حامل في التاسع وبكريه انصحوني في نفاسي

up up
ان بعد نرجو الافادة

لأنه محد فادكم .. قلت افيدكم باللي فادتني ..

وهي عضوة في منتدى ثاني اسمها estyle ..

أول شي الحل السحري علشان تخففين الالم على الاقل 80%


تحاميل فولتارين (50 مللي جرام) مو أكثر انتبهي
الصيدلية ما كان عندهم 50 فخذيت 100 و صرت اكسرها بالنص و كل يوم احط نص
نص تحميلة تخلينها داخل فتحة الشرج الله يعزج راح تروح الألم
تحطين مرة وحدة في اليوم مو اكثر اذا حسيتي ان الجرح زاعجنج
طبعا كلامي للي تكون خالية تماما من اي مرض ( لا سكلر - لا ضغط - لا امراض وراثية و اللي فيها اي شي تستشير الدكتورة قبل )
خخخخخخ كنت مستحية اقول للصيدلي ابي تحاميل
نزلت الصورة من النت على تلفوني و راويتها اياه
الحين شنو تسوين
بعد ما تدشين الحمام
تتشطفين بماي دافي لا هو حار و لا بارد و ما يكون بدفع قوي انتبهي شوي شوي عن الدفاشة

تنشفي زين
تكونين مجهزة علبة بخاخ

تعبينها ماي و ديتول بيرسونال كير

أو أي مطهر (داك - سافلون )
طبعا الكمية حسب ما هو موضح على علبة المطهر مو تحطين كمية وايد لا يحرقج


رشي من خليط الماي و المطهر على قطنة
و امسحي على الجرح شوي شوي على الجرح كامل خلي القطنة مبللة وايد مو ناشفة

و انتظري شوية يجف المكان و يتغلغل المطهر
بعدين
على قطنة ثانية حطي ميبو كريم

كمية وافرة تغطي كل الجرح و امسحيه عليه
و كرات قطن (ضروري مو تقولين بستبدله بالكلينكس لا اللكلينكس يذوب و يتنتف و يجمع لج و يسبب التهاب انتي فارغة منه)


و أخيرا
الفوط الصحية
ابتعدي تماما عن الالويز و النسيج الجاف الخرابيط تبعهم
الفوطة ياااااااااااااابسة كانها خشبة و تحك في الجرح و الخيوط راح تالمج اكثر من انها تفيدج
انا قلت بجرب فوط نانا على اني ما احب اجازف في الاشياء او اغير فخذيت علبة صغيرة

و الحمد لله ارتحت لها واااااااايد و رجعت خذيت علبة اكير
لا تتكتل
و ملمسها ناعم مريحة في اللبس
مضغوطة بحجم الالويز و امتصاصها زين
اللي خذينه الاخضر حجم كبير و بدون اجنحة لاني ما احب الاجنحة

الديتول بيرسونال كير خذته من اسواق الاسرة
التحاميل من صيدلية ناصر
ميبو كريم من رويان يمكن تلقينهم اثنينهم في مكان واحد يصراحة ما سالت لأني كنت ناسية الكريم و شريته عقب
باقي الاشياء تلقينها في اي سوبرماكت

و اهم شي اهتمي بحبوب الفيتامينات و الحديد اللي يعطونج اياها المستشفى او حتى لو عندج حبوب مال فيتامينات حوامل بعد واصلي عليهم على الاقل شهر لين يقوى جسمج و اهتمي بالالياف و الاكلات اللي تلين البطن من تدشين الشهر التاسع اكلي كل يوم برتقالة و شربي ماي وااااايد كثر ما تقدرين لأنه لو ياج امساك راح تتالمين و ينشد الجرح و اساسا صعب عليج فقبل الولادة من تدشين التاسع و تحسين عندج امساك خبري الدكتورة تكتب لج ملين علشان ما تولدين و عندج امساك و تتغربلين بعدين

و الله يقوم حامل بالسلامة و يرزق كل محرومة

ادعوا لزوجي بالفرج و السلامة و انه يشوف بنته قريب ان شاء الله

وهذا رد لأحدى الخوات بعد :

انا توني والده من 9 ايام واستعملت املاح من البحر الميت اسمه
Al Zara from the dead sea ( sitz bathا ) اخلطه في ماي دافي واقعد فيه مرتين في اليوم . واستعملت رشاش اسمه Betadine " dry powder spray " كل ما ادخل الحمام ارش منه , هذا كان وصف دكتورتي والله وايد زين و نفعني طاحوا الخيوط في اسبوع .. في ولاداتي اللي طافت كان يبيلهم اسبوعين الى ثلاث علشان يطيحون