اللمــــــــــــــة الاولى لبنات ليبيا الحــــــــــــــــــرة

ايه موضوعي هو ........................














خخخخ







مرت صاحب راجلي بعد اخر موقف بايخ منها سافرت لمده 6 شهووور وبعدين قالي راجلي انهم رجعوا ماعدلت طبعا لاني طايرتلي منها جدا جدا وماعنديش ليها خلوق وقلت حتا كان اتصلت مابنرد واصلا هي سافرت وماقاتلي وزعميتها زعلانه لاني ماجيتهاش في عمليه راجلها المهم كنت مقعمزه ضرب تلفوني ماطلعش الرقم مشيت رديت طلعت هيا وقاتلي راهو جينا لينا اسبوع وينك ماتعدلي قتلها الي مايشاورك في سفر ماتستحمدله في رجوع زي مايقولوا وقاتلي والله جت سفرتنا في ضروف ومش عارفه شني وسوري وكدا
المهم بعد رجعوا بايام راجلها سافر وخلاها بروحها وهي حامل في التاسع وتكلم فيا وحسيتها خايفه ومحتاجتلي وكل مره تقولي نخاف اندوخ والا شن يصيرلي وانا بروحي وراجلي قالي عيب امشيلها مشيتلها وقعدت تقولي ماتسيبني انا بروحي وقريب نجيب وهكي
بديت نطل عليها ككل يومين ونتصل بيها ديما لانها بروحها ومرات شن تحتاج وهي بيتها قريب مني بكل بكل
المهم فهمتها اني مانحبش من يلوم عليا وانها دارتلي مواقف زي وجهها وقاتلي انها كانت اتوحم وعندها مشاكل مع راجلها ونفسيتها زي الزفت وانا فوتلها وخلاص وتوا بدت كويسه معايا بكل وبدت محترمه معايا وحسيتها حست بغلطها





وبس .

sweety sweet;15525986:
السلام عليكم وخياتى توه نور الموقع بلمتكم وجمعتكم الله لا يفرق بيننا....العالم ربى ليا فوق من 4 شهور نخش نقرا ونطلع حتى رد على اى موضوع ماحطيته لاننى فاقدتكم وفاقده حسكم وتهدريزكم بس توا كان من رد فيا الروح والحق ينقال البركة فى حبوبتى حلا هيا الى قالت لى عاللمة,,ربى يحفظها وينولها ما فى بالها.

حابة نهنيكم ونهنى روحى بالنصر العظيم الى ربى وفقنا بيه من عنده على هالطاغية وعقبال ماتكمل فرحتنا بالقبض عليه واولاده والمرتزقة اللى معاه..ونفرحوا بتحرير سرت وبنى وليد وسبها من قبضة هالنظام الفاسد وتعيش ليبيا حريتها من شرقها لغربها ومن شمالها لجنوبها.

مش حابة نسمى اسماء خايفة ننسى ولا نتلخبط بس من دون استثناء مستاااااااااااااااحشتكم ومن قلب قلبى نقولكم الله يحفظكم ويهنيكم ويهنى البلاد بيكم

كلنا زيك كنا حاسين بالوحده من غير اللمه وفرحت بجيتك والله

بس حولي علم القدافي الي في بروفايلك :lol:

السلام عليكم
كيف حالكم ياعويله

وعليكم السلام يالولو
قهيوه عفا الله عما سلف
فكينا من جو القذافي خخخخخخخخ متع الحقد تى سامحيها وقدري وضعها وكوني انتي اللي بادره بالسماح وعادي صفي قلبك

لولو هلا والله كيف حالك ليك وحششششششششششه

حلا هدا الي صار تصدقي وبدت كوووويسه معاي وهي اصلا دوقها يعجبني ف كل مانشري حاجه نوريها ونشاورها وفي النقطه هده استفدت منها واااجد

قهوه الصباح;15525992:
كلنا زيك كنا حاسين بالوحده من غير اللمه وفرحت بجيتك والله

بس حولي علم القدافي الي في بروفايلك :lol:

الله يفرحك بصحتك ياغالية...الخرقة الخضرا هدا وين شفتها قاعدة ومشيت جرى للوحة التحكم بش ننحيها...الله غالب مارديتش على شى من شهور فاتو وماكنتش فايقة بيها قاعدة.

قهيوه شن جو سبها
قصدي حتى هما حق عندهم قصف وقتل وراجمات وغيرها والا الامور مسكته ومستتبه
يااااااااااارب فرجها عليهم ياااااااااارب
شن هذا هو بيهرب وبيورط الناس التانيه معاه
والله امبكري قلت لماما لأخر رمق يبي اكثر دم وأكثر فتنه وأكتر عدد من الضحايا
ربيييييييييي ينتقم منه فالدنيا والاخره اشد انتقام هو واعوانه وازلامه
وربي يفرج علي سبها وسرت وبني وليد يارب

ههههههههه صح ياسويتي كارهينها من قبل وتوا زدنا والله لما نشوفها جلدي يرررعش

سبها ياحلوه كان فيها قصف ولكن توا موقف فيها طبعا مناطق محرره زي القرضه والمنشيه

لا ضي لاميه لا مستشفيات لا اتصالات

وازلامه يصولوا فيها ويجولوا ويقولوا للناس كدب طرابلس مافيها شي والوضع تحت السيطره والناس بدون تلفزيون بين مصدق ومكدب

والنهب والسرقه مانحكيلكش الاماكن العامه هدين كلهن سرقوهن ونحوا المكيفات والاتات ليه ليه

المرتزززقه فيها واجدين بكل من قبل يابال توااااااااا

السلام عليم يا غاليات ويا حرات ابلادي والله اني فرحت باللمه فرحه تعادل فرحه النصر وحسيت اني رجعت لبلادي لان هدرزتكن تخفف عليا وااااجد في غربتي اصل اوخيتكن ليها ٤ اسنين ما روحت للبلاد:035:

قهوه مبروك علي صاحبه جديده
من بعد كره صداقه ههههههه شوفتيها طلعت مسكينه ومظلومه *_^


اسمعي امس شوفت بيج للسبها في الفيس كاتب انه امان افراد من شرطه نضمت لي ثوار والميه ترجع 5 ساعات في اليوم واتصال تحت صيانه .. الحق فرحت واجد بس مش عارفه كان قصده علي مناطق معينه او سبها كلها

ربي ايفرج عليهم يارب وعلي كل من محاصر
هيا سلامات ياحلوات خلي بننزل انوتي فطوري

قهيوه وينك يا احبيبه نبيك

بالله شن اخباركن ومشتاقتلكن واجد واجد صح ما انشارك بس دايما نقرا في هدرزتكن خاصه بعد الامن يستتب في الليل:067: واغلاق اللمه سببلي فراغ كبير

قهيوة شكلها كانت تتوحم عليك ياااااناري ,مبروك عليك الصويحبة الجديدة غير ردي بالك تشدي بيها وترخي باللمة

اوزا انا قاعده امس نكلم فيك ماتردي

لا يا راجحيه ههههه مفيش حد يقدر يبعدني عن اللمه وهي اصلا مش ديما نكلم فيها

ماهو امس قتلك طالعه لما كلمتيني ما روحت بكري بس اليوم قاعده نبيك:adore:

اهلين ماما اووزا نورتي لمتنا

حياة حلوة و ليبيا حرة;15526044:
قهوه مبروك علي صاحبه جديده
من بعد كره صداقه ههههههه شوفتيها طلعت مسكينه ومظلومه *_^


اسمعي امس شوفت بيج للسبها في الفيس كاتب انه امان افراد من شرطه نضمت لي ثوار والميه ترجع 5 ساعات في اليوم واتصال تحت صيانه .. الحق فرحت واجد بس مش عارفه كان قصده علي مناطق معينه او سبها كلها

ماني عارفه بس بنت سلفي طلعت امس قاتلي تعودنا خلاص ولما يجي الضي مانفرحوش بيه لان ساعه ويقص يعني يبدوا يجروا ويعبوا في الخزانات وخلاص