الحمد الله على النعمة .. وفي شهر 6 وبمستشفى الزهراء ربيت بولدي ... وقصتي بالولادة كانت متعبه وومعاناة وشيقة بنفس الوقت .. دخلت المستشفى قبلها بيوم لان اتبطل عندي الماي وعطوني تحميله للطلق 5 الفجر.. والله لا راواكم اني تعبت من قوة الطلق والنفس عندي ما فتحت ... وعطوني التحميلة الثانية 9 الصبح ونفس الشي ... ودوني غرفة الولادة وعطوني ابره الثالثة للطلق على المغرب وانا خلاااااص ... حسيت روحي بتطلع من قوة الطلق بس بعدها النفس تفتح ببطئ ... وفجأة حسيت جنها لحظات بسيطة ربيت بولدي الساعة 10 المسا... سبحان الله ... صدق يوم يقولون شعور غريب ...
طبعا صديق الصدوق للمربيه في غرفة الولادة
بالنسبة للمستشفى بصراحه ما عليه كلام واهتمام الممرضات كان ممتاز ودكتورتي اسمها نفيسه كانت أتمر علي كل شوي قبل الولادة وكانت معاي في الولادة وبعدها كانت اتمر تتطمن علي ..
وحياكم الحينه لغرفتي المتواضعة
انا حبيت يكون كل شي بسيط
[
سلة التوزيعات والبطاقات من عملي .. يعني الديكوريشن والتوزيعات كلها تعبت عليها .. بس شريت الالعاب والبوكسات من سوق صيني في دبي يبيع للمحلات بالجملة وبعدين روحي نسقتهن مع الجاكليت ..
شو رايكم .. بصراحة استمتعت بفترة حمالي وانا ارتب واسوي التوزيعات وعشان يطوف علي الوقت بسرعة
حتى صينية الدلال روحي زينتها
ويوم سرت بيت اهلي .. يزاها الله خير اختي رتبتلي الغرفة
