بنت التـــاجر;15550287:
مس كلرز اذا ما عليج امر...بغيت الملف اليديد المنقح :D
و قولو لي اماكن حق طباعة البطاقات و ما يكون اسعاره مبالغ فيهم
و ابي ديجي بحدود 70-100
و مشكورين F:
جيكي الخاص بطرش لج الملف
حق البطاقات ... الأسعار ما أعرفها بس بقول لج المحلات
أشهر محل والناس طبة عليه في المحرق ما اعرف اسمه بس صاير بالضبط يم محل متاي المحرق
في بوكوارة في محل اسمه الفخامة
في محل في توبلي أظن صكوه اسمه شاندلير ... كان عنده اشية حلوة ..دوريه على الفيس بوك جيكيه
وبشكل عام المطبعات تسوي خصوصا إنه كمية عودة وطبعا كل ما زاد قل السعر ... الأيام والاتحاد ... بطلي دليل التيلفون وروحي صوب المطبعات وقعدي اتصلي فيهم
الديجي أنا مشكلتي ما احفظ الزينين أحفظ اللي يلوعون الجبد عشان يزعم آخذ حذري :lol:... بس الوحيدة اللي حافظة اسمها وصج تستاهل المدح دي جي موون ... سعرها في حدود 100-120 دينار
في وحدة بعد عجيبة بس ما اعرف اسمها يمكن البنات يعرفونها .. وااااااااااااااااااايد حبوبة .. تجوفينها ترقص ويا المعازيم :| حتى أنا استغرب أقول هاي وايد أجوفها ووايد تعرف ناس... بعددددييييييييييين اكتشفت إنها دي جي :hysterical::hysterical::hysterical::hysterical:... كله تحط وردة في شعرها وشعرها أسود .... أحد يعرفها ؟؟؟؟
سنوزي;15550332:
بغيت ملف التجهيزات
حاضر .... جيكي الخاص
صاحبه الجروح;15550379:
بنات لو سمحتوا بغيت نصيحتكم
انشالله بعد جم شهر بصير زواجي
ادعوا لي بتيسير زواجي
مشكلتي في وجهي هو من النوع الدهني بس اذا حطيت المكياج يجف
بعدين يصير دهني وانشالله في
زواجي ماابي اتورط فيه
بس سمعت عن عجينه اللوز تنحط
قبل المكياج تنصحوني اني استخدمها
لاني مابي اتورط في يوم عرسي
وبعد مسامات وجهي كبيره
فما ابي اتورط لا طنشوني
بنات الله يقضي حوائجكم اذا ريحتوني بردودكم
حبيبتي حاطة سؤالج وعقب ساعة تقولين وينكم :!!::!!::!!:
الناس ينتظرون بالأيام عشان يحصلون رد ... هاي منتدى مو الخط الساخن عشان نرد عليج في نفس الدقيقة
وكل وحدة ووراها حياتها اللي بتنخطب وتجهز في حوسة واللي بتعرس وتجهز في حوسة واللي مخطوبة تجابل خطيبها واللي معرسة تجابل ريلها وبيتها واللي للحين الله ما كتب لها النصيب يا تشتغل يا في الجامعة يا عايشة حياتها.. أو أو أو
لو بشترج جافة حلها سهل إنج ترطبينها بس بشرتج دهنية يعني ما نقدر نقول لج أي شي وبعدين يطلع فيج وتتحسبين علينا
البشرة الدهنية مشكلتها عويصة يبي لها دكتور جلدية أو حتى إذا بتروحين محل مثل سيفورا أو دبنهامز حق كريمات لازم يجوفون بعيونهم ما نقدر نفتي لج على كيفنا
لمني بشوووق;15550426:
بنات ابي ملف التجهيزات لو سمحتوا
طرشتولي من قبل بس ماينفتح مكتوب (م حذف الملف )
انتظركم بليييز لاتنسوني
جيكي الخاص بطرشه لج مرة ثانية وإن شاالله يفتح معاج
فطومي";15550675:
آدري مختفيه والله سوري بس حدي مفتر راسي
وحشتووني وحدتا وحده
وثنكس لكل إلي وقفو معاي قبل والحين وبعدين بإذن الله عسل على قلبي
ومبروك حبيبتي إيماني يالبى قلبج
وبقيت ملف تجهيزات مس كولورز ماعليج أمر
وبقيت أسألكم وين أحسن مكان لواكس لكامل الجسم و وحمام كليوبترا وليزر كلش ماعجبني خليل العريض أو يمكن أنا بشرتي حساسه حيل فوين أروح غيره وحنه للعروس في وين عاد بهذي بذات أنا خايفه أبي شغل عدل بلحنه فديتكم واثقه بذوقكم وبدكير ومنيكير قالولي صالون مليحه وأنا من قبل مجربه إلي أند جان صراحه عادي وغلى على ولا شي وجربت هم فيونكه وجوليانا نفس شي
أي وبقولكم صالون مليحه قبل العيد كانو مسوين عرض للعرايس
واكس لكامل الجسم و حمام كليوبترا وفيشل للويه وحفاف للويه كامل وبدكير ومنيكير وقص شعر على ماظن وحفاف حواجب ومساج نص ساعه كله ب 60 دينار وقالت يخلص العرض 4 العيد عاد مادري فيه لعيد الأضحى أو لا ويصير ببسيتين هصالون وجربت أستشوار عندهم وايد حلو شغلهم
هلا فطومي
شخبارج شمسوية
عاد جوفي أنا بطرش لج الملف بس كيفج ناطرين التقرير الموثق والمفصل ناطرينه مافي شردة :D
الشلاخه;15550732:
آآنه بعد بليز
من عيوني ... جيكي الخاص .
**بحرينيهـ**;15551526:
حبيبتي اول شي مشكورة على الملف يزاج الله خير ما قصرتي وايد مفيد
اما الخلطات حبيت الخلطة الي قلتي عنها مالت الروب والعسل وزيت الزيتون ان شاء الله باجر بسوييها وبتم عليها
يزاج الله خير ما قصرتي حبي
حاضرين أفا عليج F:... أنا بعد أجوف أختج من بعيد لبعيد هناك ... عاد حصلتوا حناية ولا للحين ... قولي لها اتيي هني ... هناك راقدين ذاك القسم .. هني نعجبج قلبنا حي :hysterical:
لك عيني;15553101:
صباح الخير بنات
بنات بغيت مساعدتكم وقتراحاتكم
انه حاجزه نادي طيران الخليج قالوو لي اهما بيوفرون لي الكرسي مع الخلفيه من غير ورد
وقالت لي ان محل المزيونه يتعاملون معاهم
في احد سمع عن هالمحل حق الورد
وياليت بعد تقترحون علي بعض الاسامي حق محلات المسارح
واكون شاكره لكم
هالمحل سامعة عنه بس قبل جنه كان مشهور أكثر .. يبي لج تروحين له بنفسج ما اعرف مستواه الحين شلون
محلات المسارح .. جم ميزانيتج أولا؟؟؟
عندج قرية الأفراح وعندهم فرع في الرفاع اسمه Yes I Do
عندج في توبلي دريم هوم
عندج في جدعلي الأيام
عندج دان في المحرق
عندج نوال فلاورز وعليا فلاورز وليفز و بليسنج يسوون ... اهوه معظم محلات الورد تسوي
مشكلة كبيرة;15553107:
بنات بغيت اسسم حناية عرايسس اكون حناها احليوو وعجيييب
تنصصحوني بأي حنايه ؟
أول ما تدشين ركن التجهيزات والاستفسارات بتجوفين موضوع مثبت اسمه موسوعة الحنايات البحرينيات .. تصفحي الموضوع بيفيدج