* كلاسيك *;15617643:
اهلاً حبيبتي معلش اتأخرت عليكي شوية ..
بصي يا ستي انا رأيي بما أن مساحة البيت صغيرة رأيي انك تدهني لون فاتح
لكل الجداران زي الاوف وايت او السكري او البيج زي كده
الأخير ده انا عملاه عندي وحلو اوي ماشاء الله اسمه انتيك وايت
وتعملى الفكرة دي وانا برضه عملااها عندي علشان المساحات برضه مش كبيرة
انتى قولتي بتحبي الالوان الحيوية وانا اختارلك بعض الالوان الموضة دلوقتي
زي ( الفيروزي - الفوشي - التفاحي - المشمشي - الانديجو )
او اي لون انتى تحبيه وهتيجي في كل غرفه تستخدمي لون من الالوان دي
او تدخلي لونين مع بعض في الستائر والاكسسوارات والسجاد والتابلوهات
والمفارش وكل الحاجات دي بحيث يكون كل اوضة فيها لون مختلف
فهمتيني ؟
من ناحية لون الجدران الفاتح يدي مساحة في المكان
ومن ناحية تانية تكوني عملتي الالوان اللى نفسك فيها
ومفيش حاجة اتحكمت في اختياراتك
ولو مش عجبتك الفكرة فانتى ممكن برضه تدهني كل الجدران فاتح
وتيجي في كل غرفه تعملي جدار واحد بلون مختلف سواء دهان او ورق حائط
ايه رأيك ؟
الله يعطيك الف عافية :thumbs_up: