رابطة أمهات وأطفال مصر لشهر شوال .. والعيد فرحه وأجمل فرحه

sweetyronaaa;15570415:
لا يا نور ابدأي اديها الفيتامين

نهي انتى تقريبا كنتى بتسالي انا بدي ادهم خضار و لا لأ
اه بديه يا جميل

بدأتي تديله من امتى وتقبله ولا لا

sweetyronaaa;15570430:
الدوا ده فيتامين د النشط
ده بياخدوه عشان يثبت الكالسيوم على العضم
لان من غيره الكالسيوم مش بيثبت على العضم خالص و مبيقالوش اى لازمه

واحه تغيير البامبرز بتشطيف بسيط كل مره و انا عن نفسي ادهم شبه بيستحمي
لانى بغسله ايديه و رجليه و بطنه و وشه يعنى من الاخر اللي بيجي في سكتى بغسله
هههههههههههههههههههههههههههههه
و اوعي تستعملي بودره التلك دي دي خطر جدااااااااااااااااااااااااااااااااا
استعمليله اى كريم زى زنك اوليف او كريم سانوسان او فازلين بيبي ده بجد رائع

ليه يارونى البودره خطر

البامبرز بتغيريه طبعا لو عمل كيكي تغيري فورا
ولو مش عمل تغيريه مثلا كل 4 او 5 ساعات انا يعني بعمل كدا ...
ولما بغير لها بشطفها بمية كدا .. واسيبها تنشف وانشفها كويس وادهن لها كريم سودو كريم او زنك اوليف او كدا واسيبب جسمها يتشربه وبعدين البسها البامبرز
وبودرة التلك ممنووووووع استخدامها على االمنطقة الحساسة بالذات للبنات

للاسف يابنات هقوم ملحقتش اكلم معاكو

لو عايزة اى سؤال ابتيلى ع الخا

سلاااام ياحلوين

مها هوالدكتور ده فى المشايه تقريبا

معلش ياحبيبتى ان شاء الله تخف يارب

اففففففف
كارمن بقت تزن زن فظيع عشان تنام
مااكنتش كدا بقت بتطلع عيني تفضل تعيط وتتشنج كدا وتصرخ لو حاولت ارضعها
وهي عايزة ترضع وتنام
الاول كانت بتنام عادي خالص .. ولما بدات الزن ده كانت بتزن عشان تنام بالليل
دلوقت بالليل وبالنهار وحاجة تطهق بصراحة انا بكره الزن والعياط وهي صوتها عاااااااالي اوي
وداني خلاص اتخرمت

انا كتبت اسم الدوا يابنات وهخلى جوزى يجبهولى

وهحاول اقعدها فى الشمس على اد ما اقدران شاء الله

وربنايخليكم يارب ويبارك ليكم فى اولادكم

هقوم علشان بوسى صحيت من النوم وجعااااااانه

معلش يا مروة كلهم كدة بصراحة اعتادى بقا على الصوت العالى لا والى يغيظنى لما تصررررررررررخ فجاة كدة بجد ببق هتجننننننن وبطلع اجرى لما على راى جوزى هكسرى رجل ولا حاجة بسببها بتخنق لما بتكون بتعيط بدون سبب يعنى شبعانة ومغيرة ومفيش مغص ببق هتجنن مش بحب اكون مش فاهماها

عيال بجد هتجنن مش عارفة اطبخ اية استغفر الله العظيم زهققققققققققققت

ليه يارونى البودره خطر[/QUOTE]

لية يا رونى البودرة خطر
دى ممنوعة من ايام فحت البحر يا بنتى بيقولوا غلط لية مش عارفة الصراحة

البودرة غلط لانها بتدخل جوه الجسم بالنسبة للبنات وليها تاثير عامل زي الاسبستوس
اكتشفوا ان لها علاقة بسرطان المبيض
وبالنسبة للجسم لو رشيتيها والطفل استنشقها غلط عليه
انا لما بحب احط لكارمن بحط على ايدي واحط على ضهرها او بطنها كدا مش فاماكن الكسرات عشان بتكلكع وتعمل عجينة كدا وتسد المسام

اشري انا كمان مش عارفه اطبخ ايه بس عايزة اسلق الفراخ عشان اعمل شوربة لسان عصفور لمحمد عشان تعبان

بقولكوا يا بنات
بخصوص الغسيل بقا بتاع زهرة انا بغسل غسيلها كلة على ايدى بالمسحوق عادى وبشطفة بداونى وبس مش بحطة فى الغسالة كدة صح ولا انا محبكاها ؟؟ اصلة كمان عشان يتحط فى الغسالة لازم يبق كمية ولاااازم يبق لوحدة من غير غسيلنا احنا يعنى ودة طبعا مش بيحصل عمرى ما بستنى علية يكتر ويبق كمية كدة تمام ؟؟

شورة الخضار هتبق احلى وافييييد يا مروة مدام بتقولى انة مش بياكل اكل صحى كتير
منا بردو فكرت فى الفراخ بس محتااارة اووى مش عارفة اعملها اية بالظبط واعمل جمبها اية

اعتقد صح يا اشرى ان هدومها تتغسل لوحدها انا كمان بفكر اعمل كده ان شاء الله

انا بغسل غسيلها ف غسالة الاطفال ماما جابتلي واحدة لما ولدت
وساعات ف غسالتي الكبيرة بس بتاعتي بتتعبى من فوق فبتاخد اي كمية عادي بظبطها على اقل حاجة
وده طبعا لاني فاشلة ومبعرفش اغسل على ايدي
قعدت مرة اغسل لبس كان جه عليه بيبي قعدت اغسله على ايدي محمد فطس من الضحك وقعد يتريق عليا ويقولي ده اسمه عك الي بتعمليه هههههه


شوربة الخضار انا مش بحبها خالص واعتقد هو كمان
انا بقول اعمله شوربة لسان عصفور وياكلها بلمون كدا

ههههههههههههههههههههههههههههههههههههههههههههههههه كارمن ديه صاحبه رورو بيتفقوا علينا

بصي يامروه انا مش بحبطك ولا حاجه بس هما كده فعلا كل ماتكبر كل ماتطلب حاجتها بالزن
واوحش زن هو زن النوم ده اف عليه بجد
لا ورورو مصطدانى بقاله 5 ايام على التوالي تنام على الساعه 1 وتصحى 3 كده على سرخه واحده وتشنج وعياط هستيرى كأن فيها حاجه بس بيبقى مافيهاش اى حاجه والله ولا مغص ولا حاجه عشان امبارح اديتها دوا المغص قبل ماتنام وبرضه عملت كده بتفضل بقى كده على الحال ده ممكن ساعه او ساعه ونص مش فهماها بجد
اخويا خلاص بيقولى هتسافري امتى :lol: زهق مننا هههههههههههههههههههه
ربنا يهديهم يارب وبعد كل ده تصحالي الساعه 7 ونص الصبح اهئ اهئ :'(

لا يااشري معرفش البودره خطر ليه والله اول مره اعرف

انا بغسلهم برضه لوحدهم بس مش على ايدى ده مستحييييييييييييييييييييييييييييييييييل
بحطهم فى الغساله واعملهم على نظام النص ساعه

ليه يا اشري انا بحط غسيل ادهم مع لبسنا عادي
البودره خطر لانها بتسد المسام

نهى انا اديته الخضار و هو عنده 4 شهور و نص
و حبه اه بس محبش الكوسا خالص
انا بعمله بطاطس و جزر مسلوقين و بحطله عليه ملح و كمون بس الملح يكون بسيط مش يبقي مملح زى اكلنا
و كمان ساعات باكله جبنه نستو مع الخضار بيحبه اوى كده

اشري افتحى الميل بسرعه عوزاكي

انا مش عارفه اخليها تحبه رفضاه خالص انا جربت الكوسه لوحدها ومره عملتهالها هى والجزر مع بعض بس رفضتهم نهائي كأنى كنت بديها ........... يع هههههههههههههههههههههههههه

طيب اجربلها البطاطس واحط عليها الجبنه انا جيبالها جبنه لافاشكيري لايت عشان تكون خفيفه عليها بس يادوبك دوقتهالها بس لاقيتها حبيتها عن اى نوع تانى

انا كمان ساعات بغسلهم مع لبسنا
بصفة عامة انا مبدأي ف الغسيل سمك لبن تمر هندي ههههههههههههه
لا بجد ... التدقيق اوي ف حاجاة الاطفال بيتعبهم زيادة

مسك ممكن تجربي برطمانات جربر في منها بالخضار والفاكهة