الدمشقية;15565607:
يسعد مساكي يارب شامية طل القمر والله ربي يحميكم ويكون الكم معين ياااارب ..... قلوبنا عندكم ومالنا الا الدعاء ..........
يالله منيح اللي شيكتي وعرفتي سبب قطع النت ... انا ادمنت عليه مابتخيل اجلس يوم كامل من غير نت هههههه
وانتي بالف خير حبيبة قلبي ويالله الله يعينك يارب بحس بمعاناتك مع الطرقات والمدرسة وخاصة بهالاوقات الصعبة لان اختي مدّرسة متلك والله يحميكم احسن شي
برافو كتير حلو قرار السيارة مع ان البنزين عندكم ناااار وشاعلة بس مع هيك مابيقدر الواحد من غير سيارة مباركة مقدما والله يجعلها قدم خير عليكم
والله يسلمك يارب بدنا خدمة تحرز وهنا وعوافي على الحلويات كللي وعوضي ومو بس فكرة المقلاية بتشجع كمان سهلة وسلسة والله مبارح عملت هريسة كانت سورية عندي طلعت بتجنن بس فارطة شوي ليييييش مابعرف .. المهم اكلنا حلو هههه
وما شالله عليكي مو بس كهينة خخخخخ كمان شطووورة والله واكيد معمولاتك اطيب من معمولات حماتك لان كل الحموات بفكروا انو اكلهم مافي اطيب منو ومستحيل يعترفو بشي تاني بقى بدك ياها تعترف انو ككككككككككننننتتتتها بتعمل اطيب نوووووو وي ههههه
والله انا ماعملت وجبت جاهز ومشي الحال
تسلميلي يارب دمشقية يا ستي وأنا لما بقعد بفتح النت راحت معي لذلك ما بفتحو الا اذا كنت فاضية تمام يا ستي رهيب شو بيلهي وبيسلي والله كان صديقي بالغربة ومنشان السيارة معك حق البنزين نار بس أنا م دور على وحدة اقتصادية نوعا ما وهي للشغل يعني رح توفر علي وقت كتير بين ما تصلي على بيتك بساعة ونص وبين ما تصلي بربع ساعة بتفرق كتير يعني أنا بخلص 12 ونص وكنت أوصل عالبيت مو قبل الوحدة ونص تنتين
تسلم ايديك على الكنافة ساويتها مبارح وزوجي شو حبها أنا وياه تسابقنا عليها سباق بدي ارجع عيدها أكيد
ومنشان حماتي معك حق الظاهر أنت كمان مارر على راسك شبيه لهالقصة أنت وحماتك بس ردت فعلن حلوة ما بتبين الغيرة بنووووووووب
سورية وبفتخر;15567050:
الله يسعد اوقاتكم جميعا
زهورة بسم الله ماشاء الله يعني عندك التلاتة بالمدرسة الله يقويك ويفتح عليهم وعقبال ماتشوفي حمودة بالمدرسة
والله يحمل مع كاتس وييسرلها ولادتها يارب
روح عامر وانتي ان شاء الله بتتيسر نزلتك على سوريا وتشوفي اهلك بخير وسلامة واذا اكلتي اشة كلي واتذكريني هههههههه
شامية مية اهلا وسهلا نورتي والله الحمدلله يلي اتطمنا عليك بخير وسلامة الله يكون معكم ويكون الكم معين
وفكرة السيارة كتير حلوة الله ييسرلكم الامور يارب وبوسة كبيرة لسالم
وبس تكوني فاضية اكتبيلي طريقة المعمول تبعك مو تبع حماتك ههههههههههههههه فضلا لا امرا
تسلميلي يارب لاء الحمد لله لساتني بخير ووبوسة سالم أكيد وصلتو
روح عامر;15567389:
شو القصة ماحدا عم يدخل عالنت اكيد مشغوليين بالمدارس
الله يوفق الجميع بوسولي كل ولادكون الحلوين
سلاااام
نحنا هون موجودين أكيد عم نحضر للمدرسة بس مو منشان سالم منشاني
لولية;15567479:
مسا الخير على أحلى بنوتات كيفكن يا حلوات أنا عم ادخل واقرأ أخباركن دائما بس متل العادة هلأ مشغولة كتير بالتحضير لخطبة بنتي ياسمين حتكون ان شاء الل ب 21 شهر عشرة وبلشت كمان من هلأ حضر لعرس بنتي الصغيرة حيكون ب 24 شهر سته سنة الجاي بس اكتشفت إنه يدوبني لا واتأخرت كمان لإنه بالزور لقينا هاليوم
اشتقتلكن كلكن خيرات الله وبليز ما تنسوني قد من غبت شطورين إنتو اوكي
ياستي ان شالله الأفراع عامرة سبحان الله شلون كفت نصيب بناتك سوا وماعاد لحقتي الله يتمم على خير يارب متل ما بيقولو بيت البنات فاضي لأنو بيتزوجو من غيرشر بسرعة سلامي لبنوتاتك يلي بيجننو ما شالله عنن