اللمــــــــــــــة الاولى لبنات ليبيا الحــــــــــــــــــرة

شن دربوكة حمرا ؟؟؟!!!

مرج حلوه تجهيزات العيدميلاد انشالله يجيك زي ما تبي وكل سنه وبنوتك بخير
روز ما ناقصك شي يا بنتي الا حاجه واحده هيتوما وهدا مازالك شهير ويكون عندك هههههه

مرج حمام;15538211:
الشعر الاسود يطلع حلو مع الفيلوا ، واني من راي مش تاني يوم لا ، انتي ماشية لهني مون ، قبل يومين او تلاثة ايام ما تروحي اصبغي شعرك في المغرب ، باش لما تجي يشفوك اهلك مغير لوك جديد ، وبعدين مش قهوي داكن هلبة زي الاسود ، لا خليه افتح شوية باش يعكس على وجهك وعيونك الحلوات باش تبان عليك العرسة ياعروسة

اي صح تعرفي عجبتني الفكرة

المغرب يصبغو حلو ؟؟؟

بس اني مانعرفش البلاد بلكي منلقاش كوافير ؟؟ ويصبغو حلو في المغرب؟

اي نص نص يكون مش هافت هلبا لان حواجبي داكنات وسووود هلبا لو بنديره هافت مش حيطلع اعليا .. ف بنديره نص نص ..

مرج حمام;15538033:
بنات معليشي نقول حاجة :mad:

بني وليد يلي ما يبوش يسلموا ، مش عارفة القدافي شن مدايرلهم ؟ اتقول عايشين في دبي والا في استراليا ، يعني اني ما فهمتش هذا كله علاش ؟ على خاطر واحد ولاده ، معقولة ، ما رعوش الدم يلي بصير ؟ :mad:

شفت واحد مرة يتكلم قال ثورة ليبيا مش ثورة جوع .. واللي طلعو اكثرهم يعني مرتاحين مادين واغنياء .. بس اللي معاه غير المستفدين طبعا هدوما اكيد معاه وفلوسهم كله منهم ف لهدا امعاه .. اما اللي مش مستفدين منه الباقي كلهم المدن اللي فقراء يعني زي بوسليم امبهدلة بني وليد امبهدلة هما اللي معاه ..

يعني ماشفتش مثلا ناس متعلمة ومثقفة معاه !


الجاهلين والمبهدلين واللي مستفدين منه وعارفين لو امشي خلاص مش حيحصلو حاجة بس اللي معاه

حتي اني مع راي مرج خليي شعرك اسود حللللو في التسريحات الاسود وفي المغرب غيري لونه ومش حاتحيري غادي اسالي او دوري في النت وهايله كانت غادي لما تخش اللمه اساليها وقصيه وغيري اللوك واللون حلو الهني =العسلي

حبيبتي حاجات هيتم حطيهم في صناديق الخشبيات وزينيهم ، وارفعيهم للحوش يلي هو فيه قبل العرس بيوم او يومين ، باش هو ياخد يلي يبيه منهم في العرس ، والباقي بعدين .

مرج حمام;15538234:
حبيبتي حاجات هيتم حطيهم في صناديق الخشبيات وزينيهم ، وارفعيهم للحوش يلي هو فيه قبل العرس بيوم او يومين ، باش هو ياخد يلي يبيه منهم في العرس ، والباقي بعدين .

وين بنلقاه صندوق خشبيات ؟!!!!!!

الدربوكة يعني باش اديري مستادنات يا حبيبتي

يا اعتمدتها الفكرة بصبغه لما اسافر في المغرب باش لما اروح يشوفو اختلاف ههه
وانا اهلي حيديرو حفلة تانية بعد مانروح مش الهوني مون .. بنلبس قفطاني البنكي الكبير اللي شاريته ف شهر قهوي يجي نايس معاه

بــــــــــــــــــــــــــــــــــخ

شنو اخباركم اليوم اني مشيت عياده اسنان ورجعت ههههه ولا درت شي اشبح خيرهم عيادات اسنان ولعه فيهم نار


روز السمن موضه خخخخخخ اني زايده 10 كيلوا منو قال نشوف رقم 66
ليا اسبوع رجيم ولا ضعفت نص غرام



اني قريت اخر صفحه بس بس لو فيه شي مهم خبروني

مش لازم لوح يا روز لو ما لقيتيش شوفي البوكسات امتع الهدايا الكبار تلقيهم ملونات واشكال وانتي تقدري تزينيهم زي ما تبي

حقاااا نبيهم تقولولي اغاني زمزمات حلوات اساميهم

بلكي القاهم ع النت او اوصي امي تجيبلي سيدي من غادي او اي شيء

نبي في العرس يكون شوي اغاني وشوي ليبي

نبي في زمزمات مرة سمعت في عرس حاطينهم تحكي ع لما امشيت بتخطب لي ولدها تقول طلعتلي اشبح شنو مش حارفة شنو ماتعرفش تكسكيسه .. كتشب مايونيز هريسة ولا شنو وانها تبي غسالة اوتماتيك ههه هي فيها جزئين الاغنية .. طلعو وحدة بعدين وحدة تانية ..

om memy;15538248:
مش لازم لوح يا روز لو ما لقيتيش شوفي البوكسات امتع الهدايا الكبار تلقيهم ملونات واشكال وانتي تقدري تزينيهم زي ما تبي

اها اي تو اندورهم

انديرله صندوق عطور .. صندوق بتجامات .. صندوق بدلة عرس .. صندوق روب حمام شبشب حمام وشنطة امتع حجات حمام .. وامممم شنو في مزال تاني

ههههههههههه بني وليد حاله بس الحق راهو توه توه كلهم مع 17 فبراير لكن هو متحكم فيها وكلها كتائب
ومعتصم قاعد غادي وسيف وساعدي ع اخبار ولد عمتي في جبهة يقول اغلب عائلات طلعت منها اللهم اعجل بالنصر
اني قصه حقن دماء هذي مفهمتش ليش بس كان دخلوا من اول راهو توه متحرر

صناديق موجودات في المواد المنزلية في كل مول ، غير انتي ركزي ، وامشي غدوة باذن الله معاش تبخلي للمول يلي مش بعيد عليكم ، ودوري توة تلقي ، خدوي ثلاثة حجم متوسط ، باش تحطي فيهم حاجات هيتم ، صندوق راوائح والمعجون الحلاقة ... الخ والتاني الملابس ( المهم يلي انتي شاريتهمله ) والثالث ساعة والحاجات ( انتي تعرفي حاجاتك وكيف ترتبيهم ) وراك تنسي حطي فيهم ورد مجفف يلي بريحة باش تقعد ريحتهم حلوة
والصندلي الدهبي مش قضية تلقي ، لانهم موجودات ، والشناطي خودي الاساسيات توة ( اسود وبيج وبني ) وبعدين اشري من المغرب لان شناطيها حلوات والجلد كويس وحلو ، اني واخدة منهم والله ليهم مكن خمس سنوات وتقولي جدد

روز انتي حاجات كيف توصليهم في ليبيا ههههههههه ووفيه ازمه في طيارن

لو تبي وتقدري تزيدي تاخديله ساعه لكن هكي كويس

حياة حلوة و ليبيا حرة;15538262:
روز انتي حاجات كيف توصليهم في ليبيا ههههههههه ووفيه ازمه في طيارن

هههه اني مش امروحة ليبيا ع طول بعد العرس

بنقعد فترة هنا يعني امتع 3 او 4 شهور لين تنحل قصة طيران وهكي

بس قالو حيفتحو طيران من تركيا لي طرابلس يوم 24 سبتمبر لو هكي ممكن نمشي تركيا وناخدها طيارة

صناديق اكيد انتم عندكم محلات تغليف الهديا اطلبي الحجم وللون لي تبيه يوفره ليك

ايه ياروز حطي اغاني زمزامات راهو والله العرس الليبي ما يتعلى عليه حاجة

اهو اني غدوة بادن الله عيد ميلاد بنتي بنديره كل اغاني زمزامات وجو ليبي الحق استحشت جو ليبيا