شات حوامل مصر لشهر شوااال .. كل عام وانتن بخير

y.choclate;15581249:
سمر ما شاء الله بقيتي فالتاسع ربنا يقومك بالسلامه يارب ويرزقك ساعه سهله يارب

تسلمي ياحبيبتي بس انا عايزاكي تدعيلي جامد للاني تعبانه اوي من امبارح

ياجماعه بجد ادعو قولو يارب اعملي الي فيه الخير
انا كان نفسي اولد طبيعي ودعيت كتير بكده
وبجد بجد اتبهدلت في الولاده وداخله اهو علي شهر ولسه تعبانه من الولاده
ادعو قولو يارب اعملي الي فيه الخير والصالح كدا احسن


وربنا يقومكم بالسلامه يارب

مش فاهمة يا منى يعني انتي ولدتي خلاص و لا لسه .. ربنا يقدرلك الخير آمين

اززيكم يا بنات وحشتووووووووووونى اووووووووى

الحمدالله انا بقيت كويسه والخنقه رااحت والحمدالله الامور رجعت زى ما كانت الحمدالله

المووووهم

انا رووحت للدكتورة امبارح

وكشفت السوناار لقيت الراس تحت وقالتلى ريحى خاااااااااالص ولا تعملى مجهوووووود

لان الشهر السابع اخطر شهر وقالتلى انتى فاضلك ايام وتدخلى السابع وهتحسى بمغص جااااامد فى اول الساابع قولتلها لييه قالتلى عشان الراس تحت وياعينى الدكتورة كانت خايفه عليا اووووووووووى واعدت تنبهنى ما تتحركيش كتير ولا تعملى مجهوود عشان الشهر السابع شهر مؤرف وكتبتلى على جينبرال ولاونى مش موافقه عليه لانى سمعت انه بيولد قيصرى وقولت للدكتورة كده بس قالتلى هتخديه حبه كده موقتا عشان الراس تطلع شوويه وبعد كده مش هاتاخديه وان شاء الله خيير باذن الله

بس وحشتوووووووووونى كلكم بجد

سمر ربنا يعملك الى فيه الخير ياااارب على راى منى

منى واحشاانى عامله ايه ونونو عامل ايه

انا هنا يا وزة انتى عامله ايه واحشااانى

فى الشهر الكام دلوقتى

انا كان نفسي جدا اولد طبيعى بشكل هستيرى يعنى لدرجة كان كل ما يقرب الميعاد و الدكتور يقولى احتمال قيصرى كنت ارجع من عنده نفسيتى منهاااااااره و افضل اعيط عياط
و كنت بمشى كتير جدا من اول التاسع و بعمل تمارين بس مشكلتى انى مكنتش عارفه اعمل كشف النسا ههههههههههههههههه
ده الى جانب ان مافيش اى علامه من علامات الولاده ظهرت عليا لانى كنت باخد مثبت من الشهر الخامس و وقفته فى التاسع
المثبت ده بيقلل انقباضات الرحم فمجاش طلق نهائى
ولما عملت الكشف وما كانش فيه علامات الدكتور قالى يا طلق صناعى يا قيصرى ففضلت القيصرى بصراحه
وفى الاخر بعد الولاده
بجد انا حاسه ان كله محصل بعضه ومش فارقه كتير اهم حاجه صحة البيبى و اهم حاجه ان الواحد يدعى ان ربنا يرزقه سرعة التعافى بعد الولاده سواء طبيعى او قيصرى
انا ولدت قيصرى وكنت من يومها بمشى وبتحرك اه كان فيه الم بس محتمل
و من تانى يوم خرجت كنت بتمشى فى الشارع يوميا بالنص ساعه لمدة اسبوع عشان الدكتور قالى لازم اتحرك و امشى كتير
انا اخدت بنج نصفى فى الولاده
و الدكتور لما فتح بطنى قالى ما كانش ينفعك طبيعى خاااالص لان الدنيا ضيقه عندى و هى كانت مزنوقه على الاخر
والله يا بنات الاهم من كل ده ان ربنا يعنا على تربية ولادنا كويس و يبقوا صالحين
طبيعى و لا قيصرى مش فارقه كتير

دينا فعلا السابع مهم اوى انك تاخدى بالك من نفسك فيه وما تتحركيش كتير ربنا يكملك على خير و يقومك بالسلامه يارب

ربنا يكملك على خير يا وزه و يرزقك ساعه سهله يارب

ياااااااااااااارب احصلك ياسالي :D
انا بديت ازهق وأمل اوووي وانا لسه في التالت
يارب ياااارب تعدي الايام علي خير

وزة وفلة

ازيكو ياشباب

قولولي بقا
عندي مغص علي خفيف يعني بيروح وييجي وضهري واجعني جداا وانا قلقانه بقا اووووي
تفتكرو عادي ولا ليا حق اقلق :(

ربنا يكرمك يا وزه يارب و تشوفى النونو و تفرحى بيه يارب
تجهيزات النونو بالنسبالى كانت صيفى
بس عامة من كل حاجه جبت 4 او 6 حاجات
بس اهم حاجه ان الحاجه تبقى من زيرو لتلات شهور
يعنى جبت شايات بنص كم و شايات بكم
و سالوبيتات الى هى بكباسين من قدام دى و من تحت
و فانيلات كت و فانيلات نص كم
انا كنت جبت اندرات وبصراحه لغاية دلوقتى ما استخدمتهاش
بصى انتى قسمى حاجة البيبى
لبس داخلى
اللى هو الفانيلان الكت و النص كم و الكم و الشايات النص كم و الكم

و لبس بيت ده سالوبيتات زى ما قولتلك اللى هى بكباسين من قدام هتلاقيها عامله زى فكرة الشايات كده

و لبس خروج بئه بس ما تكتريش فيه
و العدد كله فى الاول و الاخر على حسب الامكانيات

ربنا يكملك على خير يا هبه يارب معلش هما فعلا اول تلات شهور مملين جداااااا و بتحسي ان اليوم كأنه سنه بس بعد كده هتنطلقى ان شاء الله القرفه دى هتروح خالص بس برده كله بحذر

عادى يا هبه بس ريحى بس واتصلى برضو بالدكتورة قوليلها

ساالى اززيك عامله ايه