ʚϊɞ تجمع الأول لشهر شوال للأمهات شهر اغسطس(8) ʚϊɞ

ثلوج
اي ماي صحه بس لازم تغلينه ويكون صاخن عقب تحطين الحليب
أي نوعيه جاب لش ؟؟
في جهال مو بسرعه يتقبلون الصناعي
يبيلش شوي لين ما يتعود
ولين جيتين تعطينه اعطيه في وقت يكون عطشان يعني اذا نام فترة وقعد عطشان اعطيه في البدايه بيرفض عقب غصبا عنه بيشرب عادي
ويمكن هذا الحليب الي استخدمتينه ما عجبه

اني مريوم يوم كانت يمكن ٤ شهور جربت لها الصناعي بيبيلاك ومن اول ما عطيتها اياه تقبلته وعادي شربته
بس لانه ما كنت اعطيها على طول فعقب رفضته ما بغته لانه تعودت على الطبيعي


هلا ام خوخه
من طول الغيبات
شخبارش
شدعوه لا حس ولا خبر
وحشتينا
ع الاقل دخلي كل يوم طمنينا عنش


اف علاوي الكريهة من ٨ قاعد
بس خلاص ضبط جدولة كل يوم لازم يقعد من ٨ ويتم قاعد لي ٩ ونص وعقب ينام لين خلاص راحت مني النومه
والله تعب
البلرحه هو في حضني يشرب حليب
ومريوم لاصقه فيني تبي تشيله وكل شوي تسحب صدري وتبي تعدل ثيابي علشان ما اعطيه واشيله عني
غرباال والله شسوي في عمري

وهالدم مو راضي يوقف
شكله بيصير نفس مريوم لعقب الاربعين والله ملل
ابي احف لايعه جبدي
عادي احف الحين لو انطر لعقب الاربعين

شدعوة عاد محد يفيس منكم

هلا بنات

سم ون الله يساعدش اكو اني اليوم شهر و6ايام ومو راضي يوقف الدم لاعت جبدي وعلى ما قلتين ابغي ثياب وابغي احف ابد ماكو

كرار بعد مزكم ووديته المستشفى عطوه نقط للانف وبندول بس احسه وايد يسعل ولا يقدر يرضع زين

ثلوج جي ويش صاير متهاوشة وي من واني بصير حكم

ولاء يالقاطعة ما تبينين

ورود اكو اني اولادي بالاقساط يمرضون

بنوتة شخباركم من امس

شجن وهمسات وامولي وانشالله ما نسيت احد لان ذاكرتي كل ماخدة اجازة

سم ون بيتاميل مادري ابتاميل الصيدليه قالوا احسن شي

من مساعه عطيته هو ميت عطش شرب شوي بس وولولت من صدري وقام يسرب مايسوى علييي

هلا ورود وينش منخشه

وي دي حبيبه عزوزي مادري ويش

تقول تبقى المملكة خليفيه والله لا يعطينا الي نبيه وحسبي الله علينا

وتقول طول محرم ما اسبح غير مصنه لو جلف ومجنسه لو عبده وطباله ما اسبح مو كانه كل حين أبدل


لا وازيدش رائحة تتشكى عند الادارة

ضربني وبكى سبقني واشتكى

سم ون احسن شي ان أني امشي وراش أجوف توقيعش أنقصه يوم واعرف جم باقي واطلع من الاربعين هههههه

ويه عاد يا ثلوج انجان قلتين ليها عدال على الاناقة والريحة السنعة خليناها لش مالت عليها بس

قلت ليش لا تشربينه حليب حطي له ماي او اي دوا عشبي ويكون ساخن وبيشربه وبيتعود على المرضعة

عاد اقولش خيوو

لا هكو الصبح شرب وبجوف الليله بعد

هلا دنيا
شخبار
اف يملل اني بعد شكلة مو راضي يوقف ملل
مسكين كرار ما عليه شر يعوروة القلب لما يمرضون في هالسن
بس انتي حاسبي من الايسي صغري عليه واذا بتبدلينه او تسبحينه بندي الايسي مو زين من براده لحرارة
ولا تشغلين البانكه ترا تضر اكثر من الايسي
بس الايسي خليه اقل تبريد

ثلوج
زين دام شرب هم لازم في البدايه يرفضون
انزين اخذب لش شفاطه احسن
في البدايه شفطي واعطيه علشان يتعود ع اامرضعه ولما يتعود عليها اعطيه الصناعي
اني مريوم كلا كنت اشفط لها استخدمت شفاطه ايفنت اليدويه وايد ممتازة
واكي للحين عندي توني اقول بقول لزوجي يججيبها اول بجرب اعطيه واشوف لين قبل النرضعه بعطيه في اليوم رضعه اني بشفط له
علشان لين جيت اطلع ما اتوهق يكون عنده حليب

ثلوج يعني انتي ولدتين ٢٨
ترا مفهيه ولا ادري بشي
والله هالجهال مضيعين حواسي

ومريوم بعد اكي اشوف جسمها صاخن شكلها بتصخن ليي
لانه بنات اختي امس وحدة مريضه واليوم الثانيه وهي طول امس تلعب وياهم فاكيد بتنعدي منهم
والله يستر لا ينعدي علاوي غربال

يالله شعب اخيرا العفاريت نامو بانام قبل لا يقعد

سي يووو

هلا يادنيا مشكوره على السؤال انا الحمدلله زينه هلا يبنات شخباركم مع السهر انا من كثر السهر كل الي يشوفني يقولي شكلك مرهقه والتعب باين في وجهي الحمدلله على كل شيء يكبرون ونرتاح من التعب

سم ون أنا ولدت يوم العيد ٣٠/٨ واليوم ٢٧ بس ولدت في الليل الساعه ٩:٢٣


أني علاوي في المستشفى يعطونه كان صناعي رضعه في اليوم

بس يمكن داك قريب لحليب الام ازيد

واني مو متقبله الصناعي ازيد من علاوي وعن الشفط كنت افكر بالشفط بس لازم تخلينه بمكان دافي ولين رجعت ولو ضل عند عمتي ورحت الجامعه حتى لو قلت لا تخلين في الثلاجة بتسوي روحها ما سمعتني وتخليها هدا إحساسي
وعلما توني ادري ان لازم حتى الصناعي بس ساعه الرضعه يعني اسويها وخلال ساعه يشربها

صباح الخيررررررررررر يابنات شخباركم؟!!

وحشتووني اوي اوي

مشكورررررررررررررررررررين عالسؤال كلكم وماتقصرووووووووووون بس شسوي كلش مافي وقت

طول النهار خولة نايمة واني كلش مايجيني نووم واكون مقابلة شغلي غسيل وكوي وتنظيف عشان لايتراكم الشغل بعدين اووووووووووف تعب تعب

ومن اخلص اقابل الاخبار نشوف اخر التطورات.. وخلاص من تجي الليل مافي جاننننننننننننس اقابل النت زين مني اسوي العشا سرريع واحاول انيمها من وقت بس تعاااااااااااااااااند ماتبغي تنام فالليل واني ذيك الحز خلاااااااااااااااااااااااص التعب وااااااااصل حده.. بس اللحين قررت وقت اللي تكون نايمة بنام بريح روحي ووقت اللي تكون قاعده بقعد وياها

ثلوج اي الحليب الصناعي من تسوينه حسبي الوقت إذا طافت ساعه كامله عليه خلاص مايصلح تعطينه البيبي

وخصوصا في هالجو الحاااااااااااااااااااااااااار

وعلاوي اكيد مابيتقبل فالبداية بس شوي شوي وبيتعلم وبيتقبل بسرررعه

يلااا بقوم انام اشوفكم على خيرررررررررررررررررررررررررررر حبايبي

صباح الخير

اليوم محكمة ولد حماتي ادعوا له الله يفرج عنه

اتصدقون يابنات اني الظاهر ولدي فيه فطريات لان صدري ذابحني كل حرقة والم بالحلمة وطالع عليها مثل النقطة البيضا

ولاء ما بغيتين تبينين تتعززين علينا اني الحافظ الله 3 واني ادش وانتين خولة كل حابستنش

سم ون اني بولدي جدي تميت اشوف افرازات صفرا لعقب الاربعين وما وقفت الا يوم نزلت الدورة علي

ثلوج انزين ليش ما تحطين الماي في ترمس عشان يظل دافي وتحطين الحليب في حافظات الاكل وتعلمين اللي بيود ولدش على شلون يسوون حليب احسن من تسوينه ويظل ولا تدرين ظل بره كم

هلا امهات شخباركم وشخبار بيبياتكم
اتصدقون عاد انا رضعت بنتي طبيعي بس شهر وبعد مب كل يوم اكثر شي اعطيها صناعي من اول يوم انولدت فيه عطيتها عشان كنت ابيها اتعود على الاثنين عشان ماتعود عالطبيعي واتوهق واي وقت ابي اطلع مااحاتيها وانا استخدم لها حليب اس 26 واحسها مب مرتاحه عليه يمكن اوديها عند دكتور اطفال عشان ايقولي شنو استخدم لها وبنتي ماشاءالله عليها صياحه وحنانه ساعات احس اني بصيح كله تبيني اللمها واهزها واذا وقفت ترجع اتصيح حتى لو هي في سابع نومه اتقوم اتصيح واذا ابي ارقد اهز سريرها مادري اشبسوي لين رجعت الدوام شكلي بروح مواصله والاسبوع الجاي ان شاءالله راح ادخل ولدي الحضانه عشان الخدامه تفضى حق بنتي وعشان اضمن ان ولدي مايضربها او يسوي لها شي ويعورها واحسن ابي ايخالط اليهال ويصير اجتماعي ويتعلم له شي هناك احسن من قعدة البيت الي مامنها فايده  

قطراويه احسن شي لليهال الروضه

الدنيا الله يفرجها عليه طمنينا عليه
أني مفكرة أخد الماي الجاهز الي يبيعونه لحليب الاطفال

ولازم باخد الي يقسم الحليب

وبيني وبينكم مابي اخليه عتد عمتي ولد حماتي كله عندها وشري فكل حين تلحقه بعدين تسهى عن علوي وهو لين يصيح يعوصر روحه

بس لين خليته عند حماتي وامها بهدرون ويحطمووون

واني مفكرة ما أداوم الا مدربه وعندي سيارة عشان أخد محاضراتي ورى بعض وارجع البيت يعني انيمه وامشي وارجع بسرعه حتى لو كل يوم مادتين

فكرت بالمسائي بس ادري أني خايبه وبتملل

ولاء عالاقل اذكري فيروز .. زوروني كل سنه مرة

هلووووووو بنات شلونكم
طبعا من ادش محد موجود خخخ اكشحكم كلكم

خل ارتب اموري وبدش كل يوم

بحرينيه أني كله موجودة ههههههه