البيت الثامن عشر.. لربات البيوت السنعات..لشهر ذي القعدة

صباح الخير..

كوامن.. سلامة بنتك ما تشوف شر..

تدرين ليه اكثر اللي بالملف جنوبيات؟

لأن الجنوبي يحب الاسترخاء.. و يسوّف كثييييير..لأنه يخشى الفشل..

ويحتاج احد يشد على يده ويشجعه ويحمسه عالشغل..

وحنا هنا نشجع بعض.. يعني بيئة جدا مناسبة..


على فكرة.. اللي اطفالهم ترتفع حرارتهم وهم نايمين..

فيه لزقة تمتص الحرارة.. تلزقينها عالجبهة..ميزتها ما تطيح اذا تقلب زي الكمادة العادية..

و لا تحتاج اعادة ترطيب وعصر وبربسة..

تلقونها عن الصيدليات وحتى ستي بلازا في محل الاطفال..

اللي دايم استعملها واشوفها من شركة بيجون..


هذي الصورة الوحيدة اللي لقيتها..

الله يبارك في أعماركن حبيباتي
احدثكم من بيت اهلي >>>>>>>دانه اخيرا رحت الحمد لله واختي بتطلع الليلة يعني بألحق اشوفها بس لسه ما اخذت هدية يمكن اكتفي بمبلغ واخلي الهدية بعدين:(

لمعه ألماس ،،،

ههههه ياحبي لوليدك

صدق ع الفطره ،

تصدقين استحي البس عند عيالي

شي للفخذ ، صرت البس ماسك يسترها ،،،

حتى قمصان النوم ماأخليهم يشوفونها

خاصة اذا صار رايح فيها القميص

، البس روب

اذا طلعت من الغرفه ،،،

 

مساء الخير..

لمعة.. شكلك مو دايم تلبسين شورت عشان كذا استكره ولدك..

ـههههههههههـ يا ملحه ملحاه..

امل.. حمدالله على سلامة اختك..

وش سموها ومن تشبه؟<< هالسؤالين لازم لاااازم يطرحون طول الاربعين..

_______________________

يومياتي..

الصبح بعد ما لبست بناتي طلعنا كلنا بالسيارة.. بنحظر عرض فصل جود..

طلعنا من المدرسة انا و بعلولي.. عالبيت..

وادور وارقا وانزل.. وارتب ترتيب اسطح من السطحي..

مالي خلق لشي!!!

قال زوجي: انا طالع تطلعين معي؟

قبل لا يكمل سؤالة نقزت قلت: ايييييييييه ابي اطلع..

لبست عباتي وطلعنا لمبنى الكونسل.. انا دخلت المكتبة وزوجي كان عنده شغله بيخلصها..

طلعنا وكان وقت طلعة رهف من النيرسري..

فرينا شوي بالسيارة ومرينا البنت..

عاد اليوم ما روحت معها شنطة.. وتسلطت وعملت عليهم عملة متلتلة..

عطرتهم وغيرو لها..

خذنا البنت وهي مبسووووطة تركظ وتناقز وتقول: ستروبري..ماي آس..ستروبري..

وصلنا البيت وغيرت لها وغيرت البامبرز حقهم.. لقيت مرسوم عليه ستروبري شورت كيك..

ـههههههههههههـ وانا اقول وش عندها على "ماي آس ستروبري"

آس = مؤخرة

سويت لها ولأبوها بيض مسلوق..وتونة..

ورقيت اتروش..و بينما انا اتروش. جا على بالي اخليها مو زي اي ترويشة..

تصوبنت بصابونة مغربية..ثم شطفت جسمي وفركته بليفة خشنة..

ثم حطيت سكراب..هذا غير الشعر والوجه..

طلعت و صنفرت اقدامي.. ودهنت جسمي ولبست..

نزلت وقعدت مع نفسي بالكونسيرفتي بدون كروشيه ولا نت..

صفيت ذهني..شوي ورقيت اجفف شعري..

جن بناتي مع ابوهن وحطيت بطاطس بالفرن..

واحس اني مالي خلق لاي شغلة!!

طاااافية..

عندي كوي.. وعندي تنظيف حمامي عميق..

عندي تطليع الملابس الثقيلة وغسلها..

والغسالة يطلع من تحتها ماء ولا ابي استعملها الين يجي مختص يشوف وش سالفة هالموية..

والمطبخ ودي امسح ارضيته.. وانظف الثلاجات..

انا مااااااا ينفع معي ابدا التخطيط على العميق..

من انوي عالعميق بيوم من الايام..اترك التنظيف السطحي على اساس بنظفة عميق بعدين!!!!

ويترااااكم علي الشغل و اتغلق..

توبة.. من اليوم ورايح ماراح ادخل في حملات العميق الا مرة كل ست شهور..مو كل شهر..

مملة العملية..

قطو..

بنات ونااااسه ، اليوم متجر ابل

مخلين الواتس اب مجاني ،،،،

السلام عليكم ،،،،

اليوم قمت &#1633;&#1633; ونص

لقيت رساله من صديقتي

تعلمني ان الواتس اب مجاني

وارسلت لي الرابط وحملته ،

وارسل لي زوجي يقول

انه بيجي من المجمعه وبيتغدى عندنا

لخبط جدولي ، ناويه افطر واروق واشوف شغلي

بسرعه افطرت وصلحت الغداء باميه

ورز ابيض ، شغلت غسالة المواعين

ورتبت البيت وبخرته وتحممت وبخرت شعري

وحطيت الغدا ، وصليت العصر وغسلت مواعيني

وجهزت شنطة عيالي ورحت لاهلي ،

والحين عندهم ،

وسلامتكم

وينك يادانه انتظر الارقام والله اني مرره محتاجه

واللي ساكنه بالدمام ياليت ترسلي ارقام لشغاالات بالسااعه اذا تعرفون

أحبك إذا عرفتي ارقام ثقة قولي لي :)
لمعة وروز الله يبارك بأعماركن
روز إلى الآن ترانيم وتشبه اخوها اللي اكبر منها :)

امل.. ترانيم!!!!!!؟

يا ثقله.. رنيم اخف واملح..

روز ،،،

ماشاء الله اعجبني شكل

الشباك اللي في المطبخ

وحامل الصحون رهيب

وتعجبني لمساتك وصرت اقلدك في

بعض الاشياء ، الله يخليك لعين ترجيك ،،،/قولي بدري

توك تردين ع الصور

الدور اللي شفته

صرفنا النظر عنه

//اقصد زوجي

زعلت شوي لكن فكرت اني دعيت ربي

ان كان فيه خير يجعله من نصيبي ،،،،،

والا يصرفنا عنه ،،،،،

وعدني زوجي انه يسوي تعديلات كثيره

بس نصبر على هذا ،الين يرزقنا ربي الملك ،،، 

خلود \

لعله خير من ربي
والله ييسر أمركم ويرزقكم ويرزقني بالبيت الملك في أقرب وقت
ودامك جنب أهلك وفي مدينتهم فترا ذي أكبر نعمه




رووز \

ماشاء الله تبارك الله
الصور تهبل ويومياتك تهبل وكل شي فيك يرد الروح
الله يسعدك ويبارك لك في كل شي بحياتك

صباح الخير
صباح الحب
صباح السعاااده
كيف حالكم
يومياتي
بعد ردي
جهزت القهوه ودخلت حماتي مع ولدها
جلست ساعه وربع وعمل ولدها عمله متلتله
ونزلت مامعها غير له
جلست على المسن وسولف وسوالف
وجاء زوجي ومعه ضيف جهزت للضيف المجلس
وحطيت له ادوات الاستحمام حقت الضيوف
ومويه وطلعت
جاء زوجي تعبااان يقول دخلت المستشفى وعطوني ابره
وقالو عندك قولون
نام وانا اكلت ونمت وصحيت وصليت الفجر
ونمت في غرفه النوم الى ساعه 11وصحيت
وقام زوجي واتصل على ضيف
قال ضيفنا انا من ساعه 10صاحي:hysterical:
عاد مادري وش فيه صاحي رجعين ساعه3الفجر وصاحي10
نزل زوجي تحت وتغداء عند اهله وانا فيني خمووووووول
نمت مابين صاحيه ونايمه وعلى المغرب
نمت وصحيت ساعه11صليت العشاء وكملت نومي الى ساعه3
صحيت وسويت لي اكل وحطيت دفعه ملابس بيضاء
باقي الملابس الملونه
واتصل زوجي قال بجيب معاي فطور
وانا انتظر الفطور
بنات اذا عندكم موقع حق العاب مثل لعبه صبايا
هناا
عطوني الرابط
انا في لعبة صبايا وصلت الى المستوى 20وعطوني انذار مادخل العبه الافي عام2015:badly:
وطفشت من روتين والملل:hysterical:

دانة بقلبه كانت هنااا

روز قلنا لها بس مشكلة رنيم فيه عندنا منها في العيله خخخخخ

دانه القولون عليكم بالبردقوش رهيييييييييييييب واسأل مجرب
وبعدو عن البصل والثوم والبهارات الحاااااااارة :(
الله يكون بعونكم

كتبت كلام حلو وطار ياربي ~المششكله انه ارتجالي‏~بس ياشيخه

السلام
ياحلوكم وياحلو ملفكم
كل ماجصلت فرصه طليت عليكم
طايحة بعدنان ولينا هالايام خخخخخخ
يالله بوسه لكل وحد

صباااااااااااااااحكم روقان وقهوة تقوم النعسان..

خلود و كوامن.. :o مدري وش ارد..

الله يجمعنا بجنات النعيم..

_______________________

يومياتي..

البارح بعد اخر رد لي.. فتحت طاولة الكوي..

وكويت كل الملابس.. اتظح لي ان اغلبها شراب!!!!!!:worn_out:

رقيت الملابس ورتبتها..و صفطت الطاولة وعاليوتلتي..

وانشرح صدري يوم شفت زاوية المقلط فاظية..

وتعشينا ماسلا وغسلت المواعين على ضوء القمر<<مطفية اللمبات..

وبعد ماناموا الاميرات.. خذت كوب وايت تي..:010:

وقعدت عالتخت.. اشرب واستمع للهدوووووووء..

ونمت بهدوووء بدون ما احس بنفسي..:075:

اليوم قمت رايقة.. وبعد الروتين الصباحي..

شمرت عن سواعدي.. ورتبت المواعين اللي عالشبك والغسالة..

ثم بخيت كلور عالمجلا وشبك المواعين..

وفتحت شبابيك البيت كلهااااااا.. الجو براده معقول اليوم..

صفطت بجامات بناتي وعالطاولة.. رقيت كل الالعاب.. وشلت دفاتر التلوين..

اللي نطلته واللي حطيته بغرفتهن..

ثم لبست قلفز.. وفركت المجلا فرك..هو الشبك والمشخلة اللي فيه.. لين طلع يلق..

ثم فرغت سلةالنعمة وغسلتها وقلبتها عشان تنقط..

مسحت الكاونتر.. وكنست ارضية المطبخ..

و خذت القطعة اللي كنت فارشتها تحت غسالة الملابس ونشرتها برا.. مليااااانه موية..

لمعت طاولة الطعام..وكنست الدور الارضي كله..

ثم بخرت البيت بشوي معمول.. وسكرت الشبابيك وبقيت واحد..

شلت الجاكيتات اللي معلقة ورا باب المقلط.. وايشارباتي الخفيفة..

ورقيتها وعلقت اللي يتعلق وسفطت اللي يتسفط..

وطلع شكل الباب مرتب..اول منتفخ من كثر الجاكيتات..

خلاص جا البرد وماعاد يناسبه الا النوع اللي عليهم الحين وبس..

ولمعت باب القزاز حق الكونسيرفتي..

جبنا روفة وغيرت لها وغسلت لها وعطيتها شي تاكله..

و قطو..