السلام عليكم
انا ناوية اتزوج شهر فبراير ان شاء الله
وادور شقه للايجار لان زوجي
ما بنى في بيت اهله مكان لنا للحين
عرض علي شقة لولد عمه اجارها معقول وقريبه من بيت اهله
بس ضيقه حيل غرفة نوم معاها حمام وصاله صغيره صغيره وااايد ومطبخ
وانا بصمم غرفة نوم حول الـ 1000 دينار بصرف عليها
محتاره اوافق اسكن فيها مؤقتا " 6 شهور " !
ليما نلقى مكان اوسع وتتعدل ظروفنا المادية
والا ما ارضى واسكن من البداية في مكان ارتاح فيه
انا خايفه على الاثاث يخرب من الشيل والحط
وفوق هذا الشقه بالدور الرابع :badly:
اخاف لي حملت من صعدت الدرج مافي مصعد
محتارة ما ادري شسوي
ودي اسكن واريحه ماديا
وودي ما اسكن فيها وارتاح نفسيا
اخاف من كلام امي وابوي يعصبون عليّ
وما يعجبهم الحال
شورو علي شسوي :(
ا
الوقت ما يمشي !
عروس مبدعة
20-09-2011 | 10:57 AM
الوضع صعب :( ,, انه اقول لو ترضين حالياً بالمكان اللي انتو فيه حتى لو غرفة لين ما يتعدل الوضع لأن شقة ضيقــة و بعد في الطابق الرابع ! و الأثاث شيل و حط ! لأن بتحملين بعدهاا اتوقع طول فترة حملج بتقعدين في بيت ابوج لأن مابتقدرين تركبين و تنزلين الطابق الرابع صعبة بتكونين ماستفدتين شي ,, اشرحي الوضع و الأسباب لزوجج و امج و ابوج عشان يتفهمون .. هذا رأيي :)
اختي بصراحه عندي حل
أذا زوجك ولد حلال و فعلا ظروفه ما تسمح ياخد شي اكبر خلص انتي لا تصرفي وايد على غرفة النوم ما في داعي 1000 دينار شوفي شي ارخص و اريح و اقعي في هاي الشقه فتره لحد ما تبنوا او ظروفكم تتحسن
او انك جيبي الغرفه اللي بنفسك و يا ستي يوم تنقلوا خليكي واقفه على راس العمال اللي بيشيلوا و يحطوا علشان ما يخربوا شي
و بالنسبه للطابق الرابع هاي مو مشكله إلا إذا حملك فيه مشاكل اصلا الله لا يجيب مشاكل
صلي استخاره و توكلي على الله
انا قعدت في غرفه و صاله 5 سنين و الحمد لله و بعدين نقلت لأكبر منها شوي
مبروك زواجك
اذا الظروف ماتساعد حاليا تلقون مكان مناسب بسعر اكثر
فاحسن توافقين ماعرف يعني بس هالدفع بيكون شهري
مب مره يعني وخلاص علشان اقول لج تصبروا هالشهر وبعدين اوكي
لااا دفع منتظم كل شهر
صبري ياحبيبتي وان شاءالله الله بيرزقج
وبيفتحها عليكم
والله يا ورده انا راضيه اعيش وياه بغرفتنا احسن من هالشقه
بس اهلي شارطين من البداية ان يوفر لي مكان
ريم ..
احنا كنا من البداية بنشتري شي جاهز و اقل سعر
ولما سالنا قالو لنا المحلي احسن واقوى ويدوم اكثر بس مشكلته اغلى
ولما افكر في الموضوع احس حررام هالمبلغ
على مكان كل مره بيتغير والاثاث ينفك ويرجع يتركب
قلبي ..
ايه عارفه ،، لو القى وظيفه بس ثابته تنحل مشكلتي :(
اهو يبي زواجنا قريب ما يبي يأجل
وما عندنا سيوله لان بس اهو يشتغل ومعاشه على قده انا للحين انتظر اتوظف
وانا ما سويت شي في الخطبة كان ملجة بس بسبب الظروف في الديرة
يعني لازم لازم اسوي حفلة عرس امي ما بتخليني
قال نسكن فيها مؤقتا ويأخذ قرض ويبني في بيت اهله
بإختصار مشكلتي مجموعة مشاكل سببها الرئيسي المادة
انا راضية فيه واحبه وقبلت فيه مثل ما اهو و الحياة كلما لها وتصعب
عشان جذي ابي نبدي حياتنا صح بس مو عارفه شسوي :!!:
u
umjana79
عروس ركن قضايا و حلول
20-09-2011 | 01:24 PM
تبين رأيي...
مكان صغير لكن بروحج .. اهون من مكان في بيت اهله ويغثونج..
معليه تحملي شوي شوي وبتتحسن الامور مو كل شي يجي بالساهل
وما يضر انج تدورين مكان ثاني .. لو الخطوبه للحين مطوله..
تحياتي
ام جنى
*
* أحلام وردية *
عروس نشيطة
20-09-2011 | 01:38 PM
بروحج احسن لج حبابة حتى لو صغيرة ومو عاجبنتش !
بالتوفيق ،
الله يفرج همج حبيبتي ..
لو من قبل ما يخطبج سوى الشقة جان ارتحتوا اثنينكم الحين ...
المهم انا راي اقول قعدي في المكان الصغير اريح لج و بعيد عن اهله بعد احسن
واذا تقدرون تنطرون بعد شوي عشان تحصلين مكان احسن و المادة تصير افضل و تتوظفين
&
❥ بَـحّـة قَصْيٍـِد ❥
عروس ماسية
20-09-2011 | 03:11 PM
مابيدك غير توافقين...
والله يعينكم ويفرجها عليكم..
ل
ليونا الطعمونة
عروس مبدعة
20-09-2011 | 04:17 PM
انا اقول روحي مع المتيسر ولا تدورين المتعسر
واذا على الاثاث احس احلى بعدين تكونين عرفتي
الاشياء اللي تستخدمينها كثير واي غرفة تبينها اقرب منك
والغرف اللي ماتحتاجيها
يعني لانقلتي بيتك تكون عندك خبره وخلفيه
واستحملي وربنا يفرجها عليك
وفكري وشاوري وربنا يسسير امرك
وينزلك المنزل المبارك
جوفي عيني اذا ما صار لكم مده من خطبتوا اجلوووا العرس اذا انتي حاسه نفسج مو مقتنعه
واذا كنتوا في عجله يعني الحمدلله انتي احسن من غيرج ناس حتى ما تقدر تتطلع في شقه واظل في غرفه يعني يسري امرج
مشكووورين
ربي يفرجها قريب ان شاء الله
غير رايه
وقال فعلا ضيقه
من جد حتى غرفة نوم ما تدخل فيها بس بس السرير وتمتلي !
الله يسعدكم ويسعدني معاكم وييسر لنا امورنا