني المستشفى بالليل بعد ما كل الناس روحت وهدت حيلي ورجعت غرفتي بس مش جالي نوم خالص مع ان الممرضه قالتلي نامي علشان بكره يوم عصيب ,,وقد كان فعلا وحياتكم :(
الساعه 6 الصبح لقيت الدكتوره المناوبه داخله عليا وكشفت وبتقولي ان مافيش توسع وكده بقالي 24 ساعه من ساعة لما الميه نزلت ومش حنستنى اكتر من كده ولازم ندي طلق صناعي بس حاجه جديده اللي هي (اللبوس)ده بيبقى عباره عن هرمون الاستروجين على مااتذكر للانها لما قالتلي كده انا فقدت النطق وتنحت ,,,بس هي حطتلي اللبوس ده ومشيت وقالتلي حجيبك الساعه 12 الضهر بس لازم افضل على ضهري لمدة ساعه وبعدين ممكن اتمشى,,الساعه دي بقى عدت عليا بطلوع الروح ويادوبك خلصت والطلق اشتغل بقى وبقيت اتحرك زي المجنونه وافرك واعيط لماما واقولها عايزه اولد قيصري تقوم مزعئالي وتقولي اجمدي علشان بنتك تيجي بالسلامه والكلام اللي لا يودي ولا يجيب ده هههههههههه
فضلت كده لحد الساعه 12 ولقيت الهانم جايه تاني وكشفت لقيت التوسع 1 سم بس !!!! راحت قالتلي ححطلك لبوسه تانيه ونستنى 6 ساعات تانيين ولو مافيش توسع حناخد ريست النهارده ونبتدي الحوار ده من اوله تاني بكره ,,وبعدين جالها الهام من رب العالمين تكلم الدكتور بتاعي للانه بيبقى معاها على طول على الموبيل وانا بكلمه برضه ,قالها دي مش حتولد كده واستجابة الرحم بتاعها ضعيف (حمل جملي بجد والله كنت مكسوفه جدا :) ) قالها يلا اديها طلق صناعي في الوريد !!!! وانا بقى بجد ساعتها وللاول مره قلبي اتقبض واتعصر بمعنى الكلمه وقعدت وماكنتش قادره اقف من الخوف والرعب واطرافي بردت وتلجت وعرقت وفضلت ماسكه في ماما وتامر ومش راضيه اروح غرفة الولاده من كتر الخوف.....وبعدين تماسكت شويه واخدوني على كرسي متحرك للاني فعلا كنت ارهقت فعلا من الطلق طول اليوم والفرك وكنت مجهده اوي ومانمتش بقالي يومين فعلا,,,واخدوني غرفه شبه غرفة العمليات بس اوسع وكل اللي بيدخلها بيتعقم وكده...وكان معايا 3 ممرضات توليد تونسين وفلبيين محترمين اوي ماشاء الله عليهم والله دعيتلهم وانا بولد من كتر ماكانوا حنيين عليا ,,,انا بقى دخلت الغرفه دي الساعه 3 العصر واتغير عليا 3 شيفتات هههههههه وانا زي كتنحه انا وبنتي والتوسع في منتهى البطء والطلق شغال الله ينور وادولي بقى الطلق الصناعي في محلول وانا كنت طالبه حقنة الضهر بس مش بيدوها غير لما بتوصلي 5 سم ,,,انا وصلت لل 5 سم دي الساعه 9 بالليل وكنت خلاص اتفرهدت من العياط والحزء والالم بس الحمد لله الحمد لله ماصرختش ولا شتمت مع اني كنت متوقعه اقل ادبي جامد وماما شخصيا قالتلي طلعتي مؤدبه وانا ماعرفش هههههههههههههههه كنت مكسوفه بصراحه للان كل الدكاتره والممرضات بيتكلموا بهدؤ وبراحه وبمنتهى الادب فأنا مش عايزه اطلع الشرشوحه اللي فيهم هههههههههههههههه المهم ياعيال اخدت حقنة الضهر (تفاصيلها بعدين علشان انجز قبل سلمى ماتصحى بس فكروني بيها) ويادوب اخدتها من هنا وحسيت نفس احساس (انا شارب سيجاره بني )ههههههههههه صاحيه وحاسه باللي حواليا بس الالم الحمد لله اختفى , بس بقيت انام واصحى زي المساطيل كده بس ده مش من الحقنه دي من الارهاق الشديد,,,ماما وتامر بقى كانوا بيبدلوا عليا علشان واحد ينام والتاني يقعد معايا للان الحوار فعلا طول وفضلت على الحاله دي 17 ساعه والله العظيم ,,,وكل شويه يجوا يكشفوا ويزودوا سم وانا يجيلي احباط وجالي حاله غريبه بقيت اترعش وارجع وبردانه وجسمي كله بيجيب ميه وحسيت بالالم تاني فطلبوا دكتور التخدير جه واداني جرعه تانيه للاني اصلا مدمنة مسكنات فجسمي مش بيستجيب بسهوله للتخدير بساول لما اداني الجرعه هديت واستقريت والدكتوره اللي كان الشييفت بتاعها ساعتها كانت عراقيه وعنيها دمعت من شكلي ومنظري مع انها المفروض متعوده على المناظر دي بس تعاطفت معايا جدااا وبقت تعملي مساج على كتافي وحطتلي ماسك الاوكسجين....
فين وفييييييييييييين بقى على الساعه 5 الفجر قلت لماما انا تعبت بقى وعيطت جامد وفضلت هي تستغفر وتصلي وتدعي واتصل بأهلي في مصر قلتلهم يصحوا يصلوا ويدعوا للاننا ماقلناش لحد اني بولد وهي اتكهربت وتوترت جامد وتامر بيلف حوالين نفسه بره الغرفه.....فضلت ادعي كتيييييييييييييييييييييييييييييييير وفجأه لقيت الدكتوره قامت مره واحده وكشفت وقالتلهم ولاده ولاده ,,,انا تنحت كالعاده وقالولي اعملي PUSH انا اعمل بقى واحس ان روحي بتطلع واقول لماما انا بموت تقولي استغفري للان بجد حسيت اني بموت ,حسيت اني شايفاهم وفاهمه هما بيقولوا ايه بس انا ببص عليهم من بعيد كاني بتفرج على فيلم مثلا وحسيت بجد ان روحي بتسيبني وتطلع ,,,فضلت اعمل البوش ده نص ساعه ويقولوي اكتمي لتحت وماما عماله تدي في ارشادات وتقولي طوليها روحت مزعئلها وقولتلها هو ده اخري بقى عاجبك ولا تيجي تولدي بدالي ؟؟؟ هههههههههه بس الموجودين مش فهموني الحمد لله ....كنت خلاص بقى فضلي تكه واوقف من كتر التعب لقيت الدكتوره (كانت هنديه ساعتها علشان تغيير الشيفت)بتقولي Go on ,continue darling ,i see beutiful black hair هي قالت من هنا ياعيال وانا حسيت بحماس وانطلاق عجيب بجد وفضلت اعمل بوش تاني لحد ما ماما قالتلي طلعت طلعت وعيطت بقى جامد بس انا ماحسيتش بالطلوع الحمد لله بفضل الله علشان التخدير والا كنت لطمت من نزول الراس والفتح اللي تحت....طلعت سلمى بس انا مش شفتها وبعدين فضلت بقى تتطلع المشيمه والبلاوي اللي جوه وماما بتقولي طلعت بلالالالالالالالاوي من جوايا وكميات مهوله من الدم وحاجات غريبه كده بس ماما فضلت واقفه علشان تتأكد ان المشيمه طلعت على بعضها كتله واحده .....ودكتور الاطفال اخد سلمى وحطها في سرير جنبي وتامر وقف معاهم علشان بينضفوها وبيكشفوا عليا وياخدوا مقياس اباجار ويتاكدوا انها نورمال في كل حاجه......وبعدين حابوهالي وفضلت اعيط بهبل وماما تقولي بتعيطي ليه اقولها مش عارفه هههه فضلت تضحك والدكتوره تسألني بتعيطي ليه فنسيت انها بتتكلم انجليزي روحت قولتلها اتلهي دلوقتي هههههههههه فمش فهمتني طجبعا وسالت الممرضه التونسيه قالتها ترجميلي قالتها مافيش حاجه دي جمله من التراث ههههههههه التوانسه بيفهموا مصري كويس جدا.....بس فضلت تحت المراقبه في الغرفه دي لمدة ساعتين وكشوفات بقى وسكر وضغط وحراره وصورة دم وحاجات كتير بس سلمى راحت الحضانه تنام بقى يابختها ...... حكمل بعدين معلش سلمى صحيت
fulla2010;15700801:
مبرووووك يا نعومه عقبال ما تشوفيها يااااااااااااارب
سمر على فكره انا اول واحده رديت عليكى لما كتبت نص قصة ولادتك ودعتلك كمااااااااان
بس فييين بقية القصه يا سمر اخلصى واكتبى كله مره واحده جربى ومش هتخسرى حااجه ههههههههههههههههههههههههههه
معلش يا فلتي ماتاخديش على كلامي للاني بكتب وانا واقفه ومش مركزه خالص للان بيبقى ورايا وفي دماغي كذا حاجه والله وتسلمي ياقلبي على الدعوه الحلوه
مبروك يانعومه وربنا يكملك على خير وتشوفيها في حضنك وصدقيني البنات حلوين اوي ماشاء الله والبيبهات البنات احلى من الولاد هههههههه
سمر حمد الله علي سلامتك انتي و سلمي و ياررب يخليهالك و يباركلك فيها و يوسع رزقكم يارررب ... انا خوووفت اوي من الولاده يارررب استرها معانا يارررب
ايموووووووووووووووو
لو شكلك وحش قيراط انا شكلى وحش 24 قيراط
دة تانى مرة المفروض اكون بحضر لسبوع البنت دلوقتى :)
بت يا سمر
انا بدعيلك على فكرة على طول بظهر الغيب عشان بجد بحبك فى الله
ودلوقتى وانا بقرا قصتك قعدت اعيط افتكرت تجربتى واللى مستنينى بعد كدة
وصعبتى عليا برضه لان الواحدة اخرها تستحمل الطلق دة يوم واحد
وربنا يبارك للطقم الطبى اللى كان معاكى بجد انهم برغم كل دة صبرو معاكى للاخر وولدتى طبيعى
وطمنتينى على نفسى عشان انا برضه مكنتش عارفة اعمل بوش جاااااااامد ونفسى كان قصير وكنت مفكرة ان دة من اسباب انى ولادتى متعسرة
المهم انك قمتى بالف سلامة وحيجى اليوم اللى حتفتكرى اليوم دة وتحسى كانك خارجة من دريم بااارك :)
بوسيلى البت ام شعر بلاك دى :)
اتلهي ياسمر
بتقولي للدكتورة اتلهي :lol:
بجد ربنا يكرمك في سلمي يااااارب ويباركلك فيها
واقولك الجمله اللي بيشلوني بيها بقا :D
الجنه مش ببلاش يابنتي :p
samaaaar 7amdlah 3ala salmtk
يا عيييييييييييين امك يا سمر ده انتى تعبتى اوى ربنا يبدل تعبك ده براااااحه يارب مع سلمى ويجعله ثقيلا فى ميزان حسناتك
انا بجد عيطت وانا بقرا قصتك
&Nada&;15701091:
ايموووووووووووووووو
لو شكلك وحش قيراط انا شكلى وحش 24 قيراط
دة تانى مرة المفروض اكون بحضر لسبوع البنت دلوقتى :)
بت يا سمر
انا بدعيلك على فكرة على طول بظهر الغيب عشان بجد بحبك فى الله
ودلوقتى وانا بقرا قصتك قعدت اعيط افتكرت تجربتى واللى مستنينى بعد كدة
وصعبتى عليا برضه لان الواحدة اخرها تستحمل الطلق دة يوم واحد
وربنا يبارك للطقم الطبى اللى كان معاكى بجد انهم برغم كل دة صبرو معاكى للاخر وولدتى طبيعى
وطمنتينى على نفسى عشان انا برضه مكنتش عارفة اعمل بوش جاااااااامد ونفسى كان قصير وكنت مفكرة ان دة من اسباب انى ولادتى متعسرة
المهم انك قمتى بالف سلامة وحيجى اليوم اللى حتفتكرى اليوم دة وتحسى كانك خارجة من دريم بااارك :)
بوسيلى البت ام شعر بلاك دى :)
ههههههه انتي حتعملي سبوع ياندى ولا عقيقه ؟؟؟ علشان بفكر اعمل عقيقه لما انزل المنصوره بس ماعرفش بتتعمل ازاي ولا بتتقسم ازاي وكده ...والبت ام شعر بلاك انا هارياها بوس ماتقلقيش :) وبجد فعلا عندك حق لو كنت في مصر استحاله حد يصبر عليا 3 ايام علشان اولد وحتلاقي الدكتور طلعلك 100 سبب وحجه علشان يفتح قيصري ويروح بقى
magda 1;15700970:
سمر حمد الله علي سلامتك انتي و سلمي و ياررب يخليهالك و يباركلك فيها و يوسع رزقكم يارررب ... انا خوووفت اوي من الولاده يارررب استرها معانا يارررب
لاتقلقي ياماجده شوفي العذاب اللي انا اتعذبته ده كله ,بس بمجرد خروج البيبي وحتى قبل ماتشوفيه بتحسي براحه جميله بتغمرك بجد كان جبل وانزاح عن قلبك بجد وفعلا هي ساعه منسيه عن تجربه
.. Hopes;15701124:
اتلهي ياسمر
بتقولي للدكتورة اتلهي :lol:
بجد ربنا يكرمك في سلمي يااااارب ويباركلك فيها
واقولك الجمله اللي بيشلوني بيها بقا :D
الجنه مش ببلاش يابنتي :p
هههههههه ده اقل واجب باهبه ويحمدوا ربنا اني مسكت لساني وطلعت مؤدبه على رأي ماما
du;15701377:
samaaaar 7amdlah 3ala salmtk
غدييييييييييييير الله يسلمك :D:D
انتي اللي شجعتيني على حقنة الضهر وبجد جزاكي الله خير للانها اختراع جامد فعلا
Desly;15701721:
يا عيييييييييييين امك يا سمر ده انتى تعبتى اوى ربنا يبدل تعبك ده براااااحه يارب مع سلمى ويجعله ثقيلا فى ميزان حسناتك
انا بجد عيطت وانا بقرا قصتك
معلش ياسالي ماكانش قصدي اعيطك والله بس بجد كل الولاده صعبه سواء قيصري او طبيعي ,,,الفرق ان دي تعبها بعد الولاده والتانيه تعبها قبل الولاده
غدير ايه قلة الادب بتاعة ابنك دي اللي في التيكر !!!!!!!!!!!! ههههههههههه من اولها وهو تفكيره منحرف كده ههههههه لا انتي لازم تاخدي موقف وتربيه من الاول وتوريه العين الحمرا هههههه