التجمع الخامس لحوامل شهر يناير 2012

هلا انفال
حمد لله عالسلامه والف الحمد لله ان البيبي وانت بخير

الله يتمم لك يارب بالسلامه


ام سلمى كيف الحال
لاتزعلي الي خذوه منك مو نصيبك
معليش ان شاء الله تحصلي احلا منه

اليوم رحت محل الاطفال
بدارين مول
وشفت البطانيه الل كنت ادورها

روحي وروحكـ;15630310:

قوة بناااات شلووونكمـ..؟

وحشتووني واللهـ شمسوين شكو ماكو

شنو تشريتوا من وراي ..؟

أتوقع اليومـ مابنجتمع للسوالف إلا بالليل

أكيد اليومـ مهرجانات بكل مكان اللهـ يكون بعونكمـ :(

هلا والله شخبارج شمسويه
صرتي احسن؟؟
اكيد اليوم بكل مكان وقايع الله يكون بالعون
والحمدلله على كل شي

wardat amal;15630639:
يحليله وليدي يهبل في التيكر دخلت الاسبوع ال 27 وناااااااااسة



بعد اسبوع موعدي تاريخ 16 - 10 ان شاء الله خير

انه بعد موعدي وردوو وياج تاريخ 16

ماء الكافور;15630839:
هلا بنات شخباركم

هلا كافوره حبيبتي شخبارج
ان شاء الله ارتفع دمج
انتي احسن احين؟؟

الأم الحنون العطوف;15630865:
متى فحص السكري ابو عصير ؟؟ سويتوه ولا لحين انا موعدي نهاية 10

انه سويته من زمان بدايه السادس وطلعت النتيجه والحمدلله تمام

نبضات قلبه;15630913:
مرحبا كروشات كيفكم؟؟؟

تصدقوا ماأشتريت شي للبيبي أخلص دوامي س6 وأكون تعبانه لدرجة إن نفسيتي تعبانه
ماعرفه متى أبدأ،،،،بخصوص المراضع ،،لأني قررت أبدأ أخذ من الأسبوع الجاي فحبيت أبدأ بالمراضع
كم وحده أخذ وأي ماركه؟؟؟
ومن وين أحصل ماركة تومي؟؟؟
الله يخليكم ردوا علي لإني إحتمال باكر أروح..

اخذي 2 وسط و2 صغار ويفضل زجاج حق اعشاب البيبي
وماركه تومي تحصلينهم في سنتربوينت وماذركير

&انفال&;15631541:
من بعد طول غياب
رجعت وان شاء ما اغيب زي هالغياب مره ثانية
طلعت من المستشفى بعد اسبوع قضيته وياهم
في الم الطلق والتعب والخوف من الولادة المبكرة
لازال الم الطلق موجود بس اخف والرحم فاتح
وراس البيبي نازل تحت
دعواتكم لي بتمم حملي على خير

الله لايعود الشر عليج وعلينا ان شاء الله
خفنا وتمينا نحاتيج حبيبتي
ماعليج شر
شده وتزول حبيبتي لاتحاتين
الله يتمم عليج حملج وتقر عينج بشوفة النونو

بنات الاحد باروح البحرين مع زوجي وعمتي

هلا بنات شخباركم
ابي اخذ لي كريم التشققات بس مو عارف شنو احسن ماركه ومن وين احصله ؟؟

بنات باركولي خلصت ثياب حلوتي حور
باقي بس علي مشط جفت هناك اشياء وانواع من المشط بس انه طبعي وسواس اخاف يكون يابس ويعور راس بنتي اول الايام
شنو تنصحوني اخذ
اخذت لها ثياب وخلصت
واخذت مال الحرار الي بالاذن كنت باخذ الي بالمصاصه بس قالوا ساعات تخرف وتراجعت
واخذت جوتي من كروشيه يهبل مستخفه عليه ههههه اقول حق زوجي باخذ من كل الالوان يقولي اخذي اذا عاجبينج
بس بعدين قلت لا مابي يمكن اييبون عقب احلى ههه
واخذت مقص للأظافر انه افضله اكثر من القراض ولازم تحاسبون الي بتاخذ مقص افضل شي مال بيجون الي عليه مغطاه وبشرط من جدام يكون مكور مو سيده
واخذت شفاط خشم ماركه سيفتي
واخذت كيس للمرضعه
وراويت زوجي الشفاطه وقلت له اذا احتجت لها اخذ هذي
واخذت فرشاة غسال المراضع بخليها حق بيت ابوي
ووحده حق الشقه
ويبقى علي اغراض السباحه والمشط مثل ماقلت لكم
وبالشهر التاسع باخذ الفازلين غير معطر وناس يستخدمون صودو والحفاظ والحليب (( مادري اي نوع افضل ياريت الامهات يخبرونا وبسأل المستشفى بعد شنو يستخدمون له مابي ابدل وايد له الا اذا ماناسبه )) وكلينكس بدون رائحه وواحد ثاني مع رائحه وقطن وحقي سفنج

ويبقى علي اغراضي الشهر الياي بشتريهم لان احين بيي عيد بعد كفايا اليوم جم شي اخذته ب 64 مع ان ماخذت اشياء بذاك الزود بس الي اخذته اكثر شي ماركه جيجلز يلا يفدى بنوتتي

وبجوف لي يوم بتصل حق سلطانه
وبتفرغ للتوزيعات وبفتر على محلات التوزيعات بجوف الاستاندات
وبجذي اكون خلصت يعني على الثامن انه مخلصه كل شي واتمنى قبل بعد

زوزا حياج الله بديرتج الثانيه

ام قسوم ماعرف بس في بنات يستخدمونه انه ماستخدمت والحمدلله ماصادتني اي تشققات
الي فادني زيت الزيتون اترس عمري واتم ربع ساعه وادخل الحمام اسبح وكان الله غفور رحيم لان افضل من كل شي في ناس ماسوى لهم شي

طبعا الأمهات القدامى عندي جم سؤال:

اول سؤال عن الحليب الصناعي شنو تفضلوووون وشنو احسن شي يفيد الياهل ومايسبب له غازات
شي طبيعي من طفل لطفل يختلف بس شنو افضل شي؟؟

ثاني سؤال عن سر الطفل طبعا كل عائله لها عاداتها شنو تخلون على سر الياهل عشان ييبس ويطيح بسرعه؟؟

ثالث سؤال بعد على عادات الاهل لي طاح سر الياهل شتسوون فيه؟؟

يلا جاوبوا عشان اجاوبكم عقب ههههه

وهذي الاسئله حتى للبكريات اكيد يسمعون اهلهم جاوبوا لا اعصب

اسى ليش ساكته
تكلمي لا يصير الحرب

ام سلمى

يلا القطعة مو من نصيب عماري

ان شاء الله تلاقي احسن واحلى منها

زوزا

عليج بالعافية البطانية

وملبوس العافية لرقاوي

قلبووو

على حوور بالعافية

وزين خلصتي الاغراض شطوورة خخ

قلبووووو;15631874:
اسى ليش ساكته
تكلمي لا يصير الحرب

هههههههههه الحين اتكلم لاتحاربين

من شوي ماكنت موجودة

شخبارج انتي وشخبار حوور

انه تمام الحمدلله
بس احين حوراء كبرت وزادت رفساتها الي تعور
لدرجه اني اصيح وخاصه اني ضعيفه وبطني خفيف يعني اقل شي احس فيه
مايجوفوني الا طافره

يلا روحي جوفي اسألتي وجاوبي عليها بسرعه لا اعصب

وانتي شخبارج وشخبار النتفه

6 نفرات كروشات تحت
باقي 4 متعلقين فوق
وحده منهم روحوو ويمكن بيرشيان

الا بيرشيان وين هايته اليوم؟؟

قلبووووو;15631867:
طبعا الأمهات القدامى عندي جم سؤال:

اول سؤال عن الحليب الصناعي شنو تفضلوووون وشنو احسن شي يفيد الياهل ومايسبب له غازات
شي طبيعي من طفل لطفل يختلف بس شنو افضل شي؟؟

انا افضل حليب نان وبعد حليب اس 26 ماينفخ الياهل

وريحته زينة يعني اذا اخترب الحلي ماتخيس الرضاعة خخخ

ثاني سؤال عن سر الطفل طبعا كل عائله لها عاداتها شنو تخلون على سر الياهل عشان ييبس ويطيح بسرعه؟؟

مااذكر عمتي اذا كانت تحط او لاء ههه

ثالث سؤال بعد على عادات الاهل لي طاح سر الياهل شتسوون فيه؟؟

نحط فيه فودر ابيض نسيت اسمه يبيعونه في الصيدلية

بس تقولي لهم فودر لسر

وبعد نحط في حمامة الياهل بعد التطهير


يلا جاوبوا عشان اجاوبكم عقب ههههه

وهذي الاسئله حتى للبكريات اكيد يسمعون اهلهم جاوبوا لا اعصب

قلبووووو;15631899:
انه تمام الحمدلله
بس احين حوراء كبرت وزادت رفساتها الي تعور
لدرجه اني اصيح وخاصه اني ضعيفه وبطني خفيف يعني اقل شي احس فيه
مايجوفوني الا طافره

يلا روحي جوفي اسألتي وجاوبي عليها بسرعه لا اعصب

وانتي شخبارج وشخبار النتفه

الله يخلي حور وبعد بتكبر وبتزيد الرفسات والتجعص ههه

انا الحمدلله بخير والنونو بخير الحمدلله

اسوي انتي خلطتي بين السؤال الثاني والثالث

انتي السؤال الثاني جاوبتي عليه في السؤال الثالث
انه اقصد بالسؤال الثالث شنو تسوون في سر الياهل اذا طاح منه
تقطونه ولا شسوون؟؟

الله يحفظه
شخبار عفاطيج؟؟ ناموا

ندفنه في التراب على قولة امي اذا مادفناه يصير فتان هههه

اييه من شوي داخوو ونامو هههه

وضليت انا بريحاتي خخ

وانتوو شنوو تسوون بالسر

يلا جاوبي على اسالتج قبل لا اروح انام ههه