شات حوامل مصر لشهر شوااال .. كل عام وانتن بخير

صحيح سألت الدكتورة على كريم للسترتش مارك

قالت لي استخدم زيت لوز على زيت زيتون احسن من الكريمات

Desly;15558077:
وانتى اكتررررررررر والله يا ايمى:adore:
ما تقوليش مقصره دى خااااااالص طبعا طبعا عذراكى انا مش بلاقى وقت استحمى :lol:
الف سلامه على هنا العسل مالها يا ايمى انا كمان بنتى من ساعة ما تولدت وعلى طول عند الدكتور دلوقتى بقت فسحتنا اننا نروح للدكتور
و ساره كويسه الحمد لله بس عيوووطه خالص وصوتها عالى فى العياط:rolleyes:

الله يكون فى عونك ياسارة انا قاعدة عند ماما وبخلى هنا معاها لما بدخل استحما وبردوا لازم اسمع صوتها بتعيط واخرج بسرعه:lol::lol:

الله يسلمك حبيبتى كان عندها انتفاخات وحساسية فى الانف بسبب برفان جونسون

سارة بتعيط كتير ياخلاصى انا لما هنا تعيط كتير بديها ماء غريب بيريحها شوية جربيه مع سارة يمكن تبطل شوية :)

ربنا يخليهالك ويباركلك فيها يارب حبيبتى

سمر مبروك ياقمر على السرير عقبال لما النونة تنام فيه ياااااااارب وبلاش تفرشيه دلوقتى عشان مش يترب
ومبروك دخول التاسع ربنا يقومك بالسلامة يااااااااااااااارب

انا برضو غالبا بروح السبت ياميسو :D

.. Hopes;15559337:
انا فعلا ياسمر اكتر حاجه باكلها ومبتقرفنيش السندوتشات الجبنه والطماطم والخيار
اي حاجه تاني رز ولا مكرونة ولا شاورمة ولا سمك ولا فراخ ولا اي حاجه بعملها ومش بقدر اكلها بتقلبلي معدتي خااالص
واللبن لما بشربه الصبح بيخليني علي اخري برضو بس بقية اليوم بشرب لبن عاادي
البيض مش طايقاه ولا طايقه سيرته رغم انه مهم جدا والدكتورة موصياني كل يوم اقل حاجه بيضايه وكوباية لبن وكوباية زبادي وانا بقالي مش اقل من اسبوعين مكلتش بيض ومش طايقه اكله
والعصاير اهو بشرب بس ساعات بتقلب معايا بحموضه جامد
يعني غممان وحموضه والله المستعان
انا عاوزة اولد بقا :(

بيض يالهوي انا ممكن اسيب البيت لو البيض دخله يابنتي ومن اول الحمل وانا كارهاه جدااااا حتى لما بطبخ بانيه او بوفتيك ولازم بيض بعمل كل حاجه واجي عند البيض انده جوزي يعمل الخطوه دي هههههههههه واخليه يعمل كميه على بعضها واشيلها جاهزه على التحمير في الفريزر .......الزبادي هاتي زبادي فواكه احلى كتير فراوله ومانجا بلاش خوخ كان بيعملي حموضه مش عارفه ليه .... حتى اللبن هاتي زبادو مؤقتا لحد ما القرفه دي تروح بعد ماتخلصي التالت ان شاء الله ...يعني من الاخر استهبلي وتحايلي على الموقف واوصلي للقيمه الغذائيه واضحكي على عقلك بالنكهات دي وخلاص :D:D

.. Hopes;15559340:
مبروووووووووك السرير
انا من رأيي متفرشيهوش دلوقت اصلا لما تولدي
اصل فرشه هياخد وقت اد ايه يعني

مانشي;15559343:
الحمد لله في أمل الناس ترجع تتكلم

ربنا معاكي يا سمر و يعدي الوقت اللي فاضل على خير و تقومي انتي و النونة بالسلامة

هبة معلش يا حبيبتي الحل بتاع سمر كويس بردو

احسن ما تجوعي نفسك انتي و البيبي

ربنا يعدي شهور الوحم دي على خير و نفسك تتفتح على كل الاكل :)

ميسو انتي عندك اطفال ولا ده اول حمل ليكي؟؟؟

مانشي;15559347:
مبرووك السرير يا سمورة عقبال ما تنيمي فيه البيبي إن شاء الله :)

و فعلا بلاش تفرشيه دلوقتي

انتي جبتيه خشب ؟

الله يخليكي ياميسو والسرير اه خشب بس متدلع ومتلون ومرسوم عليه قلوب بالوان كتيره كده هو اصلا اغلبه ابيض لكن داخل فيه شوية حركات باللون الاخضر ....للاني مش بحب اللون البني التقليدي ده وناس كتير جابت اللي هو الشبك البلاستيك ,عارفاه؟؟؟بتقولي بيحرر العيال جامد مع انه بيبقى ماركه بس الخشب طبعا اغلى بس الوحش كمان في الشبك البلاستيك ده انه مالوش طقم للفرش ومرتبته ناشفه لكن السرير الخشب ليه مرتبه محترمه زي مرتبة سريرنا والله والفرش معمول على مقاسه بالظبط ,فكده السرير الخشب احسن كتير

Desly;15559427:
يعنى الحمد لله فى امل بنتى تطلع هاديه و رقيقه:)
ما تقوليش كده يا سوووووووو انتى مش لوحدك كلنا اخواتك وبعدين انا مش خلصت ولا حاجه انا بدأت الموال والله المستعان
ربنا يقومك بالسلامه يارب يا سمر و ييسرلك حالك و امورك يااااااارب ربنا معاكىF:

ههههههه اه اتطمني ياسالي حتطلع رقيقه وصوتها واطي ومؤدبه ان شاء الله بس من فضلك ماحدش يعصبها علشان ساعتها حتفتح على الرابع وتديكي الصوت الاوبرالي بقى :D:D

مانشي;15559505:
صحيح سألت الدكتورة على كريم للسترتش مارك

قالت لي استخدم زيت لوز على زيت زيتون احسن من الكريمات

انا مقتنعه بكلام دكتورتك للاني كنت بستخدم الزيوت دي قبل الجواز لللاني كنت خسيت كتييييييييير فظهرلي الخطوط البيضاء دي في الجناب واستعملت الزيوت بانتظام وفعلا راحت بس ده ايام الروقان والفراغ هههههههه دلوقتي حتستحملي الزيوت دي ازاي والحامل اصلا جسمها بيطلع حراره وصهد بشكل فظيع !!!! انا بستحمى 4 مرات واكتر في اليوم وعلى طول حراااااانه وقاعده في وش التكييف

دلوعة الغالى;15559561:
سمر مبروك ياقمر على السرير عقبال لما النونة تنام فيه ياااااااارب وبلاش تفرشيه دلوقتى عشان مش يترب
ومبروك دخول التاسع ربنا يقومك بالسلامة يااااااااااااااارب

الله يكرمك ياايمي ويارب النونه تيجي بسرعه بقى للان بجد نفذ الصبر زي مابيقولوا ,,,هي تيجي بس وانا انفض بيها السرير مش مشكله بس تيجي ههههههههه ام مفتريه صح ..... لا بجد حاساها واحشاني من غير ماشوفها والله حاجه تقطع القلب امال لما اشوفها بقى :adore::adore:

سؤال لكل البنات وخصوصا للي ولدوا ,,,ايه هي الاعشاب او الادويه والمراهم والكريمات ومستلزمات الصيدليه اللي لازم نحضرلها قبل الولاده ؟؟؟ مش قصدي على حاجات الشاور , فهمتوني ياحلوين ؟

اه كمان سؤال صريح جدا جدا هههههه ايه هي الحاجات اللي اتدبستي وجيبتيها قبل الولاده وانتي فرحانه بنفسك وببطنك المكعبره دي وبعدين لاقيتيها ولا ليها اي لازمه بعد الولاده وطبعا خبيتي عن الراجل الغلبان اللي كع دم قلبه في الحاجات دي؟؟؟ ههههههه

بصى يا سوسو هاتى بيبى كالم دى اعشاب للبيبى
وهاتى ماء غريب و دنتينوكس للمغص و كحول عشان السره و كريم زنك اوليف عشان تدهنى بعد ما تغيريلها
بصى انا جبت الحاجات دى بس فى المستشفى هما ادوهالى بصراحه وفهمونى على كل حاجه فممكن فى المستشفى عندك يدوهالك حاولى تتاكدى
اهمممممم حاجه انك تدهنى النيبلز دلوقتى اوعى تستهونى بالموضوع ده

ايمى بنتى بديها ماء غريب بس هى لما بتعيط مش بتسكت الا اذا كلت دى الحاجه اللى ممكن تسكتها

صباح الخير يا حوامل يامبقللين :lol:
انا بدأت ابقلل مش عارفه كده من بدري ولا ايه بس البنطلونات مش بتقفل عليا بتاعة الخروج طبعا :D

د\امونة;15551284:
ايمو..........دكتور التخدير لالالالالالالالالالالالالالازم يفضل واقف ويراقب الموقف لان حياتك بين ايديه , وبعدين اي دكتور تخدير لازم بيراقب مستوى التخدير في جسم المريض ويزود الجرعة تدريجيا لو احتاج

وبعدين يا بنات انا سامعاكم بتتكلمو على الولاده القيصري انها ارحم , انا هحكي كلام صاحبتي وهيا ولدت طبيعي في الكويت وطبعا كانت لوحدها من غير اي حد من اهلها ما عدا جوزها
سالتها ايه اللي بيوجع اكتر ؟
قالتلي اكتر حاجة بتوجع الطلق لكن الولاده نفسها مش صعبة خالص
قلتلها طيب كشف النسا اللي قبل الولاده علطول بيوجع ؟
قالتلي : لان الواحدة بيكون فيها طلق هتتالم من اي كشف تحت , بس قالتلي ممكن تقولي للدكتور يستنى لحد ما الطلقة تعدي ويكشف و قالتلي ان الدكتور بيعرف ان الست متوسعة 10سانتي يعني جاهزة للولاده لما يقدر يدخل 4 صوابع :) قلتلها يا لهووووووووويييييييييي هههههههههههه
قلتلها طيب الخياطة من تحت بتوجع؟
قالتلي ,,,,,, ولا هتحسي بيها خالص , والخيط كلها ايام وبيدوب لوحده بس بتقعدي في ماية ومطهر لمده كام يوم وخلاص
بصراحة كانت بتتكلم بكل هدوء وطمانينه رغم انها كان ممكنم تخبي عليا وتخاف من الحسد بس بصراحة البنت طمنتني خالص
واكتر حاجة عجبتني انها قالتلي تاني يوم علطول تقدري تراعي طفلك من غير اي الم , وكمان لحظة خروج الطفل بيحطوه على صدرها ودي لحظة متتعوضش وقالتلي اللحظة دي بجد هتنسيكي هموم الدنيا

:D الله لازم يفضل واقف
انا مش هقول لجوزي عشان بجد هو رخم اوي ف الحجات دي انا اينعم هبقى مدايقه انه فيه راجل واقف وانا بولد بس جوزي بقى لو عرف هيولع فيا وف نفسه فخليه يتفاجىء لما اولد وخلاص
وبالنسبه للولاده والله يامونه انا بقيت محتاره جدا وخايفه اوي وبقول الحكايه فتح وخياطه يبقى من بطني واخلص عشان مرعوووووووووبه من حاجه اسمها طلق وبعدين ياريت الطلق يجي دلوقت اقوم والده دلوقت لا بقعد كتييييييييير ع مااولد مش عرفه دماغي مش بتبطل تفكير بس انا خلاص نويت ع القيصري وهو اكيد الاتنين تعب والطبيعي برده مش مريح ع فكره وتعب جداا وكل ولاده وليها ظروفها سبحان الله فيه ناس البيبي بينزل ع طول من غير فتح ولا يحزنون فربنا يسهلي القيصري واقوم بالسلامه انا وانتي وكل البنات يارب

نورالقمر999;15551396:
لا طبعا لازم يفضل موجود ياايمو وده يبقى دكتور ماعندوش ضمير لو خدرك وسابك للان هبيفضل يراقب تنفسك ونبضات قلبك ومدى استجابتك للمخدر او لو حصل اي مضاعفات لا قدر الله ... وبعدين انتي حتبقى في ملكوت تاني ولا دريانه بمين موجود ومين مشي فمتشغليش بالك بقى بالحاجات دي

انا عرفه اني مش هحس بمين موجود ومين بره بس هي المشكله ف جوزي هو مسافر ومش هيبقى هنا ساعه الولاده اصلا بس مش عرفه لو عرف حاجه زي دي هيقعد يخليني اقلب البلد ع دكتوره تخدير ومعندناش اصلا دكاتره ستات تخدير اجبله منين انا بقى ساعتها:!!:

&Nada&;15551507:
على فكرة انا والدة طبيعى ونفس ظروف صحبتك كدة يا امونة وشايفة ان تعب الطبيعى فى الطلق بس بعد كدة كلها حاجات بسيطة
يعنى الجرح اللى تحت دة اخره معايا انه كان بيشد عليا بس بسيط يعنى اهون من ارف الحمل والله
بس انا اتبهدلت فى الولادة من حاجات تانية ملهاش علاقة بالولادة الطبيعى الصحيحة :)

الحمدلله ياقمر انك قمتي بالسلامه عقبال التاني ياررررررررب

دلوعة الغالى;15552319:
اايمو ايووووون دكتور التخدير بيفضل موجود هو ودكتور الاطفال

ماما قالتلى انهم خرجوا من اوضة العمليات قبل مااانا اخرج على طول وطمنوا ماما عليا بره

ربنا معاكم كلكم يارب ويرزقكم ولادة سهله ووسيبوها على ربنا مش تفكروا فى الطبيعى ولا القيصرى ربنا بيعمل الخير لينا اكيييييييد

هع هع قوليلي اقول ايه لجوزي ياايمي ولا اكبر ومش اقله وخلاص واعملهاله مفاجأه كده لما افوق ان الدكتور كان واقف ان ان آآآآآآآآآآآآآآآآآآآن :-o

د\امونة;15552706:
ندى............ المشكلة دلوقتي ان احنا مبقاش عندنا طاقة نتحمل الم الطلق ههههههههههههه

انا لما كانت الدورة تيجي اجري اخد 2 كبسولة كيتوفان عشان محسش باي حاجة , مع انه كان اهون من الطلق بمراحل بس كنت بقول لنفسي اتحمل الالم ليه وربنا خلقلنا الدوا

هو مينفعش ناخد كيتوفان قبل ما نولد , اد 50 كبسولة مثلا هههههههههههههههههههههه


عموما يا بنات ادعو ربنا يختارلكم الخير في اي حاجة سواء طبيعي او قيصري , ويقومكن بالسلامة انتو والنونات

عشان كده هسالك لما تخرجي بتحسي بوجع وتقل في بطنك؟ , انا لما بخرج بحس بالم فوق الفظيع لدرجة اني بكون عايزة امشي وضهري محني من الالم , ولما برجع البيت بفضل يومين بطني شادة عليا , هو ده طبيعي ولا ايه.؟, انا في اخر السابع على فكرة وهدخل التامن الاسبوع الجاي ان شاء الله

فعلا ياقمر كلنا مش عوزين نحس بألم الطلق لانه مرعب بصراحه
بالنسبه بقى للتقل حدث ولا حررررررررج
اه طبعا ياحبيبتي بيبقى فيه تقل فوق الفظيع ولما تمشي بيزيد انا المشي ف البيت لما اقوم من مكان لمكان بحس اني شايله يجي 15 كيلو ف بطني وماشيه بيهم ربنا يعينا بجد ويعدي الشهور دي ع خير

&Nada&;15552762:

بس يا جماعة حاجة جانبية كدة
انا بحس ان الدعاء اثناء الولادة مستجاب ان شاء الله عن تجربة
لان الواحدة بتكون فى كرب شديييييييييد والم رهيييييب بجد

ههههههههههههههههه ضحكتيني اووووووووووي ع ممكن اسرب دي لا ان شاء الله ربنا يعملك ال فيه الخير وقتها ويقومك بالسلامه يارررررررب
وبالنسبه للدعاء انا هحضر لسته اقراها وانا داخله اولد :)

Desly;15554166:
[QUOTE=.. Hopes;15550644]

QUOTE]

الحمد لله يا حبيبتى ماشى الحال
لا كلى كل حاااجه بس قللى فى الدهون بس لكن اهتمى اوى اوى باللحمه والفراخ و الاسماك و السوايل و الخضااار حاولى تتذودى للى جاى بعد كده لان بجد بعد الولاده عايز صحه جامده عشان تقدرى ترضعى كويس وتاخدى بالك من البيبى لانه بيبقى عايز صحه مش هبوط و سخسخه:|

والله انا كنت مهتمه شويه في الشهور ال ف النص 4و5و6 بس جيت ف الاخر نفسي اتسدت وتعبت وبطني وجعاني ع طول مبقتش اكل حلو بس ع مااقدر بشرب عصاير وباكل فاكهه

Desly;15554172:
اه يا ايمو انا ولدت قيصرى و دكتور التخدير ما سابنيش لحظه بس فعلا انا كنت مطمنه بوجوده انا كنت واخده بنج نصفى وكنت مقلقه مفعول البنج يقف فى اى لحظه :lol:
عايزه اقولك حاجه هتقولى عليا بجحه و قليلة الادب انا فضلت طول العمليه اقوله امسك فى ايدى ما تسبنيش ههههههههههههههه وكان مسيحى كمان بس بجد لحظتها ما بتبصيش مين موجود ولا مش موجود

ههههههههههههههههههه ياخوفي م ال انا هعمله ربنا يستر ويعدي الولاده ع خير بدون اصابات ياررررررررررب

نورالقمر999;15554188:
انا بقى دكتوري العزيز اللي كابسني على طول طمني جدااااااااااااااااا اول امبارح وقالي ماتستنيش الولاده الا على اول الشهر الجاي (شهر اكتوبر)ومافيش بوادر ولاده خالص حاليا والامن مستتب وعنق الرحم مكلبش والبيبي راسه فوق ومدينا قفاه كمان هههههههههههه عيل رخم

ههههههههه معلش ياسمر هانت يا اوختشي ومبروك التاسع ياجميل انا اكتر حاجه مفرحاني بالحمل هو التيكر ده وخصوصا لما اقعد فتره مدخلش نت والاقي عمال يمشي كأني مش بعرف انا حامل ف الكام غير بيه ربنا يقومك بالسلامه يارب

د\امونة;15554969:
ان شاء الله هولد في المنصورة يا ندى بس بابا وماما وجوزي كمان مصرين اولد عند دكتور راجل , لما لقو الحكاية دخلت في الجد كله بئة جبان ومحدش عنده استعداد يثق في دكتورة ست , مع اني والله بدعي ربنا من قلبي ييسرلي الولاده عند ست لاني بصراحة حاسة ان كرامتي هتوجعني اوي لو ولدت مع راجل :thumbs_down:
فعلا والله الولاده كرب شديد ربنا يهونه على كل الستات يارب , ويارب يا ندى متسربيش وتولدي طبيعي المرة دي كمان F::)

انا دلوقتي في اخر السابع يا سمر وهدخل التامن يوم السبت ان شاء الله

انا كل الناس عوزين اولد عند راجل بس انا رافضه لاني بكسف وجوزي بقى لو الدنيا اتقلبت عمره مايوافق وبقول ربنا يجعلها ولاده سهله ع ايد الدكتوره دي يارب انا عرفه طبعا كلنا بنقول الرجاله اشطر وقلبهم اجمد ويعرفوا يتصرفوا بس ان شاء الله ربنا كبير وهيبارك ف ايد الحاجه ال هتولدني :D

انا بيني وبينك حجات بسيطه ع فكره يامونه انا يعتبر ف نص التامن اهو هنولد انا وانتي وسمر ومش فكره مين كمان ورا بعض الشات هيتملي بيبيهات:celebrate:

نورالقمر999;15559336:
يابنات باركولي جيبت سرير البيبي اخيرا بعد لف ودوران على كعوب رجليا ههههههه وجيبت الفرش بتاع السرير بس لسه مش فرشته ...افرشه امتى بقى؟؟؟اصل خايفه يترب او يتوسخ ... ولا انا كده حبقى متأخره؟؟؟

مبروك مبرووووووك يارب تشوفيها فيه قريب ان شاء الله ياحبيبتي
برأيي استني شويه ع فرشه يعني ع اخر الشهر كده
قوليلي صحيح ياسمر حضرتي الشنطه
انا عوزه ابدأ احضر بتاعتي بقى بس لسه مش عرفه اخد ايه معايا

يابنات حد بجد يطمنا ع كيتي هي راحت فين ؟

نورالقمر999;15561222:
سؤال لكل البنات وخصوصا للي ولدوا ,,,ايه هي الاعشاب او الادويه والمراهم والكريمات ومستلزمات الصيدليه اللي لازم نحضرلها قبل الولاده ؟؟؟ مش قصدي على حاجات الشاور , فهمتوني ياحلوين ؟

ما شاء الله ديلسي قالتلك كل حاجة غالبا مش عارفة ليه انا جايلي فقدان ذاكرة بس ما تقلقيش هما في المستشفى هايقولولك على كل حاجة و لو حاجة نقصت عادي الصيدلية موجودة .. أنا فاكرة اني قبل الولادة كنت قلقانة اوي و كل حاجة عاملالها موضوع و ليستة ... شنطتي و شنطة البيبي و حاجات قبل الولادة و بعد الولادة و دبيت معايا شنطة محترمة ما استخدمتش منها غير حاجات بسيطة أوي هدو نفسكو الموضوع بسيط جدا و ربنا يتمملكو كلكو على خير

نورالقمر999;15561225:
اه كمان سؤال صريح جدا جدا هههههه ايه هي الحاجات اللي اتدبستي وجيبتيها قبل الولاده وانتي فرحانه بنفسك وببطنك المكعبره دي وبعدين لاقيتيها ولا ليها اي لازمه بعد الولاده وطبعا خبيتي عن الراجل الغلبان اللي كع دم قلبه في الحاجات دي؟؟؟ ههههههه

اممممممممممم مش حاجات كتير اوي يعني جبت مشط لابني و مااستخدموش لانه كان زلبطة ههههههههه و الفرشاة استخدمها بعد حين و كنت جايباله بيبرونة شيكو ما استخدمهاش برضه و الوايبس جبتها و ما استخدمتهاش غير بعد سنة عشان اول مرة مسحتله بيها حسيت انها عملتله التهاب أصلا انا بافضل اغسل لببيبي بالمية و الصابون حتى لو كنت بره و ما تكتروش في اللبس من زيرو ل3 شهور عشان ما شاء الله بيكبرو بسرعة جدا اه و ابني برضه ما استخدمش التيتينة و لا المشبك بتاعها برضه و كنت جايباله فصافة برضه ما استخدمتهاش حسيت المقص أحسن ماركة شيكو برضه و البيرفيوم بتاع البيبي من جونسون جيبه و خفت احطله منه هههههههههه احسن يجيبله حساسية بس كده مش حاجات كتير أوي يعني :worn_out:

Desly;15561492:
بصى يا سوسو هاتى بيبى كالم دى اعشاب للبيبى
وهاتى ماء غريب و دنتينوكس للمغص و كحول عشان السره و كريم زنك اوليف عشان تدهنى بعد ما تغيريلها
بصى انا جبت الحاجات دى بس فى المستشفى هما ادوهالى بصراحه وفهمونى على كل حاجه فممكن فى المستشفى عندك يدوهالك حاولى تتاكدى
اهمممممم حاجه انك تدهنى النيبلز دلوقتى اوعى تستهونى بالموضوع ده

ايمى بنتى بديها ماء غريب بس هى لما بتعيط مش بتسكت الا اذا كلت دى الحاجه اللى ممكن تسكتها

انا حاجيبالحجات دي واخدها معايا المستشفى للاني مش عارفه نظامهم ايه هنا لسه ,استخدموها اوكى ولو مش استخدموها خير وبركه ووفروا هههههههه

.. Hopes;15561657:
صباح الخير يا حوامل يامبقللين :lol:
انا بدأت ابقلل مش عارفه كده من بدري ولا ايه بس البنطلونات مش بتقفل عليا بتاعة الخروج طبعا :D

عاتشي ياهوبس خالص ,,,بطنك حتبقلل شويه وخلاص علشان الرحم بيوسع وبيتمدد ,,, استني بقى النفخ من بداية الخامس كده وجيبي بنطلونات الحمل ضروري بلاش تلبسي ضيق بجد انتي والبيبي حتتعبوا

ايمووووووووو بالنسبه لموضوع دكتور التخدير راجل ولا ست بلاش الحوار ده وخليكي مع الدكتور الراجل للان فعلا الرجاله بيبقوا مركزين وملتزمين اكتر من الستات ومعلش بقى جوزك لا حيحضر ولا يحزنون يبقى تتوكلي على الله وتكبريله وحتى لو عرف بعد الولاده مش حيزعل وحتبقى موقف وعدى وبعدين بصراحه انا مش عايزه اخوفك بس حضرت موقف لدكتورة نسا ودكتورة تخدير معاها زباااااااااااااله ومنتهى قلة الضمير :دكتورة التخدير ادت حقنة المخدر بس لازم تستنى شويه لحد مفعول المخدر مايشتغل تقوم تقول لدكتورة النسا يلا اشتغلي خلينا نخلص بسرعه علشان الحق اروح اجيب العيال من المدرسه !!!!!!!!!!!!!!! شوفتي قلة الادب وقلة الضمير والانانيه وصلوا لفين ؟؟؟؟؟؟؟؟ وبعد كده تقوليلي ست ولا راجل!!!!!

مانا عاوزة اجيب البنطلون والله عشان ملبسش ضيق فعلا ببقي متضايقه اووي من اي حاجه تيجي علي بطني وتبقي ماسكه
بس اللي ممشيني اليومين دول عندي فستانين صيفي من الملونين دول
لبست واحد فيهم اول امبارح وانا رايحه فرح قامت حماتي مسابتنيش قعدت تقولي لابسه فستان حمل من دلوقت وتخنتي من دلوقت ومتاكليش كتير وحاجات كده :lol:
فقلت الحق اجيب البنطلون بدل مااسمعلي كلمتين تاني :D

عروسة نعومة;15561916:
ما شاء الله ديلسي قالتلك كل حاجة غالبا مش عارفة ليه انا جايلي فقدان ذاكرة بس ما تقلقيش هما في المستشفى هايقولولك على كل حاجة و لو حاجة نقصت عادي الصيدلية موجودة .. أنا فاكرة اني قبل الولادة كنت قلقانة اوي و كل حاجة عاملالها موضوع و ليستة ... شنطتي و شنطة البيبي و حاجات قبل الولادة و بعد الولادة و دبيت معايا شنطة محترمة ما استخدمتش منها غير حاجات بسيطة أوي هدو نفسكو الموضوع بسيط جدا و ربنا يتمملكو كلكو على خير



اممممممممممم مش حاجات كتير اوي يعني جبت مشط لابني و مااستخدموش لانه كان زلبطة ههههههههه و الفرشاة استخدمها بعد حين و كنت جايباله بيبرونة شيكو ما استخدمهاش برضه و الوايبس جبتها و ما استخدمتهاش غير بعد سنة عشان اول مرة مسحتله بيها حسيت انها عملتله التهاب أصلا انا بافضل اغسل لببيبي بالمية و الصابون حتى لو كنت بره و ما تكتروش في اللبس من زيرو ل3 شهور عشان ما شاء الله بيكبرو بسرعة جدا اه و ابني برضه ما استخدمش التيتينة و لا المشبك بتاعها برضه و كنت جايباله فصافة برضه ما استخدمتهاش حسيت المقص أحسن ماركة شيكو برضه و البيرفيوم بتاع البيبي من جونسون جيبه و خفت احطله منه هههههههههه احسن يجيبله حساسية بس كده مش حاجات كتير أوي يعني :worn_out:

تسلمي ياعروسه وفعلا البيرفيوم وكولونيا جونسون بيجيبه حساسيه للبيبهات ....اسمك ايه بقى ياباشا؟؟؟ فضول معلش ههههههههه انتي حامل دلوقتي ولا ايه النظام ؟؟وابنك عنده اد ايه؟؟؟ استجواب صح :lol:

.. Hopes;15561990:
مانا عاوزة اجيب البنطلون والله عشان ملبسش ضيق فعلا ببقي متضايقه اووي من اي حاجه تيجي علي بطني وتبقي ماسكه
بس اللي ممشيني اليومين دول عندي فستانين صيفي من الملونين دول
لبست واحد فيهم اول امبارح وانا رايحه فرح قامت حماتي مسابتنيش قعدت تقولي لابسه فستان حمل من دلوقت وتخنتي من دلوقت ومتاكليش كتير وحاجات كده :lol:
فقلت الحق اجيب البنطلون بدل مااسمعلي كلمتين تاني :D

هههههههه حماتك دي رهيبه بصراحه ,,, هو احنا حملنا بقينا تخان ووحشين ,ماحملناش بقينا معيوبين وبرضه وحشين !!!!! ياسااااااااااااااااااااااااتر يارب حماتي نسخه طبق الاصل من حماتي والله العظيم بس انا توصلت للاسلوب لولبي للتعامل معاها وخلتها تحط لسانها في بقها الحمد لله ,,,,اي خدمه في اي خناقه هههههههههه ربنا مايجيبش خناق

طب ماتنورينا بأساليبك اللولبيه يا عمنا :D

انا كل مابتكلم معاها والله لازم تبستفني عشان اي حاجه حتي لو مفيش تخترع موضوع عجيب تبستفني عشانه :lol:

ايمو صحيح نسيت اقولك انا بلا فخر ماحضرتش الشنطه خااااااااااالص بس الحاجات مفسها موجوده بس متبعتره في الاوده والدكتور احبطني بقى وكسر مقاديفي فحستنى شويه على تحضيرها

.. Hopes;15562014:
طب ماتنورينا بأساليبك اللولبيه يا عمنا :D

انا كل مابتكلم معاها والله لازم تبستفني عشان اي حاجه حتي لو مفيش تخترع موضوع عجيب تبستفني عشانه :lol:

مافيش يابنتي بقت تسأل في خصوصيات الخصوصيات واسئله محرجه وتخيلي بقى اقل سؤال محرج كان البريود بتجيلك امتى؟!!!!! :-o:-# فلكي ان تتخيلي بقية الاسئله كانت عامله ازاي ههههههه فبقيت اقولها اسئلي ابنك ...اه والله واصدره ليها في كل حاجه وهو بيرد ويقولها ماعرفش ,مش فاكر, مش بدقق, وطبعا ببقى مدياله الكورس قبلها ومحفظاه يقول ايه ومش يقول ايه :D ولما بتقول كومنت على لبسي اقولها ده ذوق تامر (جوزي)وهو الي مختاره تقوم مكبوسه وتقطع النفس ,او حتى لما حملت وقالتلي بتتخني بسرعه كده قولتلها ده لسه تامر بيقولي انتي مليتي واحلويتي اوي ياحبيبتي ههههههههه المهم انها بتاخد كل كبسه والتانيه تمام التمام ياهبه بجد وفي نفس الوقت ماتقدرش تقول اني قليلة الادب او لساني طويل نيا ها ها ها وبجد حرقة الدم وكلامها اللي يرفع الضغط قل كتيييييييير للانها عرفت اني مش بفوت وبرد على كل كلمه بعشره وردي بيبقى مفحم ومش بتحط منطق ههههههههه ايه رايك بقى يامعلم

ماهو انا بعمل كده ياسمر بس مفيش تغيير يعني :D
بتصر وتلح وتفضل تسأل جوزو في حاجات غريبه برضو
هبه عامله ايه بترجع؟ طب بتنام كتير ؟ طب عندها مغص ؟ :lol:
اللي هو اسئله عجيبه جدا والله مالهاش اي تلاتين لزمة يعني قولي ازيكو كويسين الحمدلله خلاص يعني مش لازم تفاصيل التفاصيل
وطابخين ايه النهارده وواكلين ايه النهارده وحاجات غرييييبه
وانتي لبسكو ده وحش ومش عارف ايه اقوم لابساهولها تاني :lol:
تقوم تسكت شوية وترجع تاني
طباع بقا :D
وفراغ