رابطة أمهات وأطفال مصر لشهر شوال .. والعيد فرحه وأجمل فرحه

مش عارفة والله كده حتخلوني اتراجع
طب تفتكرو لو حطيته مع باقي الاعشاب برضه حيأثر ولا ايه


مش تباركولي غيرت اسمي
هههههههههههههههههههههههههيييييييييييييييييه

طب ماتجربي تديها حمام دافي وتغيري كل هدومها
وترضعيها رضعة اعشاب وتشوفي كده
وتهدي الانوار يعني جربي

ايوه يا شيرى مانا بتكلم انها تعبت انه على طول فى بوقها خصوصا طول الليل و روحت لكذا دكتور قالى غلط جدا انه يفضل على طول فى بوقها والله الدكتور اخر مره قالى خليها تعيط ما ينفعش كده قولتله طب اديها صناعى رضعه واحده فى الوم بالليل عشان تهدى هو قالى مالهاش لازمه بس هحاول حاضر تاااانى انى مديهاش الرضعه المنيله دى مع انها بتنام بعدها

بصوا بقى حقولكم من الأخر
كلام سمعتة من كذا حد أمريكى

البيبى بيقعد 9 شهور فى ضلمة كحل وهدووووووء

يخرج للدنيا نقعدة فى النور والدوشة و100 راجل وست يبوسوه ويشم برفانات على روايح على عرق
ونعمله السبوع ونسرعة بالدوشة والأنوار
وإللى يشيلة يهشتكة ويرج فيه
وإللى يرزع ضهرة يكرعة

وهوة مش حمل كدة خااالص

عندهم بقى البيبى بيقعد 6 شهور محدش يشوفة
نايم فى أوضة ضلمة خالص على طول
يا دوب مامتة ترضعة وينام على طول

فبيطلع هاااااااادى ولطيف مش مخضوض ومسروع زى عندنا

وخصوصا إنهم بيتأثروا بأى حاجة وبالذاااااات الروايح

أنا غلطت الغلطة دى
وكنت بنيم عمر فى النور وأقول علشان يتعود عالنور والدوشة مش كل ما أخرج بيه يزهقنى

لكن بالعكس خالص

إللى عملت كدة بقى ما شاء الله على إبنها هية أمريكية وأسلمت وإبنها كمييييييييييل وهااااادى وبدماغة كدة طول الوقت ما شاء الله عليه

Desly;15554268:
طب اعمل ايه يا مرووووووه قوليلى لو مكانى هتعملى ايييييه
هتديها ترضع منك عشان تهدى ولا ايه
انا بديها ترضع بتهدى بمجرد وجوده فى بقها حتى لو ما رضعتش بس وبعدين هننفضل كده بئه

ما كلنا كنا مكانك يا بنتى
هوة تعب أعصاب وصداع بس لازم تستحملى وإلا حتبطل ترضع خالص

أنا كنت بدى أعشاب بدل الرضاعة لما أحس صدرى فضى

بصى انا كل يوم على الساعه 10 او 11 بالليل بروح مغيرالها ومدياها حمام دافى و بلوشن ما قبل النوم ده و ارضعها و انيمها بتنام
ماشى مافيش نص ساعه والاقيها مفنجله و ساعات احطها على السرير بعد الرضعه تصحى على طول اقول مش مشكله افضل اطبطب عليها وهى على السرير عشان تنام وببقى مشغله الوناسه بس لاننا اصلا بنام بالليل فمش بيبقى فى دوشه
ساعات تنام و تصحى بعد ساعه او ساعتين تفضل تعيط عايزاه هى مش بتبقى جعانه بس عايزاه فى بوقها وخلاص وبتبقى بتعيط وتصوت وهى نايمانه خااااااااالص عارفه عياط القريفه ده ومش بتسكت غير هو فى بوقها
بس انا مش عازه اعودها على كده
قولولى اعمل ايه طيب
اسيبها تعيط و خلاص وهى واحده واحده هتسكت

طب والله حلو الكلام ده يا شيري فعلا كلنا بنقول يتعود
ربك كريم وينفع في الى جاي الواحد مش ناقص
ولو ان الى عندي منتظرينمجيه علشان يلبعو على طول
معندهمش مووضوع انه بيبي ده ههههههههههههههههه

Desly;15554283:
ايوه يا شيرى مانا بتكلم انها تعبت انه على طول فى بوقها خصوصا طول الليل و روحت لكذا دكتور قالى غلط جدا انه يفضل على طول فى بوقها والله الدكتور اخر مره قالى خليها تعيط ما ينفعش كده قولتله طب اديها صناعى رضعه واحده فى الوم بالليل عشان تهدى هو قالى مالهاش لازمه بس هحاول حاضر تاااانى انى مديهاش الرضعه المنيله دى مع انها بتنام بعدها

إنتى ساكنة فين؟
أنا عندى دكتور بتاع عمر ما شاء الله عليه
رااااااااااااااااائع
كان عمر جالة دور سخونية ومفاقش منه
وكل ما نروح لدكتور يغير المضاد الحيوى الحرارة تذيد
لحد ما هوة ربنا يكرمة إكتشف السبب على طول
ومن ساعتها وإحنا معاه
وهوة كمان إللى إكتشف موضوع ودانة

وتكلمية فى أى وقت يرد عليكى

ما شاء الله عليه وذووووووووووووووووووق جدا

فى وش جمعية الوفاء والأمل

عطرالحياةالياسمين;15554306:
طب والله حلو الكلام ده يا شيري فعلا كلنا بنقول يتعود
ربك كريم وينفع في الى جاي الواحد مش ناقص
ولو ان الى عندي منتظرينمجيه علشان يلبعو على طول
معندهمش مووضوع انه بيبي ده ههههههههههههههههه

الأمريكية دى أصلا عندها ولد وبنت كبار برضة
ونجح الموضوع
هية بتسيبة فى الأوضة وقافلة عليه والدوشة برة

ولازم طبعا تعلميهم من الأول مايجوش جمبة غير وإنتى قاعدة لأن السن دة كوارث

والله يا ديزلي انا حاسة بيك
انا كنت فعلا عاملة نفسي سكاتة لاولادي
خاصة انهم كانو بينامو جبني وانا كامن عايزة انام
فاقول مش مشكلة شوية وحيسيبه من نفسه
لكن هو فعلا غلطك لانه كمان بيدخله هوا جامد ونعان يبقى من الانتفاخات
انوي والنية على الله سبيها بقى شوية تعيط اديها اعشاب
منمتش تعالى على نفسك وصحيها وافضلي صاحية

ايوه فعلا يا شيرى انا بنتى بتتفزز كتيرررررررر اوى مع ان مافيش دوشه حواليها اصلا بيتنا هادى خالص وماحدش كتير بيشوفها وفعلا لما خالتى جت وفضلت تشيل وتهز فيها البنت بقت على صرخه واحده وحسيت انى بهدلتها فى اليوم ده

انت حتقليلي يا شيري
والله على قد ماهم كبار خايفة منهم
هههههههههههههههههه
هو مش حيعرف يرتاح الا وهم في المدرسة
وربك يسهل لم يوصلو
حاسة اني بتفرج على فيلم دلوقت وعمالة اتخيل

Desly;15554304:
بصى انا كل يوم على الساعه 10 او 11 بالليل بروح مغيرالها ومدياها حمام دافى و بلوشن ما قبل النوم ده و ارضعها و انيمها بتنام
ماشى مافيش نص ساعه والاقيها مفنجله و ساعات احطها على السرير بعد الرضعه تصحى على طول اقول مش مشكله افضل اطبطب عليها وهى على السرير عشان تنام وببقى مشغله الوناسه بس لاننا اصلا بنام بالليل فمش بيبقى فى دوشه
ساعات تنام و تصحى بعد ساعه او ساعتين تفضل تعيط عايزاه هى مش بتبقى جعانه بس عايزاه فى بوقها وخلاص وبتبقى بتعيط وتصوت وهى نايمانه خااااااااالص عارفه عياط القريفه ده ومش بتسكت غير هو فى بوقها
بس انا مش عازه اعودها على كده
قولولى اعمل ايه طيب
اسيبها تعيط و خلاص وهى واحده واحده هتسكت

أيوة أنا كنت بسيب عمر يعيط
وشوفى إيه أكتر فترة هية بتنام فيها ويبقى دة بليل بالنسبالك خلاص تنامى فيه
وطول الليل تصحى

أنا شخصيا كنت كدة وأعتقد كل الأمهات كدة
وغالبا الوقت دة بيبقى من الضهر للساعة 4 أو من 8 الصبح لما يكون إتهد حيلها فرك طول الليل لحد 12 الضهر

السلام عليكم

شيرى كلامك حلو اوى وفيه لخبطه ف الاقاويل الواحد ماعادش عارف يتصر ف ازاى مع عياله ؟؟ربنا يربهملنا بقى

أنا بقولكم على إللى ناوية عليه البيبى الجار لو ربنا أمر يعنى
والله بنصحكم من قلبى وربنا شاهد
وبجد تعبنا دة هوة إللى بيفضل عند ربنا وبيه ربنا بيكرمنا فيهم وبيبقوا باريين بينا

انا فى مدينة نصر يا شيرى و انا بيتى فى زهراء مدينة نصر طب ما تقوليلى فين عند الوفاء والامل ده يبقى قريب منى جدا

ياسالي مانا كنت زيك والله وكانت كارمن تفضل تزن .. ومحمد يقولي مدام مش بتشبع منك نجيب لها لبن صناعي
والله ساعات كنت احطها ف سريرها يجي 10 ولا 15 مرة
احطها تصحى اشيلها ارضعها تنام احطها تصحى وهكذا
لكن الاصرار ثم الاصرار
ماتحطيهاش ف سريرها غير لما تروح ف النوم خالص جربي كدا
وبعدين يابنتي انتي عايزاها تنام 6 ساعات على بعض
لما تنام ساعة ولا ساعتين وتصحى شيليها رضعيها رضعة حلوة وتنام تاني ساعة ساعتين وهتصحى
مع الوقت وقت النوم هيطول وعدد مرات الصحيان هيقل

&pinky tears&;15554327:
السلام عليكم

شيرى كلامك حلو اوى وفيه لخبطه ف الاقاويل الواحد ماعادش عارف يتصر ف ازاى مع عياله ؟؟ربنا يربهملنا بقى

وعليكم السلام ورحمة الله وبركاتة

فعلا دة إنتى حتسمعى شوية لخبطة محترمة

بس إنتى حتجربى وتتعلمى بقى واحدة واحدة

كانوا يقولولى للإمساك أكليه تفاح مسلوق

وبعدين يقولولى لأ التفاح المسلوق يمسك زيادة وأنا أجرب فى الغلبان ومفيش فايدة لا مسك ولا ساب
هههههههههههههه

سولا انا اندهشت لما عرفت انك ولدتى
مباااارك ربنا يباركلك ف البنوته سمتيها ايه بقى ؟ وحلوة شبهك ولا شبه مين ؟

اسماء ام عمر ازيك عامله ايه عرفتى النوع ولا لسه ؟

مبروك الاسم الجديد يا سمسمه
و فعلا الدكتور قالى هو ده اللى بيعملها المغص الشديد انه على طول فى بوقها

شيرى انا حاسه ان احنا اللى بنعصب ولادنا والله وبعدين نشتكى انهم عصبيين يارب اهدينا للطريقه الصح