sweetyronaaa;15651243:
سمر رضعي بنتك منك سيبك من الشفاط كل ما ترضع منك احسن ده اللي هيساعد في ادرار اللبن و وانتى بترضعيها بصي في عنيها و امسكى اديها لان الوضع ده بيدي اشارات للمخ تساعد على ادرار اللبن اكتر
و بالنسبه لجوزك سيبك منه خالص و لا تهتمى باى تصرف يعمله دلوقتى خالص خليكي مركزه في نفسك و بنتك و الله تصدقي بايه انا جوزى جه يوم ماولدت و سافر تانى يوم و مجاش الا لما ادهم تعب و دخل الحضانه و اول ما ادهم طلع سافر تانى و مجاش الا بعد اسبوعين على معاد العقيقه و مسجلناش ادهم الا بعد اسبوع من ولادته انا بحكيلك الكلام ده عشان تعرفي تصرفات الرجاله عامله ازاى و كان لما يجي يلاقينى برضع ادهم او مشغوله بيه ياخد بعضه و ينزل هما بيبقوا مش مستوعبين انهم بقوا ابهات و مسؤولين عن طفل شويه و هيتغير بس انتى سيبك منه خالص في الفتره دي
و اهم حاجه زى ما ندى قالتلك اهتمى باكلك و شرب السواااااااااااااااااااااااااايل على اد ما تقدري و اشربي حلبه كتير بجد مفعولها سحر و كمان لو مامتك جيبالك مغات هيغذيكى اوى و شوربه الفراخ مغذيه جدا ليكي في الوقت ده انا كنت تقريبا عايشه عليها
:thumbs_up::thumbs_up::thumbs_up::thumbs_up::thumbs_up::thumbs_up::thumbs_up::thumbs_up:
Bossy22;15651272:
اولااا الف مبروووووووووووك يانووور على البنوووتة ربنا يخليهالك
ثانيا اهئ اهئ فكرتينى بنفسى و علاقتى بجوزى بعد الولاده كانت فعلا من اسوا الفترات اللى مرت عليا بس انتو شوية و هتاخدو على الوضع و هتبقى متعووووودة داااايما و هو كمان على فكرة بعد الاربعين العلاقة هتتحسن تدريجيا بس انا لحد الان حسة اننا مرجعناش زى زمان اعاااااااااااااااااا بس سيبك انتى و متستسلميش للاكتئاب ده اسالينى انا
emoooooo;15651380:
سمر حبيبتي معلش ربنا يعينك واستمر زي ماكل البنات قالولك انك تحطي بنتك دايما ع صدرك
وان شااااااااااااااااااااااااااااااء الله ربنا هيكرمك ويرزقها متستسلميش وتدايقي بسرعه عشان خاطر بنتك وعشان نفسيتك تبقى تمام
اشربي يانسون وكلي حلاوه كتير وحلبه طبعا وربنا يجعل فيها فايده يارررررررررررب
والف الف الف مبروك ياحبيبتي ع القمرايه سلمى ربنا يباركلك ف عمرها يارب
رانيا و بوسي وايمو تسلموا يابنات وبالنسبه للاكل انا ماما بتأكلني كل الحاجات اللي قولتوا عليها دي مع اني كنت ناويه بجد انظم اكلي واكل بروتينات وعصايربس علشان اخس للاني كرهت شكلي ومنظري بس ازاي حخس وانا باكل حلاوه طحينيه وحلبه بعسل اسود ومغات بالسمنه والمكسرات !!!!!!!!! وده غير الاكل العادي بقى :(:( اول مره اكره الاكل بجد واحس انه عقاب ....كنت متصوره ان جسمي حيفرق كتير بمجرد الولاده لكن جسمي رجع كأني حامل في السادس ؟؟؟!!!!!!!!!!!!!! بالعكس ده جنابي بقت بشعه وبقيت العرض عرضين وحاجه صعبه
فراشة الإيمان;15651409:
سمر حبيبه قلبى ربنا يوسع رزق سلمى يااااااااااااااااارب
انا حاسه بيكى انا كنت فى زياد كده وكنت مصره انى ادخل صناعى لانهصعبان عليا
وانا كنت والده قيصرى مكنتش قادره اقعد كتير احااااااااااااااااااول زى ما الدكتور قال وبقى مصر على المحاوله وبقيت احطه على صدرى علشان يشفط هو ده بيحنن صدرك وبيخليه ينزل حاولى متيأسيش
والدكتور قاللى لاااااااااااازم عصاير جوزى زل جاب العصاير بالكراتين اللى هى جهينه وكده
وحط العلبه جمبى وكل ما اقول عطشانه ماما تصب وتدينى عصير ولبن اشربى كتير
واستغفرى كتير وادععى ربنا ينزلها رزقها بس خليها دايما على صدرك
وكلى فراخ مسلوقه واشربى شوربتها مغذيه ليكى
اشربى حلبه وحليها بعسل اسود
وفى اعشاب من ايزيس ورويال مدره للبن
اوعى تستسلمى واستحملى عياطها علشان جعانه
زياد كان مش مبطل صريخ من جوعه بس خليها على صدرك
ولو على جوزك كلنا هذا الرجل
الوضع جديد عليهم وحسين بتوتر وارتباك سيبك انتى وركزى فى بنتك
ودكتوره شروق فى فتكات ممتازه خليكى معاها خطوه خطوة هى وقفت جمبى زمان لغايه ماحليت مشكلتى ربنا يجازيها خير
طيب لما اديتي زياد الصناعي بالاضافه لصدرك ,عملتي ايه علشان تبطلي الصناعي وتسحبيه منه؟؟؟
د\امونة;15652361:
سمورة ,,,,,,,,,,,,, ربنا يرزق بنتك باللبن , انا مش هزود على كلام الامهات اللي معانا لانهم اكتر خبرة طبعا وانا بستفيد منهم , بس بخصوص جوزك , بليز متحطيهوش في دماغك دلوقتي , ده مش وقته انك تضايقي نفسك بحاجات صغيرة زي دي , خليكي مهتمة بصحتك واكلك وبنتك وبعد ما تفوقي من الموال ده , تروحي لجوزك وتقومي عضاه وتقوليله دي عضة بسيطة عشان كنت بتعاملني وحش :)
انا عايزة اعرف رد دكتورة شروق دي عليكي , ياريت حد يعملنا كوبي ويجيبلنا الرد لما ترد عشان نستفيد
هي لسه ماردتش ولما ترد حابقى اوريكم الرد هنا ان شاء الله