اللمــــــــــــــة الاولى لبنات ليبيا الحــــــــــــــــــرة

اه هكي تمام بكل حتي انا كنت نبي نقولك نحس في الذهبي مش حلو واجد

بس كامكياج حلو ونزيك ع الاخر باهي ماشاء الله تمام بكل رتبتي امور الصالة وكل شيء

روز حلو بس راهو لازم شوي ابيض تحت الحاجب بيش يدير اضاءه يعني بدل الدهبي ابيض

بيش الي يشوفك من بعيد مايشوفش دائره سودا وخلاص تبدا العين فيها رسمه ومبروك الكوشه والكرووت

نستاذن الله توه روز مبروك حبوبة نسيت نقولك

قهيوة شكلك شطورة في مكياج معناها بعدين نستعينوا بيك

ان شاء الله كلكم تكونوا بخير سلام توه

السلام عليكم
روزز حبيبتي حلو مشالله المكياج بس زي ما قاتلك قهيوه لازم يكون فيه ابيض ولمعه تحت الحاجب والا حتباني كان كدمه في عينك هههه واحني نبوك تطلعي غزاله
وعندك الحق الدهبي مش حلو بس شوية لمعه عالفضي نحس فيها لازم


قهيوه شن اخبارك واخبار تجهيزك للسفره
ومبروك عليك وعلينا تحرير سبها انشالله اطمنتي عالعويله

هو اكيد من فوق حيكون فيه ابيض هافت شوية ..

السلام عليكم ،،،

شفت الصفحة هاذي واللي قبلها بس،،،
روز حلو المكياج هلبة بطريقتك انتي مش زي صورة
والف الف الف مبروك ربي يتمملك علي خير

عروسة ان شاء الله يارب يرجعوا سالمين وربي يحميهم وينصرهم

كيف حالكم يا عرايس؟

السلام عليكم ، زينات بلادي ، كيف حالكم كلكم ؟؟ حنين الروح وزهروتا مشكورات على الرد المره اللي فاتت اضطريت نطلع بسرعه وقعد قلبي عند لمتكم ،،، من انا عروستنا ربي يتمم لك علي خير ، ورأي من رأي الخبيرات ، لازم من لون تحت الحاجب باش تكسري بيه حدة اللون الاسود والموف الداكن و باش تعطي اضاءة للعين ، وربي يحرسك من العين .

عروسة ليبيا ، طمنيني عليك وعلى اهلك كلهم . خليت لك مره رسالة خاصه بعد ما تصكرت اللمة ، لاني معاش لقيت حد من البنات مع بداية الثورة ، وربي يطمنا عليهم جميعا.

شنو اخبار اروتا ، ورور ، ودلوعة بيشو ، ونجمتن ، وحلا 2011، مرج حمام ، ملكة في مملكته شنواخبارك ، تزوجتي والا مزال ؟؟؟ ؟ والاسماء هلبا للاسف متحضرنيش لان ليا فتره على المنتدى .
والبنات الجدد ليا الشرف اني نكون بينكم وفي لمتكم .

اني شكله عندي حساسية من الدحي

في رمضان مكليتاش بكل ولا بعد رمضان وبشرتي كانت صاااااااااااااااااااافية

امس كليت منه باليل نضت الصبح زي السفنزا

شكله هو يسببلي في حساسية

لاني امس ماكليت شيء غير دحية بالليل وهي الشيء الوحيد اللي ليا قرن ماكليتاش

من انا ، شوفي الدكتور العام عندكم واحكي له ، واكيد حيحولك على اخصائي ومرات صح تكون عندك حساسية من الدحي ، انا بنت صاحبتي عندها حتى من القشور لو مستهم تجيها حكة . وطمنينا عليك.

ان شاء الله تو نمشي انشوف كيف قصته هالدحي .. :( :(

عروسة ليبيا ، ربي يطمن قلبكم عليهم ،ويحفظهم ،، ويهدي اللي مزالوا شادين في هالطاغية ، سبحان الله فيهم وفي تفكيرهم .

حبايب ماما نورتي اللمة

حبايب ماما;15599999:
عروسة ليبيا ، ربي يطمن قلبكم عليهم ،ويحفظهم ،، ويهدي اللي مزالوا شادين في هالطاغية ، سبحان الله فيهم وفي تفكيرهم .

عروسه ليبيا :(:( تعرفى حتى نحن مشغولين عليهم خصوصا اليوم فى جراحا بلهبل ربى معاهم

من انا ؟ اتوقعتك مسيطره على التجهيزات انت قاعده هنا :D

عروسه ليبيا

شنو رايك فى صاله كورنتيا ياريت لو عندك عليها اى معلومات يعنى عدد الكراسى وسعر الصاله

منورة بيك ، انجل هارت ، احكولي شنو اخبار ليبيا واهل ليبيا ؟؟ اول مره نكون مشتاقة لها لهدرجه وربي الشاهد ، توه القلب والعقل فيك يا ليبيا ، لله دركم يا شباب وبنات ليبيا .

فيرونااا ، ربي يضمد جراح جرحانا ويشفي مرضانا ويرحم ويغفر لموتانا ، ويبارك في تضحيات شهدائنا ،

انت مش متزوجه قصدك ؟؟ تسئلي علي صالة كورنثيا ، تبي تديري فيها حفلتك ؟؟ نحسابك متزوجة و اللي في الصورة كتاكيتك.