بعد سنوات طويلة ،،،انصدمت صدمة عمرها

السلام عليكم ورحمة الله وبركاته
وكل عام وانتم بالف خير


بدخل بالموضوع على طول ،،، الموضوع

يخص بنت خالتي عزيزة علي

كثير وماعرف كيف اساعدها



ببساطة بنت خالتي كانت تحب واحد فتره طويلة عدت الاربع سنوات


اربع سنوات هي ماعندها سيرة الا هو ،، لما تتكلم عنه كانها توصف ملاك وكان ماي بالدنيا غيره،، كنت اقولها ان شالله يستاهل هالكلام تقلي يستاهل اكثر هو


تحبه بجنون وهو بعد ( على حسب ماتقول ) انه يموت فيها


يابنت الناس لو يحبك يجي يتقدم تقول عنده ظروف


ماعرف ايش هالظروف اللي عنده ماتخلص


كل يوم شي

كل يوم ظرف جدد


كل يوم مشكله مع امها لان يتقدمون لها ناس وهي ماترضى


انتظرت تخلص ظروفه


اتحملت ونطرت ودعمت ماديا ومعنويا مايوقع بشكلة الا كانت واقفه جنبه تسانده وتخفف عنه

اللي صار ان صار له حادث ،، الحادث اثر على شكله


وبالرغم من هذا متمسكة فيه


بس هو بعد الحادث اتغير كليا اسلوبة وطريقته كانه شخص ثاني غير اللي تعرفه وحبته صارلها معاه سنين


وكل اليقولة بالمختصر ( انا كرهت الناس وكرهت نفسي وكاره كل شي حولي وخلاص ما اتزوج ومنو هي اللي ترضه فيني) ومن هكلام


كانت تبرر انه تعبان وحرام نفسيته تعبانه واستمرت تخفف عنه وتسانده

بعدين التلفوونات بينهم قلت شوي يعني مو مثل قبل

لان هو ماله خلق للكلام وللسوالف

الى ان قبل فتره بسيطة رن عليها رقم وكلمتها وحده قالت لها انها زوجته

اتصلت فيه تساله


قالها اي زوجتي بكل برود


طيب ليش ماخبري
\

رد بكل بساطة


ماجت مناسبة!!!!!!!!!!!!!!!!!!!!!!!!!!!!!!!!!!!!!!!!!!!!


بنت خالتي الحين مصدومه وتعبانه ونفسيتها زفتتتتتتتتتتتتتتتتتتتتتتتت

كل ما اكلمها تقول ماني فاهمه شي

ليش اتزوج ؟؟؟ ليش ماقال ؟؟؟ لمتى كان ناوي يخبي علي ؟؟


واسئلة كثير تدور ابالها


والله انها ما تنام وبس قدامنه تتكلم واول ما تدخل غرفتها تنفجر بالبجي وتلوم نفسها وحظها لان صدقته


الحين ما تنام الا بحبوب فاليوم


نفسيتها زفت وحالتها حال لا اكل ولا نوم ونزل وزنها النص


كلمها واخفف عنها اقولها ما يستاهلج وخلي يولي انسيه لا تفكرين فيه


ترد تقول ليش ؟؟؟ ليش اتزوج ؟؟ مو على اساس بعد الحادث بطل يفكر بزواج ؟؟؟ مو كان يقول كذا وكذا ؟؟


التفكير بيموتها حتى الجامعه ماتريد تروح مع انها وصلت مرحله ثالثه


ماعرف كيف اخفف عنها وكيف اساعدها


وقبل العيد نامت مستشفى صار عندها فقر دم من قله الاكل



انصحوني شسوي ؟؟؟؟


اشوفها تنهار قدامي معارفه شسويلها


اول ما عرفت بالسالفه لمتها


وخليت كل الحق عليهالان صدقته ووثقت فيه وحبته ورفضت عرسان احسن منه عشانه هو


وهو عارف هالشي


يعرف هي شسوت عشانه ضحت عشانه انتظرت عشان ظروفه هو مو ظروفهاهي


بالاخير يلف ظهره وحتى ما يقولها انه تزوج


يسكت


ويتصل فيها يسمعها نفس الكلام ( تعبان ونفسيتي تعبانه وووووو)والاخ متزوج

ومن متى ؟


من 6 شهور !!!!!!!!!!!!!!!!!!!!!!!!!!!!!!1



قولولي كيف اقدر انسيها


انا ماقد ازورها كثير لاني متزوجه وتوه حامل


اكلمها بتلفون بس هي تعبانه


خايفه يصير فيها شي وانا واقفه محلك سر