البيت السعيد.. جعل الحزن عنه بعيد..بيتنا السابع عشر..لربات البيوت النشيطات.لشهر شوال

يسعد صباحكم

وحشتوووووني

طبعا يومياتي روتينيه جدا

بس البارح رحنا انا وخواتي وبنت خالتي مع اخواني فطرنا في الهليتون

وخليت يارا عند امي

وانبسطنا الحمدلله (بس كنت شايله هم يارا مرررررررره)

وان شاء الله الاسبوع الجاي برجع بيتي

عندي شغل كثيييير (بجيب من الشغالات اللي بالساعه)

عشان ارتب البيت قبل ما يجي زوجي بالسلامه



لما طلعت افطر برا ، اخوي قالي خلاص الحين يجوز تطلعين
ههههههههههههههههههههههههههههه
يحسب النفاس محرم عليها تطلع من البيت
قلتله عادي تطلع بس عشان الناس مايتكلمون
وبرضو ماتطلع كثير عشان ماتتعب

من زمان عن اليوميات
اخر رد لي كان يوم الثلاثاء
لمن سجلت في التحفيظ
المغرب تغدينا البليله
وخرجنا بالسياره يلعبون عيالى
ورجعنا 10 نومتهم ونمت

الاربعاء راحوا للمدارس وسحبتها
نومه الين 12ونص وقمت غيرت للصغار
ولقيت الكبير نايم وجات رهف ونامت
وزوجى في جده مايبغا غداء
روقت على قهوتى واغسل البطانيات
وعلى العصر رحنا نشترى بدل
رياضه لولدى خليت فروسي عند عمته
مالقيت بدل رياضه واخذت شراشف
لسررهم وقضيت خضار للبيت
وكم بلوزه للتحفيظ ورجعنا المغرب
جبنا لهم عشاء بيك
كنت مره مرهقه رصيت الخضار
ورتبت الصاله سولفت ماسن وعلى 11
كلنا نمنا

الخميس صحيت 12 وفطرتهم
جاء زوجى قال اطبخى لنا ولاهلى
عملت صينيه ايدام بلخضار
خرافيه مع رز ابيض بالزبده
وسخنت البليه اللى بالثلاجه
جات اخت زوجى الكبيره وتغدينا تحت
طلعت 4 واكتب خطابات
لزوجى الين المغرب
روشت فروسي وتروشت
وجات عروستنا وتقهوينا
جابت لامها ميكرويف اكبر حجم
مره اعجبنى واحنا جابت
لنا عده العنايه بالاظافر
وللاطفال العاب الرمل
جزاها الله خير
دقوا التحفيظ على جوالى
وكلمونى عن رسوم روضه
جوجو مع الزى والروضه
مافي الا العصر
كلمت زوجى قال طيب
يصير فارس ورهف واخوهم
يجلسون عند جدهم وابوهم وعمتهم
ومن 4-6 قليل الوقت
ونتغدى على 3 ونص ان شاء الله
عشان الحق اروح للتحفيظ
قلت لها خلاص حولينا عصر
قالت لمن يبدا الدوام
تتصل علينا وتعشينا 10
وطلعت بيتى كويت ثوب لزوجى
غيرت لفروسي
ونومتهم على 11 ونص
ونمت قمت الفجر صليت
ورجعت نمت

الجمعه
قمت 11 وفطرتهم
وحاطه الغسيل الابيض
وجالسه اعمل قهوه
بنروح للبر مع اهل العرسان
لانهم خوالى وذابحين بالبر
الجو جنان بارد شوى
والمشكله الشتوى بالمخزن
افكر اخذ بلايز اكمام
طويله للاحتياط
وجبت كوب قهوه كبير
مع قطعتين مافن لذيذه مره
بتصفح الين 12 وشوى
واقوم البسهم واجهز نفسي
ان شاء الله

..

مرااااااااااحب
بعد ردي الاثنين

نمت الظهربعد ماصليت وغيرت للعيال
وقمت العصر سويت قهوتي وافطرت على تمر وقشطه وبيتزاء وشاورما من براوكان الصغير مررة تعبااان غيرتله ورضعته ووداه ابوة للاسعاف كنت بروح بس عيا زوجي عشان نوم العيال
طلعوا 8وربع وانا قلبي مع وليدي
تابعت التلفزيون بعدين قمت عالمطبخ غسلت المواعين وطلعت الزباله ورتبت الصاله وكنستها ورتبت غرفتي وعشيت العيال اندومي ومسحت غرفتي حاسها ولدي اعودة على الحمام ولايعلم الا لاسيحها الله يصلحه كملت ترتيبات البيت وبخرت ونومتهم وجهزت بدلة ولدي ..وسخنت لي مكرونه ورحت اتعشى عند التلفزيون ورجعوا 12كانت حرارته 40ياعمري ومعه ربو والتهاب بالشعب وزياده معه حرقان مكان الحفاظه من كم اسبوع ولافكرت اوديه لاني مافي كريم ماجبته من الصيدليه ولانفع اخر كريم خلى الجروح عميقه وحبوب منتفخه صارولدي مايقدر ينسدح على ظهرة او يجلس المهم الاسعاف عطوة كريمات ومراهم خاصه للمنطقه والحمدلله تشافى يارب لك الحمد وطقوة ابر للاكسجين ياقلبي والحمدلله ولدي الحين طيب وبخير
المهم عقب مارجعوا غيرت لبسه ورضعته وعطيه علاجه ونومته وشطفت جسمي وتدهنت ونمت
..
الثلاثاء 4
قمت 4تسحرت على لبن وتمر ومويه وقصرت على قهوة بعلي وصحيته صلى وخذا القهوة وراح الله يعجل بنقله كان فيه خير ياااااااااارب
انا صليت وكويت بدله الشيخ يوسف وصحيته ولبسته وراجعت معه ايه الكرسي كانت عليه
خلصنا ولبست عباتي شيكت عليه لين دخل بيت الجيران ورجعت تصفحت نت لين 9
وقاموا الشيوخ غيرتلهم وفطرتهم وتابعت التلفزيون وعلى10 قلت برقى اغسل ملابس
شلت الصغيرورقيت انا وكيوم واسولف معه يوم قربنا من باااب السطح الا اللي
يرمي حديد ومفكات طبعا قبل افتح الباب ورحمه من ربي انه مسكر السيخ يالله يااااااااااابنات من الخووف اخذت طفايه الحريق وصرت اضرب فيها بالدرابزين يقالي بخلي هالحرامي يهج ويخاف المهم
مثل البرق مدري شلون نزلت انا وعيالي وقفلت البيبان ودخلت غرفتي وقفلت ودقيت على زوجي اصييييح
المشكل ان شغله يبعد ساعتين ..قال لاتوسوسين يمكن هواء ويمكن ويمكن قلت لابدق عالشرطه بس المشكله و\شلون بفتح لهم ملزمه مافيها كلام قال لا اصبري ودق هو على اخوي وانا اكلم اخوي مدري وش قلت قال هذاي جيت
لبست عبايتي وفريت هاااااااااااربه انا وعيالي للحوش فتحت لاخوي والا معه مفك كبيرخخخخخخخخخ ورقيت انا وياه للسطح فتشنا مالقينا شي والصوت اللي سمعته كان فووق القبه قريب من باب السطح كني تطمنت لان اخوي يقول فيه هواء قوي يمكن منه والله مدري عاد للحين هو اللي سمعت من الهواء مع اني ماتوقع عاد احاول اكذب سمعي و الصوت كان لما تكلمت مع ولدي فجاه الا اللي سمع اصواتنا رمى الحديد واختفى يارب انه هواء المهم قفلنا مضبوط
ونزلنا عطيت اخوي عصير وقال بروح مشغوول امشي معي للبيت قلت لاصايمه وفيني نوم وكان زوجي بالطريق
طلع اخوي ورجع زوجي ومعاه ولدي صليت ونمنا وقمت 5 لبست العيال وجهزت شنطتهم واكلتهم ورحت افطر مع اهلي صايمين افطرنا شوربه من يدين الغاليه الله يخليها لنا ومطبق من برا والعشاء اختي سوت مضغوط وانا سويت سلطه ودقووس حار تعشينا ورجعنا طلعت الزبايل وضفيت الحوسه اللي قدامي وغيرت للعيال ونمنا
الاربعاء..
قمت 4تسحرت موز ولبن والله من الثقاله تعبت معدتي من الموز قصرت على قهوة بعلولي وصليت وطلع
تصفحت النت ولقيت كيوم حرارته مرتفعه عطيته خافض وتحميله وصحيت الكبير وحميت له مويه وروشته وكويت لبسه وهو يصايح مايبي المدرسه يقول اصلا انا اكرهه
كللللله عشانه مانام الا متاخر ضريبه اللي يطلع بديت انكت على هالفجر واسوي نفسي اقلد الرياضه حقتهم بالمدرسه بعدين اشوى انفل قال لاغلللط كذا الهم تحايلت عليه ولبسته ورتبنا الكتب وعطيته فلوسه ومناديل مسفطه وعطرته ونزلته رجعت قلت اليوم بناااام مافي نت ولاتي في بس فتحت اللاب شووي خخخخ وسولفت مسن وحطيت راسي طبعا تقللللللللللللللللللللللللللللب لين 12 تخيلوا وانا بس اقراء اذكاري ولاقدرت وضايق صدري فاتني تاجيل الجامعه وتلخبطت اموري بس هونت علي صديقتي الله يجزاها الجنه تعرف نفسها.. صليت وجاء زوجي وولدي ودخلت انام مانمت الا2 جاني ارق وقلق وقمت 5 غيرت للعيال ورضعت الصغير وخليته يلعب بسريره كنت بروح اسجل بالدار قريبه من بيتي بس تاخرت والدار اللي فيها صديقاتي بعيييده عن بيتي ولازم نقل خاص وافكر بالصغيرما فيه حضانه الاالصباح يارب تيسرلي وعلى 6رجعت انام وخليت ولدي يجيب لي تمرة وحطيتها جنبي قمت على الاذان قممممة اللخبطه صليت واكلت التمرة ونووووم لين نص المغرب قمت افطرت وطلعت الزبايل ولبسنا وطلعنا اهلي باستراحتهم وسهرنا لحد6وناموا العيال بالاستراحه ورجعنا 6ونص حطيت العيال بفرشهم وغيرت للصغير ورضعته ناموا كلهم الا الصغير مانام الا8ونص وسلامتكمممممممممممم
بعد هالرد نمت10قمت الظهر فطرت العيال وصليت ورجعت نمت وقمت العصر رضعت الصغير وعطيته علاجه
وارسلت لزووجي رساله اغراض الشوي عازمين اهلي بالاستراحه
قمت المغرب افطرت وقطعت الدجاج انصاف وطحنت الكزبرةوتبلته بخلطه زوجك ياجوجو
بس صارت ثقييييله مررررة زدت عليها بياله زيت زيتون وبياله خل
وحطيته بعلبه وسويت سلطه الجزر والملفوف والباقي من الجزروالملفوف المبشور حطيتها بعلبه للسلطه العاديه
وسويت متبل وحطيته بعلبه ووحطيت مخلل مشكل وقهوة واغراض الشوي وكل العده بكرتون
وطلعت الزباله تكرمون وربصت شويه مواعين وروشت ولدي ولبسته ونزلت من المجفف ملابس ولبست الكبيروالصغيرودخلت اتروووش لبست لميت شعري بشباصه وتمكيجت وطلعنا بعد العشاء
اهلي نايمين هناك شوينا وقليت بطاطس وقطعت السلطه وسهرنا لين 3 ورجعنا نومت العيال لانهم نايمين هناك وحطيت ملابس بالغساله ورتبت المطبخ وغسلت الحمام وكنت بنوي الصيام بس عيا زوجي الله يهديه يقول هذا سنه وانتي اهملتي بيتك وعيالك مع اني ماقصرت معهم بشي وخاصه انه اجتماع اهله اليوم يبيني اتجهز بدري ..الله يعين
بعد الصلاه حطيت الملابس بالمجفف ورتبت الصاله وعطيت الصغير علاجه وغيرتله وشطفت جسمي وتدهنت ونمت بعد الفجر وقمت7ونص العمال يدقون قومت زوجي ونزل لهم وقام الصغير رضعته وغيرتله وابطى مانام المهم علطول نام نمت وقمت12الاربع على صوت الجرس العمال برضوا لقيت ولدي الكبير قايم و زوجي نايم بالمجلس صحيته ولبس وطلع للصلاه دخلت قلت بنام لبعد الصلاه بس هونت وقمت تروشت وصليت وطلع زوجي والعيال يجيبون غداء كنت بسوي بس اشوى الدجاج مخلص خخخخخ
وان شاءالله بكرا بحاول بزوجي اكمل باقي صيامي باقي 4ايام لانه خلاص الشهر مابقى شي ويخلص

بعد الغداء بسشور شعراتي والفها واكووي لبس العيال والتغيييرات واجهز الشنطه
واشوف وش اسوي حلى اوبيتزاء مع القهوة والشاي
حمولتي اليوم شوي بالاستراحه
اشووووووفكم على خير
ودي ارد على ردودكم بس وقت اخرمشغوووله حدي

سلام ازيكووو؟
دفا وجوجو اذا فتحتو مقطع اليوتيوب عشان تتفرجين عليه بتلقين علامه فوق على اليسار مكتوب ((تم))
اضغطيها وبيوديك لصفحه فيها صوره المقطع وتحتها ايقونتين اضغطي على ايقونه مشاركه بيوديك لصفحه فيها رابط المقطع
انسخيها وبس هذي الطريقه بكل بساااطه
ابشركم جرح ورا جرح جابت ولد سمته عبدالله وهي ووليدها بخير وعافيه يالله لك الحمد
سلالالالالالالالالالالالالالالالامي للجميع كل وحده تاخذ لام
سي يو

[BACKGROUND="100 http://www.3roos.com/files/ups/2011/257494/01316788469.jpg"]هلابكم
الله لايحرمنا من مليكنا

الله لايغير علينا ويحمينا

ماعندي شي يذكر وناطف قلبي علشان اطلع وزوجي مشغول

واسمع الاصوات تفحيط وصيااح :L:ناس مبسوطه

ودي اكون في الرياض مع اهلي يحتفلون وانا هنااا:(

كل وحده طلعت تصور لنا صور

وتقول وش صار معهم
عندي مليون شي اسويه
وتعبااانه جاتني الزكمة
ومافيني طاقه اشتغل شي
ودي بشي دافي زنجبيل او حليب
مادري وش اكتب لكم
اشوفكم على خير قبل ماطول سالفه
لكم حبي
دانة بقلبه كانت هنا[/BACKGROUND]

بيطلع لك كأنك راح ترسلين لأيميل
بس انزلي تحت عند الكلام بتلقين تفقد هذا الفيديو على اليوتيوب:
ويحط لك رابطه تحت انتي انسخي الرابط والصقيه بالي تبين