تعالوا اعطوني حل الحين الحييين !!

جددي حياتك وابعدي عن الضغط والمشاحنات موكل شوي تتصلي على جواله ترى الرجال مايحب كثرالضغط كفايه انه شاريك واخذلك ايفون مع وضعه الحالي مسكين شاريك تعوذي من ابليس وغيري جووانسى اللي صارمالكم غيربعض وحاولي قدرالامكان انك تبعدين عن الشئ اللي يكدرحياتكم واكسبي زوجك لصفك ترى اذاتغيرت اوضاعكم للاحسن بيتذكروقفتك ومساندتك له

الي تتعرضين سببه مهب الموقف الي تتكلمين عنه سببه شئ ثاني , وهي المشاكل الي

من بينها شئ مهم واساسي , وهي وظيفة زوجج ويفضل أنج توقفين معاه لين يحصل الوظيفة

وتبدون من جديد , الموقف الثاني الي تكلمتي عنه , زوجج تضايق من اسلوبج وطريقتج في

الكلام , لاحظي انك لما تكلمينه تقولين كلمة ( تعال ) وهذي الكلمه بصراحه ما نقولها احنا

الحريم تدور بين الربع , نصيحه مني زوجج احترميه بينه وبين هله وبينه وبينج , في نقطه

اخيره بالنسبة لطريقة نومه ممكن تكلمينه في هالموضوع بس بطريقة حلوه , يا بو فلان

عشان خاطري عدل نومك شوي , كونج شبهتي الديج في الدياي هذي اهانه :D

لا تعيدينها , بالنسبه أن زوجج يتم مع ربعه هذي طبيعة البشرية .

الله كريم يرزق من يشاء

الله يكون في العون اختي ويصلح بالكم ...

* أحلام وردية *;15525595:
جلنار الحلوة .. هلا حبيبتي ،
موضوع إنه يحبني ادري إنه يحبني وواثقة من هالشي بس الحب بروحه مو كافي ! هوه اناني وموضوع انه ينام من وقت مو عشان يهرب لا .. لانه اذا قعد لصلاة الصبح مايقدر ينام مرة ثانية فينام من وقت .. عرفتين ؟؟
وتقولين انه اكيد حاس انه مقصر ؟ انزين ليش عجل يروح يشتري آيفون بذيك الحسبة وبأقساط ولايفكر فيني ولا في مصرفي ؟؟ هوه يشتغل ومعاشه ضعيف حده وعليه قرض وبعد يسوي جدي ؟؟؟ هذا لانه اناني ويفكر في نفسه بس ،،
اني اطمح لحياة مستقرة حياة طبيعية نفس هالناااس واني تعبت من هذا الوضع .. مرتين يتفنش في ظرف سنة ؟؟ وفوق هذا شوف تصرفاته ! شنو فايدة الحب وانتين عايشة عيشة جدي ؟؟

اهلا خيو
امم .. هو اناني ممكن .. بس لاتحسسينه بهذا الشيء.. وعن النوم يعني الرجال عنده سبب مايقدر ينام بعد صلاة الصبح تبينه يتعب زود؟ زحمة بعد تفاهمي معاه بطيب ودلع والله يهديه ويهدي الجميع
بقول ليش نقطة ترى الرجال لما يحس بالنقص يحاول يسد هالنقص بأي طريقة والآيفون صارت موضته والكل هب فيه الي عنده والي ماعنده ترى .. فهو مايبي يحس بأنه اقل من غير واكيد ربعه عندكم آيفونات فهو ماحب يكون غير عنهم .. انتي جاريه وواسيه بس خبريه بإن خل ياخذ الي يبيه بس لايخليش تحسين بأنه مقصر عليش .. قوليها بطريقه حلوة وماتجرحه يمكن مايرد عليش من اولها بس صدقيني بفكر فيها .. حسسيه بإنه هو كلشي بالنسبة ليش وان ماتبين أي احد يحس انه مقصر عليش ..
الكل خيو يطمح لحياة مستقرة وطبيعية بس احنا نفسنا الي نخليها مستقرة .. احنا الي نمشي الحياة موهي تمشينا .. هونيها وتهون اهم شي الاشياء الاساسية تحصلينها فخلي في بالش مو مهم الكماليات .. دام احبه ويحبني ويعطيني الاشياء الاساسية فليش اعكر مزاجي ومزاجه ؟ هو بايده ان معاشه ضعيف؟ بايده ان ماحصل وظيفة عدل ؟ بايده انه صار فقير؟
كلشي بيد رب العالمين والله سبحانه قال اسعى يا عبدي وانا اسعى معاك وهو قاعد يدور شغل صح ؟ هونينها وتوكلي على رب العالمين قولي الحمدلله ان الله عطاني الزوج والسكن والستر .. ترى غيرانا ماعنده لازوج ولاسكن واذا عندهم ازواج ماتكون علاقتهم مثل الناس ضرب واهانات وتجريح .. على قولتهم شوفي مصايب غيرش تهون عليش مصيبتش ..

سامحيني اذا طولتها وياش بس صدقيني كل الحجي من قلبي طالع وماحب اشوف أي احد متضايق بسبب أمور الدنيا .. زوجي عطاني نصيحة " الرجل اذا شاف زوجته حليوة وياه ومعدلة الاشياء الي مايحبها فيها يصير أحلى منها في التعامل وأحسن منها " .. يعني صيري حليوة وياه بصير حليو وياش F: ولاتقولين اني واني قولي كلنا نغلط والغلط مو عيب ، العيب والغلط ان نستمر في الغلط!

مشكورة حبيبتي جلنار .. كلامش وايد ريحني ،
تسلمين عمري وكلكم مشكورين خواتي ،،