قصة ولادتي بـ سارونة قلبي:adore:
طبعآ انا من تجمع سبتمبر اتمنى حق كل بنات التجمعات يولدون بالسلامه وتكون ولادتهم سهله وميسره يارب
فالبدايه انا الاصل موعد ولادتي في المستشفى الخاص الي كنت طول حملي اراجع عندهم كان 2-9-2011 بحساب الدوره
بس المركز العادي كانو يتوقعون ولادتي 29-8-2011 والعلم عند الله
بس المركز العادي كانو يتوقعون ولادتي 29-8-2011 والعلم عند الله
طافو الموعدين وانا ماولدت وخليتها على الله قلت متى ما الله كتب لي باولد ..
المهم
نبتدي القصه
نبتدي القصه
في تاريخ 4-9-2011 كنت احس روحي تعبانه شويه وكانت تيني آآلام الساعه 1 بالليل بس مو منتظمه كلش مخربطه وانا ماعرف الطلق شلون هو لأني بكريه وماعرف .. بس كنت احاول احسب الألم واهو نفس ألم الدوره .. و قلت حق زوجي عن الآلام قالي لي زاد عليج او ماتقدرين قعديني قلت له اووكي.. انتظرت للساعه 4 و صار الألم يزيد شويه وكل شوي اروح الحمام كرمكم الله وبعدين حطيت يمي ورقه:woo: و صرت احسب كان ايني كل نص ساعه تقريبآ ومنتظم ...
صحيت زوجي وقلت له ودني المستشفى وكنت خاايفه المفروض ما استعيل اقعد لين صار كل 5 دقايق احسن..
رحت المستشفى وفحصوني وحطو علي التخطيط عشان يجوفون اذا فيه طلق وقالت لي توج 2 سانتي و انتي بكريه وراج درب طووووووويل قالت لي رجعي البيت وتعالي بعدين
زوجي قال حق امي وقالت لها ييبها عندي
رجعت البيت وكاااااااااااان الألم يزييييييييييييد وماقدرا استحمله وامي سوت لي ماي ورد بالزعفران و عشبة مريم و اكلت اناناس وصار الألم ما استحمله:hysterical:
بعد هالاشيا الي شربتهاا نزل علي مخاط مع الدم اعتقد انها سدادة الرحم
ورحت المستشفى فحصتني وقالت لي توج 3 ونص !!!!!!!!!!!1 وانا قعدت اصييح وايد يعني من 5 الصبح ليه 12 الظهر بس سانتي ..
وخلوني في الحجره بروحي مع الألم ( مو غرفة الولاده ) المعالجه وكل شوي تفحصني كل نفس الشي صارت الساعه 4 العصر
بعدها خبرو زوجي ان مافيه جانس حق ولاده المستشفى فل و رجعوني بإسعاف مستشفى ثاني:'(:'(وانا كنت حاااااااااااااالتي حاله الألم متقارب وايد مايعطيني فرصه اتنفس تعبت
وصلت المستشفى وكملو الإجراءات .. ودخلوني على طول غرفة الولاده وفحصوني قالو لي 4 سانتي وطبعن خلوني في الحجره لييييييييييييييين بروحي انفتح وانا كلش تعبت كنت مو نايمه شي ومو ماكله
صارت 7 صارت 8 فليل وانا لين الحين فيني طلق حاامي بدون ما انفتح شي جافتني الدكتوره وايد تعبت وكنت اصرخ تعباانه وواصيح ابي ابره لاني صج طاقتي نفذتتتتتتت..:'( وياتني حطتني ابرتين في فخذي تبيني ارتاح وانام كلش مانمت ولا دقيقه كنت مخدره بس الألم قاضي على الابره
وفحصتني بعدها قالت لي 5 سانتي وانا اقره ادعيه وكل لقه اصرخ فيها ييييياااااااااااا الله ابي بس ارتاح و اولد
وراحت خلتني شويه ورجعتلي الساعه 11 ونص بالليل قالت لي 7 سانتي وانا اصييح اقولها مافيني نفس قاعده اختنقق
و خافت جافتني صج تعبت واايد حطت لي جهاز تخطيط القلب في اصابع يدي وفي الفخذ وجافتني تعبانه صج قالت لي بفتح لج جيس المااااااااااي
فتحت لي جيس الماي عشان انفتح بسرعه بعدها بخمس دقايق حسيت اني ابي ادفع دفعت على خفيف وقعد ينزل الماااي شويه شويه ..
وقالت لي لااااااااااااااااتدفعييين انتظري شويه تنفتحيين اكثررررررر وانا مو قادره اتصيدني الدفعه لا ايرادي ماقدر ايود نفسي وفحصتني اخر مره قالت لي 9 سااااااااااااانتي يالله يالله ولاااده حطت لي ستااند صوب ريلي اضغط عليييييه لين حسيت بالدفع
دفعت اول دفعه بين الرااااس وقالت لي بعد مرررررررررررره ودفعت مره بعد وطلعت
حبيبة قلبي ساااااااره الساعه 12 بالليل وكنت اصييح واايييد بعد الولاده واكرر الحمدلله الحمدلله الحمدلله الحمدلله وانا اصييح
يعني كانت ولادتي من 5 الصبح تاريخ 4-9 لييييييين 12 بالليل تاريخ 5-9 ولدت
:'(:'(:'(
:'(:'(:'(
الحمدلله يارب صج ولادتي كانت صعبه وايد بس شوفة البيبي بين يديج اتنسيج العالم
ويارب اتمنى لكم كلكم ولاده سهله وميسره حبايب قلبي:L: