البيت السعيد.. جعل الحزن عنه بعيد..بيتنا السابع عشر..لربات البيوت النشيطات.لشهر شوال

صباح الخير ،،،

طار النوم ، من عشر ونص قايمه ،

،،،،،،،،،،

الله يبارك فيكم جميع ، عقبال خواتكم ومن يغلى عليكم ،،،

،،،،،،،،،،،،،

بنات تتذكرون الممثل السعودي الاسمر سعد خضر ؟؟؟

اللي صلحوا مكياجنا والتسريحات بناته ،،،،شغلهم يجننن

خاصة المكياج ، يزينك ومايغير اشباهك ، والتسريحات مايحطون

جل ورغوه ، لا يصير الشعر على طبيعته ، بصراحه فنانات ،

خلود
مبروووك زواج أختك ومايبغالها كلام أكيد أنت أحلاهم
وأكبر دليل صورة بنوتاتك الله يحفظهم

أرووومـــا
مبروك ملكتك الله يتمم لك وكمان أنا تغيرة
لما دخلت هالتجمع من كل النواحي
وروحي وينها أشتقنالها
أتوقع رجعت بيتها وأنشغلت عننا سلمي عليها
وكلميها تطل علينا

دندونه
من جدك أنت تتركينا عشان سؤ تفاهم بينك وبين وحده
من خواتك ياله ياعسل أرجعي مانستغني عنك

مايمدحني
وينك ياشيخه مرررره مشتاقين لأخبارك

يومياتي
يوم السبت
كنت عند أهلي صحيت أناو أخواتي صلحنا الفطور
وأختي شوشو فرحانه بالمدرسه لبسناها وأفطرنا
وأخواتي طلعو كميرتهم وصورونا وأنا صورتها بجوالي
ولما رحنا للمدرسه رجعونا قالو مافي بكره تعالو
وأختي نفس بنت جوجو تناظر في البنات كأنها أول مره تشوف
بنات وكمان تكلم نفسها هههههه
رجعنا البيت وكانت زعلانه شوي ماما في الصباح قالت لها مافي
اليوم مدرسه الملك يقول اجازه للصغار
ولما رجعنا قالت لها ماما قلت لك وماصدقتيني قالت شوشو
يعني الملك مايبغانا ندرس ههههه

والساعه 11 مرني زوجي ومعاه فطور أفطرنا كويت الملابس الداخليه
لزوجي ورتبتها بالدولاب
نمت الساعه 2 ظهر صحيت العصر
رتبت الصاله وأخذت شور وسشورت شعري
الساعه 12 صلحت العشاء صينيه بطاطس مهروسه بالدجاج لزيزه راح أنزل رابطه
تعشينا ونمنا


اليوم
صحينا الساعه 3 وجلسنا مابين الاب ومخططات لبيتنا
وبعد صلاة الفجر أفطرنا ولميت السفره وجلسنا مابين الاب والتي في
والساعه 8 دخلت غرفة النوم وفكيت المكيف ونظفته بكلور وصابون أريال
ومطهر داك بالورد
وكمان خلطت مطهر داك ومويه وأخذت منشفتي ومسحت المكيف
والكومدينات والسرير وكنست الأرضيه بمكنسة اليد
ورتبت دولابي رف الشنط وفضيت بعض الشنط من الأغراض
ورتبت جزء من دولابي وبكره راح أكمل أن شاء الله
رجع زوجي من برى وجهزة القهوه وتمر وعنب وشوكولاتة العيد

http://69.167.128.45/showthread.php?t=3247324
هذا رابط الصينيه لزيزه جربوها بس أنا أضفت فلفل رومي مع الدجاج

بسومة الله يبارك بعمرك ياعسل

وروحي اتوقع انها مشغولة لانها هالاسبوع رح ترجع لبيتها ان شاء الله

يوصل ان شاء الله

وبسم الله ع اختك الله يحفظها

يبغالها وقت ع بال ما تتأقلم

اليوم احكي لماما عن جوجو لما راحت

قالت المفروض يبلغوهم بيوم التسجيل بهالشي

ياللا يا حلوات تمسووون ع خير

كوامن الليل;15544536:





وابشركم من أول شرالي زوجي مجفف ملابس لكن لسى ما فتحته
والمشكلة ما أدري فين أحطه الحمامات صغيرة مره
عندي مخزن فاضي يمكن أحطه فيه لكن بيكون بعيد عن الغسالة
وما فيه مروحة شفط بس شباك وإحتمال كبير أنه ما ينفتح

اللي عندهم مجففات وش شروط تركيبه وأفضل مكان ووضع له ؟؟؟؟؟؟

انتظركم حبوبات
نوروني بخبراتكم

السلام عليكم

بكتب معاكم يومياتي اذا ممكن

امس السبت .

صحيت الساعه 6 ونص اصحي زوجي على اساس يقوم يسجل ولدي في مدرسه جديده وارجع لولدي مارضي يقوم اصلن مانمنا الا 4 ..ورجعت نمت وطنشتهم الين 9 وصحاني ولدي يقول ليش مارحنا المدرسه ويبكي هههه ..ورحت كلمت دكتورتي في الجامعه ابغى انقل لجده والله يسهل لي ..وشكله الموضوع بيتعقد الله يعين..وعلى الساعه 1 سويت لنا ساندويشات بيض ولبن وجلست ع النت ابحث في مواقع الجامعه والتخصصات الييين 3 وراسي صدع ..طلع زوجي عنده شغل وقمت حطيت الغداء في الفرن ورتبت الغرف وغسلت المواعين وبخرت البيت
وحطيت الغداء على 5 ..و غسلت المواعين ورحنا المكتبه اخذنا اشياء المدرسه وانا مكتئبه وزوجي يقول خذيلك اغراض وانا مااالي نفس احس اني ضااايعه ..ودي يتسهل نقلي وافتك خصوصا انها اخر سنه..
ورجعت البيت مسكت الكيس ووزعت على عيالي الاغراض ورفعت الباقي واخذت لي شبس وكولا واكلت وريحت ع الكنب الين 11 وقمت سويت لعيالي عشاء ونومتهم بالقوه ..

اليوم
صحيت 6..وصحيت ولدي وزوجي كان صاحي وليسوا وراحو الله يسهل لهم والصدااااع مبهذلني لاقوه الا بالله ..ولما جات 12 جاء ولدي وكان مبسووط من المدرسه وسلموه الكتب والجدول..
وصحيت بنوتتي وسويت لها فطور وانسدخت ع الكنب راااسي كلمت زوجي يجيب بندول اكسترا

ادعولي ياينات ربي ييسر نقلي لجده وماتتعقد خلاص اخر سنه ابغى افتك يااارب..

كوامن ،،،

اهلي عندهم مجفف وحاطينه في المطبخ اللي في

الدور الثاني ، يبي له مكان وسيع شوي وفيه تهويه

وأتوقع الشباك يكفي ،

http://forum.hawaaworld.com/showthread.php?t=3280764

هههههههههه أنوثه تنفع لأطفالكبمزح لاتصدقي

خلود \

سامحيني نسيت أبارك لك بزواج أختك والله أنك ع البال
ألف مبروك والله يسعدها دنيا وآخره
ومشكورة على الإفادة إن شاء الله بس أنظف المخزن وأحطه فيه

دفا الثلج
الله يبارك في عمرك يا عسل والله انك صادقة تعب في تعب

خلود ألف ألف مبروووووووووووووووووك زواج اختك وعقبال ما نبارك لك ولادتها و زواج بنتك

روز انا معكم في الحمله
الحمد لله انتهيت من ترتيب الدولاب والتسريحه اممممممممممممم :)
وغرفة النوم
طبعا بااقي شنط بعدي ما جيت عليها
انجزت في المطبخ ولله الحمد ومجلس الرجال وغرفة الطعام والصاله
بسسسسسسسسسسسسسسسس مبهدلني شيء انا ارتب وابو الشباب يعفس
باقي لي دورات المياه والبوفيه وغرفة الغسيل وان شاء الله معكم في الخطه
ولا ننسى السطح خليه معنا لازم يصير البيت يلق لقققققققققققققققققققققققققققققققق
هههههههههههههههههههههههههههه

بنات اقترحوا علي منظفات للسراميك تحافظ على لمعته وتعطيه ريحه حلوه
غير ديتول وداك

غيمة وفا الله يسهلك النقل ع خير يارب

مساءكم ورد

اليوم نمت بعد الظهر وصحيت ع المغرب

جدتي ام بابا جات عندنا

ومرت عمو جاية بعد المغرب

قمت صليت المغرب وكويت ملابسي

ولبست واتمكيجت

وطلعت عند جدتب سلمت

ودخلت المطبخ غسلت مواعين الفطور

وماما جهزت كل شي الله يعكيها الصحة والعافية

جات مرت عمو واتقهوينا

وبعد العشا راحو

رجعت كملت غسل المواعين وماما تعمل العشا معاها اختي الصغيرة

صلينا العشا وحطينا العشا

وشوي بروح اغسل مواعين العشا

وارتب المطبخ وانام ان شاء الله

ودي للجميع

مساء الخير..

كوامن.. اهم شي للنشاف التهوية..

انا حاطتها بالمخزن وافتح الشباك اذا شغلتها..

هو يجي معها خرطوم يشبك خلفها المفروض هالخرطوم اطلعه مع الشباك.. بس شباكي بعيد عن الفيش..

خلووووووووود.. مبروووووووك الف مبروك..

الله يوفقها ويسخر لها ويسخرها..

اخبار جهازها عسا ما خرب يوم ترطب؟

جوجو..اوكيك..مسموح لك..

_____________________

يومياتي..

اليوم قمت سويت فطور وترمسين قهوة..

تقهوينا وافطرنا ورصيت المواعين بالغسالة..

لبسنا وطلعنا.. انا وام فلان نزلنا السوق والبزران راحو مع ابائهم..

تسوقنا ساعتين وخلصنا اللي تحتاجه لأنها راجعه للسعودية.. الله يستر عليهم..

رجعنا البيت هم مشو الله يستر عليهم..

وانا طلعت دجاجتي بطبخ غدانا.. وقال زوجي اجليه شوي..

حطيت مراييل بناتي بالغسالة ومنها عالنشاف..

ظفيت الفرش وروشت الثلاثي المرح و استشورتهن ولبستهن..

و تعشينا برا ورجعنا لبستهم بجاماتهن ونامن..

انا حليت الواجب حل اي كلام..

وقطو..

سلام عليكم
الف الف مبروك يالغلااا خلود الله يوفقها انشالله ويسعدها ويسنع امرها الا خلود حبيت اسالك ممكن ترسلين لي ارقام بنات خضر الي سوو لكم بالزواج ودي نجربهم حمستيني مرررره لان عندنا زواج قريب وهل اسعارهم حلوه؟
،،،،
اليوم مسكت التسريحه وطلعت كيس بلديه يانا رميت اشبا ماتجي علي البال ومالها داعي خلاص قبل اشتري الي ابي والي ماابي بطلت هالعاده ولله الحمد ،
ومسمت دوره المياه حقتي وفركتها فررررررك بمنظف 101 وطلعت تهبببببل تللللق لق ،
وباقي لي الدواليب بس استنا ولدي ينام وقباها بشطب المطبخ وامسح البيت
لان بكره بتجيني جارتي القديمه كانكم تذكرونها ،،
وبنفطر سوا انشالله ومن حسن حظي زوجي بيتغدا برا بسوي صينيه توست بالدجاج و كبه وسمبوسه ولقيمات او كنافه وعصير وتوت وتانج وبسس عاد اذا قدرت صلحت شي ثاني
اشوفكم علي خير جميعا لكم ودي .

هلابكم
عجزت اتجااهل التجمع
حاولات بس والله ماقدرت الفضول وحبكم
سكن قلبي
اه ياقلبي والله لو بقعد اكتب لكم
ببكي
من جد لكم وحشه ولكم شوق
من بعدكم فاقده شي بحياتي
ماتعودت اشتغل واسوي شي بيتي بدون
ماكتبه احس هناا اطلع كل شي
الله لايحرمنا من بعض
وعذروني اذا تضايق احد مني
خصوص
لمسة امي وجداويه ولمعه
لكم محبه بقلبي:)


دانة بقلبه كانت هنا