« تجهيزات عرائس ' قطر ' لشهر شوال 1432 - 2011 م / الجزء : 116 »

الله يوفقج الامبراطورة ولاتحاتيين
اقري علا عمرج وشربي بابونج يريح الاعصاب خخخخ

بالنسبة لحنت هيلتون خرعتونني حاجزتهم حق عرسي

انا امي قالت لي اشتري المعاصير من رحاب وخلي هيلتون يحنونج فيهم خخخخخخ
شكلي بسوي جيه

عرايس فديتكم
ابي اللسته مالت الشعر والمكياج
واللى تعرف حد زين يجي البيت للشعر والمكياج بليز تطرش رقمها ضروري
F:

عذبه وبنت البوداي
طرشوا حق ليالي او كاوكاوي اطلبوا اللسته منهم ..
وللشعر والميك اب
غانيا وديانا ماك
او مايلا للميك اب <<مدحتها فراوله قطر





شخباركم عرايسنا وبنوتاتنا

مشكورة لولوة
لو ارقامهم عندج غانيا وديانا طرشيها لى ولا عليج امر

عرايس

عندي رابط بوتيك من الامارات عندهم فساتين ستايل اوربي ناعم دانتيل

واسعارهم حلوه اقل من 10.000 اللي حابه تشوف الموقع برسله لها

مرحبا بنات

ودي اصيح من الضغوطات =(

الحمدلله على كل حال

قاعده اواجه مشكله قلت مالي الا بنات المنتدى =(

بنات جلسات الليزر فلستني الحراميه =( كل جلسه مادري بكم
وغير الالم الفظييييييع
بس شنسوي لزوم النظافه


ودي اسوي فالمنطقة الحساسه ومتردده
مع ان كل اللي سوو افتكوا ونصحوني اسوي
بس انا خايفه على المبايض لانها منطقة رحم
هل هالشي يأثر ولا لا

وتنصحوني اسوي ولا لا

انتظر ردكم عشان اخذ موعد ان شاء الله


* ونصيحه للعرايس
ابتعدوا عن حنا هيلتون مآآسآآآه
يتقطع بطريقة تفشل وبتتفشلين جدام ريلج

عندكم ريم الجزيره روعه =)
واذا عندكم رقمهم ارسلوه لي

كيوت
الله يوفقج حبيبتي (:

---

اوداج

طرشيلي خل القي نظرة هع .. مشكورة (:

---

شمواه

لا تسوين ابدا ابدا ابدا!!!
&#65281;(&#9678;_&#9678;;)

---

باك بنات هع!

بخبركم باختصار عن الحفلة لان صج حسيته يوم صعب خخخ
وديت سلتين من ايديبل ارينجمنتس "ماعاجبتني اسعارهم" بس رفيجتي تستاهل وكنت لازم اسوي شي من عندي 
ورفيجتي استانست عليهم والناس ما صدقوا وشو ذي ككك قاموا يسالون رفيجة رفيجتي الله يعطيها العافية ع الاشراف عالحفل عن اسم المحل هههه بس قالت لهم ماعرف اسم المحل صعب بس هذي الامبراطورة يابته ككك
طبعا انا ما شفت منهم شي لا الفواكه ولا الضيافة ولا البوفيه مسكينة العروس ما تتهنى خخخ بس يالله قلت لرفيجتي انتي تعشيتي من البوفيه بصحون اما انا اكلوني من مطعم مادري وين بصحون قصدير مالت المطعم وقراطيسهم هههههه رفيجتي مسكينة تفشلت قالت اعذرينا اول مرة نسوي حفلة والامور كانت محتاسة 
قلت لها اتغشمرررر ^,^

المهم كنت خايفة طول اليوم ومتوترة وانا مع حركاتي يبت سماعات الدكتور ولونهم وردي معاي لبيت رفيجتي وقعدت اسمع نبضاتها ونبضاتي
اهي كانت وايد متوترة وحالتها حالة لان معظم تحضيرات الحفلة عليها بس نبضاتها كانت اوكي وانا اللي كان يبين علي اهدأ منها كانت نبضاتي ماراثون

اممم انا رفيجتي حددت الماكييرة اللي اسمها بسنت @،@
انا كنت مطرشتلها ايميل بالتسريحة اللي ابيها عشان لو ماكانت عارفتها عندها وقت تجربها ع حد قبل
عاااد خل اقولكم ككك
معظم شعري سويته ويفي ناعم ^,^
وجزء من شعري فوووق ع جنب شوي سويت فيونكة من الشعر ! 
عاجبتني وايد وسهلة وكيوووت ^,^ شفتها ع يوتيوب جم مرة اظن تعرفون وحدة تحط فيونكة جاهزة ع راسها اهي ليدي جاجا ..
وبسنت قالت بخليها لاخر شي وبس يبيلها &#1633;&#1632; دقايق واخلصها لج !
طبعا الكلام سهل هههه
اخر شي خذت عليها اكثر من نص ساعة جنه وهي تسويها وماتضبط ): فكتها مرتين وعالثالثة طلعت احسن من قبل ، كان فيها شعرات طالعة وشوي معتفسة بس كنا متاخرين وانا اخر وحدة وبسنت شوي متنرفزة ومستعيلة ): فرضيت فيها
قالت عن شعري انه وايد ناعم ومايع! عشان جي مو راضية تضبط "ماشالله" هههه 
اشك ان هالخصلة بتم ع راسي لانها تنتفت عدل وهي تفك وتحط دبابيس وتفك وتمشط بالعكس وتربط وتفك وتمشط بالقو وانا قلبي مقبوض ع شعري المسكين خخخخ

مكياجي كنت ابيه سمببببببل لان انا ويهي بيبي فيس وحتى المكياج السمبل يغطيه ويخرب ملامحي ):
بس عاد لين جا دوري من عقب رفيجتي اللي تمت وايد تتشرط وتتنحنح وتعترض بسنت استوت شوي اممم نفذ صبرها خخخ
راويتها صورة اللي ابي وقالت اوكي حلو ! وعقبها سوت لي نفس مكياج رفيجتي تقريبا بس الالوان مختلفة ههههه يعني غير عن الصورة /-:
وعطيتها بعض مكياجي بس ما استعملت الا ماسكارتي  لي ولرفيجتي وشادو كريمي ع شفايفي!
مكياج عيوني كان اممم بني وابيض والكحل بني بس قريب رموشي اسود 
الابيض كان زايد وحسيته مخرب علي فحاولت اخففه بس ماظن نفع هههه
وروجي اللي كان الشادو عقب ما راحت بسنت اللي طقت جبدها منا هههه خففته وشليت التكتلات وحطيت جلوس تشيري خفيييف وايد من سيسيلي عشان يطلع متجانس (:
اكثر شي ما عجبني كان الفاونديشن صج صج غطى ع بشرتي الشابة وحسيتها بااهتة وحسيته متكتل 
مرة ثانية لازم استخدم مكياجي وبس!
بشكل عام طلع حلو بس انا شكلي وايد پيكي .. وايد ناس قالوا هادي وناعم ...

فستاني كان ابيض ^,^
كان عليه كريستالات كبار شفافة تعطي رفلكشن عدة الوان والقطعة اللي وراها ذهبي ع شكل حرف U تقريبا من تحت الصدر لين فوق الكتوف يعني الكرستالات كانت من كتفي اليمين لين تحت الصدر لين كتفي اليسار << فهمتوا كككك
والحركة اللي عالصدر جنه مجموعة ورود او قطعة مكشكشة خخ ماعرف اوصف 
وضيق من تحت الصدر وعقبها يبتدي يتوووووسع ليييين تحت كان ذيله طويل نتفة ^,^
ما كان له اكمام فحطيتله بف ونهايته ضيق ع نص الزند @،@ 
طلعت كيوت خخخ
وخوات رفيجتي شافوني وقالوا سندريللا هع هع

وكعبي ذهبي وفيه كرستالات  ع شكل حلقات ثلاث فوق ظهر الريل 
حنتي الحمدلله غمجت بشكل تمام شكله زيت الزيتون نفع خخخ
نصيحة لا تسوون تقشير او سكراب نفس يوم الحنة خخخ
حنتي ع ريولي كانت عالاصابع بس 
وتبتدي تلفلف من جنب الكاحل تقريبا لين نص الساق
و ع ايديني ع اصابعي بس وتبتدي الحنة من داخل اليد وتلفلف من المعصم لين فوق الكوع

بالنسبة لباقات الورد سالفتها سالفة خخخخ
رفيجتي طلبت باقة صغيرة بسيقان قصيرة ومدورة من فوق عبارة عن عشر ورود جورية تقريبا
وانا كانت فكرتي اني اشيل وردة وحدة كبييييرة صناعية بس!
اووو اني اسوي باقة تنتوفة من ورد صناعي وفيها ربطة اربطها ع يدي عرفتوا شلون ؟!
بس ماحصلت ورد صناعي عدل
فانا لفيت ع المحلات وقررت ان المحل اللي فاللاند يسويلي لان عنده كولكشن انواع ورد اكثر مع انه سعره مش مناسب للباقة الصغيرة اللي ابيها <,<

فنفس يوم الحفلة قوزي المفروض يستلم باقة اخته (رفيجتي) ويسوي باقتي بعد
عاد باقتي التنتوفة انا حددتها من قبل طبعا
كانت عبارة عن وردة جورية بيضة فالنص وحواليها اوركيد ابيض اطرافه وردي فااتح وجم حبة ميني روز اصفر وشوية هالزهور البيضة التنتوفة اللي تملي الفراغات
وشريطة مسوين منها مثل فيونكات عالجنب واطراف شرايط مفتوحة عشان تنربط عاليد
وباقة رفيجتي المسكينة طلعت مثل المدفع ! اهي تخرعت وقالت ماكانت تبي جي
<< سالفة طويلة باختصار قالت لاخوها روح وسويلي مثل الامبراطورة !!!
والمسكين يروح ويسويلها باقة فوشية كلها مثلي خخخ 

المشكلة الباقة ماكانت مثل ما ابي ذاك الزود
كنت ابي الربطة من خلق شيفون نفس فستاني او عالاقل الربطة تكون عريضة عشان تنربط عدل 
لان الربطة صج لعوزتني وااايد كانت تتحرك وتلفلف ع يدي المعصقلة >,< ومليون مرة ربطتها بس كان لازم امشي حالي خخخ

رفيجتي طلعت حلوة وايد ما شالله عليها بس افضل ما اوصف لبسها ومكياجها يمكن اهي ما حابة (:
مع انها كان المكياج تقول عنه دفش بس شفته احسن من مالي واهي فالمقابل كان عاجبها مالي تقول هادي وايد هههه
وروجها كان وردي فاقع خففناه بعدين وحطت جلوسي السحري خخخخ

كانت وايد معصبة ع الريال مال الورد والكوشة لانها تقول ان راحت اكثر من مرة توصفله كل شي بالضبط واخر شي خبص الدنيا 
وتهدد انها موب هادته ابدا كككك
كانت كاسرة خاطري لانها تحاتي هالامور 

يبت وياي مناكيرات وايد عشان اقدر اختار شي يناسبني عاااد حتى رفيجتي اختارت واحد من عندي هههه يالله طلعوا مفيدين عيل خخخ وبالمرة حطيت مناكير احمر لاخت رفيجتي بعد
<< حفلة بنات مو ملجتي خخخ

المهم رحت مع فيونكتي الناقزة من راسي لمكان الحفلة خخخ وتصورنا ورفيجتي عطتني نصايح وشلون امشي مع زفتي
لان امبراطورتكم الله يهديها من خبصتها ماتدري شالطبخة ولا حاطة فبالها تتدرب ههه
ومافي داعي اخرعكم كنت هالجم خطوة اللي تدربت عليها فالحجرة كنت اتمايل فيها واطيح كككك

زفتي كانت : اقبلت يا زينها بدون ميوزك بس مادري شستوى شكله اليني تلبس اللابتوب وقامت الطقطقة طلعت هههه

وزغاريد ويالله دشي يا امبراطورتنا ولا فجاة تنقطع وتبتدي زفتي خخخ تخرعت ودشيت 
وكنت عادي صح خايفة ومتوترة بس عقب ربع الدرب ياتني رررررجفة @،@
حاولت اتمالك الامر بسرعة وكملت المسير << مادري وشلون مشيت بس الله يستر لين اشوف البلاوي فالفيديو هههه

قعدت ومصورة تصور طول الوقت ورفيجة رفيجتي مشرفة الحفل تصور فيديو (:
والناس سلموا وقطوا بتلات ورد ونقوط وكل شي هع
وتصورت وعقبها بفترة قصيرة رفيجتي دشت بزفة الورد الابيض للجسمي 
وخذت مومنتها مثلي خخخ بس لاحظت انها رزينة وهادية اكثر مني ما شالله عليها << الله يستر من صوري ههههه

وصار كل شي مثلي وعقبها قعدنا ويا بعض

اممممم اليوم كله كان يخرع ويوتر ماقدرت استانس صج الا لما كل الناس راحوا وقعدت عشر دقايق بس مع ربع رفيجتي وتقدرون تقولون ماكان يوم رومنسي ذاك الزود حتى خخخخ فلا تنحبطون (:

رفيجتي قالت انها شكلها بتسوي لعرسها باقة نفس هذي  لليد خخخخ قلت لها لاااع لا تبوقين افكاري ككك
وقوزي قال ان كان في وحدة عجبتها باقتي وكانت تبي تشتريها بس الريال اللي كان يسويها قالها نعنوووع هاي طلب خاص كككك وكان في ناس وايد عجبتهم الفكرة 
قلت له جميع الحقوق محفوظة ككك ^,^ 

بس الحمدلله اني سويت الحفلة لانها عطتني فكرة عن العرس "هاي لو بسويه عقب كل هالتعب خخخ" 

 استفدت منها انها الا جم ساعة وكل جهودج بتروح للناس اكثر شي ، فحاولي انج تتاكدين من اشيا وايد حق وناستج انتي بعد ! واذا في شي فخاطرج سويه اهم من فالحفل انتي! فطلعي من الحفلة وانتي راضية ومستانسة وضيوفج ونسيهم بس فالنهاية انتي العروس وانتي الاهم!
وفستانج اللي تعبتي عليه شهور (في حالتي ايام طبعا) راح تفصخينه مثل باقي الملابس فلا تبالغين بهالشغلات (:
كنت ناوية اني اصمم فستان خيالي للعرس بس احين قررت اني اشتري جاهز ويمكن اعدل عليه عشان البس شي راقي و ع ذوقي (:

<< لاحظوا ترى هاي باختصار !
سامحوني بس لو قعدت اسولف وايد اشيا تطلع ~,~

باك @،@

اممم بنات

انا من جم شهر صادني عنقز وتعذذذذبت عدل >,<
وابي دكتورة جلد ممتازة (موب عايدة )
في عيادة مثلا ومواعيد قريبة مو تنقيع مثل المستشفى الاهلي >,<
لان علي اثار حبات العنقز لحد الحين وعندي شغلات ثانية بعد ابي اتخلص منها باسرع وقت @،@

اممم واذا تعرفون دكتور سنون شاطر حق تغيير حشوة


وسؤال مهم للعرس
ريلي ما كان موافق ع سالفة التصوير ابدا خاصة ان معاه دليل : يقول ان اخته راحت غاية الاحلام وشافت ريال يشتغل عالصور ..
انا حاولت معاه وقلت اكيد مو كل المحلات جذي
عقب المحاولات وافق بشرط اني اييب حد ثقة للتصوير الفوتوغرافي والفيديو..

عشان جذي عندكم نصايح واقتراحات يخص هالموضوع .. لاني مالي معلومات عن ستديوهات التصوير كلش ومابي اتفشل ويا ريلي /-:

وبس هاي الاشيا الاهم حاليا

الله يعطيكم العافية بنات (:

الأمبراطورة
الف مبروك وربي يتمم لكم على خير
شكلج كنتى كشخه ربي يهنيج
وكلامج بالاخير صحيح يا ليت العرايس ينتبهون له :)

بخصوص دكتورة الجلد فيه وحده شاطرة فى مجمع الحياة الطبي في شارع الوعب
الشارع اللى فيه فيلاجيو
شاطرة وأنا بروحى اتعالج عندها وخواتى ونسوي ليزر بعد

الاسنان عندج عيادة سمايل
لها فرعين واحد فى المعيذر والثانى شارع سلوى
شاطرين وعياتهم هاديه ومواعيدهم حلوة
أما التصوير فما عندى فكره الصراحه
أتمنى حد يفيدج ..
بالتوفيق
:)

ماشاءالله تبارك الله ياالامبراطوره

عيشتينا الاجواء معاج

وتضحكين مع سماعة الدكتور ><

بالنسبة للتصوير عندج ام شهد قطريه وبنفسها تشرف وتكون متواجده في العرس ربعي يمدحونها ان وايد حليوه وبشوشه مري محلها شوفي افكارها والالبومات اللي منفذتها

بنات

ابي خيايطه مصممين يفصلون بحدود 3000 ريال
ويكون شغلهم حلو .. فيدوني حبايبي
باسرع وقت

صباح الخيييييييير


شخباااركم

وحشتوووني


بكرة عندي عرس ولد عمي ..وماكنت ناويه ارووح لأني حامل وفالتاسع وتعبااااااااااااااااااااااااااااااانه

بس اتصلو فيني امس وقالو بنزعل لوماجيتي

فقلت بروح شوي عن خاطرهم..

ابي مكياج نااااااااااااااااااااااااااااعم وبسييط

وين أروح اي صالون؟؟؟ او حق من اتصل وتجيني..؟؟


ساعدووني:(

عذبة

الله يبارك فحياتج ^,^ ويهنيج يا عذبة (:

 ومشكورة وااايد ع مساعدتج (^_&#8722;)&#8722;&#9734;
ان شالله بس دكتورة الجلد تعرف لي واتخلص من كل شي خلال شهر تقريبا << تبي حد يحط عليها بترول خخخخ

---

أوداج &#65288;&#65342;&#65327;&#65342;&#9734;&#9834;

اوبيه تسلمين والله ^,^
بس شسم محلها ووينه؟ 
وهي ستافها فالمحل كله حريم يعني؟ @،@

ومشكورة يا اوداج ^,^ ساعدتيني (:

---

كوكيتا

الله يحفظج ويحفظ بيبيج ^,^
بس اشرايج تحطين الميك اب حق نفسج؟
هاي رايي لان متخيلة لو كنت فوضعج شكلي بحط اشيا بسيطة ما تخش ويهي خاصة ان الحامل تكون محلوة هالفترة هههه..
الا اذا مالج خلق كلش @،@


---

ما عليكم امر ~,~ هههه تقولون لي عن القاعات اللي مافيها موكيت ..
اي شي : رخام سيراميك بلاط اي شي يزحلق ،،
انا اخواني تزوجوا فقاعة يديدة وحجمها صغيرة او وسط ماذكر اسمها وكانت رخام جنه وصج كانت معطية وسع للقاعة وفخامة مع ان الديكور وهالشغلات ما كانت عاجبتني حتى ، بس ماقدر احددها حاليا لين اتاكد من عدد المعازيم
لان للاسف القاعات المعروفة كله موكيت حالته سيئة او انه لونه اصلا مخليه يبين مو حلو ويبيله ينحط فوقه موكيت بعد والثريات فيها بعض المناطق خربانة وما تشتغل ليتاتها !

ف اذا تعرفون ياريت تقولون لي (: ويزاكم الله كل خير حبايبي ^,^

كوكيتا

شوفي جيني

الامبراطوره

عندها محل اسمه الحان او الوان

بجيب لج رقمها وكلميها تأكدي من هالنقطه