اللمــــــــــــــة الاولى لبنات ليبيا الحــــــــــــــــــرة

بدايه الثوره امطار غزيره ماشاء الله
ونهايتها امطار غزيره
الله قدااااااااااااااااااش ماربي رحيم
ان تنصرو الله ينصركم ويتبث اقدامكم
الحمد لله

يا سعدودكم مطر والله نتمنى فيها عشان تتريح نفسيتى

ربى يفرحنا وكثروا من الدعاء

لالا جايتكم باذن الله يااميره
كان طولت الليله باذن الله

[YOUTUBE]RBNxpBU2Qno[/YOUTUBE]
الله الله علي مصراته
فعلا تحيه لمصراته الصمود

خيررررررها بوسليم ماجتهاش المطر;)

هههههههههه شكلهم امصيفين قاعدين هههه
زارقه عليهم شمس النيجر^_*

امين يا حلا تجينا والله نفسيتى تاعبة وخاطرى فيها
قولى لى شنو اخبار خوك؟
بنات نبى نسئاالكم هل عندكم نية فى الحياة؟؟ قصدى هل مازالتوا تحسوا بطعمتها والا تغيرت؟؟

عروس البحر نبى نسالك انت الى مرة كنت تبى حل لمشكلتك بتاع الشخص الى يبيك؟؟
سامحينى راه الذاكرة متلخبطة ع الاخر

قهيوة انت هنا؟؟؟

بنات مش عارة تحسوا ان السنة سنة بشعة ومليئة بالماسى فعلا توا كنت نقرى فى العربية نت عن ام انتحرت لما شافت ولدها طاح من الدور الثامن بالعمارة

معقولة الموت رخيص للدرجة هذه !!
سبحان الله الله يستر وخلاص

حلا,, ان شاء الله يارب بالفرج والنصر يارب الحق الحق عيينا وكبودنا درهت استغفر الله امس جارتي خطيب اختها ماااااات في سرت لكن هو مع الكتائب

قاتلي اختي تبكي وتفرفش قتلها افتكت منه ربي يعوضها خير وخلاص واليوم بيت شيابينها في سرت هجموا عليهم الكتايب بالرصاص علي الفجر

وطلعوا يجروا مساكين قاتلي صفره فطورهم قاعده ومارفعوش حتا حاجه وصغارهم حتا حليب مارفعولهمش طلعوا حفايا يجروا ,, امتا بنفتكوا من هالعصابات

خلاص نبو نعيشوا خلاااااااااااااااااااااااااااااص .

اميره,,,,,,,,,, النيه في الحياه مره تجي ومره تمشي علي الجووو خخخ

روز,,,, هلا بيك كيف حالك يا عروستنا وشن درتي جديد

هنوووو ,,,,,,وعليكم السلام ورحمه الله وبركاته .

الى صار فى سرت عقاب لهم لانهم ماوقفوش مع اهلهم فى مصراتة او الجبل عارفة روحى كلامى هذا ممكن يكون فيه شىء من الشماتة بس هذا واقع
والله يا بنات الى صاير فى بلادنا مش هوين حسبنا الله ونعم الوكيل

تي هما يبووووووه هدا علاش يقاوموا يحسابوه قاعدلهم ,,, ربي يفرج وخلاص والا بني وليد هده !!! قصه حزينه بكل

اميره نبي منك طلب لو ممكن ؟؟؟؟؟؟؟؟؟؟؟؟؟

:struggle:انسحاب تكتيكي

السلام عليكم ، خيرات زينات بلادي
شنو اخباركم اليوم ؟؟ ماشاء الله قريت انه المطر تصب عندكم ، خيرات من رب العالمين ، وادعوا ربي يكمل هالنصر ، ويفكنا من هالطاغية وطوابيره اللي شادينها معاه و مبوش يطلقوه في سرت وبني وليد .

السلام عليكم
خيره اللمه راحت ديمه فاضيه ومكسده
وكل مانخش ما نلقي غير المخفي هههههه وشويه ويقول بالك ويسكر