صباح الخيرات
الله يقوينا عالطاعه في هذه العشر يارب
و يتقبل مننا ،، الهمه بنات
يومياتي امس
ودعت زوجي بس ما فطرته من اليوم اللي قبله قال
لي لا تجهزين فطور و رجعت نمت و صحيت مع
سوسو و جوجو قد صحيت غيرت لسوسو
و جهزت فطور و فطرنا و زوجي ما كان يبغى غدا
يبغى ياكل خفيف فجلست عالايباد و الساعه 1 بديت
بالغدا مقلوبه اعملها بدون قلي للخضار حفاظاً
عالصحه و على نظافة المطبخ كمان ههههه
و غسلت النحاس و مسكت علبة حليب و علبه
بلاستيك اسطوانيه و علبه قزاز حاطه فيها سكر
الريجيم غلفتها الاولى خليتها جنب البوتجاز و حطيت
الاشياء اللي احتاجها باستمرار في الطبخ
و الثانيه فيها جونتبات يدي للشغل
و حطيت الغدا على 3 و كنت اشوف الصلاه عالامير
سلطان و جوجو تسألني كيف مات ؟ كيف حابوا صورته
و هو ميت؟ ايش فيه الملك عبدالله؟ ليش مات؟
ليش مات قلت لها كلنا بنموت و نروح عند ربي
في الجنه ان شاء الله ،، البنت جلست ساااااكته
شوي صارت تبكي و تبكي و تبكي خافت من الموت،،
حسيت اني تورطت و جلست استنجد بصديقتي ايش
اقولها و خبرتني مثلي باي شي تحبه ،، فرجعت قلت
لها زي ما خبرتني صاحبتي قلت لها انتي اللحين
اذا تحبين شي تخلينه عندك و لا تعطينه ماما؟!
زي دفتر دورا ( دفتر جديد اشترته) عشانك تحبينه
ترفعينه عندك و لا ترفعينه عند ماما قالت لا عندي
قلت خلاص حتى ربي يحبنا عشان كذا ربي ياخذنا
عنده في الجنه ان شاء الله و عشان كذا لازم نصلي
و نقرأ القرآن و نذكر الله عشان ندخل الجنه و جلست
اشرح لها النعم اللي بالجنه و الحمدلله فكتها و جات تاكل
و بعدها حطيت قهوه عالنار و تقهويت و يوم طاء موعد المحاضره
القى زوجي حاذف الغرفه من المفضله !! و جلست احوس على ما لقيته
و طبعاً راحت كلمة المرور و ناسيتها لانها كلمه موحده من عند الاشراف
و حاولت حاولت لما زبط بس كنت خلاص قافله معايه من زوجي جداً جداً
و انا عالدرس خرجوا هو و جوجو و دودي كنت طالبتهم حاجتين حاجه
ما جابوها و حاجه ابوها بس مو هي اللي ابغاها قفلت اكثر و اكثر
و عشيت البنات و اقول لزوجي ليش تحذفه ؟! قال غلطك ليش ما
حفظتي الباسوورد حقدددددت عليه مدري كيف فجأه كذا حسيت كل
الحب اللي كلن بقلبي راح طار! حتى مجامله ما قدرت رحت و خليته
اخذت القهوه مره ثانيه و دودي تزن و تزن و تزن رفعت القهوه
و ناموا سوسو و دودي و غسلت النحاس و لميت الزبايل و جلست
على تويتر و الواتس و نمت بعد 1 و سلامتكم،،
الله يقوينا عالطاعه في هذه العشر يارب
و يتقبل مننا ،، الهمه بنات
يومياتي امس
ودعت زوجي بس ما فطرته من اليوم اللي قبله قال
لي لا تجهزين فطور و رجعت نمت و صحيت مع
سوسو و جوجو قد صحيت غيرت لسوسو
و جهزت فطور و فطرنا و زوجي ما كان يبغى غدا
يبغى ياكل خفيف فجلست عالايباد و الساعه 1 بديت
بالغدا مقلوبه اعملها بدون قلي للخضار حفاظاً
عالصحه و على نظافة المطبخ كمان ههههه
و غسلت النحاس و مسكت علبة حليب و علبه
بلاستيك اسطوانيه و علبه قزاز حاطه فيها سكر
الريجيم غلفتها الاولى خليتها جنب البوتجاز و حطيت
الاشياء اللي احتاجها باستمرار في الطبخ
و الثانيه فيها جونتبات يدي للشغل
و حطيت الغدا على 3 و كنت اشوف الصلاه عالامير
سلطان و جوجو تسألني كيف مات ؟ كيف حابوا صورته
و هو ميت؟ ايش فيه الملك عبدالله؟ ليش مات؟
ليش مات قلت لها كلنا بنموت و نروح عند ربي
في الجنه ان شاء الله ،، البنت جلست ساااااكته
شوي صارت تبكي و تبكي و تبكي خافت من الموت،،
حسيت اني تورطت و جلست استنجد بصديقتي ايش
اقولها و خبرتني مثلي باي شي تحبه ،، فرجعت قلت
لها زي ما خبرتني صاحبتي قلت لها انتي اللحين
اذا تحبين شي تخلينه عندك و لا تعطينه ماما؟!
زي دفتر دورا ( دفتر جديد اشترته) عشانك تحبينه
ترفعينه عندك و لا ترفعينه عند ماما قالت لا عندي
قلت خلاص حتى ربي يحبنا عشان كذا ربي ياخذنا
عنده في الجنه ان شاء الله و عشان كذا لازم نصلي
و نقرأ القرآن و نذكر الله عشان ندخل الجنه و جلست
اشرح لها النعم اللي بالجنه و الحمدلله فكتها و جات تاكل
و بعدها حطيت قهوه عالنار و تقهويت و يوم طاء موعد المحاضره
القى زوجي حاذف الغرفه من المفضله !! و جلست احوس على ما لقيته
و طبعاً راحت كلمة المرور و ناسيتها لانها كلمه موحده من عند الاشراف
و حاولت حاولت لما زبط بس كنت خلاص قافله معايه من زوجي جداً جداً
و انا عالدرس خرجوا هو و جوجو و دودي كنت طالبتهم حاجتين حاجه
ما جابوها و حاجه ابوها بس مو هي اللي ابغاها قفلت اكثر و اكثر
و عشيت البنات و اقول لزوجي ليش تحذفه ؟! قال غلطك ليش ما
حفظتي الباسوورد حقدددددت عليه مدري كيف فجأه كذا حسيت كل
الحب اللي كلن بقلبي راح طار! حتى مجامله ما قدرت رحت و خليته
اخذت القهوه مره ثانيه و دودي تزن و تزن و تزن رفعت القهوه
و ناموا سوسو و دودي و غسلت النحاس و لميت الزبايل و جلست
على تويتر و الواتس و نمت بعد 1 و سلامتكم،،
