اللمــــــــــــــة الاولى لبنات ليبيا الحــــــــــــــــــرة

فيرونا صحبة ماما شنو قبيلتها؟؟؟

وعليكم السلام ورحمة الله وبركاته
احنا بخير وانتي؟

الحمد الله نبيدي اكويسه

زنوبيا ؟؟؟ انت
مرة قلتى زعلانة منك علاش؟؟

لانك متردي عليه

هما توا مايبوش ايخششو حد من برا مصراتاه لظروف امنيه يافيرونا وعندهم الحق لان وقت تحررت طرابلس وسمحو ناس للدخول لمصراته خشلهم طابور خامس هلبببببببه
تو تستقر الامور وكل حد يرجع لرزقه واملاكه مستحيل تصير هكي او املاك ناس ياخدوها
بس مساءله وقت وربي يرجع الامن للبلاد تعبنا والله قريب نسكرو سنه معقوله"!!!!!
وناس قاعده كل يوم تموت تى ضاعو شبابنا علي خاطر عيييييييييله بس وعيله فاسده في اخر الحلقه

اسمعي ختى الاشاعات كاتره يافيرونيا
انا صاحبتي ساكنه في مصراته وراجلها مصراتي
ومن بدايه الاحداث طالعه منها ومؤيده تقريبا لمعمر كانت لانه بوها واحد يخدم معاه
وتوا رجعت لمصراته عااااااااااااادي مافيش حد ردها

وين رحتن

اميرة ممكن نسالك

حلا 2011;15584356:
وبعدين يافيرونا هما نصهم مجرمين سواء اللي من بني وليد او اللي من سرت
واولادهم ايديهم ملطخه بالدماء الا الناس الواعيه واللي مش راضيه قتل الليبيين في بعض وحاشا البعض طبعا
فيستاهلو اكثر من هكي لانهم ماداروش الطيييييييييب في مصراته نهائي
ماضربهم حد علي ايديهم يوم تطوعو والا الطمع رفعهم لمكان ليه اول ماليش اخر
ولحقهم العار طول العمر

انحب انقولك ان لو ايدهم املطخه بدم ماكانوش هربوا لثوار

وحاجه ثانيه حتى بنى وليد عندهم ثوار فى مصراته وبنغازى يعنى مقصروش لكن القمع كان اقوى منهم والمؤيد والمعارض فى كل مكان مرات فى حوش واحد تلقى مؤيد ومعارض هل معناه يلحقهم العار كلهم ابدا كل واحد مسؤل على نفسها

وتعرفى انا نفرح لما نلقا حد مؤيد باش نتناقش معاه ونعرف ليش هو مؤيد وانصححله افكار ه واحيانا لما ايكون ايعناد على الغلط نتحدى بنفس اسلوبها اهم نقطه انى منسيباش بافكاره وبعدين وهو مع نفسه يتغير شويه شويه

ولازم كلنا انديروا هكى منقعدوش نتفرجوا ونحقدوا على الناس لان بعدين حتصير اشياء اخرى نحن فى غنى عنها

حلا 2011;15584383:
اسمعي ختى الاشاعات كاتره يافيرونيا
انا صاحبتي ساكنه في مصراته وراجلها مصراتي
ومن بدايه الاحداث طالعه منها ومؤيده تقريبا لمعمر كانت لانه بوها واحد يخدم معاه
وتوا رجعت لمصراته عااااااااااااادي مافيش حد ردها

قريبتنا حتى زوجها مش مصراتى لكن من زمان عايشين غادى

نتمنى اتكون مسأله وقت مش شئ اخر وانا واثقه من شهامة اهل مصراته لكن الشيطان يعمى احيانا ربى يحفظ شعبنا ويحميه من الحقد والحسد والحمدالله الفرج قريب

اميرة عرائس ليبيا;15584374:
فيرونا صحبة ماما شنو قبيلتها؟؟؟

ترهونيه

اسمعي يافيرونا انا اول شئ قلتلك حاشا البعض
بعدين والله نسبة 99% يبوه ومخدوعين فيه ويحسابوه مازال بينتصر هذه حاجه والحق مش فيهم صح الحق في الاعلام الكاذب واصلا هذا يرجع للجهل مفروض من الاول مايخلوش نفسهم حكر لقناة وحده يتفرجو بس يحكمو العقل
وفيه حاجه تانيه الخيانه اللي صارت في بني وليد كبيره راااااااه ممكن انتي مش سامعه بها بس هنا طرابلس وبالاخص سوق الجمعه مقلوبه علي خاطرها
تى غير اللي من سوق الجمعه بس بس توفو 17 في بني وليد و26 في سبها من كمين داروه القناصه
بغض النظر عن الناس التانيه اللي فرحت بهم في سبها
خللللللللللي من غير المناطق التانيه في طرابلس ومصراته وبنغازي ومجاورها يعني بني وليد اصبحت مقبره للثوار من شنو؟ من خيانه ثوار بني وليد اللي فالجبهه والكتائب متع العار
لان يخلو فيهم يقدمو ويرمو من ورائهم وانا مانكدبش والله خوي رمو من وراه شن رايك؟ و الولد اللي جنبه استشهد من رصاصه من خلف شن معناها؟؟؟؟؟؟؟؟
مفاوضات ودنيا وعالم حايس
تى اضرب البلي ترا ولادهم مش خير من ولادنا
تى والله مايبو الا النيتو يمسحها علي بكره ابيها واللي يبي الثوره صح وقلبه معانا عادي يتحمل حتى يقعد فالصحراء شن مشكله؟
خلي نيتو يقصفهم ويريحنا منهم لانهم حتى ولو قعدو هما االيي يبو يفسدو البلاد من تاني لان مافيهمش تقه وامان ويبيعو في اي لحظه
هذا رايئ

مش كلامي انا بس يافيرونا
والله صاحبتي من سرت قالتلي جابولنا العاااااااااااااااااار ومعترفين هما بهالشئ خاصه عالنساوين اللي يضربو فالثوار بالقوادف والرمانات تى شن هذا؟
هذا عار مابعده عاااااااااااااااار

اصلا خلي تتصفي البلاد ومايقعد فيها كان اللي يخاف من ربي ساد فساد فيها اصلا والله ماتستاهل هالبلاد يقعدو علي ترابها الطاهر ناس مجرمه وتقطع وتدبح وتشرك بالله

بالله شن ريك في هداكه اللي يقول للشهيد الغرياني قول الفاتح؟؟؟؟
لا ايقول المسكر مش الفاتح
تى مش هذا عار؟؟؟؟؟
وشرك زياده اعوذ بالله

فالاخير بكل ومالنصر الا صبر ساعه والله يمهل ولا يهمل وربي يعاقبهم عاللي داروه فالناس
فيه ناس ربي يحبها يرفع فيها جوار الانبئاء والصدقين هنيئا لهم والله قدااااااااااش تمنيت نموت شهيده ربي يكتبهالنا ان شاء الله
هيا سلام توا

حلا 2011;15584419:
اسمعي يافيرونا انا اول شئ قلتلك حاشا البعض
بعدين والله نسبة 99% يبوه ومخدوعين فيه ويحسابوه مازال بينتصر هذه حاجه والحق مش فيهم صح الحق في الاعلام الكاذب واصلا هذا يرجع للجهل مفروض من الاول مايخلوش نفسهم حكر لقناة وحده يتفرجو بس يحكمو العقل
وفيه حاجه تانيه الخيانه اللي صارت في بني وليد كبيره راااااااه ممكن انتي مش سامعه بها بس هنا طرابلس وبالاخص سوق الجمعه مقلوبه علي خاطرها
تى غير اللي من سوق الجمعه بس بس توفو 17 في بني وليد و26 في سبها من كمين داروه القناصه
بغض النظر عن الناس التانيه اللي فرحت بهم في سبها
خللللللللللي من غير المناطق التانيه في طرابلس ومصراته وبنغازي ومجاورها يعني بني وليد اصبحت مقبره للثوار من شنو؟ من خيانه ثوار بني وليد اللي فالجبهه والكتائب متع العار
لان يخلو فيهم يقدمو ويرمو من ورائهم وانا مانكدبش والله خوي رمو من وراه شن رايك؟ و الولد اللي جنبه استشهد من رصاصه من خلف شن معناها؟؟؟؟؟؟؟؟
مفاوضات ودنيا وعالم حايس
تى اضرب البلي ترا ولادهم مش خير من ولادنا
تى والله مايبو الا النيتو يمسحها علي بكره ابيها واللي يبي الثوره صح وقلبه معانا عادي يتحمل حتى يقعد فالصحراء شن مشكله؟
خلي نيتو يقصفهم ويريحنا منهم لانهم حتى ولو قعدو هما االيي يبو يفسدو البلاد من تاني لان مافيهمش تقه وامان ويبيعو في اي لحظه
هذا رايئ

الامور عمرها متنحسب هكى والأ الدنيا خربت وانا معاك نسيه كبيره مع النظام بس هدا مشمعناها انهم ينحرقوا كلهم لا نحن ثورتنا سلميه من الاول فيها مبادئ واخلاق ورأى عام واهم حاجه اننا ماشين بقدوه الرسول يعنى الى داره اقراب الرسول فى الرسول مدارش حد ومع هدا شفتى قلبه عليهم والله اقوى سلاح لينا كلنا توا هو الدعاء ان رينا يهديهم ويصلح رايهم واكيد كل واحد مسؤل قدام رب العباد وحيتحاسب ورجالنا مش هاينين علينا لكن الله غالب ربى كاتب كل واحد فينا طريقه موته واغلب الثوار عارفين نفسهم انهم فى احتمال كبير انهم مش حيرجعوا

انا منحبش انفكر بطريقه هدى

لو كلنا انفكروا بطريقه هدى صدقينى ربى مكانش حينصفنا والحمدالله هدا فخر لنا اننا عندنا شهداء من يكره ان ايموت شهيد

حلا ايه سمعت بيه ولد عم شلقم الي دبحوه بالمووس في اوباري عشان علق علم الاستقلال ودبحوه قدام مرته وبناته :(

فيرونا ,, نجيها ياربي توا قالوا رجعوا المدار ان شاء الله نتصلوا ونطمنوا علي هلنا كلهم

اميره شن قصتك اليوم تنشدي عن القبائل ;)

العبيديه هلا ومراحب ومبروك علينا النصر ويارب تطمني علي كل صاحباتك :L:

ملكه ريتي قداش الايام يجررن عقبال عيد زواجك :adore:

السلام عليكم
غبت الفترة اللي فاتت بس استاحشتكم ورجعت ثاني
مشكلة اللمة ان الصفحات بسرعة ما يطيروا
وكل ما نخش بنكتب رد انقول خلي نقرا الردود اللي فاتت قبل ويطير الوقت وما نقدرش انرد

عموما ان شاء الله تكونوا كلكم بخير

اللي عندهم حد في سبها راهو المدار بدي يخدم غادي

السلام عليكم
حلا كيف حالك وحال خوك وابن عمتك ان شاء الله بخير ، وسئلت عليك قبل ، نبي نضمن عليك وبعتلك مسج قالي صندق الرسائل متعك معبي



ملوكة ، ان شاء الله نشوفوك عروسة مقعمزة في الكوشة عن قريب جدا ياربي ، وربي يسهلك وتحتفلي بعيد زواجك

البنات كلكم كيف حالكم اليو