أول شي نبدي
بسم الله الذي لايضر مع أسمه شي
.gif)
أول شي أنا وحده دبه وعيزت أنزل وأرتفع بوزني
.gif)
رحت للدكتور علي الظن وكان ريجيمه جد جد سيء وسببلي فقدان شهيه وترجيع عزكم الله
.gif)
ولي مارديت لأكلي طبيعي خذلي شهر:mad:
المهم ماعليكم بطويله
جفت يوميات قطوة عضوه بمنتدى آخر معاي وأهي إلي شجعتني على هشي وقلت يله زلقه بطيحه:p
وقمت ادور عندنا إلي يوصلون أكل دايت للبيت ولقيتهم ومن كثر الزحمه عطتني موعد لأسبوع إلي بعده
المهم رحت لهم يوم الأربعاء إلي طاف ودارت خرايط راسنا لي ماحصلناهم أنا ماعندي ليسن للحين الوالد الله يحفظه وداني
قعدنا وعقب 5 دقايق نادتني وقعدت تستفسر مني كذا شي وعطتني التعليمات وعطت الوالد القوانين والأنظمه عشان يوقع عليها لني قاصر
عمري 18 وقاصر المهمعطتني منيو وقعدت أحط شابي وشنو مابي وعقب دخلت على الأخصائيه لبى قلبها أتهبل وحيل مريحه معاج بلكلام سألتني وجاوبتها وبعدين يينا للخطر الميزان
قايست وزني تخيلو من 94.9 لي 86.5
.gif)
ونسبه الدهون عندي 35 تبي توصلها لي 25 تقولي وزني المثالي 64 وبتوصلني له في 4 شهور بإذن الله
والشهر ب 260 دينار بحريني يعني بلكويتي 200 دينار كويتي
.gif)
بحطلكم أول بأول كل شي وأدعولي أوصل للوزن إلي أبيه ويتحقق كل إلي ببالي يارب
هذا اليوم بسم الله بدينا
اليوم رحت الدوام وحدي متوتره كلت خياره وشربت ماي بس
لنه اليوم بييبون لي الأكل رحت وأنا حالتي حاله آخر دوام بطني يعورني رديت البيت وأنا حالتي مستعصيه دخلت الحمام عزكم الله وتيددت وصليت الحمدالله وشكرت ربي وبعدين خذت البوكس
هذا اهو
وفتحته وجفت الآتي
وتقريت المعلومات وكان غداي
مجبوس دياي كان مبهر وناطع لذيذ ما شاء الله وربيان يعني ماعجبني وايد لنه مومقشر خخخخ
شوربه البطاط لذيذه حبيتها بس كميتها قليله
ترى حاطتهم بصحون بيتنا للتسخين خخخخخخخ
بعدين قمت ورحت بنام ماقدرت والله
ونزلت شربت وكليت من عندهم بعد
السلطه مالقيت الدرسنق أنصدمت ملحتها شوي وكليت كانت لذيذه بس الخس مو فرش ذاك زود ولقيت بلأخير الدريسنق تحت وشربته خخخخخخخ شربت الحليب عجبني مومثل الحليب الي نشربه لا طعم غير أحلى
والحمدالله على نعمه ونطروني حق السناكات والعشى بعدين
وريوق ماكليته خليته لباجر وبارويكم ياه باجر
حبيباتي ضغطوا على الصورة للتكبير وأنا مخليتهم صغار لسهوله التصفح وسلامتكم
ماحلل نقل الموضوع بأي شكل من الأشكال
وانا حاطته بمنتدى آخر بعد:thumbs_up: