شات حوامل مصر لشهر شوااال .. كل عام وانتن بخير

منى الف حمدالله على سلامتك وعلى سلامة الياسين طمنينا عليكى عامله ايه وعامله ايه فى الامومه والبيبى طلع شبه مييين

انا نفسى اووى اولد عشان اشوف البيبى حلو ولالا هههههههههههههههبس ان شاء الله حلو

وزة عامله ايه يا جمييل

انتوا لية مش بتحطوا الليستة زى الاول

>>>>>>>>>>>>>>>>>>>>>>>>>>>>>>>>>>

عشان الليسته الى بتعملها ايمى الدلوعه وانشغلت فى بنوتتها ربنا يخلهلها
المفروض حد يستلمها دلوقتى باه منها

انا هشوفها وهاحوطها دلوقتى

ليسته الحوامل العسولات ربنا يقومنا بالسلامه يارب



عروس جديد 31 - 9 - 2011

نورالقمر 15 - 10 - 2011 بنوتة ان شاء الله

فراشه فى بيتها 18 - 10 - 2011

لايف دروب 3 - 11- 2011 بنوتة ان شاء الله

ايموووو 6 - 11 - 2011 بنوتة ان شاء الله

هند 12 - 11 - 2011 بنوتة ان شاء الله

د/امونة 17 - 11 - 2011 ولد ان شاء الله

دندو عادل 1 - 12 - 2011

ديووو 4 - 12 -2011 ولد ان شاء الله

بيبى بيبى 22 - 12 - 2011

فلة 25 - 12 - 2011 ولد ان شاء الله

ساسو 1 - 1 - 2012 بنوته ان شاء الله

ميس كات 4 - 1 - 2012 بنوته ان شاء الله

ماجده 16 - 1 - 2012

لولى 19 - 1 - 2012

بسمة الاسلام 11 - 2 - 2012


اللي ولدو وقامو بالسلامه


بوسي (( ملك ))
ميتسي (( تولين ))
ميرو
مانافولا (( مروان ))
ايمي ام نور (( ادم ))
سمسم
نور (( إياد ))

ام معاذ (( اياد ))
مرمورا
بسكوتة
امة الرحمن (( احمد ))
ميرو ميدو (( رودى))
ريد فلاور ((ملك))
زهره ((جاسمن))
سمسمه((احمد))
مسك ((أروى))
يويو((رودينا))
كريز (( أيثار))
تشوكليت((يوسف))
سوسوميدو((اياد))
ام صوفيا(( تيا))
سارة (( يوسف ))
قطقوطة(( يارا ))
فزلوكة
ضياء الجنة (( منة الله ))
اشرى (( زهرة ))
كيتى ((كارمن))
قلب طفلة ((سلمى))
نور التقوى (( بيسان))
ام عمر ((ليان))
فلاورز (( هنا ))
نانو (( اسيل ))
ميراميرو
دلوعة الغالى (( هنا ))
بوبا (( لمار ))
منى (( الياسين ))
ديزلى ((سارة ))

؟!!!!!!!!!!

?!!!!!!!!!!!!

انتو فين

ياااااااااارب

fulla2010;15521674:
ديو ازززيك يا جميل عامله ايه

انا شوفتك كنتى قولتى انك عملتى 3 دى تبع دكتور فى المهندسين

هى الدكتورة بتاعتى قالتلى على كام دكتور فى عباس العقاد بس عايزة اعرف حاجه هى ليه الاتمان بتختلف يعنى انتى قولتى عملتى 3 دى 150 انا الى قايلالى عليهم الدكتورة ما بين 250 او 300 بتختلف فى ايه الاتمان دى

الحمد لله حبيبتى انتى عامله ايه ؟
انا عملت الثرى دي مرتين مره عند دطتتور ف روكسي اسمه فريد نجم ب 250 ومره عند طكتور محمد والى ف المهندسين برج الصفا الطبى ب 150 معرفش ايه الفرق ف السعر مع العلم ان محمد والى عيادته انضف بكتيييييييير واجهزته حديثه جدا وهو اصلا دكتور نسا وولاده وعقم لكن فريد نجم ده بتاع سونار و ثرى دى فقط
ومره عملت سونار عادى ف الفا سكان ب 150 جنيه وكان دكتور رخم جدااا و مشوفتش اى حاجه وكل وا سألوا على حاجه يتريأ علياااا
لو هتروحى برشحلك محمد والى دكتور ممتاااااز جدااااااااااااااااااااااااااااااااااااااا:thumbs_up:

miramiro;15522226:
السلام عليكم
ازيكم يابنات وحشتونى
باترىى فكرينى ولا نسيتونى؟؟؟؟؟؟؟؟؟؟؟


ما شاء الله داخله على خبر جميل
كتكوته حبيبتى ما شاء الله
الف مبرووووووووووووووووووووووووووووووووووووووووك ربنا يكملك على خي ياااااااااارب

انا مش عارفه انتى حامل فى اد ايه دلوقتى بس فرحتلك اوووى
قوليلى بقى ايه احساس الحمل لتانى مره ياترى زى الفرحه الاولى ولا لا ؟
وجوجو حاسه بحملك ولا لسه؟

ازيك يا جميله طبعا فكراكى دايما على بالى والله عامله ايه انتى والبنات

CuTie KaTkOoTa;15522411:
غدييييييير ايه رأيك بقي في المفاجات دي بس انتي سبقتيني يا وحشة كنتي اصبري شوية، مرة انا قبلك ومرة انتي قبلي يلا زي بعضه هههههههههه


اناعملته في مصر للأشعة ب 250 باين بردو والاغلبية بالاسعار دي لكن الاقل دول قليلين اوي والمفروض ان مفيش فرق ولا حاجة هي تقريبا اختلاف حداثة الاجهزة او المكان عادي زي كشوفات الدكاترة بالظبط


ميراااااااااااااااااااااااااااااا حبيبتي كان نفسي اعرف اخبارك واطمن عليكي انتي عاملة ايه دلوقتي والبنات عاملين ايه وسميتهم ايه وبقوا اد ايه دلوقتي وايه الاخبار في المتابعة معاهم مع حياتك وكده


الله يبارك فيكي يا جميلة انا لسه في الاول في تاني شهر اهو الحمدلله بس لسه مروحتش للدكتورة احتمال النهاردة ان شاء الله كنت مستنية اجازة العيد تخلص بس، وفرحت جدا طبعا وانا كان نفسي كمان اوي من فترة بس ربنا يستر بقي من اللي جاي ههههههههه وجوجو عارفة من قبلي اصلا وانا مكونتش عارفة هي مالها بتتصرف كده ليه بس لما حللت بقي قلت عشان كده

خبر:thumbs_up:
انتى عارفه ان مشمش ام محمد لو فاكراها حامل برضه ما شاء الله :biggrin:
بس الوره دى انا سبقتك كش بمزاااجى والله انا لو عليا استناااااااكى حبيبتى
كل اللى يقوللى يلاا اولدى بقى اقولهم ليه بس كده هو مينفعش افضل حامل 11 12 شهر مثلا ولا حاجه هههههههههههههههه مهما ان كان تعب الحمل بصراحه مش زى ميبقوا اتنين انا بشوف كل الناس اللى معاهم اتنين بنهار عصبيااااا :mad:

.. Hopes;15522569:
يابنات
انا الصداع النصفي هيموتني بقاله يومين مش بيروح مش عارفه اعمل ايييييييه
وضغطي واطي وجيوبي الانفيه بايظة والدكتورة مش رضيت تكتبلي حاجه غير الاعشاب وانا هموت من الصداع مش قادره اعمل حاجه ولا قادرة انام :(

انا طو الحمل عندى صداع نصفى مبيروحش الا بحل واحد فقط مج نسكافيه فيه معلقة نسكافيه مليانه وكله لبن وف رمضان كنت بشرب 3 4 ولا حاجه ولما يشد اوى باخد بانادول الازرق

انا ان شاء الله رايحه للدكتور النهارده اول زياره

ادعولى يكون كل شئ تمام لانى حاسه باعراض غريبه ملهاش علاقه بحملى الاول حاسه انى حااااااااااااااامل لاول مره

بما ان كل البنات هنا في الشات تعبانه ومصدعه و ضغطها واطي و و و و فانا كمان داخله اشتكي بصراحه هههههههه لا بجد عندي دور برد بشششششششششششع بقاله اسبوع يابنات مشراضي يروح ولاحتى يخف سبحان الله ,,,صبرت عليه الاول وبعدين روحت للدكتور اداني دوا للكحه و اوتريفين سبراي و دواء لعلاج اعراض البرد اسمه فلودريكس بس انالسه في الضياع وكالما اشرب ليمون سخن يجيلي حموضه جامده وكحه ناشفه اوي بتخليني ارجع من شدتها ...دعواتكم بقى ...

غدير انا شوفت تجهيزاتك في صوفيا وبجد بسم الله ماشاء الله جميله جدا وعملتلها كوبي & بست ههههههههه اصل انا كمان حامل في بنت ان شاء الله

معلش عندي سؤال رخم للبنات اللي ولدوا قبل كده ... ممكن يوصفولنا كل احاسيسهم بعد مايولدوا ؟؟؟ من اول ماتفوقي من الولاده ,,يعني احساسك جسديا وعاطفيا كمان وبالتفاصيل الدقيقه ههههههه

ازيكم يابنات مبروك ياايمي كتكوته يارب يكملك حملك على خير

ازيك يازكزوكه... عامله ايه ياقمر

فراشه الف سلامه ياحبيبتي ان شاء الله يكون خير وكل شيء تمام

سموره حبيبتي الف الف سلامه عليكي ياقمر معلش برد الصيف ده اصلا بيبقى سخيف اوي

بس متحاوليش تاخدي ادويه او كده واستحملي ع قد ماتقدري وربنا يشفيكي يارررررررررررررب

نطمن بقى البنات انا الحمدلله عملت اشعه ايكو النهرده الصبح وطلع القلب سليم هو بس نبضات قلبي سريعه الدكتوره قالتلي عادي عشان الحمل ودوا انقباضات الرحم ال انا باخده انا كنت رايحه قلقانه جداااااا والموبايل مبطلش رن الشعب كله كان عاوز يطمن بس الحمدلله والشكر لله طلع مفيش حاجه بفضل الله وبفضل دعواتكم ال منحرمش منها ابدا يارررررررررررررب

ايمو انا داخله عشان اطمئن عليكى

الحمدلله بجد فرحتنى ربنا يكملك بخير يارب ويفرحك بننوتك وتشوفيها فى حضنك حبيبتى


ازيكم يابنات