اللمــــــــــــــة الاولى لبنات ليبيا الحــــــــــــــــــرة

قال يا حيو ان التوار حتكون ليهم الاولويه في كل شي فلوس وسيارات وحياش غير بس يتحسن الوضع شويه وانه زي ما هما اعطو للوطن حتي الوطن مش حايقصر معاهم
اللله اكبر واللهي يستاهلو اكتر توارنا

اه لالا حتى احنا هنا اكثر 2 واتقين فيهم والثقه فالله اولا هما ال2
ولاكن فيه هلبه يبو تصفيه راه بس هما ال2 ربي يحفضهممممممممممم

عاجل الجزيره .. رويترز نقلا عن وزير العدل النيجري دخول الساعدي القذافي الي اراضي النيجر

راجحية حرة;15547863:
سمعتوا انه الساعدي هرب

سمــــــــــــعــــــــــــــنـــــــــــــــاااا

تى وين هرب؟؟؟؟؟ ريتو الهدنات ماينفعوش معاهم هكي يعطو فيهم في فرص يهربو
انا من رايئ كان يخلو فرصه لثوار الجبل ومصراته والله معاد يعطو الفرص لا هدنه لا هدنات والله تبارك الله مايعرفو كان الهدان طول ربي يحفضهم

لا حول ولاقوة الا بالله

البنات قالوا : بعد موتت 30000 شهيد ..عوانس نبقوا بالتأكيد..

ردوا الشباب : ماتخافي يا بنت بلادي .. ناخدوكم بالاربعة عادي

نبو نفهم مش في الطوارق في الصحراء عند الحدود الليبية النيجيرية هدوم شني موقفهم من الثورة والا حكمهم ذاتي تييييييييييييييييييييييييييييييي خيرهم ماشدوهمش والا وين النيتو يشوف فيهم يطلعوا بالسيارات المصفحة ويخنبوا في رزقناااااااااااااا علاش ما يقصفهمش

تي شنننننننننن هدا واللهي الا عفلقتني هربة الساعدي تي هدا حتي هو ايديه متلطخات الهم الاحرف هدا كله من الهدن اللي يعطو في عمها وجبتي فيها حلا كان يخلولهم بس توار الزنتان ومصراته ميعرفوش يلعبو بكل ربي يحفضهم ويحفض كل التوار الاسود

بنات صارلي موقف اليوم ونبي رايكم انا غلطت والا لا؟

اه والله تبارك الله عليهم ربي يحقظهم اصلا انا علي علم بان توار مصراته طايرتلهم من هالهدن قالو لو خلونا رانا حررناهم لينا وقت
وياراجحيه النيتو ليه وقت قائل بانه ماليش دخل بتعقب الشخصيات قال انا نقصف فالارتال بس مش الناس العاديه
ربي يستررررررررررررررررر

قولي ههههه

لكن نيجر بتسلم اي شخص يدخل ليها
حتي امريكا يومها قوت قالوا قذافي هرب للنيجر قعد تهدد فيها
وومجلس الانتقالي للطوارق قالوا مشي للنجير وتافهم معهم
وبعدين ساعدي مش كان يحكي مع المجلس اكيد فيه خطه معينه

وخاصه بعد محمود جبريل اعلان خلال اسبوع بتكون فيه حكومه مؤقته يعني اكيد في خطه عسكريه
الثوار بكره يتجهوا لي سبها ثوار سبها وتم تدريبهم
ومصراته تقدموا للسرت

تكبير ودعاء بس

قولي يا راجحيه نحن في الاستماع

حلا جيت بنقولها بعدين توه يقولو هههههههههههههه فتنه
الحق ثوار مصراته مش متعودين علي اوامر وقت بيدخلوا منطقه يدخلوها من غير انتظار




احكي احكي راجحية

والله ياحيو حرام يضيع حد من هدوما ويهرب
لان لما تشد حد عاالاقل تراهن به
انا نحس انه الساعدي من قبل متخالف مع بوه وخوه
واعطيه غير ينجى بروحه وخلاص
نفسي نفسي

عن كالة انباء التضامن :
اكد مراسلنا من بني وليد ان الثوار نجحوا في الدخول لمنطقتي الدواير والسوق ببني وليد حيث استقبلهم الاهالي بكل حفاوة رافعين لاعلام الاستقلال فوق البيوت , هذا وحيث ان الثوار لم يواجهوا باي مقاومة فقد قاموا بالعودة لمواقعهم مما ادى لقصف المنطقة من قبل الكتائب مما ادى لجرح 6 من الاهالي حالتهم حرجة هذا وقد اكد مراسلنا ان هناك انتشار كثيف للقناصة بالمدينة.


الله اكبر





ماما تتصل بي مصراته توه ولد خالتي كان عند خوالي قال اليوم بندخلوا للسرت بعد صاروخ سكود


















دعاااااااااااااااااااااء

صح ساعدي هرب ؟؟! ماسمعتش اني هالخبر الا منكم .. كيف كنت فاتحة الجزيرة

تي شنو يا حلا حسستيني ان الساعدي كووويس ومش مداير شييي !!!


هدا زيه زي بووه كلااااااااااااااااب كلهم دم الشهداااااااااااء مايمشيش هباء


وصدقيني وين بيهررررررررررب من عقاب ربي تي تحسابيهم هديم مرتاحين ويرقدوا ؟


مزال مادامك حيه تشحي تو تشوفي كيييف ربي بينتقم منهمممم في الدنيا قبل الاخره

راجحية انتي طرابلسيه او مصراتيه

يابنت خلتني نشك نعرف نفس قصتك بضبط
هههههههه لو طلعتي مش مصراتيه توه نقولك بنت مصراتيه شنو دارت يوم تاني