الرئيسية النساء و الحمل و الولادة تجمعات الحوامل و منتظرات الحمل التجمع الخامس لحوامل شهر يناير 2012

التجمع الخامس لحوامل شهر يناير 2012

wardat amal 23-09-2011 1,990 رد 62,402 مشاهدة
p
persian_moi
عروس رائعة
23-09-2011 | 03:39 PM
اي صج كنت بقولكم اذا في وحدة للحين محتارة وين تولد بالخاص
رفيجتي امس رخصوها ويا بنتها الحمدالله تحسنت حالتها

وايد تمدح في ابن النفيس لي درجة فرت مخي
بس انا مابغير بظل على الامريكي لانه مرتاحة نفسيا حتى لو الغرف قديمة
تقول يعتنون عدل في الوحدة وفي البيبي بس هي ولدت عند ساندرا مو كيران هذي مينونة تعطي ريجيمات جنها دكتورة تغذية مو دكتورة نساء و ولادة

ضحكتني رفيجتي تقول كانت كيران على الشفت على ماينادون دكتورتها ساندرا من دخلت كيران طردتها رفيجتي تقولها روحي مابيج :lol:
ا
ام قسوم
عروس مشاركة
23-09-2011 | 03:57 PM
هلا بنات شخباركم مبررررروك اتجمع الجديد
ا
الأم الحنون العطوف
عروس مشرقة
23-09-2011 | 04:13 PM
هلا بيريشان شكله الحنه دخل مخي يعني عادي كل مرة نتحنى بهالنوع من الحنه وسنو لون الشعر الي بيعطيج اياه النتيجة النهائية
اني الحمدلله ماكو شيب بي ابي تعذية له

ديزي لي الرفم ووصفي له الله يعافيج

اني صايدني اليوم ضيق تنفس مادري من شنو
ا
الأم الحنون العطوف
عروس مشرقة
23-09-2011 | 04:14 PM
كم اسعار الامريكي اعلى سعر اثصى شي يعني ؟ للولاة الطبيعية
ا
الأم الحنون العطوف
عروس مشرقة
23-09-2011 | 04:21 PM
اقترح لج الوان فاتحه اخضر مع اصقر
ازرق وابيض
p
persian_moi
عروس رائعة
23-09-2011 | 04:23 PM

الام الحنون

اي تقول راعية الصالون عادي احني كل مرة هي حنة عادية
اذا مافيج شيب و لون شعرج موحد مو متأكدة شبيعطيج انا عطاني مكان الصبغ بني غامج جريب للاسود وجذور شعري لونه الطبيعي بس فيه لمعة والشيب تغطى عدل
بطرش لج الرقم ع الخاص وبوصف لج الصالون

الامريكي بقولج عن الولادة الطبيعية حسب الغرفة حق ليلتين طبعا وبدون الاكل

الجنرال روم واتوقع هذي المشتركة 450
الغرفة الخاصة 600
الفي آي بي 720

اذا قيصري حق 4 ايام

الجنرال 750
الغرفة الخاصة 950
الفي آي بي 1300
p
persian_moi
عروس رائعة
23-09-2011 | 04:34 PM

تعالو سولفو معاي
ضايق خلقي على الاجواء
ا
الأم الحنون العطوف
عروس مشرقة
23-09-2011 | 04:37 PM
يسلمو حبابة

افكر بالامريكي اولد لكن من احسن وحدة تولد ؟
ا
الأم الحنون العطوف
عروس مشرقة
23-09-2011 | 04:41 PM
يعني لو بروح للولادةسيدة اروح بدون فايل ولا شنو لان مااتابع عندهم

شنو الاجراء من يجيني الم ولادة اروح لهم
p
persian_moi
عروس رائعة
23-09-2011 | 05:02 PM
الام الحنون

مكتوب عندي لازم آخر 5 زيارات عندهم عشان تحصلين الباكج
واذا رحتي دايركت ماتحصلين على سعر الباكج يعني اغلى
وهم القابلة والدكتورة اللي على الشفت يولدونج
بس انا بطلب دكتورتي اللي هي بانو تولدني ولازم ادفع مبلغ شوي اكثر كأنه
مو متأكدة عدل من هالنقطة عدل باجر بسأل لو رحت الموعد
R
Rabea3 al-ward
عروس مبدعة
23-09-2011 | 05:46 PM
اسى الايام;15585695:
وردة امل

عليج بالعافية المشتريات

يلبسهم عمور بالف عافية

قلبووو

شخبارج حبيبتي ؟؟

من زمان مادخلتي مثل قبل ليش ؟؟

بس تدخلي وقت متاخر

ام سلمى

يلا عاد نوري لنا هالتجمع بسوالفك معانا

ترى صج لج وحشة

انتي سولفي واكيد راح نسولف معاج مثل قبل

اصلا مو كل البنات بدوو يجهزو انا مثلا مااتكلم عن التجهيز وايد

بس اكون ع الخط...محتاجين خبرتج خيووه

هلا حبيبتي تمام الحمدلله
انتي شخبارج
ههههه اي مادخل الا في الليل
لان من ترخصت اروح بيت امي من الصبح لي الليل عقب ايي اقعد مع بيت عمي شوي
واركب الشقه اقعد شوي ع النت
شخبارج
وشخبار الحلوه مع الدوام

شلون جذي تقومين لو انه منج تييني حومه
اخذ بريك وارد انسدح شوي هههههه لين تصيد حقي اي جنس هههه يا انه يا اهو ههه
R
Rabea3 al-ward
عروس مبدعة
23-09-2011 | 05:46 PM
المزاج حده داون اليوم
الله يعين بس
.
.. الجوهره ..
عروس مبدعة
23-09-2011 | 06:41 PM
سلام بنات ..


شخباركم ..


بالعافيه على الزعاطيط المشتريات ..


البارحه رحت الرملي و السيتي ..


و هلكتتتتتت من التعب ..


و ماشريت اشياء وايد ..


شريت من مذركير الرملي ..


لحاف كورشيه بيج عاجبني من زمان بـ6.500 و اكتشفت انه مخرب شوي يوم وصلت البيت , ان شاء الله اروح قريب عشان ابدله , و ماادري يرضون يبدلونه لي او لا , تتوقعون يرضون , من شلته من الجيس لقيته شوي مخرب مو وايد ؟؟


و بدلة حق الكشخه ..


و شنطه حق اغراض البيبي مالقيت شي مميز عندهم بس توكلت على الله و اخذت وحده ابي افتك خلاص ..


مساحتها حلوه و مقسمه من داخل و فيها جيوووب وايد , حسيتها قويه و مفيده و تتنظف بسرعه اذا توسخت و احسن من شنط الاطقم ..


و بعدين رحت السيتي ابي اشتري بانيو السباحه و الادراج من مذركير الشايع لانه الي بالرملي عددهم قليل و مافي طقم ..


بس طلعو ماعليهم تخفيض قلت عيل ماراح اشتريهم الحين بخليهم لعقب عشان يبيلهم مكان و مساحه ..


و شريت مشط و مشاطه حق بخليهم ببيت ابوي ..

و شريت طربال التغيير من سنتر بوينت , يتجفس و يصير مثل الشنطه ..


و بسسس


بس صج صج تعبت واااااااااااايد رجعت البيت مااقدر حتى انسدح من التعب ..


و طبعاً مااشتفدت من التخفيض نهائياً .. الاشياء الي شريتها كلها بدون تخفيض ..
.
.. الجوهره ..
عروس مبدعة
23-09-2011 | 06:48 PM
زين بنوتات ..

ابي سهايات حلوين و معاهم يجي الي يثبتها بالملابس .. وين احصل ؟

لان الي بمذركير ماعجبوني لانهم بيبي بوي و ثاني شي لانهم من 6 شهور فما فوق ..

و الي بسنتر بوينت , بعد ماعجبوني لانه لونهم بيبي بوي ..

و ابي اسأل عن مخدات الرضاعه الي بمذركير شفتهم بس ماشفت سعرهم منو يدري بجم ؟؟

و مالقيت التيوب تبع القعده وين احصله ؟؟





R
Rabea3 al-ward
عروس مبدعة
23-09-2011 | 06:49 PM
هلا الجوهره عليه بالعافيه البيبي
يتهنى فيهم ان شاء الله
R
Rabea3 al-ward
عروس مبدعة
23-09-2011 | 06:51 PM
انه اخذت مصاصات من سنتربوينت ماركه تومي 2 مع بعض ايون
بس مامعاهم الخيط لان من اصل ماحب الخيط مادري ليش ههه
واوردي انه ابي المصاصه بس لوقت الشهرين وعقب خلاص

وعن التيوب يمكن تحصلينهم في الصيدليات الكبار بس مو متأكده مثل الفرابي وهالسوالف
.
.. الجوهره ..
عروس مبدعة
23-09-2011 | 06:53 PM
بقت لي اشياء بسيطه ..

اقدر اخلصهم بطلعه وحده ..

و الحين ابي اتفرغ للمفارش ..

R
Rabea3 al-ward
عروس مبدعة
23-09-2011 | 06:55 PM
يلا الحمدلله افتكيتي
انه بعد باقي علي اشياء بسيطه واتفرغ للضيافه وارتاح
.
.. الجوهره ..
عروس مبدعة
23-09-2011 | 06:56 PM
قلبووووو;15586537:
انه اخذت مصاصات من سنتربوينت ماركه تومي 2 مع بعض ايون
بس مامعاهم الخيط لان من اصل ماحب الخيط مادري ليش ههه
واوردي انه ابي المصاصه بس لوقت الشهرين وعقب خلاص

وعن التيوب يمكن تحصلينهم في الصيدليات الكبار بس مو متأكده مثل الفرابي وهالسوالف



الله يعافيييج ..

زين عليهم غطاء ؟؟

و جم سعرهم ؟؟

و بعد ابي اسألج جم سعر رضاعه دكتور براون ؟؟



R
Rabea3 al-ward
عروس مبدعة
23-09-2011 | 06:57 PM
انه بقوم احين وبقعد في الليل
بقوم شوي انزل ويه بيت عمي اعدل نفسيتي من هالاوضاع
X